Қазақстан Республикасы Президентiнiң жанындағы Құқықтық саясат жөнiндегi кеңес туралы ереже
Қазақстан Республикасы Президентiнiң 2002 жылғы 19 ақпандағы N 303 өкiмiмен бекiтiлген 2-қосымша Қазақстан Республикасы Президентiнiң 2002 жылғы 19 ақпандағы N 303 өкiмiмен бекiтiлген 2-қосымша Ескерту. Қосымша жаңа редакцияда - Қазақстан Республикасы Президентiнiң 2003.04.11. N 374 өкiмiмен. Қазақстан Республикасы Президентiнiң жанындағы Құқықтық саясат жөнiндегi кеңес туралы ереже 1. Жалпы ережелер 1. Қазақстан Республикасы Президентi жанындағы Құқықтық саясат жөнiндегi кеңес (бұдан әрi - Кеңес) Қазақстан Республикасы Президентiнiң жанындағы консультативтiк-кеңесшi орган болып табылады. 2. Кеңес өз қызметiнде Қазақстан Республикасының Конституциясын және заңдарын, Қазақстан Республикасы Президентiнiң актiлерiн, өзге де нормативтiк құқықтық актiлердi, сондай-ақ осы Ереженi басшылыққа алады. 2. Кеңестiң негiзгi мiндеттерi Кеңестiң негiзгi мiндеттерi: 1) мемлекеттiк органдардың Қазақстан Республикасының Құқықтық саясат тұжырымдамасын iске асыру жөнiндегi жұмысын үйлестiру; 2) құқықтық жүйенi дамытудың негiзгi бағыттарын әзiрлеу, жүргiзiлiп отырған құқықтық саясаттың әлеуметтiк-экономикалық сала мен мемлекеттiк құрылыстағы реформалармен үйлесiмдiлiгiн қамтамасыз ету; 3) стратегиялық мiндеттердi айқындау, қылмысқа қарсы күрес саласындағы мемлекеттiк саясатты iске асыру жөнiнде ұсынымдар мен ұсыныстарды талдап жасау; 4) заңнаманы жетiлдiру, мемлекеттiк органдардың заңнамалық және өзге де нормативтiк құқықтық актiлердi орындауын бақылау жөнiнде ұсыныстар әзiрлеу және енгiзу, неғұрлым маңызды заң жобаларының тұжырымдамасын айқындау; 5) Қазақстан Республикасының Президентiн елдегi заңдылық пен құқық тәртiбiнiң жай-күйi туралы хабардар ету. 3. Кеңестiң құқықтары Кеңестiң өзiне жүктелген мiндеттердi iске асыру және өзiнiң функцияларын орындау үшiн белгiленген тәртiппен: 1) Қазақстан Республикасының Құқықтық саясаты тұжырымдамасының iске асырылуын бақылауды жүзеге асыру, мемлекеттiк органдардың осы саладағы норма түзушiлiк және құқық қолданушылық қызметi мәселелерi жөнiндегi жұмысын үйлестiруге; 2) мыналар: заңнаманы жетiлдiру; мемлекеттiк органдардың заңнамалық және өзге де нормативтiк құқықтық актiлердi орындауына бақылауды күшейту; Қазақстан Республикасы заңдарының және өзге де нормативтiк құқықтық актiлерiнiң орындалуын қамтамасыз етпеген құқық қорғау және өзге де мемлекеттiк органдар басшылары мен өзге де лауазымды адамдарының жауаптылығы жөнiнде ұсынымдар мен ұсыныстар әзiрлеуге; 3) мемлекеттiк органдар, үкiметтiк емес ұйымдар мен ғылыми ұжымдар дайындаған нормативтiк құқықтық актiлер жобаларын әзiрлеуге; 4) халықаралық құқықтық ынтымақтастық мәселелерiн қарауға қатысуға; 5) норма түзушiлiк және құқық қолданушылық проблемаларын талдау мен зерделеуге қажет болған жағдайда мемлекеттiк органдар мен ұйымдардың мамандарын тартуға, неғұрлым маңызды нормативтiк құқықтық актiлер жобаларын әзiрлеу үшiн жұмыс топтарын құруға; 6) мемлекеттiк органдар мен ұйымдардан ақпарат сұратуға; 7) қылмыстық қолсұғушылық пен құқық бұзушылықтан азаматтардың құқықтарын, бостандықтары мен заңды мүдделерiн қорғауға байланысты құқық қорғау және өзге де мемлекеттiк органдар қызметiнiң, қоғам мен мемлекеттiң заңмен қорғалған құқық тәртiбiнiң өзектi мәселелерiн қарауға; 8) Қазақстан Республикасының заңнамасына сәйкес өзге де өкiлеттiктердi жүзеге асыруға құқығы бар. 4. Кеңестiң жұмысын ұйымдастыру Кеңеске басшылықты оның төрағасы жүзеге асырады. Кеңестiң дербес құрамын Қазақстан Республикасының Президентi бекiтедi. Кеңес мүшелерi отырыстарға ауысу құқығынсыз қатысады. Кеңестiң жұмыс жоспарын Кеңес төрағасы Кеңес мүшелерiнiң пiкiрiн, сондай-ақ мемлекеттiк органдардың ұсыныстарын ескере отырып бекiтедi. Отырыстың күн тәртiбiндегi әрбiр мәселе бойынша шешiмдер ашық дауыс берумен қабылданады және оларға отырысқа қатысушы Кеңес мүшелерi жалпы санының көпшiлiк дауысы берiлсе, қабылданды деп есептеледi. Дауыстар тең түскен жағдайда, төраға дауыс берген шешiм қабылданды деп есептеледi. Кеңес шешiмдерi хаттамалармен ресiмделiп, оларға төраға қол қояды және мүдделi мемлекеттiк органдар мен ұйымдарға жiберiледi. Қажет болған жағдайда Кеңес шешiмдерi Қазақстан Республикасы Президентiнiң, Үкiметiнiң, Премьер-Министрiнiң, орталық атқарушы және өзге де мемлекеттiк органдарының актiлерiн шығаруға бастамашылық ету жолымен iске асырылуы мүмкiн. Кеңестiң жұмыс органы Қазақстан Республикасы Президентi Әкiмшiлiгiнiң Мемлекеттiк құқық бөлiмi болып табылады, ол Кеңес отырыстарына хаттамалар мен басқа да қажеттi материалдар дайындайды және белгiленген тәртiппен Кеңес қабылдаған шешiмдердiң орындалуына бақылау жасауды қамтамасыз етедi. Ескерту. 4-бөлiмге өзгерту енгiзiлдi - ҚР Президентiнiң 2004.12.15. N 1504 , 2005.11.11. N 575 , 2006.02.20. N 26 , 2007.02.05. N 94 , 2008.04.24 N 576 Өкiмдерiмен.
|