Қазақстан Республикасы Үкіметінің 2010 жылғы 22 желтоқсандағы № 1398 Қаулысы
Қазақстан Республикасы Үкіметінің 2003 жылғы 11 маусымдағы № 568 қаулысына өзгерістер енгізу туралы Қазақстан Республикасының Үкіметі ҚАУЛЫ ЕТЕДІ: 1. «Табиғи газды жеткізу, тасымалдау және сату ережесін, Сұйытылған көмірсутекті газдарды жеткізу, тасымалдау және пайдалану ережесін бекіту туралы» Қазақстан Республикасы Үкіметінің 2003 жылғы 11 маусымдағы № 568 қаулысына (Қазақстан Республикасының ПҮАЖ-ы, 2003 ж., № 26, 249-құжат) мынадай өзгерістер енгізілсін: 1) көрсетілген қаулымен бекітілген Табиғи газды жеткізу, тасымалдау және сату ережесінде: 4-тармақтың жиырма жетінші абзацы мынадай редакцияда жазылсын: «уәкілетті орган - мұнай-газ өнеркәсібі саласында мемлекеттік саясатты қалыптастыруды, басқару процесін үйлестіруді жүзеге асыратын Қазақстан Республикасының орталық атқарушы органы;»; 2) көрсетілген қаулымен бекітілген Сұйытылған көмірсутекті газдарды жеткізу, тасымалдау және пайдалану ережесінде: 7-тармақтың он төртінші абзацы мынадай редакцияда жазылсын: «уәкілетті орган - мұнай-газ өнеркәсібі саласында мемлекеттік саясатты қалыптастыруды, басқару процесін үйлестіруді жүзеге асыратын Қазақстан Республикасының орталық атқарушы органы;». 2. Осы қаулы қол қойылған күнінен бастап қолданысқа енгізіледі.
Қазақстан Республикасының Премьер-Министрі К. Мәсімов
|