Қазақстан Республикасы Ұлттық Банк Басқармасының 2008 жылғы 28 қарашадағы N 98 Қаулысы. Қазақстан Республикасының Әділет министрлігінде 2008 жылғы 29 желтоқсанда Нормативтік құқықтық кесімдерді мемлекеттік тіркеудің тізіліміне N 5433 болып енгізілді.
Қазақстан Республикасы қаржы нарығының жекелеген субъектілерінің бухгалтерлік есебін жүргізуі жөніндегі нұсқаулықты бекіту туралы

Қазақстан Республикасы қаржы нарығының жекелеген субъектiлерiнiң бухгалтерлiк есебiн жетiлдiру мақсатында Қазақстан Республикасы Ұлттық Банкiнiң Басқармасы Қ АУЛЫ ЕТЕДI:
1. Қоса берiлiп отырған Қазақстан Республикасы қаржы нарығының жекелеген субъектiлерiнiң бухгалтерлiк есебiн жүргiзуi жөнiндегi нұсқаулық бекiтiлсiн.
2. Осы қаулы Қазақстан Республикасының Әдiлет министрлiгiнде мемлекеттiк тiркеуден өткен күннен бастап он төрт күн өткеннен кейiн қолданысқа енгiзiледi.
3. Осы қаулы қолданысқа енгiзiлген күннен бастап:
1) Қазақстан Республикасының Ұлттық Банкi Басқармасының "Қазақстан Республикасы Ұлттық Банкiнiң лицензиясы негiзiнде жүзеге асырылатын қолма-қол шетел валютасымен айырбастау операцияларын бухгалтерлiк есепке алу жөнiндегi нұсқаулықты бекiту туралы" 2004 жылғы 15 шiлдедегi N 95 қаулысының (Нормативтiк құқықтық актiлердi мемлекеттiк тiркеу тiзiлiмiнде N 3015 тiркелген, "Егемен Қазақстан" газетiнде 2004 жылғы 24 тамызда N 216 (23851) жарияланған);
2) Қазақстан Республикасының Ұлттық Банкi Басқармасының "Қазақстан Республикасы қаржы нарығының жекелеген субъектiлерiнiң инвестициялық қызметтiң бухгалтерлiк есебiн жүргiзуi жөнiндегi нұсқаулықты бекiту туралы" 2007 жылғы 30 қарашадағы N 135 қаулысының (Нормативтiк құқықтық актiлердi мемлекеттiк тiркеу тiзiлiмiнде N 5088 тiркелген) күшi жойылды деп танылсын.
4. Бухгалтерлiк есеп департаментi (Шалғымбаева Н.Т.):
1) Заң департаментiмен (Шәрiпов С.Б.) бiрлесiп осы қаулыны Қазақстан Республикасының Әдiлет министрлiгiнде мемлекеттiк тiркеуден өткiзу шараларын қабылдасын;
2) осы қаулы Қазақстан Республикасының Әдiлет министрлiгiнде мемлекеттiк тiркеуден өткен күннен бастап он күндiк мерзiмде оны Қазақстан Республикасының Ұлттық Банкi орталық аппаратының мүдделi бөлiмшелерiне және аумақтық филиалдарына, Қазақстан Республикасы Қаржы нарығын және қаржы ұйымдарын реттеу мен қадағалау агенттiгiне және "Қазақстан қаржыгерлерiнiң қауымдастығы" заңды тұлғалар бiрлестiгiне жiберсiн.
5. Қазақстан Республикасы Ұлттық Банкiнiң аумақтық филиалдары осы қаулыны алған күннен бастап үш күндiк мерзiмде оны банк операцияларының жекелеген түрлерiн жүзеге асыратын ұйымдарға, жинақтаушы зейнетақы қорларына, сақтандыру (қайта сақтандыру) ұйымдарына, сақтандыру брокерлерiне, Қазақстан Республикасының бағалы қағаздар нарығының кәсiби қатысушыларына және арнайы қаржы компанияларына жiберсiн.
6. Осы қаулының орындалуын бақылау Қазақстан Республикасының Ұлттық Банкi Төрағасының орынбасары Д.Т. Ақышевқа жүктелсiн.

Ұлттық Банк
Төрағасы Ә. Сәйденов