Қазақстан Республикасы Үкiметiнiң 2012 жылғы 13 наурыздағы № 329 Қаулысы
"Мемлекеттiк сатып алуды жүзеге асыру ережесiн бекiту туралы" Қазақстан Республикасы Үкiметiнiң 2007 жылғы 27 желтоқсандағы № 1301 қаулысына толықтырулар енгiзу туралыҚазақстан Республикасының Үкiметi ҚАУЛЫ ЕТЕДI:
1. «Мемлекеттiк сатып алуды жүзеге асыру ережесiн бекiту туралы» Қазақстан Республикасы Үкiметiнiң 2007 жылғы 27 желтоқсандағы № 1301 қаулысына (Қазақстан Республикасының ПҮАЖ-ы, 2007 ж., № 49, 600-құжат) мынадай толықтырулар енгiзiлсiн:
көрсетiлген қаулымен бекiтiлген Мемлекеттiк сатып алуды жүзеге асыру ережесiнде:
«9. Конкурс тәсiлiмен мемлекеттiк сатып алуды жүзеге асырудың ерекше тәртiбi» деген бөлiмде:
«Мемлекеттiк әлеуметтiк тапсырыста көзделген көрсетiлетiн қызметтердi мемлекеттiк сатып алуды жүзеге асырудың ерекше тәртiбi» деген кiшi бөлiмде:
мынадай мазмұндағы 305-1 және 305-2-тармақтармен толықтырылсын:
«305-1. Заңда және осы Ережеде көзделген талаптардан басқа, бiр қаржылық жылдан асатын мерзiмге мемлекеттiк әлеуметтiк тапсырысты iске асыру бойынша қызметтердi мемлекеттiк сатып алу кезiнде конкурстық құжаттама мынадай мәлiметтердi қамтуға тиiс:
1) әлеуеттi өнiм берушiнiң материалдық-техникалық базасының және оның қызметкерлерi бiлiктiлiгiнiң сипаттамасы және оларға қойылатын талаптар;
2) қызметтермен қамтылатын жеке және (немесе) заңды тұлғалардың саны туралы ақпарат.
305-2. Бiр қаржылық жылдан асатын мерзiмге мемлекеттiк әлеуметтiк тапсырысты iске асыру бойынша қызметтердi мемлекеттiк сатып алуды өткiзу жөнiндегi конкурсқа қатысуға арналған өтiнiмдердi қарау кезiнде конкурстық комиссия, егер әлеуеттi өнiм берушiнiң конкурстық өтiнiмi конкурстық құжаттаманың талаптарына, оның iшiнде осы Ереженiң 305-1-тармағында көрсетiлген талаптарға сәйкес келмесе, конкурстық өтiнiмдi қабылдамайды.»;
306-тармақ мынадай мазмұндағы екiншi бөлiкпен толықтырылсын:
«Осы тармақтың 2) тармақшасында көзделген норма бiр қаржылық жылдан асатын мерзiмге мемлекеттiк әлеуметтiк тапсырысты iске асыру бойынша қызметтердi мемлекеттiк сатып алуды өткiзу жөнiндегi конкурсқа қатысатын әлеуеттi өнiм берушiлерге қолданылмайды.»;
2. Осы қаулы алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi.
Қазақстан Республикасының
Премьер-Министрi К. Мәсiмов