Қазақстан Республикасы Үкiметiнiң 2011 жылғы 24 наурыздағы № 269 Қаулысы
Еттiң жекелеген түрлерiн әкелуге арналған тарифтiк квоталар көлемiн бөлудiң кейбiр мәселелерi туралы

«Сауда қызметiн реттеу туралы» Қазақстан Республикасының 2004 жылғы 12 сәуiрдегi Заңына және «2011 жылғы 1 қаңтардан бастап оларға қатысты тарифтiк квоталар белгiленетiн тауарлардың тiзбесi, сондай-ақ осы тауарларды Кеден одағына мүше мемлекеттер аумағына әкелу үшiн тарифтiк квоталар көлемi туралы» Еуразиялық экономикалық қоғамдастықтың Кеден одағы комиссиясының 2010 жылғы 18 қарашадағы № 505 шешiмiне сәйкес Қазақстан Республикасының Үкiметi ҚАУЛЫ ЕТЕДI:
1. Қоса берiлiп отырған:
1) Қазақстан Республикасына оларға қатысты тарифтiк квоталар енгiзiлген еттiң кейбiр түрлерiн әкелуге арналған тарифтiк квоталар көлемдерiн сыртқы экономикалық қызметке қатысушылар арасында бөлу қағидасы;
2) Беларусь Республикасының, Қазақстан Республикасының және Ресей Федерациясының Кеден одағына қатысушы елдермен еркiн сауда туралы келiсiм жасалмаған, не тауарға қатысты еркiн сауда режимiнен алып қою қолданылатын елдерден шығатын және әкелiнген еттi Қазақстан Республикасының аумағына әкелу үшiн 2011 жылға арналған тарифтiк квоталардың көлемдерi;
3) сыртқы экономикалық қызметке қатысушылар арасында 2011 жылға арналған тарифтiк квоталар көлемдерiн бөлу (1-кезең) бекiтiлсiн.
2. Мыналардың күшi жойылды деп танылсын:
1) «Еттiң кейбiр түрлерiн әкелуге арналған тарифтiк квоталар көлемiн бөлу туралы» Қазақстан Республикасы Үкiметiнiң 2009 жылғы 31 желтоқсандағы № 2333 қаулысы (Қазақстан Республикасының ПҮАЖ-ы, 2010 ж., № 5, 70-құжат);
2) «Қазақстан Республикасы Үкiметiнiң 2009 жылғы 31 желтоқсандағы № 2333 қаулысына өзгерiстер мен толықтыру енгiзу туралы» Қазақстан Республикасы Үкiметiнiң 2010 жылғы 21 шiлдедегi № 750 қаулысы (Қазақстан Республикасының ПҮАЖ-ы, 2010 ж., № 45, 406-құжат);
3) «Қазақстан Республикасы Үкiметiнiң 2009 жылғы 31 желтоқсандағы № 2333 қаулысына толықтырулар мен өзгерiстер енгiзу туралы» Қазақстан Республикасы Үкiметiнiң 2010 жылғы 25 желтоқсандағы № 1411 қаулысы.
3. Қазақстан Республикасы Сыртқы iстер министрлiгi бiр апта мерзiмде Еуразиялық экономикалық қоғамдастықтың Интеграциялық комитетiнiң Хатшылығын Қазақстан Республикасының Үкiметi қабылдайтын сыртқы сауда қызметiн реттеу шаралары туралы хабардар етсiн.
4. Осы қаулы ресми жарияланған күнiнен бастап күнтiзбелiк он күн өткен соң қолданысқа енгiзiлсiн.

Қазақстан Республикасының
Премьер-Министрi К. Мәсiмов