|
 Қазақстан Республикасы Үкiметiнiң 2011 жылғы 6 сәуiрдегi № 379 Қаулысы
Қазақстан Республикасы Үкiметiнiң 2011 жылғы 22 ақпандағы № 163 қаулысына толықтырулар мен өзгерiстер енгiзу туралы Қазақстан Республикасының Үкiметi ҚАУЛЫ ЕТЕДI:
1. «Облыстық бюджеттердiң, Астана және Алматы қалалары бюджеттерiнiң 2011 жылға арналған республикалық бюджеттен денсаулық сақтауға берiлетiн ағымдағы нысаналы трансферттердi пайдалану қағидасын бекiту және Қазақстан Республикасы Үкiметiнiң 2009 жылғы 30 қазандағы № 1729 қаулысына өзгерiстер мен толықтырулар енгiзу туралы» Қазақстан Республикасы Үкiметiнiң 2011 жылғы 22 ақпандағы № 163 қаулысына мынадай толықтырулар мен өзгерiстер енгiзiлсiн:
көрсетiлген қаулымен бекiтiлген Облыстық бюджеттердiң, Астана және Алматы қалалары бюджеттерiнiң денсаулық сақтауға 2011 жылға арналған республикалық бюджеттен берiлетiн ағымдағы нысаналы трансферттердi пайдалану қағидасында:
4 және 7-тармақтардағы «науқастарды емдеуге арналған препараттарды» деген сөздерден кейiн «, муковисцидозбен, мукополисахаридозбен, Гоше ауруымен ауыратын балаларды емдеуге арналған препараттарды» деген сөздермен толықтырылсын;
көрсетiлген Қағидаға 1-қосымшада:
2011 жылы облыстық бюджеттерге, Астана және Алматы қалаларының бюджеттерiне жергiлiктi деңгейде медициналық ұйымдарды материалдық-техникалық жарақтандыруға берiлетiн нысаналы ағымдағы трансферттер шеңберiндегi медициналық техниканың тiзбесi мынадай мазмұндағы реттiк нөмiрлерi 18, 19, 20, 21, 22, 23, 24, 25 және 26-жолдармен толықтырылсын:
« | 18. | Ретиналды томограф | | 19. | Жиынтығында 12 мониторы бар орталық байқау станциясы | | 20. | Кардиохирургия мен нейрохирургияға арналған зерттеу опциясы бар компьютерлiк томограф | | 21. | Сұйықтық цитология аппараты | | 22. | Аралас лазерлiқ қондырғы | | 23. | Портативтi неонаталды монитор | | 24. | Қан газдарын терi арқылы мониторингiлеу жүйесi бар нәрестеге арналған монитор | | 25. | Электрокардиография және артериялық қысымды тәулiктiк мониторингiлеу жүйесi | | 26. | Тредмил жүйесi | »; көрсетiлген Қағидаға 2-қосымшада:
2011 жылы облыстық бюджеттерге, Астана және Алматы қалаларының бюджеттерiне жергiлiктi деңгейде денсаулық сақтау ұйымдарын материалдық-техникалық жарақтандыруға берiлетiн нысаналы ағымдағы трансферттердiң сомасын пайдалану бағыттарында:
9-бағанда:
«Магниттi-резонансты» деген сөздерден кейiн «және компьютерлiк» деген сөздермен толықтырылсын;
реттiк нөмiрi 11-жол «180 000» деген сандармен толықтырылсын;
реттiк нөмiрi 11-жолдың 15-бағанындағы «689 247» деген сандар «869 247» деген сандармен ауыстырылсын;
«Жиыны» деген жолда:
«727 817» деген сандар «907 817» деген сандармен ауыстырылсын;
«16 982 005» деген сандар «17 162 005» деген сандармен ауыстырылсын.
2. Осы қаулы қол қойылған күнiнен бастап қолданысқа енгiзiледi және ресми жариялануға тиiс. Қазақстан Республикасының
Премьер-Министрi К. Мәсiмов
|
