Қазақстан Республикасы Үкіметінің 2009 жылғы 6 тамыздағы N 1191 Қаулысы
Қазақстан Республикасы Үкіметінің резервінен қаражат бөлу туралы "2009 - 2011 жылдарға арналған республикалық бюджет туралы" Қазақстан Республикасының 2008 жылғы 4 желтоқсандағы Заңына және "Бюджеттің атқарылуы және оған кассалық қызмет көрсету ережесін бекіту туралы" Қазақстан Республикасы Үкіметінің 2009 жылғы 26 ақпандағы N 220 қаулысына сәйкес Қазақстан Республикасының ҮкіметіҚАУЛЫ ЕТЕДІ: 1. Қазақстан Республикасы Индустрия және сауда министрлігіне инфрақұрылым объектілерін салуға ақы төлеуге "Қорғас" шекара маңы ынтымақтастығы халықаралық орталығы" акционерлік қоғамының жарғылық капиталын заңнамада белгіленген тәртіппен ұлғайту үшін "Самұрық-Қазына" ұлттық әл-ауқат қоры" акционерлік қоғамының жарғылық капиталын ұлғайтуға 2009 жылға арналған республикалық бюджетте шұғыл шығындарға көзделген Қазақстан Республикасы Үкіметінің резервінен 5000000000 (бес миллиард) теңге сомасында қаражат бөлінсін. 2. Қазақстан Республикасы Қаржы министрлігі заңнамада белгіленген тәртіппен бөлінген қаражаттың пайдаланылуын бақылауды қамтамасыз етсін. 3. Осы қаулы қол қойылған күнінен бастап қолданысқа енгізіледі.
Қазақстан Республикасының Премьер-Министрі К. Мәсімов