Қазақстан Республикасы Ұлттық Банкi Басқармасының 2011 жылғы 25 наурыздағы N 24 Қаулысы. Қазақстан Республикасының Әдiлет министрлiгiнде 2011 жылы 11 мамырда N 6946 тiркелдi
Қазақстан Республикасының Ұлттық Банкi Басқармасының кейбiр қаулыларына ақша төлемдерi мен аударымдарын жүзеге асыру және банк шоттарын ашу және жүргiзу мәселелерi бойынша толықтырулар енгiзу туралы

«Қазақстан Республикасының Ұлттық Банкi туралы» 1995 жылғы 30 наурыздағы Қазақстан Республикасының Заңына сәйкес және «Қазақстан Республикасының кейбiр заңнамалық актiлерiне ипотекалық кредит беру және қаржылық қызметтердi тұтынушылар мен инвесторлардың құқықтарын қорғау мәселелерi бойынша өзгерiстер мен толықтырулар енгiзу туралы» 2011 жылғы 10 ақпандағы Қазақстан Республикасының Заңын iске асыру мақсатында Қазақстан Республикасы Ұлттық Банкiнiң Басқармасы ҚАУЛЫ ТЕДI:
1. Қазақстан Республикасының Ұлттық Банкi Басқармасының «Қазақстан Республикасының аумағында төлем құжаттарын пайдалану және ақшаның қолма-қол жасалмайтын төлемдерi мен аударымдарын жүзеге асыру ережесiн бекiту туралы» 2000 жылғы 25 сәуiрдегi № 179 қаулысына (Нормативтiк құқықтық актiлердi мемлекеттiк тiркеу тiзiлiмiнде № 1155 тiркелген) мынадай толықтыру енгiзiлсiн:
көрсетiлген қаулымен бекiтiлген Қазақстан Республикасының аумағында төлем құжаттарын пайдалану және ақшаның қолма-қол жасалмайтын төлемдерi мен аударымдарын жүзеге асыру ережесiнде:
мынадай мазмұндағы 22-2-тармақпен толықтырылсын:
«22-2. Егер есептелетiн ақша сомасы мемлекеттiк бюджеттен төленетiн жәрдемақылармен және (немесе) Мемлекеттiк әлеуметтiк сақтандыру қорынан төленетiн әлеуметтiк төлемдермен байланысты болмаған жағдайда, бенефициардың банкi көрсетiлген жәрдемақыларды және (немесе) әлеуметтiк төлемдердi аудару үшiн жеке тұлға-клиенттiң талап етуi бойынша ашылған ағымдағы шотқа ақша аударуды көздейтiн төлем құжатын акцептеуден бас тартады.».
2. Қазақстан Республикасының Ұлттық Банкi Басқармасының «Қазақстан Республикасының банктерiнде клиенттердiң банктiк есепшоттарын ашу, жүргiзу және жабу ережесiн бекiту туралы» 2000 жылғы 2 маусымдағы № 266 қаулысына (Нормативтiк құқықтық актiлердi мемлекеттiк тiркеу тiзiлiмiнде № 1199 тiркелген, Қазақстан Республикасының орталық атқарушы және өзге де мемлекеттiк органдарының нормативтiк құқықтық актiлерi бюллетенiнде 2000 жылы № 9 жарияланған) мынадай толықтыру енгiзiлсiн:
көрсетiлген қаулымен бекiтiлген Қазақстан Республикасының банктерiнде клиенттердiң банктiк есепшоттарын ашу, жүргiзу және жабу ережесiнде:
екiншi тарау мынадай мазмұндағы 11-1-тармақпен толықтырылсын:
«11-1. Мемлекеттiк бюджеттен төленетiн жәрдемақыларды және (немесе) Мемлекеттiк әлеуметтiк сақтандыру қорынан төленетiн әлеуметтiк төлемдердi аудару үшiн клиенттiң талап етуi бойынша Қазақстан Республикасының резидент-жеке тұлғаларына ағымдағы шотты ашқан кезде клиент осы Ереженiң 11-тармағының 2) тармақшасында көзделген құжаттарды, сондай-ақ ағымдағы шоттың мақсаты - жеке тұлғаға мемлекеттiк бюджеттен төленетiн жәрдемақыларды және (немесе) Мемлекеттiк әлеуметтiк сақтандыру қорынан төленетiн әлеуметтiк төлемдердi аудару көрсетiлетiн клиенттiң өтiнiшiн ұсынуы тиiс.».
3. Осы қаулы ресми жарияланған күнiнен бастап қолданысқа енгiзiледi.
4. Төлем жүйелерi департаментi (Мұсаев Р.Н.):
1) Заң департаментiмен (Өртембаев А.Қ.) бiрлесiп осы қаулыны Қазақстан Республикасының Әдiлет министрлiгiнде мемлекеттiк тiркеуден өткiзу шараларын қабылдасын;
2) осы қаулыны Қазақстан Республикасының Әдiлет министрлiгiнде мемлекеттiк тiркеуден өткiзген күннен бастап он күндiк мерзiмде оны Қазақстан Республикасы Ұлттық Банкiнiң орталық аппаратының мүдделi бөлiмшелерiне, аумақтық филиалдарына және өкiлдiгiне, Қазақстан Республикасының Еңбек және халықты әлеуметтiк қорғау министрлiгiне, «Қазақстан қаржыгерлерiнiң қауымдастығы» заңды тұлғалар бiрлестiгiне және екiншi деңгейдегi банктерге жiберсiн.
5. Ұйымдастыру жұмысы, сыртқы және қоғамдық байланыстар департаментi (Терентьев А.Л.) Төлем жүйелерi департаментiнен жариялауға өтiнiмдi алған күннен бастап үш күндiк мерзiмде осы қаулыны Қазақстан Республикасының бұқаралық ақпарат құралдарында ресми жариялауға шаралар қабылдасын.
6. Осы қаулының орындалуын бақылау Қазақстан Республикасының Ұлттық Банкi Төрағасының орынбасары Д.Т. Ақышевқа жүктелсiн.

Ұлттық Банк
Төрағасы Г. Марченко

КЕЛIСIЛДI
Қазақстан Республикасының
Еңбек және халықты
әлеуметтiк қорғау министрлiгi
Министр Г.Әбдiқалықова
2011 жылғы 15 сәуiр