Қазақстан Республикасы Үкiметiнiң 2011 жылғы 3 қарашадағы № 1281 Қаулысы
"Бюджеттiң атқарылуы және оған кассалық қызмет көрсету ережесiн бекiту туралы" Қазақстан Республикасы Үкiметiнiң 2009 жылғы 26 ақпандағы № 220 қаулысына өзгерiс пен толықтыру енгiзу туралыҚазақстан Республикасының Үкiметi ҚАУЛЫ ЕТЕДI: 1. «Бюджеттiң атқарылуы және оған кассалық қызмет көрсету ережесiн бекiту туралы» Қазақстан Республикасы Үкiметiнiң 2009 жылғы 26 ақпандағы № 220 қаулысына (Қазақстан Республикасының ПҮАЖ-ы, 2009 ж., № 12, 86-құжат) мынадай өзгерiс пен толықтыру енгiзiлсiн: көрсетiлген қаулымен бекiтiлген Бюджеттiң атқарылуы және оған кассалық қызмет көрсету ережесiнде: 156-тармақтың екiншi бөлiгi мынадай редакцияда жазылсын: «Осы Ереженiң 157 - 160, 160-2-тармақтарында көрсетiлген ерекшелiктер мен шығыстардың экономикалық сыныптамасының ерекшелiктерi бойынша шығыстар түрлерiн қоспағанда, шығыстардың экономикалық сыныптамасының көрсетiлген тiзбеге енбейтiн ерекшелiктерi бойынша аванстық (алдын ала) төлемге ағымдағы қаржы жылына жасалған шарт сомасының 30 пайызынан аспайтын мөлшерде рұқсат етiледi.»; мынадай мазмұндағы 160-2-тармақпен толықтырылсын: «160-2. Қазақстан Республикасының мемлекеттiк қорғаныстық тапсырысы шеңберiнде жасалған шарттар бойынша аванстық (алдын ала) төлемге ағымдағы қаржы жылына көзделген шарт сомасының 75 пайызынан аспайтын мөлшерде жол берiледi.». 2. Осы қаулы алғашқы ресми жарияланған күнiнен бастап қолданысқа енгiзiледi. Қазақстан Республикасының Премьер-Министрi К. Мәсiмов
|