Қазақстан Республикасы Үкіметінің 2011 жылғы 24 ақпандағы № 180 Қаулысы
Қазақстан Республикасының аумағынан газойлдарды әкетудің кейбір мәселелері туралы «Сауда қызметiн реттеу туралы» Қазақстан Республикасының 2004 жылғы 12 сәуiрдегi Заңының 18-бабына сәйкес Қазақстан Республикасының Үкiметi ҚАУЛЫ ЕТЕДI: 1. Қоса берiлiп отырған 2011 жылғы 1 мамырға дейiнгi мерзiмде әкетуге қатысты көлемде сандық шектеулер енгiзiлетiн тауарлардың тiзбесi бекiтiлсiн. 2. Осы қаулының қосымшасына сәйкес Ауғанстан Ислам Республикасына әкету мақсатында газойлдарға берiлетiн квота заңды тұлғалар арасында бөлiнсiн. 3. Қазақстан Республикасы Экономикалық даму және сауда министрлiгi Қазақстан Республикасы Мұнай және газ министрлiгiмен келiсiм бойынша бекiтiлген тiзбеге сәйкес лицензиялар берудi жүзеге асырсын. 4. Қазақстан Республикасы Қаржы министрлiгiнiң Кедендiк бақылау комитетi заңнамада белгiленген тәртiппен осы қаулыға сәйкес газойлдардың әкетiлуiн бақылауды қамтамасыз етсiн. 5. «Жеңiл дистиляттарды және өнiмдердi, керосиндi және газойлды әкетуге уақытша тыйым салуды енгiзу туралы» Қазақстан Республикасы Үкiметiнiң 2010 жылғы 30 қазандағы № 1139 қаулысына мынадай өзгерiстер енгiзiлсiн: тақырыбындағы «және газойлды» деген сөздер алынып тасталсын; 1-тармақтағы «және газойлды (коды КО СЭҚ КС 2710 19 410 0 - 2710 19 490 0)» деген сөздер алынып тасталсын. 6. Қазақстан Республикасы Сыртқы iстер министрлiгi екi апта мерзiмде Еуразиялық экономикалық қоғамдастықтың Интерграциялық комитетiнiң Хатшылығын Қазақстан Республикасының Үкiметi қабылдайтын сыртқы сауда қызметiн реттеу шаралары туралы хабардар етсiн. 7. Осы қаулы қол қойылған күнiнен бастап қолданысқа енгiзiледi және ресми жариялануға тиiс. Қазақстан Республикасының Премьер-Министрi К. Мәсiмов Қазақстан Республикасы Үкiметiнiң 2011 жылғы 24 ақпандағы № 180 қаулысымен бекiтiлген Әкетуге қатысты көлемде сандық шектеулер енгiзiлетiн тауарлардың тiзбесi КО СЭҚ ТН коды | Атауы | Көлемi (тоннамен) | Қолданылу мерзiмi | 2710 19 410 0 | Басқа мақсаттарға арналған құрамында күкiрт көлемi 0,05 мас.% аспайтын газойлдар | 145 000 | 2011 жылғы 1 мамырға дейiн | 2710 19 450 0 | Басқа мақсаттарға арналған құрамында күкiрт көлемi 0,05 мас.% асатын, бiрақ 0,2 мас.% аспайтын газойлдар | 2710 19 490 0 | Басқа мақсаттарға арналған құрамында күкiрт көлемi 0,2 мас.% асатын газойлдар | Қазақстан Республикасы Үкiметiнiң 2011 жылғы 24 ақпандағы № 180 қаулысына қосымша Газойлдарға арналған квотаны бөлу Р/с № | Заңды тұлғалардың атауы | Көлемi, тонна | 1 | «ҚазМұнайГаз - қайта өңдеу және маркентинг» акционерлiк қоғам | 20 000 | 2 | «Refinery Company RT» жауапкершiлiгi шектеулi серiктестiгi | 50 000 | 3 | «Петро Қазақстан Сауда үйi» жауапкершiлiгi шектеулi серiктестiгi | 20 000 | 4 | «Литаско С.А» жауапкершiлiгi шектеулi серiктестiгi | 20 000 | 5 | «Санойл» жауапкершiлiгi шектеулi серiктестiгi | 35 000 |
| Жиыны: | 145 000 |
|