Магистральдық және станциялық жолдарға кірме жолдарды жалғастыруға рұқсат беру ережесі
Қазақстан Республикасы Табиғи монополияларды реттеу агенттігі төрағасының 2007 жылғы 29 тамыздағы N 227-НҚ бұйрығымен бекітілген КЕЛІСІЛГЕН: Қазақстан Республикасының Көлік және коммуникация министрі 2007 жылғы 25 қыркүйек Қазақстан Республикасы Табиғи монополияларды реттеу агенттігі төрағасының 2007 жылғы 29 тамыздағы N 227-НҚ бұйрығымен бекітілген Магистральдық және станциялық жолдарға кірме жолдарды жалғастыруға рұқсат беру ережесі 1. Жалпы ережелері 1. Магистральдық және станциялық жолдарға кірме жолдарды жалғастыруға рұқсат беру ережесі (бұдан әрі - Ереже) "Темір жол көлігі туралы", "Табиғи монополиялар туралы" Қазақстан Республикасының Заңдарына және өзге де нормативтік құқықтық актілерге сәйкес әзірленді. 2. Ереже кірме жолдардың магистральдық (станциялық) жолдарға жалғасуына рұқсат беру тәртібін белгілейді. 3. Осы Ережеде мынадай ұғымдар пайдаланылады: 1) өтініш - магистральдық темір жол желісі операторының темір жолдарының магистральдық және станциялық жолдарына жалғасатын темір жолдары кірме жолдарының құрылысын (қайта жаңғыртуын) жүзеге асыратын жеке немесе заңды тұлғаның ресми өтініші; 2) өтініш беруші - магистральдық темір жол желісі операторының темір жолдарының магистральдық (станциялық) жолдарына жалғасатын темір жолдары кірме жолдарының құрылысын (қайта жаңғыртуын) жүзеге асыратын жеке немесе заңды тұлға; 3) уәкілетті орган - табиғи монополиялар салаларындағы қызмет бақылау мен реттеуді жүзеге асыратын мемлекеттік орган; 4) кірме жолдардың жалғасуы - темір жолдарының магистральдық (станциялық) жолдарына кірме жолдардың қосылуы. Осы Ережеде пайдаланылатын өзге ұғымдар мен терминдер Қазақстан Республикасының заңнамасына сәйкес қолданылады. 2. Кірме жолдардың жалғасуына рұқсат беру тәртібі 4. Кірме жолдардың жалғасуына рұқсат беруді уәкілетті орган өтініш берушінің жазбаша өтінішінің негізінде жүзеге асырады. 5. Өтініш беруші кірме жолдардың жалғасуына рұқсат беру туралы өтінішті уәкілетті органға мынадай құжаттарды: 1) жер учаскесіне меншік құқығының немесе жерді тұрақты пайдалану құқығының актісін; 2) жүктің тегі мен көлемін көрсете отырып, жылдық жүк айналымы туралы мәліметтерді; 3) қауіпті жүктермен жұмыс істеуге арналған кірме жолдың құрылысы (қайта жаңғыртуы) кезінде - өрт қауіпсіздігі, санитарлық-эпидемиологиялық қадағалау, төтенше жағдайлар, қоршаған ортаны қорғау саласында мемлекеттік реттеуді жүзеге асыратын мемлекеттік органдардың жазбаша келісімін; 4) кірме жолдың жалғасу жерін таңдау актісін; 5) кірме жолдың жалғасу жерін көрсете отырып темір жол станциясының жалғасу схемасынан көшірмені; 6) жобаланып отырған немесе қайта жаңғыртылатын кірме жолды, ал қауіпті жүктермен жұмыс істеу кезінде - жобаланып отырған және қолда бар темір жолдың эстакадаларын көрсете отырып ситуациялық жоспарды; 7) кірме жолдардың жалғасуына магистральдық темір жол желісі операторының техникалық талаптарын; 8) кірме жолдардың жалғасуына рұқсат беру мақсаттылығы (мақсатсыздығы) туралы қорытындыны; 9) құрылтай құжаттарды, өтініш берушінің (заңды тұлғалар үшін) мемлекеттік тіркелуі (қайта тіркелуі) туралы куәлікті, жеке кәсіпкердің мемлекеттік тіркелуі туралы куәлікті не нотариус растаған жеке куәлікті (жеке тұлғалар үшін) қоса бере отырып ұсынады. 6. Заңды тұлғаның ұсынылған құжаттары тігілуге, нөмірленуге, өтініш берушінің бірінші басшысының не оны алмастыратын тұлғаның мөрімен және қолымен расталуға, ал жеке тұлғаның құжаттары - тігілуге, нөмірленуге, және мөрмен расталуға тиіс. 7. Уәкілетті орган өтінішті алған күннен бастап жеті жұмыс күнінің ішінде ұсынылған құжаттардың толықтығын тексереді және өтініш беруші мен магистральдық темір жол желісінің операторын өтінішті қарауға алуы туралы немесе алудан бас тартуы туралы бас тарту себептерін көрсете отырып, жазбаша хабардар етеді. 8. Осы Ережеге сәйкес талап етілетін қажетті құжаттарды және ақпаратты ұсынбау немесе толық көлемде ұсынбау, сондай-ақ ұсынылған құжаттардың осы Ереженің 6-тармағының талаптарына сәйкес келмеуі өтінішті қарауға қабылдаудан бас тартуға негіз болып табылады. 9. Кірме жолдардың жалғасуына рұқсат беру туралы өтінішті уәкілетті орган өтініш түскен сәттен бастап отыз күнтізбелік күн ішінде қарайды. 10. Кірме жолдардың жалғасуына рұқсат беру және кірме жолдардың жалғасуына рұқсат беруден бас тарту жазбаша нысанда ресімделеді және уәкілетті органның бірінші басшысы не оны алмастыратын тұлға қол қояды. Бұл ретте уәкілетті орган қабылдаған шешімі туралы магистральдық темір жол желісінің операторын бес жұмыс күннің ішінде хабардар етеді.
|