Қазақстан Республикасы Үкiметiнiң 2011 жылғы 10 қазандағы № 1154 Қаулысы
"Жер учаскелерi жеке меншiкке берiлген кезде, мемлекет немесе мемлекеттiк жер пайдаланушылар жалға берген кезде олар үшiн төлемақының базалық ставкаларын, сондай-ақ жер учаскелерiн жалдау құқығын сату төлемақысының мөлшерiн бекiту туралы" Қазақстан Республикасы Үкiметiнiң 2003 жылғы 2 қыркүйектегi № 890 қаулысына өзгерiстер мен толықтырулар енгiзу туралы

Қазақстан Республикасының 2003 жылғы 20 маусымдағы Жер кодексiнiң 10-бабының 1-тармағына сәйкес Қазақстан Республикасының Үкiметi ҚАУЛЫ ЕТЕДI:
1. «Жер учаскелерi жеке меншiкке берiлген кезде, мемлекет немесе мемлекеттiк жер пайдаланушылар жалға берген кезде олар үшiн төлемақының базалық ставкаларын, сондай-ақ жер учаскелерiн жалдау құқығын сату төлемақысының мөлшерiн бекiту туралы» Қазақстан Республикасы Үкiметiнiң 2003 жылғы 2 қыркүйектегi № 890 қаулысына мынадай өзгерiстер мен толықтырулар енгiзiлсiн:
тақырыбы мынадай редакцияда жазылсын:
«Жер учаскелерiне төлемақының базалық ставкаларын бекiту туралы»;
1-тармақта:
1) тармақша мынадай редакцияда жазылсын:
«1) 2-қосымшаға сәйкес ауыл шаруашылығы мақсатындағы жер учаскелерi жеке меншiкке берiлген кезде олар үшiн төлемақының базалық ставкалары;»;
мынадай мазмұндағы 1-1) тармақшамен толықтырылсын:
«1-1) мемлекет меншiгiндегi және жер пайдалануға берiлмеген жер учаскелерiне жеке сервитут белгiлеу үшiн жер салығы мөлшерiнiң елу пайызы мөлшерiнде төлемақы;»;
3-тармақ мынадай редакцияда жазылсын:
«3. Жер ресурстарын басқару жөнiндегi орталық уәкiлеттi орган инфляцияның жалпы деңгейi туралы мемлекеттiк статистика деректерiнiң және жер нарығының мониторингi нәтижелерiнiң негiзiнде қажеттiлiгiне қарай Қазақстан Республикасының Үкiметiне ауыл шаруашылығы мақсатындағы жер учаскелерiн жеке меншiкке берген кезде олар үшiн төлемақының базалық ставкаларының өзгеруi туралы ұсыныстар енгiзсiн.»;
мынадай мазмұндағы 3-1-тармақпен толықтырылсын:
«3-1. Облыстардың, республикалық маңызы бар қалалардың, астананың жергiлiктi мемлекеттiк органдары жергiлiктi талаптарға және ерекшелiктерге орай ауыл шаруашылығы мақсатындағы жерлердi қоспағанда, облыс орталықтарында, республикалық маңызы бар қалаларда, астанада, облыстық және аудандық маңызы бар қалаларда, кенттерде және ауылдық елдi мекендерде жеке меншiкке беру кезiнде жер учаскелерiнiң базалық ставкаларын бекiтсiн.»;
көрсетiлген қаулының 1-қосымшасы алып тасталсын.
2. Осы қаулы алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi.