Қазақстан Республикасы Үкiметiнiң 2012 жылғы 20 ақпандағы № 239 Қаулысы
"Қазақстан Республикасы Ұлттық қорының қаражатын қалыптастыру және пайдалану тұжырымдамасы туралы" Қазақстан Республикасы Президентiнiң 2010 жылғы 2 сәуiрдегi № 962 Жарлығына өзгерiстер енгiзу туралы" Қазақстан Республикасының Президентi Жарлығының жобасы туралыҚазақстан Республикасының Үкiметi ҚАУЛЫ ЕТЕДI:
«Қазақстан Республикасы Ұлттық қорының қаражатын қалыптастыру және пайдалану тұжырымдамасы туралы» Қазақстан Республикасы Президентiнiң 2010 жылғы 2 сәуiрдегi № 962 Жарлығына өзгерiстер енгiзу туралы» Қазақстан Республикасының Президентi Жарлығының жобасы Қазақстан Республикасы Президентiнiң қарауына енгiзiлсiн.
Қазақстан Республикасының
Премьер-Министрi К. Мәсiмов
Қазақстан Республикасының Президентi
ЖАРЛЫҚ
«Қазақстан Республикасы Ұлттық қорының қаражатын қалыптастыру және пайдалану тұжырымдамасы туралы» Қазақстан Республикасы Президентiнiң 2010 жылғы 2 сәуiрдегi № 962 Жарлығына өзгерiстер енгiзу туралы
ҚАУЛЫ ЕТЕМIН:
1. «Қазақстан Республикасы Ұлттық қорының қаражатын қалыптастыру және пайдалану тұжырымдамасы туралы» Қазақстан Республикасы Президентiнiң 2010 жылғы 2 сәуiрдегi № 962 Жарлығына (Қазақстан Республикасының ПҮАЖ-ы, 2010 ж., № 27, 203-құжат) мынадай өзгерiстер енгiзiлсiн:
жоғарыда аталған Жарлықпен мақұлданған Қазақстан Республикасы Ұлттық қорының қаражатын қалыптастыру және пайдалану тұжырымдамасында:
бүкiл мәтiн бойынша «I», «II», «III», «IV», «V», «VI», «VII» деген бөлiмдердiң нөмiрленуi тиiсiнше «1», «2», «3», «4», «5», «6», «7» деген араб цифрларымен белгiленсiн;
«Қазақстан Республикасы Ұлттық қорының қаражатын қалыптастыру және пайдалану тәртiбi» деген IV бөлiмде:
2-тармақта:
екiншi бөлiк мынадай редакцияда жазылсын:
«Қаражатты пайдаланудың келесi онжылдыққа арналған жаңа тәсiлiне сәйкес абсолюттi мәнi 8 млрд. АҚШ доллары мөлшерiндегi кепiлдендiрiлген трансферттi республикалық бюджетке бөлу оның жаңалығы болып табылады. Бұл ретте, республикалық бюджетке берiлетiн кепiлдендiрiлген трансферттiң мөлшерi экономикадағы жағдайға байланысты (контрциклдық қағидат) 15 %-ға дейiн (6,8-ден 9,2 млрд. АҚШ долларына дейiн) азайту немесе ұлғайту жағына түзетiлуi мүмкiн. Заңды және жеке тұлғаларға кредит беруге, мiндеттемелердi орындауды қамтамасыз ету ретiнде активтердi пайдалануға тыйым салынған.»;
үшiншi бөлiктегi «тiркелген» деген сөз алып тасталсын;
«Қазақстан Республикасы Ұлттық қорының активтерiн басқару» деген V бөлiмнiң төртiншi бөлiгi мынадай редакцияда жазылсын:
«Ұлттық қордың активтерiн орналастыру қаржы нарықтарында айналымдағы және Ұлттық қорды басқару жөнiндегi кеңестiң ұсынысы бойынша Қазақстан Республикасының Үкiметi бекiткен материалдық емес активтердi қоспағанда, Рұқсат етiлген қаржы құралдарының тiзбесiне қосылған қаржы құралдарында жүзеге асырылуы тиiс.».
2. Осы Жарлық қол қойылған күнiнен бастап қолданысқа енгiзiледi.
Қазақстан Республикасының
Президентi Н. Назарбаев
Астана, Ақорда, 2012 жылғы
№