Қазақстан Республикасы Үкіметінің 2009 жылғы 9 шілдедегі N 1040 Қаулысы
Қазақстан Республикасы Үкіметінің резервінен қаражат бөлу туралы "2009 - 2011 жылдарға арналған республикалық бюджет туралы" Қазақстан Республикасының 2008 жылғы 4 желтоқсандағы Заңына және "Бюджеттің атқарылуы және оған кассалық қызмет көрсету ережесін бекіту туралы" Қазақстан Республикасы Үкіметінің 2009 жылғы 26 қаңтардағы N 220 қаулысына сәйкес Қазақстан Республикасының ҮкіметіҚАУЛЫ ЕТЕДІ: 1. Қазақстан Республикасы Индустрия және сауда министрлігіне 2009 жылға арналған республикалық бюджетте көзделген Қазақстан Республикасы Үкіметінің шұғыл шығындарға арналған резервінен "Ақтау теңіз порты" арнайы экономикалық аймағының инженерлік инфрақұрылымының құрылысын бастау үшін Маңғыстау облысының әкімдігіне нысаналы даму трансферттері түрінде аудару үшін 349999000 (үш жүз қырық тоғыз миллион тоғыз жүз тоқсан тоғыз мың) теңге сомасында қаражат бөлінсін. 2. Қазақстан Республикасы Қаржы министрлігі бөлінген қаражаттың мақсатты пайдаланылуын бақылауды жүзеге асырсын. 3. Осы қаулы қол қойылған күнінен бастап қолданысқа енгізіледі.
Қазақстан Республикасының Премьер-Министрі К. Мәсімов