Қазақстан Республикасы Үкiметiнiң 2012 жылғы 19 сәуiрдегi № 492 Қаулысы
"Қазақстан Республикасының ақпараттандыру саласындағы жұмыстарды үйлестiру жөнiндегi ведомствоаралық комиссиясының ережесi мен құрамын бекiту туралы" Қазақстан Республикасы Үкiметiнiң 2007 жылғы 30 маусымдағы № 553 қаулыcына өзгерiстер мен толықтырулар енгiзу туралы

Қазақстан Республикасының Үкiметi ҚАУЛЫ ЕТЕДI:
1. "Қазақстан Республикасының ақпараттандыру саласындағы жұмыстарды үйлестiру жөнiндегi ведомствоаралық комиссиясының ережесi мен құрамын бекiту туралы" Қазақстан Республикасы Үкiметiнiң 2007 жылғы 30 маусымдағы № 553 қаулысына (Қазақстан Республикасының ПҮАЖ-ы, 2007 ж., № 23, 259-құжат) мынадай өзгерiстер мен толықтырулар енгiзiлсiн:
тақырыбы мынадай редакцияда жазылсын:
"Қазақстан Республикасының ақпараттандыру және ақпараттық қауiпсiздiктi қамтамасыз ету саласындағы жұмыстарды үйлестiру жөнiндегi ведомствоаралық комиссиясының ережесi мен құрамын бекiту туралы";
1-тармақ мынадай редакцияда жазылсын:
"1. Осы қаулыға 1-қосымшаға сәйкес құрамда Қазақстан Республикасының ақпараттандыру және ақпараттық қауiпсiздiктi қамтамасыз ету саласындағы жұмыстарды үйлестiру жөнiндегi ведомствоаралық комиссиясы (бұдан әрi – Ведомствоаралық комиссия) құрылсын.";
көрсетiлген қаулыға 1-қосымша осы қаулының қосымшасына сәйкес жаңа редакцияда жазылсын;
көрсетiлген қаулымен бекiтiлген Қазақстан Республикасының ақпараттандыру саласындағы жұмыстарды үйлестiру жөнiндегi ведомствоаралық комиссиясы туралы ережеде:
тақырыбы мынадай редакцияда жазылсын:
"Қазақстан Республикасының ақпараттандыру және ақпараттық қауiпсiздiктi қамтамасыз ету саласындағы жұмыстарды үйлестiру жөнiндегi ведомствоаралық комиссиясы туралы ереже";
1-тармақ мынадай редакцияда жазылсын:
"1. Қазақстан Республикасының ақпараттандыру және ақпараттық қауiпсiздiктi қамтамасыз ету саласындағы жұмыстарды үйлестiру жөнiндегi ведомствоаралық комиссиясы (бұдан әрi – Комиссия) "Ақпараттандыру туралы" Қазақстан Республикасының 2007 жылғы 11 қаңтардағы Заңын және Қазақстан Республикасы Президентiнiң 2011 жылғы 14 қарашадағы № 174 Жарлығымен бекiтiлген Қазақстан Республикасы ақпараттық қауiпсiздiгiнiң 2016 жылға дейiнгi тұжырымдамасын iске асыру мақсатында құрылады.";
3-тармақтың 1) тармақшасы мынадай редакцияда жазылсын:
"1) мемлекеттiк құпияларды қорғау саласын қоспағанда, Қазақстан Республикасында "электрондық үкiмет" ұлттық ақпарат инфрақұрылымын қалыптастыру, ақпараттандыру және мемлекеттiк мекемелердiң ақпараттық қауiпсiздiгi саласындағы мемлекеттiк саясаттың негiзгi ережелерiн әзiрлеу;";
4-тармақта:
бiрiншi бөлiкте:
7) тармақшадағы "үйлестiру болып табылады." деген сөздер "үйлестiру;" деген сөзбен ауыстырылсын;
мынадай мазмұндағы 8), 9), 10), 11), 12), 13), 14), 15) және 16) тармақшалармен толықтырылсын:
"8) ақпараттық қауiпсiздiктi және мемлекеттiк ақпараттық ресурстарды қорғауды қамтамасыз ету саласындағы мемлекеттiк саясаттың негiзгi бағыттары бойынша ұсыныстар әзiрлеу;
9) ақпараттық қауiпсiздiк саласындағы қатынастарды реттеудiң құқықтық, әкiмшiлiк, техникалық, бағдарламалық және криптографиялық шаралар жүйесiн жетiлдiру жөнiндегi ұсынымдарды әзiрлеу;
10) ақпараттық қауiпсiздiктi қамтамасыз ету саласындағы нормативтiк құқықтық актiлердi жетiлдiру жөнiнде ұсынымдарды әзiрлеу;
11) ақпараттық қауiпсiздiк саласындағы мемлекеттiк органдардың қызметi мен өзара iс-қимылын үйлестiру мәселелерi бойынша ұсыныстар әзiрлеу;
12) ақпараттық жүйелердi, техникалық, бағдарламалық-техникалық және бағдарламалық құралдарды (бұйымдарды), ақпаратты қорғаудың техникалық құралдарын лицензиялау, техникалық реттеу, оның iшiнде олардың сәйкестiгiн растау мәселелерi бойынша ұсыныстар әзiрлеу;
13) мемлекеттiк органдар мен ұйымдарда мемлекеттiк ақпараттық ресурстарды, қорғау жөнiндегi жұмыстардың жай-күйiне талдау жасау, оның негiзiнде ақпаратты қорғаудың мемлекеттiк жүйесiн жетiлдiру жөнiнде ұсынымдар мен ұсыныстар дайындау;
14) ақпараттық қауiпсiздiкке төнетiн қауiп-қатерге қарсы iс-қимылға бағытталған халықаралық уағдаластықтарды iске асыру мәселелерi бойынша ұсыныстар әзiрлеу;
15) мемлекеттiк бюджет есебiнен жүзеге асырылатын ақпараттық қауiпсiздiктi қамтамасыз ету жоспарлары мен мақсатты бағдарламаларын iске асыру кезеңдерiн талдау, оның негiзiнде ұсынымдар мен ұсыныстар дайындау;
16) мемлекеттiк органдарды ақпараттандыру жоспарлары мен бағдарламаларын және оларды iске асыру тұжырымдамаларын қарау болып табылады.";
екiншi бөлiкте:
4) тармақша мынадай редакцияда жазылсын:
"4) мемлекеттiк мекемелерде "электрондық үкiметтiң" базалық құрамдастарын, сондай-ақ ақпараттық-телекоммуникациялық жүйелердi құру, енгiзу, сүйемелдеу және пайдалану үдерiсiн ұйымдастыру жөнiндегi және ақпараттандыру саласында қолданудан босаған активтердi одан әрi пайдалану бойынша ұсыныстарды қарайды және енгiзедi;";
8) тармақшадағы "тыңдайды." деген сөз "тыңдайды;" деген сөзбен ауыстырылсын;
мынадай мазмұндағы 9), 10), 11), 12), 13), 14), 15), 16), 17), 18) және 19) тармақшалармен толықтырылсын:
9) Қазақстан Республикасының Үкiметiне ақпараттық ресурстарды қорғаудың ұлттық жүйесiн дамыту мен жетiлдiру, ақпарат саласында азаматтардың конституциялық құқықтары мен қоғам мүдделерiн қамтамасыз ету, ғылыми зерттеулер, тәжiрибелiк-конструкторлық жұмыстар жүргiзу мәселелерi және ақпаратты қорғаудың отандық аппараттық, бағдарламалық және аппараттық-бағдарламалық құралдарын шығару мен техникалық сүйемелдеудi қамтамасыз ету үшiн ғылыми-техникалық базаны қалыптастыру жөнiнде ұсыныстар енгiзедi;
10) ақпараттық қауiпсiздiктi қамтамасыз ету саласындағы басымдықтарды анықтау жөнiнде ұсыныстар енгiзедi;
11) мемлекеттiк ақпараттық ресурстарды қорғау мәселелерi бойынша мемлекеттiк органдардың басшыларын тыңдайды;
12) ақпараттық қауiпсiздiктi қамтамасыз ету саласында мемлекеттiк органдар мен ұйымдардың қызметiн үйлестiру және өзара iс-қимыл жасау мәселелерi бойынша ұсыныстар енгiзедi;
13) ақпараттық қауiпсiздiк саласындағы ғылыми-зерттеу және тәжiрибелiк-конструкторлық жұмыстардың бағыттары бойынша ғылыми, эксперименталдық және өндiрiстiк базаны дамыту жоспарлары мен бағдарламаларын қарайды;
14) ақпараттық технологияларды енгiзу және ақпараттық қауiпсiздiктi қамтамасыз ету саласындағы жоспарлар мен бағдарламалардың iске асырылуы барысы туралы мемлекеттiк органдардың басшыларын тыңдайды;
15) елiмiзде ақпараттық қауiпсiздiктi қамтамасыз етуге ықпал ететiн шарттарды жасауға бағытталған құқықтық, экономикалық, ұйымдастырушылық және ғылыми-техникалық сипаттағы шараларды жүзеге асыру жөнiнде ұсыныстар енгiзедi;
16) бюджеттiк бағдарламалар әкiмшiлерiнiң ақпараттық қауiпсiздiк жүйелерiн дамытуға және сүйемелдеуге байланысты кезектi қаржы жылына арналған республикалық бюджет шығыстарын жоспарлау жөнiндегi ұсынысын қарайды және осы мәселе жөнiнде Республикалық бюджеттiк комиссияға ұсынымдық сипатта қорытындылар бередi;
17) ақпараттық қауiпсiздiк саласында кадрлар даярлау жүйесiн жетiлдiру жөнiндегi ұсыныстарды қарайды;
18) мемлекеттiк органдардың ақпараттандыру жоспарларын және бағдарламаларын және оларды iске асыру тұжырымдамаларын iске асыруға ақша қаражаты бөлiнуiнiң мақсатқа сай болуы туралы ұсынымдар әзiрлейдi;
19) ақпараттық технологияларды қолдана отырып, оның iшiнде электронды түрде мемлекеттiк қызмет көрсетулер кезiнде мемлекеттiк органдардың жұмыс үдерiстерiн оңтайландыру жөнiнде ұсынымдар әзiрлейдi.";
9-тармақ мынадай редакцияда жазылсын:
"9. Комиссия өзiнiң отырыстарын жарты жылда бiр рет отырыстардың бекiтiлген жоспарына сәйкес өткiзедi.";
13-тармақ мынадай редакцияда жазылсын:
"13. Комиссияның жұмыс органының функциялары Қазақстан Республикасы Көлiк және коммуникация министрлiгiне жүктеледi.".
2. Осы қаулы қол қойылған күнiнен бастап қолданысқа енгiзiледi.

Қазақстан Республикасының
Премьер-Министрi К. Мәсiмов

Қазақстан Республикасы
Үкiметiнiң
2012 жылғы 19 сәуiрдегi
№ 492 қаулысына
қосымша

Қазақстан Республикасы
Үкiметiнiң
2007 жылғы 30 маусымдағы
№ 553 қаулысына
1-қосымша

Қазақстан Республикасының ақпараттандыру және ақпараттық
қауiпсiздiктi қамтамасыз ету саласындағы жұмыстарды үйлестiру
жөнiндегi ведомствоаралық комиссиясының
құрамы

Мәсiмов - Қазақстан Республикасының
Кәрiм Қажымқанұлы Премьер-Министрi, төраға

Қошанов - Қазақстан Республикасының Премьер-
Ерлан Жақанұлы Министрi Кеңсесiнiң Басшысы,
төрағаның орынбасары

Жұмағалиев - Қазақстан Республикасының Көлiк
Асқар Қуанышұлы және коммуникация министрi,
төрағаның орынбасары

Елеусiзова - Қазақстан Республикасы Көлiк және
Құралай Болатқызы коммуникация министрлiгi Ақпараттық
технологиялар саласындағы
мемлекеттiк саясат департаментiнiң
директоры, хатшы

Жақыпов - Қазақстан Республикасы Президентiнiң
Мiрболат Қабиұлы Әкiмшiлiгi Жалпы бөлiмiнiң
меңгерушiсi (келiсiм бойынша)

Биғари - Қазақстан Республикасы Президентiнiң
Рүстем Айдарбекұлы Әкiмшiлiгi Ақпараттандыру және
ақпараттық ресурстарды қорғау бөлiмi
меңгерушiсiнiң орынбасары (келiсiм
бойынша)

Әбiқаев - Қазақстан Республикасы Ұлттық
Нұртай Әбiқайұлы қауiпсiздiк комитетiнiң төрағасы
(келiсiм бойынша)

Жанқұлиев - Қазақстан Республикасының "Сырбар"
Аманжол Қазбекұлы сыртқы бақылау қызметiнiң директоры
(келiсiм бойынша)

Байменов - Қазақстан Республикасы Мемлекеттiк
Әлихан Мұхамедияұлы қызмет iстерi агенттiгiнiң төрағасы
(келiсiм бойынша)

Жәмiшев - Қазақстан Республикасының Қаржы
Болат Бидахметұлы министрi

Жұмағұлов - Қазақстан Республикасының
Бақытжан Тұрсынұлы Бiлiм және ғылым министрi

Имашев Қазақстан Республикасының Әдiлет
Берiк Мәжитұлы министрi

Смайылов - Қазақстан Республикасы Статистика
Әлихан Асханұлы агенттiгiнiң төрағасы

Исекешев - Қазақстан Республикасының Индустрия
Әсет Өрентайұлы және жаңа технологиялар министрi

Шәженова - Қазақстан Республикасы Экономикалық
Дина Мэлсқызы даму және сауда министрлiгiнiң
жауапты хатшысы

Жасұзақов - Қазақстан Республикасы Қорғаныс
Сәкен Әдiлханұлы министрiнiң бiрiншi орынбасары –
Штабтар бастықтары комитетiнiң
төрағасы

Айтпаева - Қазақстан Республикасы Бас
Сәуле Мұханбедианқызы прокуратурасы Құқықтық статистика
және арнайы есепке алу комитетiнiң
төрайымы (келiсiм бойынша)

Ахметжанов - Қазақстан Республикасы Экономикалық
Марат Мұратұлы қылмысқа және сыбайлас жемқорлыққа
қарсы күрес агенттiгi (қаржы
полициясы) төрағасының орынбасары
(келiсiм бойынша)

Оразқұлов - Қазақстан Республикасы Президентiнiң
Қанат Орынтайұлы Күзет қызметi бастығының орынбасары
(келiсiм бойынша)

Баядiлов - Қазақстан Республикасы Қауiпсiздiк
Ерғали Мұхамеджанұлы Кеңесi хатшылығының сектор
меңгерушiсi (келiсiм бойынша)

Толымбеков - Қазақстан Республикасы
Манат Исенұлы Премьер-Министрiнiң Кеңсесi
Мемлекеттiк құпияларды қорғау
бөлiмiнiң меңгерушiсi

Айтаев - Қазақстан Республикасы
Ренат Құрметжанұлы Премьер-Министрiнiң Кеңсесi
Индустриялық-инновациялық даму
бөлiмiнiң меңгерушiсi

Нұрбеков - Қазақстан Республикасы Президентi Iс
Ержанбек Ормаханұлы басқармасының аппарат басшысы
(келiсiм бойынша)

Дүйсебаев - Қазақстан Республикасы Ұлттық
Әбiлсейiт Оразаханұлы қауiпсiздiк комитетiнiң Арнайы
ақпараттық қызметiнiң директоры
(келiсiм бойынша)

Измайлов - "Зерде" ұлттық инфокоммуникациялық
Нұрлан Тельманұлы холдингi" акционерлiк қоғамының
Басқарма төрағасы (келiсiм бойынша)

Есмамбетов - Қазақстан Республикасы Көлiк және
Ерлан Қожабергенұлы коммуникация министрлiгi
"Телекоммуникация саласындағы
техникалық сүйемелдеу және талдау
орталығы" шаруашылық жүргiзу
құқығындағы республикалық мемлекеттiк
кәсiпорнының директоры

Әбiлдин - "Kazsatnet" ұлттық компаниясы"
Қанат Жанатұлы акционерлiк қоғамының Басқарма
төрағасы (келiсiм бойынша)