Қазақстан Республикасы Үкіметінің 2008 жылғы 8 қыркүйектегі N 829 Қаулысы
Қазақстан Республикасы Үкіметінің резервінен қаражат бөлу туралы

"2008 жылға арналған республикалық бюджет туралы" Қазақстан Республикасының 2007 жылғы 6 желтоқсандағы Заңына, "Республикалық және жергілікті бюджеттердің атқарылу ережесін бекіту туралы" Қазақстан Республикасы Үкіметінің 2007 жылғы 20 наурыздағы N 225 қаулысына сәйкес Қазақстан Республикасының экономикалық тұрақтылығына қауіп төндіретін ахуалдың туындау жағдайларына жол бермеу мақсатында Қазақстан Республикасының Үкіметі ҚАУЛЫ ЕТЕДІ:

1. Қазақстан Республикасы Ауыл шаруашылығы министрлігіне 2008 жылғы егіннің астығынан 240000 (екі жүз қырық мың) тоннаға дейінгі көлемде азық-түліктік бидай сатып алуды қамтамасыз ету үшін "ҚазАгро" ұлттық холдингі" акционерлік қоғамының жарғылық капиталын ұлғайтуға 2008 жылға арналған республикалық бюджетте Қазақстан Республикасы Үкіметінің шұғыл шығындарға көзделген резервінен 7200000000 (жеті миллиард екі жүз миллион) теңге бөлінсін.

2. Қазақстан Республикасы Қаржы министрлігі бөлінген қаражаттың мақсатты пайдаланылуын бақылауды қамтамасыз етсін.

3. Осы қаулы қол қойылған күнінен бастап қолданысқа енгізіледі.

Қазақстан Республикасының
Премьер-Министрі К. Мәсімов