Қазақстан Республикасы Үкіметінің 2010 жылғы 30 қарашадағы № 1280 Қаулысы
Қазақстан Республикасы Үкіметінің резервінен қаражат бөлу туралы «2010 - 2012 жылдарға арналған республикалық бюджет туралы» Қазақстан Республикасының 2009 жылғы 7 желтоқсандағы Заңына, «Бюджеттiң атқарылуы және оған кассалық қызмет көрсету ережесiн бекiту туралы» Қазақстан Республикасы Үкiметiнiң 2009 жылғы 26 ақпандағы № 220 қаулысына сәйкес Қазақстан Республикасының Үкiметi ҚАУЛЫ ЕТЕДI: 1. Қазақстан Республикасы Қаржы министрлiгiне осы қаулыға қосымшаға сәйкес сот актiлерiн орындау үшiн 2010 жылға арналған республикалық бюджетте соттардың шешiмдерi бойынша мiндеттемелердi орындауға көзделген Қазақстан Республикасы Үкiметiнiң резервiнен 3 221 646 (үш миллион екi жүз жиырма бiр мың алты жүз қырық алты) теңге бөлiнсiн. 2. Зиян келтiрген мемлекеттiк органдар Қазақстан Республикасының заңнамасында белгiленген тәртiппен Қазақстан Республикасы Үкiметiнiң резервiнен оқшауландырылған қаражатты өтеу жөнiнде шаралар қабылдасын. 3. Осы қаулы қол қойылған күнiнен бастан қолданысқа енгiзiледi. Қазақстан Республикасының Премьер-Министрi К. Мәсiмов Қазақстан Республикасы Үкiметiнiң 2010 жылғы 30 қарашадағы № 1280 қаулысына қосымша Орындауға жататын сот актiлерiнiң тiзбесi Р/с № | Сот органының атауы және шешiм шығарылған күн | Талапкер | Мемлекет кiрiсiне мемлекеттiк баж шегерiлген сома (теңге) | Мемлекет кiрiсiне мемлекеттiк баж (теңге) | 1 | 2 | 3 | 4 | 5 | 1 | Ақтөбе қалалық сотының 2010 жылғы 12 мамырдағы шешiмi, Ақтөбе облыстық сотының апелляциялық сот алқасының 2010 жылғы 24 маусымдағы қаулысы, Ақтөбе облыстық сотының кассациялық сот алқасының 2010 жылғы 11 тамыздағы қаулысы, Қазақстан Республикасы Жоғарғы Сотының азаматтық және әкiмшiлiк iстер жөнiндегi қадағалау сот алқасының 2010 жылғы 7 қазандағы қаулысы | Т.Т. Қарамырзиев | 1 858 973 | | 2 | Петропавл қалалық № 2 сотының 2009 жылғы 11 тамыздағы шешiмi, Солтүстiк Қазақстан облыстық сотының азаматтық iстер жөнiндегi алқасының 2009 жылғы 7 қазандағы қаулысы | С.И. Саракун | | 11 | 3 | Солтүстiк Қазақстан облысы Ғабит Мүсiрепов атындағы ауданның № 2 аудандық сотының 2009 жылғы 19 қазандағы шешiмi, Солтүстiк Қазақстан облыстық сотының азаматтық iстер жөнiндегi алқасының 2009 жылғы 10 желтоқсандағы қаулысы, Қазақстан Республикасы Жоғарғы Сотының азаматтық және әкiмшiлiк iстер жөнiндегi қадағалау сот алқасының 2010 жылғы 28 қазандағы қаулысы | В.В. Горбаченко | 1 000 000 | | 4 | Қарағанды облысы Сәтпаев қалалық сотының 2004 жылғы 20 қаңтардағы шешiмi, Қарағанды облысы Сәтпаев қалалық сотының 2005 жылғы 1 ақпандағы ұйғарымы, Қарағанды облысы Сәтпаев қалалық сотының 2010 жылғы 19 қазандағы ұйғарымы | Ж.С. Тiлегенов | 362 662 | | Жиыны: | | 3 221 635 | 11 | Жалпы сомасы: | 3 221 646 | |
|