Қазақстан Республикасы Үкіметінің 2009 жылғы 31 желтоқсандағы № 2320 Қаулысы
Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің кейбір мәселелері
Қазақстан Республикасының Үкіметі ҚАУЛЫ ЕТЕДІ:
1. «Агроөнеркәсіптік кешендегі мемлекеттік инспекция комитетінің Солтүстік-Батыс аймақтық шекарадағы және көліктегі мемлекеттік ветеринариялық бақылау инспекциясы» және «Агроөнеркәсіптік кешендегі мемлекеттік инспекция комитетінің Оңтүстік-Шығыс аймақтық шекарадағы және көліктегі мемлекеттік ветеринариялық бақылау инспекциясы» мемлекеттік мекемелері «Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитеті» мемлекеттік мекемесіне қосылу жолымен қайта ұйымдастырылсын.
2. Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитетінің «Ветеринариядағы мониторинг, референция, зертханалық диагностика және әдіснама ұлттық орталығы» мемлекеттік мекемесі Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің «Ветеринария бойынша ұлттық референттік орталық» мемлекеттік мекемесі (бұдан әрі - Мекеме) болып қайта аталсын.
3. Мекеме қызметінің негізгі мәні:
1) жануарлар ауруларының диагностикасы жөніндегі референттік функция және тамақ қауіпсіздігін қамтамасыз ету;
2) Қазақстан Республикасында жабайы жануарлар ауруларының эпизоотия мониторингі
3) Микроорганизмдердің депозиттелген штаммдарының ұлттық коллекциясын жүргізу болып айқындалсын.
4. Қазақстан Республикасы Ауыл шаруашылығы министрлігі Қазақстан Республикасының заңнамасында белгіленген тәртіппен осы қаулыдан туындайтын қажетті шараларды қабылдасын.
5. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер бекітілсін.
6. Осы қаулы қол қойылған күнінен бастап қолданысқа енгізіледі.

Қазақстан Республикасының
Премьер-Министрі К. Мәсімов

Қазақстан Республикасы
Үкіметінің
2009 жылғы 31 желтоқсандағы
№ 2320 қаулысымен
бекітілген

Қазақстан Республикасы Үкіметінің кейбір шешімдеріне
енгізілетін өзгерістер

1. «Мемлекеттік күзетілуі тиіс объектілердің қауіпсіздігін қамтамасыз етудің кейбір мәселелері» туралы Қазақстан Республикасы Үкіметінің 2003 жылғы 4 қыркүйектегі № 901 қаулысында (Қазақстан Республикасының ПҮАЖ-ы, 2003 ж., № 36, 364-құжат):
көрсетілген қаулымен бекітілген Қазақстан Республикасының мемлекеттік күзетілуі тиіс объектілерінің тізбесінде:
«Аса маңызды мемлекеттік объектілері» деген I бөлімде:
«Қазақстан Республикасының Үкіметі белгілейтін тізбе бойынша аса қауіпті заттарды, Қазақстан Республикасында бақылануы тиіс бактериологиялық, биологиялық, жарылғыш заттарды, есірткі құралдарын, психотроптық, улы заттар мен прекурсорларды әзірлеу, шығару, сынау және сақтау жөніндегі ұйымдардың объектілері мен оқшауланған үй-жайлары» деген 3-кіші бөлімде:
реттік нөмірі 4-жолдың 2-бағаны мынадай редакцияда жазылсын:
«4. Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің «Ветеринария бойынша ұлттық референттік орталық» мемлекеттік мекемесі;».
2. «Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің кейбір мәселелері» туралы Қазақстан Республикасы Үкіметінің 2007 жылғы 2 наурыздағы № 164 қаулысында (Қазақстан Республикасының ПҮАЖ-ы, 2007 ж., № 7, 82-құжат):
көрсетілген қаулымен бекітілген Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің аумақтық органдары - мемлекеттік мекемелерінің тізбесінде:
«Шекарадағы және көліктегі мемлекеттік ветеринариялық қадағалау аймақтық бөлімшелері» деген бөлім алынып тасталсын;
көрсетілген қаулымен бекітілген Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің қарамағындағы ұйымдардың тізбесінде:
«Мемлекеттік мекемелер» деген 2-бөлімде:
8-тармақ мынадай редакцияда жазылсын:
«8. Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің «Ветеринария бойынша ұлттық референттік орталығы» мемлекеттік мекемесі».
3. «Министрліктер мен өзге де орталық атқарушы органдардың олардың аумақтық органдарындағы және оларға ведомстволық бағыныстағы мемлекеттік мекемелердегі адам санын ескере отырып, штат санының лимиттерін бекіту туралы» Қазақстан Республикасы Үкіметінің 2008 жылғы 15 сәуірдегі № 339 қаулысында:
көрсетілген қаулымен бекітілген министрліктер мен өзге де орталық атқарушы органдардың олардың аумақтық органдарындағы және оларға ведомстволық бағыныстағы мемлекеттік мекемелеріндегі адам санын ескере отырып, штат санының лимиттерінде:
реттік нөмірі 6-жолдың 2-бағанында:
«Ветеринариядағы мониторинг, референция, зертханалық диагностика және әдіснама ұлттық орталығы» деген жол мынадай редакцияда жазылсын:
«Ветеринария бойынша ұлттық референттік орталық».
4. «Қазақстан Республикасының агроөнеркәсіптік кешенін орнықты дамыту жөніндегі 2009 - 2011 жылдарға арналған шаралар кешенін бекіту туралы» Қазақстан Республикасы Үкіметінің 2008 жылғы 28 қарашадағы № 1106 қаулысында:
көрсетілген қаулымен бекітілген Қазақстан Республикасының агроөнеркәсіптік кешенін орнықты дамытудың 2009 - 2011 жылдарға арналған шаралар кешенінде:
«Қазақстан Республикасының агроөнеркәсіптік кешенін орнықты дамытудың 2009 - 2011 жылдарға арналған шаралар кешенін орындау жөніндегі іс-шаралар жоспары» деген 15-бөлімде:
«Ветеринарияны халықаралық стандарттарға көшіру» деген 5.1-кіші бөлімде:
реттік нөмірі 1-жолдың 2-бағаны мынадай редакцияда жазылсын:
«Ветеринария бойынша ұлттық референттік орталықты дамыту»;
реттік нөмірі 5-жолдың 2-бағанындағы «Ветеринариядағы мониторинг, референция, зертханалық диагностика және әдіснама ЎО» деген сөздер «Ветеринария бойынша ұлттық референттік орталық» ММ» деген сөздермен ауыстырылсын.