Қазақстан Республикасы Үкiметiнiң 2011 жылғы 6 желтоқсандағы № 1474 Қаулысы
Арнайы экономикалық аймақ аумағында қызметтiң қосалқы түрiн жүзеге асыратын тұлға ретiнде рұқсат алу үшiн өтiнiмге қоса берiлетiн құжаттар тiзбесiн бекiту туралы«Қазақстан Республикасындағы арнайы экономикалық аймақтар туралы» Қазақстан Республикасының 2011 жылғы 21 шiлдедегi Заңының 13-бабының 3-тармағына сәйкес Қазақстан Республикасының Үкiметi ҚАУЛЫ ЕТЕДI:
1. Қоса берiлiп отырған арнайы экономикалық аймақ аумағында қызметтiң қосалқы түрiн жүзеге асыратын тұлға ретiнде рұқсат алу үшiн өтiнiмге қоса берiлетiн құжаттар тiзбесi бекiтiлсiн.
2. Осы қаулы алғашқы ресми жарияланған күнiнен бастап қолданысқа енгiзiледi.
Қазақстан Республикасының
Премьер-Министрi К. Мәсiмов
Қазақстан Республикасы
Үкiметiнiң
2011 жылғы 6 желтоқсандағы
№ 1474 қаулысымен
бекiтiлген
Арнайы экономикалық аймақ аумағында қызметтiң қосалқы түрiн жүзеге асыратын тұлға ретiнде рұқсат алу үшiн өтiнiмге қоса берiлетiн құжаттар тiзбесi
Арнайы экономикалық аймақ аумағында қызметтiң қосалқы түрiн жүзеге асыратын тұлға ретiнде рұқсат алу үшiн өтiнiмге заңды тұлға немесе дара кәсiпкер мынадай құжаттарды қоса бередi:
заңды тұлға үшiн – салыстыру үшiн түпнұсқаларын бiрмезгiлде ұсына отырып, заңды тұлға жарғысының және мемлекеттiк тiркеу (қайта тiркеу) туралы куәлiктiң көшiрмесi;
дара кәсiпкер үшiн – салыстыру үшiн түпнұсқаларын бiрмезгiлде ұсына отырып, дара кәсiпкердi мемлекеттiк тiркеу туралы куәлiктiң көшiрмесi;
салыстыру үшiн түпнұсқаларын бiрмезгiлде ұсына отырып, мердiгерлiк жұмыстың жекелеген түрлерiн және/немесе қызметтердi орындауға арнайы экономикалық аймақтың қатысушысымен жасалған шарттың көшiрмесi;
заңды тұлға үшiн – салыстыру үшiн түпнұсқаларын бiрмезгiлде ұсына отырып, бiрiншi басшының жеке куәлiгiнiң көшiрмесi;
дара кәсiпкер үшiн – салыстыру үшiн түпнұсқаларын бiрмезгiлде ұсына отырып, жеке куәлiгiнiң көшiрмесi.