Қазақстан Республикасы Үкiметiнiң 2011 жылғы 16 қарашадағы № 1346 Қаулысы

"Адвокаттық және нотариаттық қызмет түрлерiн лицензиялау ережесiн және оларға қойылатын бiлiктiлiк талаптарын бекiту туралы" Қазақстан Республикасы Үкiметiнiң 2007 жылғы 2 маусымдағы № 454 қаулысына өзгерiстер енгiзу туралы

Қазақстан Республикасының Үкiметi ҚАУЛЫ ЕТЕДI:
1. «Адвокаттық және нотариаттық қызмет түрлерiн лицензиялау ережесiн және оларға қойылатын бiлiктiлiк талаптарын бекiту туралы» Қазақстан Республикасы Үкiметiнiң 2007 жылғы 2 маусымдағы № 454 қаулысына (Қазақстан Республикасының ПҮАЖ-ы, 2007 ж., № 18, 204-құжат) мынадай өзгерiстер енгiзiлсiн:
1) тақырыбы мынадай редакцияда жазылсын:
«Адвокаттық және нотариаттық қызмет түрлерiн лицензиялау кезiнде қойылатын бiлiктiлiк талаптарын бекiту туралы»;
2) 1-тармақтағы 1) және 3) тармақшалар алып тасталсын;
3) көрсетiлген қаулымен бекiтiлген адвокаттық қызметтi лицензиялау кезiнде қойылатын бiлiктiлiк талаптарында:
1-тармақ мынадай редакцияда жазылсын:
«1. Адвокаттық қызметтi жүзеге асыру үшiн жеке тұлғаларға қойылатын бiлiктiлiк талаптары:
1) Қазақстан Республикасының азаматтығы;
2) жоғары заң бiлiмiнiң болуы;
3) адвокаттар алқасы президиумының қаулысы негiзiнде кемiнде бес жыл адвокаттық қызмет өтiлi бар адвокаттарда үш айдан бiр жылға дейiнгi мерзiмде тағылымдамадан өту;
4) аттестациялық әдiлет комиссиясында аттестаттаудан өту;
5) наркологиялық және психиатриялық диспансерлерде есепте тұратыны туралы мәлiметтердiң болмауы;
6) соттылығының болмауы.»;
2-тармақтың 1) тармақшасы мынадай редакцияда жазылсын:
«1) Қазақстан Республикасының Әдiлет бiлiктiлiк алқасында немесе Қазақстан Республикасының Жоғарғы Соты Кеңесiнiң жанындағы Бiлiктiлiк комиссиясында бiлiктiлiк емтихандарын тапсырған адамдарға;»;
4-тармақ алып тасталсын;
4) көрсетiлген қаулымен бекiтiлген нотариаттық қызметтi лицензиялау кезiнде қойылатын бiлiктiлiк талаптарында:
«1. Нотариаттық қызметтi жүзеге асыру үшiн жеке тұлғаларға қойылатын бiлiктiлiк талаптары:
1) Қазақстан Республикасының азаматтығы;
2) жоғары заң бiлiмiнiң болуы;
3) кемiнде бiр жыл мерзiммен нотариуста тағылымдамадан өту;
4) аттестациялық әдiлет комиссиясында аттестаттаудан өту;
5) наркологиялық және психиатриялық диспансерлерде есепте тұратыны туралы мәлiметтердiң болмауы;
6) соттылығының болмауы.»;
2-тармақтың 1) тармақшасы мынадай редакцияда жазылсын:
«1) Қазақстан Республикасының Әдiлет бiлiктiлiк алқасында немесе Қазақстан Республикасының Жоғарғы Соты Кеңесiнiң жанындағы Бiлiктiлiк комиссиясында бiлiктiлiк емтихандарын тапсырған адамдарға;»;
4-тармақ алып тасталсын.
2. Осы қаулы ресми жарияланғанынан кейiн күнтiзбелiк жиырма бiр күн өткен соң қолданысқа енгiзiледi, бiрақ 2012 жылғы 30 қаңтардан ерте емес.