Қазақстан Республикасы Үкiметiнiң 2011 жылғы 28 қазандағы № 1226 Қаулысы
"Қазақстан Республикасы Еңбек және халықты әлеуметтiк қорғау министрлiгiнiң Жұмыспен қамту проблемалары жөнiндегi ақпараттық-талдау орталығы" республикалық мемлекеттiк қазыналық кәсiпорнын "Жұмыспен қамту проблемалары жөнiндегi ақпараттық-талдау орталығы" акционерлiк қоғамына қайта ұйымдастыру туралыҚазақстан Республикасының Үкiметi ҚАУЛЫ ЕТЕДI: 1. «Қазақстан Республикасы Еңбек және халықты әлеуметтiк қорғау министрлiгiнiң Жұмыспен қамту проблемалары жөнiндегi ақпараттық-талдау орталығы» республикалық мемлекеттiк қазыналық кәсiпорны жарғылық капиталына мемлекет жүз пайыз қатысатын «Жұмыспен қамту проблемалары жөнiндегi ақпараттық-талдау орталығы» акционерлiк қоғамына (бұдан әрi – қоғам) қайта құру жолымен қайта ұйымдастырылсын. 2. Жүйелi және салыстырмалы талдауды жүзеге асыру, жұмыспен қамту саласындағы мемлекеттiк саясатты iске асырудың өзектi мәселелерi бойынша зерттеулер жүргiзу, ұсынымдар әзiрлеу қоғамның негiзгi қызмет мәнi ретiнде айқындалсын. 3. Қазақстан Республикасы Қаржы министрлiгiнiң Мемлекеттiк мүлiк және жекешелендiру комитетi Қазақстан Республикасы Еңбек және халықты әлеуметтiк қорғау министрлiгiмен бiрлесiп, заңнамада белгiленген тәртiппен: 1) қоғамның жарғысын бекiтудi; 2) Қазақстан Республикасының әдiлет органдарында қоғамның мемлекеттiк тiркелуiн; 3) қоғам акцияларының мемлекеттiк пакетiн иелену және пайдалану құқығын Қазақстан Республикасы Еңбек және халықты әлеуметтiк қорғау министрлiгiне берудi; 4) осы қаулыны iске асыру жөнiнде өзге шаралар қабылдауды қамтамасыз етсiн. 4. Қоса берiлiп отырған Қазақстан Республикасы Үкiметiнiң кейбiр шешiмдерiне енгiзiлетiн өзгерiстер мен толықтырулар бекiтiлсiн. 5. Осы қаулы қол қойылған күнiнен бастап қолданысқа енгiзiледi. Қазақстан Республикасының Премьер-Министрi К. Мәсiмов Қазақстан Республикасы Үкiметiнiң 2011 жылғы 28 қазандағы № 1226 қаулысымен бекiтiлген Қазақстан Республикасы Үкiметiнiң кейбiр шешiмдерiне енгiзiлетiн өзгерiстер мен толықтырулар 1. «Акциялардың мемлекеттiк пакеттерiне мемлекеттiк меншiктiң түрлерi және ұйымдарға қатысудың мемлекеттiк үлестерi туралы» Қазақстан Республикасы Үкiметiнiң 1999 жылғы 12 сәуiрдегi № 405қаулысында (Қазақстан Республикасының ПҮАЖ-ы, 1999 ж., № 13, 124-құжат): көрсетiлген қаулымен бекiтiлген акцияларының мемлекеттiк пакеттерi мен үлестерi республикалық меншiкке жатқызылған акционерлiк қоғамдар мен шаруашылық серiктестiктердiң тiзбесiнде: «Астана қаласы» деген бөлiм мынадай мазмұндағы реттiк нөмiрi 21-136-жолмен толықтырылсын: «21-136. «Жұмыспен қамту проблемалары жөнiндегi ақпараттық талдау орталығы» АҚ». 2. «Республикалық меншiктегi ұйымдар акцияларының мемлекеттiк пакеттерi мен мемлекеттiк үлестерiне иелiк ету және пайдалану жөнiндегi құқықтарды беру туралы» Қазақстан Республикасы Үкiметiнiң 1999 жылғы 27 мамырдағы № 659 қаулысында: көрсетiлген қаулымен бекiтiлген иелiк ету және пайдалану құқығы салалық министрлiктерге, өзге де мемлекеттiк органдарға берiлетiн республикалық меншiк ұйымдарындағы акциялардың мемлекеттiк пакеттерiнiң және қатысудың мемлекеттiк үлестерiнiң тiзбесiнде: «Қазақстан Республикасының Еңбек және халықты әлеуметтiк қорғау министрлiгiне» деген бөлiм мынадай мазмұндағы реттiк нөмiрi 279-5-жолмен толықтырылсын: «279-5 «Жұмыспен қамту проблемалары жөнiндегi ақпараттық-талдау орталығы» АҚ». 3. «Қазақстан Республикасы Еңбек және халықты әлеуметтiк қорғау министрлiгiнiң кейбiр мәселелерi» туралы Қазақстан Республикасы Үкiметiнiң 2004 жылғы 29 қазандағы № 1132 қаулысында (Қазақстан Республикасының ПҮАЖ-ы, 2004 ж., № 43, 540-құжат): көрсетiлген қаулымен бекiтiлген Қазақстан Республикасы Еңбек және халықты әлеуметтiк қорғау министрлiгiнiң қарамағындағы ұйымдар тiзбесiнде: «Қазақстан Республикасы Еңбек және халықты әлеуметтiк қорғау министрлiгiнiң «Жұмыспен қамту проблемалары жөнiндегi ақпараттық талдау орталығы» республикалық мемлекеттiк қазыналық кәсiпорны деген жол мынадай редакцияда жазылсын: «Жұмыспен қамту проблемалары жөнiндегi ақпараттық-талдау орталығы» акционерлiк қоғамы». 4. «Республикалық мемлекеттiк меншiктiң кейбiр мәселелерi туралы» Қазақстан Республикасы Үкiметiнiң 2007 жылғы 11 маусымдағы № 483 қаулысында (Қазақстан Республикасының ПҮАЖ-ы, 2007 ж., № 19, 214-құжат): 1) көрсетiлген қаулымен бекiтiлген жалпымемлекеттiк мiндеттердi орындау үшiн қажеттi республикалық мемлекеттiк кәсiпорындардың тiзбесiнде: «Қазақстан Республикасы Еңбек және халықты әлеуметтiк қорғау министрлiгi» деген бөлiмде: реттiк нөмiрi 29-жол алып тасталсын; 2) көрсетiлген қаулымен бекiтiлген акцияларының мемлекеттiк пакеттерi (қатысу үлестерi) бәсекелi ортаға берiлуi тиiс акционерлiк қоғамдардың (жауапкершiлiгi шектеулi серiктестiктердiң) тiзбесi: мынадай мазмұндағы бөлiммен және реттiк нөмiрi 43-жолмен толықтырылсын: «Қазақстан Республикасы Еңбек және халықты әлеуметтiк қорғау министрлiгi 43. «Жұмыспен қамту проблемалары жөнiндегi ақпараттық-талдау орталығы» акционерлiк қоғамы 100%». 5. Күшi жойылды - ҚР Үкiметiнiң 2012.03.19 № 340 (алғашқы ресми жарияланған күнiнен бастап қолданысқа енгiзiледi) Қаулысымен.
|