Қазақстан Республикасы Үкіметінің 2008 жылғы 31 желтоқсандағы N 1307 Қаулысы
Инвестициялық салықтық преференциялардың қолданылу мерзімдерін белгілеу туралы "Инвестициялар туралы" Қазақстан Республикасының 2003 жылғы 8 қаңтардағы Заңы 14-бабының 3-тармағына сәйкес Қазақстан Республикасының Үкіметі ҚАУЛЫ ЕТЕДІ: 1. Мынадай заңды тұлғалар үшін берілетін инвестициялық салықтық преференциялардың қолданылу мерзімдері белгіленсін: 1) "(2013-2014 ж.ж.) жылына болаттың 6 млн.тоннаға дейін металлөнімдерін өндіруді арттыру бойынша "АрселорМиттал Теміртау" акционерлік қоғамының жобасы" инвестициялық жобасы бойынша "АрселорМиттал Теміртау" акционерлік қоғамына: корпоративтік табыс салығы бойынша - тіркелген активтерді іске қосқан жылдан кейінгі жылдың 1 қаңтарынан бастап 10 (он) жыл; мүлік салығы бойынша - тіркелген активтерді іске қосқан жылдан кейінгі жылдың 1 қаңтарынан бастап 5 (бес) жыл; жер салығы бойынша — тіркелген активтерді іске қосқан жылдан кейінгі жылдың 1 қаңтарынан бастап 5 (бес) жыл; 2) "Қуаттылығы жылына 4 млн.тонна сұйық болатты толық циклді металлургиялық зауытын салу" инвестициялық жобасы бойынша "Металлургиялық зауыт" жауапкершілігі шектеулі серіктестігіне: корпоративтік табыс салығы бойынша - тіркелген активтерді іске қосқан сәттен бастап 10 (он) күнтізбелік жыл; мүлік салығы бойынша - тіркелген активтерді іске қосқан сәттен бастап 5 (бес) жыл. 2. Осы қаулы қол қойылған күнінен бастап қолданысқа енгізіледі.
Қазақстан Республикасының Премьер-Министрі К. Мәсімов