34. Өнiм берушiге берiлген Тауарларға ақы төлеу осы Шарттың ____ және________ -тармақтарында көрсетiлген нысанда және мерзiмде жүргiзiлетiн болады.
35. Тапсырыс берушi Шартта көрсеткен баға Тапсырыс берушiнiң конкурстық өтiнiмiнде ол көрсеткен бағаға сәйкес келуге тиiс.
36. Екi тарап қол қойған жазбаша өзгерiстердi қоспағанда, Шарттың құжаттарына ешқандай ауытқулар немесе өзгерiстер (сызбалар, жобалар немесе техникалық ерекшелiктер, тиеу, орау әдiстерi, жеткiзу орны немесе өнiм берушi көрсететiн Қызметтер және т.б.) Шарттың құжаттарына жiберiлмейдi.
37. Егер кез келген өзгерiс Өнiм берушiге Шарт бойынша тауарлардың кез келген бөлiгiн беру үшiн қажеттi құнның немесе мерзiмнiң азаюына әкелетiн болса, Шарттың бағасы немесе беру кестесi немесе сол немесе өзгелерi тиiстi түрде түзетiледi, ал Шартқа тиiстi түзетулер енгiзiледi. Осы бап шеңберiнде Өнiм берушiнiң түзету жүргiзуге барлық сауалдары Өнiм берушi Тапсырыс берушiден өзгерiстер туралы өкiм алған күннен бастап 30 (отыз) күн iшiнде көрсетiлуге тиiс.
38. Өнiм берушi қандай да болмасын бiреуге осы Шарт бойынша өзiнiң мiндеттемелерiн Тапсырыс берушiнiң алдын ала жазбаша келiсiмiнсiз не толық не iшiнара бермеуге тиiс.
39. Өнiм берушi Тапсырыс берушiге, егер бұл конкурстық өтiнiмнiң құжаттарында айтылса, осы Шарт шеңберiнде жасалған барлық қосалқы мердiгерлiк шарттардың көшiрмесiн беруге тиiс. Қосалқы мердiгерлердiң болуы Өнiм берушiнi Шарт бойынша материалдық немесе басқа жауапкершiлiктен босатпайды.
40. Тауарларды берудi және Қызметтердi көрсетудi Өнiм берушi бағалар кестесiнде көрсетiлген кестеге сәйкес жүзеге асыруға тиiс.
41. Тапсырыс берушi тарапынан берудi орындауды кешiктiру оған жүктелетiн мынадай санкцияларға әкелуi мүмкiн: Шартты орындауды қамтамасыз етудi ұстап немесе тұрақсыздық айыбын төлеп Шарттың күшiн жою.
42. Егер Шарты орындау кезеңiнде Өнiм берушi немесе оның қосалқы мердiгерi (лерi) кез келген сәтте Тауарларды уақтылы жеткiзуге және қызметтердi көрсетуге кедергi келтiретiн жағдайларға тап болса, Өнiм берушi Тапсырыс берушiге тез арада кешiгу фактiсi, оның шамамен ұзақтығы және себебi (терi) туралы жазбаша хабарлама жiберуге тиiс. Өнiм берушiден хабарлама алғаннан кейiн Тапсырыс берушi жағдайды бағалауға тиiс және өзiнiң қалауы бойынша Өнiм берушiнiң Шартты орындау мерзiмiн ұзарта алады: бұл жағдайда мұндай ұзартуды тараптар Шарттың мәтiнiне түзетулер енгiзу жолымен қол қойылуы тиiс.
43. Форс-мажор жағдайларын қоспағанда, егер Өнiм берушi тауарларды Шартта көзделген мерзiмде бере алмайтын не қызметтердi көрсете алмайтын болса, Тапсырыс берушi өзiнiң басқа құқықтарына зиян келтiрместен, шарт шеңберiнде әрбiр мерзiмi өткен күн үшiн Шарттың бағасынан 0,1 % соманы тұрақсыздық айыбы түрiнде шегерiп тастайды.
44. Шарттың талаптарын бұзғаны үшiн қандай да болмасын басқа санкцияларға зиян келтiрместен, Тапсырыс берушi Өнiм берушiге мiндеттемелердi орындамағаны туралы жазбаша хабарлама жiбере отырып, осы Шартты толық немесе iшiнара бұза алады:
а) егер Өнiм берушi Тауардың бөлiгiн немесе барлығын Шартта көзделген мерзiмде (дерде) немесе Тапсырыс берушi берген осы Шартты ұзарту кезеңi iшiнде бере алмаса;
б) егер Өнiм берушi Шарт бойынша қандай да болмасын басқа да өзiнiң мiндеттемелерiн орындай алмаса.
45. Өнiм берушi, егер Шартты орындауды кешiктiру форс-мажор жағдайларының нәтижесi болса, өзiнiң Шартты орындауды қамтамасыз етуден айырылмайды және Шарттың талаптарын орындамауына орай тұрақсыздық айыбын төлеуге немесе оны бұзуға жауапкершiлiк жүктемейдi.
46. Осы Шарттың мақсаты үшiн "форс-мажор" Өнiм берушiнiң есебiне және салақтығына байланысты емес және күтпеген сипаттағы Өнiм берушi тарапынан бақылауға бағынбайтын оқиғаны бiлдiредi. Мұндай оқиғалар әскери iс-қимылдар, табиғи немесе зiлзала апаттары, iндет, карантин мен тауарларды беруге эмбарго сияқты iс-қимылдарды қамтуы мүмкiн, бiрақ олармен шектелмейдi.
47. Форс-мажор жағдайлары туындаған кезде Өнiм берушi Тапсырыс берушiге мұндай жағдайлар мен олардың себептерi туралы тез арада жазбаша хабарлама жiберуге тиiс. Егер Тапсырыс берушiден өзгеше жазбаша нұсқаулықтар түспесе, Өнiм берушi Шарт бойынша өзiнiң мiндеттемелерiн орындауды ол орынды болғанынша жалғастырады және форс-мажор жағдайларына байланысты емес Шартты орындаудың баламалы тәсiлдерiн жүргiзедi.
48. Тапсырыс берушi, егер Өнiм берушi банкрот немесе төлеуге қабiлетсiз болса, Өнiм берушiге тиiстi жазбаша хабарлама жiбере отырып, Шартты бұза алады. Бұл жағдайда бұзу тез арада жүзеге асады және Тапсырыс берушi, егер Шартты бұзу iс-әрекеттердi жасауға немесе Тапсырыс берушiге қойылған немесе қойылатын санкцияларды қолдануға залал әкелмесе немесе қандай да болмасын құқықтарды қозғамаса Өнiм берушiге қатысты ешқандай қаржылық мiндеттемелер жүктемейдi.
49. Тапсырыс берушi Өнiм берушiге тиiстi жазбаша хабарлама жiбере отырып, оның бұдан әрi орындалуының орынсыздығына орай кез келген уақытта Шартты бұза алады. Хабарламада Шартты бұзудың себебi көрсетiлуге тиiс, күшi жойылған шарттық мiндеттемелердiң көлемi, сондай-ақ Шарттың бұзылуы күшiне енген күн айтылуға тиiс.
50. Жоғарыда көрсетiлген жағдаяттар негiзiнде Шарт жойылған кезде, Өнiм берушi Шарт бойынша бұзуға байланысты оны бұзатын күнгi iс жүзiндегi шығындар үшiн ғана ақы талап етуге құқылы.
51. Заңның 6-бабында көзделген шектеулердiң бұзылуы анықталған, сондай-ақ ұйымдастырушы Өнiм берушiге Заңда көзделмеген жәрдем көрсеткен жағдайда Мемлекеттiк сатып алу туралы шарт кез келген кезеңде бұзылуы мүмкiн. Өнiм берушiге мұндай негiздеме бойынша Шарттың бұзылуымен байланысты болған шығындар өтемiн талап ету құқығына ие емес.
52. Тапсырыс берушi мен Өнiм берушi тiкелей келiссөздер процесiнде олардың арасында Шарт бойынша немесе оған байланысты туындайтын барлық келiспеушiлiктердi немесе дауларды шешуге бар күш-жiгерiн жұмсауға тиiс.
53. Егер осындай келiссөздер басталғаннан кейiн 21 (жиырма бiр) күн iшiнде Тапсырыс берушi мен Өнiм берушi Шарт бойынша дауды шеше алмаса, тараптардың кез келгенi осы мәселенi Қазақстан Республикасының заңнамасына сәйкес шешудi талап ете алады.
53-1. Отандық тауар өндiрушiлермен немесе отандық қызметтердi көрсетушiлермен шарт жасалған жағдайда, шарт алдын ала ақы төлеу және тауарларды жеткiзгенi не қызметтердi көрсеткенi үшiн толық ақы төлеу туралы шартты қамтуы тиiс. Бұл ретте толық ақы төлеу мерзiмi осы шарт бойынша мiндеттемелердi орындаған күннен бастап отыз күнтiзбелiк күннен аспауы тиiс.
Ескерту. Қосымша 53-1-тармақпен толықтырылды - ҚР Үкiметiнiң 2010.04.02 № 280 (қолданысқа енгiзiлу тәртiбiн 2-т. қараңыз) Қаулыcымен.
54. Мемлекеттiк сатып алу туралы шартты Қазақстан Республикасының резидентi емеспен жасасқан жағдайларда мемлекеттiк сатып алу туралы шартты Қазақстан Республикасы заңнамасының талаптарын ескере отырып, ол ұсынған нысанда ресiмдеуге жол берiледi.
55. Шарт мемлекеттiк және/немесе орыс тiлдерiнде жасалады. Шартты төрелiкте қарау қажет болған жағдайда Шарттың мемлекеттiк немесе орыс тiлдерiндегi данасы қаралады. Шартқа қатысты барлық хат алмасу немесе тараптар алмасатын басқа құжаттама осы талаптарға сәйкес келуге тиiс.
56. Шарт Қазақстан Республикасының заңнамасына сәйкес жасалуға тиiс.
57. Шартқа сәйкес тараптардың бiрi екiншi тарапқа жiберетiн кез келген хабарлама кейiннен түпнұсқасын бере отырып, хат, жеделхат, телекс немесе факс түрiнде жiберiледi.
58. Хабарлама жеткiзiлгеннен кейiн немесе күшiне ену көрсетiлген күнi (егер хабарламада көрсетiлсе) күшiне енедi, ол бұл күндердiң қайсысы кеш болатындығына байланысты.
59. Салық және бюджетке төленетiн басқа да мiндеттi төлемдер Қазақстан Республикасының заңнамасына сәйкес төленуге тиiс.
60. Өнiм берушi Шарттың орындалуын қамтамасыз етудi конкурстық құжаттамада көзделген нысанда, көлемде және шарттарда енгiзуге мiндеттi.
60-1. Әлеуеттi өнiм берушi (мердiгер) конкурстық өтiнiмге (бар болған кезде) қазақстандық қамтуды қамтамасыз етудi мiндетiне алады.
Ескерту. 60-1-тармақпен толықтырылды - ҚР Үкiметiнiң 2008.12.31. N 1356 (қолданысқа енгiзiлу тәртiбiн 3-т. қараңыз) Қаулысымен.
61. Осы Шартта Тапсырыс берушi мен Өнiм берушi белгiленген тәртiппен келiсiлген өзге де айыппұл санкциялары не Қазақстан Республикасының заңнамасына қайшы келмейтiн өзге де шарттар көзделуi мүмкiн.
62. Осы Шарт Тапсырыс берушi оны Қазақстан Республикасы Қаржы министрлiгiнiң аумақтық қазынашылық бөлiмшелерiнде (мемлекеттiк органдар мен мемлекеттiк мекемелер үшiн) тiркеуден өткiзгеннен кейiн және Өнiм берушi осы Ереженiң 156-тармағында көрсетiлген жағдайларда Шарттың орындалуын қамтамасыз етудi енгiзгеннен кейiн күшiне енедi.
63. Тараптардың мекен-жайлары мен деректемелерi:
Тапсырыс берушi Өнiм берушi
_____________________________ ________________________
(толық атауы) (толық атауы)
_____________________________ ________________________
_____________________________ ________________________
(мекен-жайы) (мекен-жайы)
_____________________________ ________________________
(телефоны, факсы) (телефоны, факсы)
_____________________________ ________________________
(Т.А.Ә.) (Т.А.Ә.)
_____________________________ ________________________
(қолы) (қолы)
________ж."__"__________ _________ж."___" _______
М.О. М.О.
Аумақтық қазынашылық органында тiркеу үшiн (мемлекеттiк органдар мен мемлекеттiк мекемелер үшiн):____________________
Осы Тауарларды/көрсетiлетiн қызметтердi мемлекеттiк сатып алу туралы шарт Тапсырыс берушiнiң тауарларды/көрсетiлетiн қызметтердi мемлекеттiк сатып алуды жүзеге асыруы үдерiсiнде Тапсырыс берушi мен Өнiм берушi арасында туындайтын құқықтық қатынастарды реттейдi. Тапсырыс берушi осы Шартты пайдалана отырып, мемлекеттiк сатып алу қорытындылары негiзiнде өзiнiң тауарларды/көрсетiлетiн қызметтердi мемлекеттiк сатып алу туралы шартының жобасын әзiрлеуге тиiс. Бұл ретте осы Шартқа енгiзiлетiн кез келген өзгерiстер мен толықтырулар Қазақстан Республикасының мемлекеттiк сатып алу туралы заңнамасына, Тапсырыс берушiнiң конкурстық құжаттамасына, Өнiм берушiнiң конкурстық өтiнiмiне және Конкурстың қорытындылары туралы хаттамаға сәйкес келуге тиiс. Осы Шартта курсивпен бояп көрсетiлген түсiндiрмелердi Тапсырыс берушi толтыруға тиiс.
Ережеге
5-қосымша
Ескерту. 5-қосымшаға өзгерту енгiзiлдi - ҚР Үкiметiнiң 2008.12.31. N 1356 (қолданысқа енгiзiлу тәртiбiн 3-т. қараңыз) Қаулысымен.
Жұмыстарды мемлекеттiк сатып алу туралы шарт
_____________________________ _____ жылғы "___"__________
(Орналасқан жерi)
Бұдан әрi Тапсырыс берушi деп аталатын______________________
(Тапсырыс берушiнiң толық атауы)
атынан____________________________________________________________,
(уәкiлеттi адамның лауазымы, тегi, аты, әкесiнiң аты)
бiр тараптан және бұдан әрi Өнiм берушi деп аталатын,
____________________________________________________________ атынан
(өнiм берушi - конкурс жеңiмпазының толық атауы)
___________________________________________ негiзiнде әрекет ететiн
(Жарғы, Ереже және т.с.с.)
__________________________________________________________________
(уәкiлеттi адамның лауазымы, тегi, аты, әкесiнiң аты)

екiншi тараптан, "Мемлекеттiк сатып алу туралы" Заңның (бұдан әрi - Заң) және ___жылғы "__"_______ өткен Мемлекеттiк сатып алу (конкурс, баға ұсыныстары, бiр көзден тәсiлiмен) қорытындыларының негiзiнде осы Мемлекеттiк сатып алу туралы шартты (бұдан әрi - Шарт) жасасты және мына төмендегi келiсiмге келдi:
1. Мемлекеттiк сатып алуды ұйымдастырушы - (мемлекеттiк сатып алуды ұйымдастырушының атауы көрсетiлсiн) Тапсырыс берушi үшiн мемлекеттiк сатып алуды (жұмыстардың қысқаша сипаттамасы) жариялады және Мердiгердiң (сомасы сандармен және жазумен көрсетiлсiн) (бұдан әрi - Шарттың бағасы) мөлшерiнде осы жұмыстарды орындауға конкурстық өтiнiмiн қабылдады.
2. Жұмыстар Жоба бойынша орындалады (жобаның аты, объектiнiң атауы мен орналасқан жерi)
Бас жобалаушы (ұйымның атауы мен мекен-жайы)
__________________________________________________________________
3. Осы Шартта төменде санамаланған ұғымдарға мынадай түсiнiк берiледi:
1) "Тапсырыс берушi" - мемлекеттiк органдар, мемлекеттiк мекемелер, сондай-ақ дауыс беретiн акциялардың елу және одан астам пайызы мемлекетке тиесiлi мемлекеттiк кәсiпорындар, заңды тұлғалар және олармен аффилиирленген заңды тұлғалар;
2) "Бас мердiгер" (бұдан әрi - Мердiгер) - Тапсырыс берушiмен жасалған мемлекеттiк сатып алу туралы шартта оның контрагентi ретiнде әрекет ететiн заңды тұлға, сондай-ақ, консорциум (сатып алуды жүзеге асыру ережесiнде көзделген жағдайларда);
3) "Қосалқы мердiгер (бiрлескен орындаушы)" - Шарт бойынша учаскеде (объектiде) жұмыстардың бiр бөлiгiн орындауға Мердiгермен шарты және (немесе) келiсiмi бар адамды немесе ұйымды бiлдiредi;
4) "Техникалық қадағалаушы" - мердiгерлiк жұмыстарды Мердiгердiң Шарттың ережелерiне сәйкес орындауы жөнiндегi бақылауды жүзеге асыруға Тапсырыс берушi тағайындаған және Мердiгерге хабарланған адамды бiлдiредi;
5) "Объект" - мемлекеттiк сатып алуды ұйымдастырушы Мердiгердiң Шартта көзделген түрде құрылуға, қайта жаңартуға және Тапсырыс берушiге беруге тиiс деп анықтаған ғимарат, құрылым;
6) "Учаске" - Объект құрылысын салуға немесе жұмыстарды жүргiзуге бөлiнген аумақты бiлдiредi;
7) "Шарттың құны" - Шарттың Мердiгер өзiнiң конкурстық өтiнiмiнде көрсеткен және Тапсырыс берушi қабылдаған жалпы сомасын бiлдiредi;
8) "Шарт" - "Мемлекеттiк сатып алу туралы" Қазақстан Республикасының Заңына және Қазақстан Республикасының өзге де нормативтiк құқықтық актiлерiне сәйкес Тапсырыс берушi мен Мердiгердiң арасында ғимараттар мен құрылымдардың құрылысын салуға және жөндеу-құрылыс жұмыстарына жасалған азаматтық-құқықтық шарт. Шартқа оған қол қойылғаннан кейiнгi барлық толықтырулар мен өзгерiстер қабылдау жолымен жасалуы мүмкiн. Шарт Жобалаушы мен Мердiгер, Тапсырыс берушiлер мен Қосалқы мердiгерлер арасындағы қандай да бiр шарттық қатынастар қалыптастыратындай түрде түсiндiрiлуге тиiс емес;
9) "Уақытша құрылыстар" - Объектiнiң құрылысын салу мен жөндеу үшiн қажеттi, тұрғызылатын, орнатылатын және Объектiнiң құрылысын салуды аяқтағаннан кейiн Мердiгер алып тастайтын барлық уақытша ғимараттар мен құрылыстарды бiлдiредi;
10) "Материалдар" - Объект құрылысын салу үшiн Мердiгер мен Қосалқы мердiгер пайдаланатын барлық шығыс материалдарын бiлдiредi;
11) "Жабдық" - Мердiгер мен Қосалқы мердiгердiң Объектiнiң құрылысын салу үшiн учаскеде уақытша тұрған барлық машиналары мен тетiктерiн бiлдiредi;
12) "Құрылыстың ұзақтық мерзiмi" Мердiгер Объектiнiң құрылысын салуды аяқтауға тиiс мерзiмдi бiлдiредi;
13) "Күндер" - күнтiзбелiк күндер, "айлар" - күнтiзбелiк айлар;
14) "Өзгерiстер" - Тапсырыс берушi Шартқа қол қойылғаннан кейiн берген өзгерiстер;
15) "Ақау" - жұмыстардың Шарт ережелерiн бұзып орындалған бөлiгi;
16) "Шалалықтар мен ақауларды жою кезеңi" - жұмыстардың орындалуын тексеру үдерiсiнде табылған шалалықтар мен ақауларды жою кезеңi.
Ескерту. 3-тармаққа өзгерту енгiзiлдi - ҚР Үкiметiнiң 2008.12.31. N 1356 (қолданысқа енгiзiлу тәртiбiн 3-т. қараңыз) Қаулысымен.
4. Төменде санамаланған құжаттар мен оларда айтылған талаптар осы Шартты құрайды және оның ажырамас бөлiгi болып табылады, атап айтқанда:
1) осы Шарт;
2) Шарттың мәнi/сатып алынатын жұмыстардың тiзбесi;
3) техникалық өзiндiк ерекшелiк;
4) Шарттың орындалуын қамтамасыз ету (бұл тармақша, егер шарттың орындалуын қамтамасыз етудi енгiзу конкурстық құжаттамада көзделген болса көрсетiледi);
5) жобалау-сметалық құжаттама/жұмыс сызбалары (сызбалардың нөмiрлерi мен олардың күндерi көрсетiлсiн):
Құжат
Атауы
Нөмiрi және күнi
6) Толықтырулар (осындайлар болса):
Құжат
Атауы
Нөмiрi мен күнi
7) Өзге де құжаттар: (Тапсырыс берушi Шарттың құжаттарына енгiзгiсi келетiн қосымша құжаттар көрсетiлсiн)
____________________________________________________
____________________________________________________
5. Өнiм берушi Шартты жасасқан күннен бастап он жұмыс күнi iшiнде Шарттың атқарылуын қамтамасыз етудi енгiзуге тиiс. Өнiм берушi Шарттың атқарылуын қамтамасыз етудiң мынадай түрлерiнiң бiрiн таңдауға:
1) Тапсырыс берушiнiң банктiк шотына не мемлекеттiк органдар және мемлекеттiк мекемелер болып табылатын тапсырыс берушiлер үшiн Қазақстан Республикасының бюджет заңнамасында көзделген шотқа енгiзiлетiн кепiлдi ақшалай жарнаны;
2) банктiк кепiлдiктi таңдауға құқылы.
6. Өнiм берушiнiң Шарт бойынша мiндеттемелер толық орындалғанға дейiн үшiншi бiр тұлғалардың енгiзiлген кепiлдiктi ақшалай жарнаға толығымен не бiр бөлiгiнде талап ету құқықтарының туындауын келтiрiп шығаратын iс-әрекеттер жасауына жол берiлмейдi. Тапсырыс берушiнiң Өнiм берушi енгiзген кепiлдi ақшалай жарнаны Заңда көзделмеген мақсаттарға пайдалануына жол берiлмейдi.
7. Мемлекеттiк органдар, мемлекеттiк мекемелер және жедел басқару құқығындағы мемлекеттiк кәсiпорындармен мемлекеттiк сатып алу шарты бiр қаржы жылынан астам мерзiмге мемлекеттiк сараптамадан өткен жобалау-сметалық құжаттамада оларды аяқтау мерзiмi келесi (кейiнгi) қаржылық жылда (жылдарында) көзделген жұмыстарды сатып алған жағдайда жасалуы мүмкiн.
Бұл ретте, қолданылу мерзiмi бiр қаржы жылынан астам мемлекеттiк сатып алу туралы мұндай шарттарға жоғарыда көзделген жағдайларда, бәсекелестiк негiзде өткiзiлген мемлекеттiк сатып алу қорытындылары бойынша анықталған өнiм берушiлермен ғана рұқсат етiледi.
Конкурс нәтижелерi бойынша жасалған Мемлекеттiк сатып алу шарты өнiм берушiнiң уәкiлеттi органға өтiнiм мен мемлекеттiк сатып алу бойынша уәкiлеттi органға шартты баға арасындағы айырма ретiнде алынған кiрiстi пайдалану бойынша ақпарат бергенi туралы келiсiм шарттарын қамтуы тиiс.
Шаруашылық жүргiзу құқығындағы мемлекеттiк кәсiпорындар, сондай-ақ дауыс беретiн акциялардың елу және одан астам пайызы мемлекетке тиесiлi заңды тұлғалар және олармен аффилиирленген заңды тұлғалар басқару органы немесе көрсетiлген тұлғалардың жоғарғы органы бекiткен даму жоспарында (бизнес-жоспарда) оларды аяқтау мерзiмi келесi (кейiнгi) қаржылық жылға (жылдарына) белгiленген iс-шараларды орындау үшiн қажеттi жұмыстарды мемлекеттiк сатып алу туралы ұзақ мерзiмдi шарт жасасулары мүмкiн.
Ескерту. 7-тармаққа өзгерту енгiзiлдi - ҚР Үкiметiнiң 2008.12.31. N 1356 (қолданысқа енгiзiлу тәртiбiн 3-т. қараңыз) Қаулысымен.
8. Мердiгер осы Шартта көзделген барлық жұмыстардың орындалуын қамтамасыз етудi мiндетiне алады.
8-1. Отандық жұмыстарды берушiлермен мемлекеттiк сатып алу туралы шарт алдын ала ақы төлеу және жұмыстарды жүзеге асырғаны үшiн толық ақы төлеу туралы шартты қамтуы тиiс, бұл ретте толық ақы төлеу мерзiмi осы шарт бойынша мiндеттемелердi орындаған күннен бастап отыз күнтiзбелiк күннен аспауы тиiс.
Ескерту. Қосымша 8-1-тармақпен толықтырылды - ҚР Үкiметiнiң 2010.04.02 № 280 (қолданысқа енгiзiлу тәртiбiн 2-т. қараңыз) Қаулыcымен.
9. Мемлекеттiк сатып алу туралы шартты Қазақстан Республикасының бейрезидентiмен жасасқан жағдайларда мемлекеттiк сатып алу туралы шартты Қазақстан Республикасы заңнамасының талаптарын ескере отырып, ол ұсынған нысанда ресiмдеуге жол берiледi.
10. Шарт мемлекеттiк және/немесе орыс тiлдерiнде жасалады.
Шартты төрелiк сотта қарау қажет болған жағдайда Шарттың мемлекеттiк және/немесе орыс тiлдерiндегi данасы қаралады. Шартқа қатысты тараптар алмасатын барлық хат алмасу мен басқа да құжаттама осы талаптарға сәйкес болуы тиiс.
11. Мемлекеттiк сатып алу туралы шарт мемлекеттiк сатып алу туралы шартқа өзгерiстер енгiзу шартын көздеуi тиiс.
Өнiм берушiнi таңдауға негiз болған сапаның және басқа да шарттардың өзгертпеу шартымен мемлекеттiк сатып алу туралы жасалған шартқа өзгерiстер енгiзуге:
1) ұқсас сатып алынатын жұмыстарға бағалар азаю жағына өзгерсе, тараптардың өзара келiсiмi бойынша жұмыстарға бағаның және осыған сәйкес шарттың бағасын азайту бөлiгiнде;
2) егер мемлекеттiк сараптамадан өткен жобалау-сметалық құжаттамаға өзгерiстер енгiзiлсе және Қазақстан Республикасының бюджет және өзге де заңнамасында белгiленген тәртiппен қабылданған, осындай өзгерiстiң сомасынан қосымша ақша бөлу туралы шешiм қабылданса, шарттың сомасын ұлғайту бөлiгiнде;
3) осы тармақтың 2) тармақшасында көрсетiлген жұмыстарды қоспағанда, осы жұмыстарды мемлекеттiк сатып алу туралы жасалған шартта көрсетiлген жұмыс бiрлiгi үшiн бағаны өзгертпейтiн шартпен сатып алынатын жұмыстардың көлемiндегi қажеттiлiктiң азаюына немесе ұлғаюына байланысты шарттың бағасын азайту не ұлғайту бөлiгiнде. Мемлекеттiк сатып алу туралы жасалған шартты мұндай өзгертуге мемлекеттiк сатып алудың жылдық жоспарында осы жұмыстарды сатып алу үшiн көзделген соманың шегiнде жол берiледi;
4) салық, кеден және басқа да салалардағы заңнаманың не Қазақстан Республикасының заңнамасының өзгерiсiне байланысты еңбек пен материалдық ресурстар құнының өзгеруiнен туындаған аяқталу мерзiмi келесi (кейiнгi) жылдағы (жылдардағы) жұмыстарды орындау шартының сомасын азайту және ұлғайту бөлiгiнде, сондай-ақ жылдар бойынша қаржыландыру өзгерген жағдайда, мемлекеттiк сараптамадан өткен жобалау-сметалық құжаттамаға тиiстi өзгерiстер енгiзу шартымен шарттың орындалу мерзiмдерiн тиiсiнше өзгерту бөлiгiнде жол берiледi.
Мемлекеттiк сатып алу туралы шарттың жобасына не жасалған шартқа мемлекеттiк сатып алу шарттарының және (немесе) өнiм берушi таңдау үшiн негiз болған ұсыныстың мазмұнын өзгертетiн өзгерiстердi Заңның 39-бабының 1 және 2-тармақтарында көзделмеген негiздемелер бойынша енгiзуге жол берiлмейдi.
12. Тапсырыс берушi мен Мердiгер арасындағы Объект құрылысын салу мәселелерiне қатысты ресми қатынас жазбаша түрде ғана күшке ие болады.
13. Мердiгер қосалқы мердiгерлiк ұйымдармен жұмыстардың жалпы көлемiнiң (мердiгерлiк бағасының) 2/3 бөлiгiнен аспайтын Шарт жасаса алады, және Тапсырыс берушiнiң жазбаша рұқсатынсыз Шартты үшiншi тұлғаға бере алмайды. Қосалқы мердiгерлердiң болуы Тапсырыс берушi мен Мердiгер арасындағы Шарттың талаптарын өзгертпейдi.
14. Учаскеде қосалқы мердiгерлер бар болса Мердiгер өзiнiң жұмыстарын олармен үйлестiрiп отыруы тиiс.
15. Тапсырыс берушi Мердiгерге объектiнiң құрылысын салуға (жөндеуге, қайта жаңартуға) жобалау-сметалық құжаттаманы бередi (мемлекеттiк сатып алу бойынша конкурс құрылысты "Дайын тапсыру" шартымен өткiзiлген кезде бұл талап осы Шартта ескерiлуi тиiс).
16. Мердiгер негiзгi қызметтерге бiлiктiлiгi туралы мәлiметтерде көрсетiлген қызметкерлердi жалдайды. Бұл адамдарды басқасына ауыстырған кезде Мердiгер мұндай ауыстыруға Тапсырыс берушiнiң келiсiмiн алуы тиiс. Жаңа қызметкерлердiң бiлiктiлiгi туралы мәлiметтерде санамаланған қызметкерлердiң бiлiктiлiгiне тең немесе одан жоғары болуы тиiс.
17. Егер Тапсырыс берушi Мердiгерден Мердiгердiң немесе қосалқы мердiгердiң қызметкерi болып табылатын адамды, себептерiн көрсете отырып, Объектiде жұмыстарды орындаудан алыстатуды сұрайтын болса, Мердiгер мұндай адамды 72 сағат iшiнде құрылыс объектiсiнен кетiруге мiндеттi, одан кейiн бұл адамның осы Шарт бойынша жұмыстарды орындаумен ешқандай байланысқа ие болмауы тиiс.
18. Мердiгер Тапсырыс берушiнiң мүлкiне, меншiгiне шығындар немесе залал келтiрумен және өз қызметкерлерiнiң денсаулығына, сондай-ақ өз қызметкерлерiнiң мерт болуымен байланысты және Шартты орындау ағымында және салдарынан туындайтын барлық тәуекел үшiн жауапты болады.
19. Тапсырыс берушi тәуекелдiң ерекше түрлерi, атап айтқанда: соғыс, көтерiлiс, революция, азаматтық соғыс, бүлiктер, тәртiпсiздiктер (егер онда Тапсырыс берушiнiң қызметкерлерi қатысса) тәуекелi үшiн жауапты болады. Сондай-ақ, Мердiгер тапқан және конкурстық құжаттамада көрсетiлмеген топырақтың уытты және жарылғыш нәрселермен улануы және егер осы табылғандар жұмыстардың орындалуына тiкелей әсер ететiн болса да Тапсырыс берушiнiң тәуекелi болып табылады.
20. Мердiгер ақауларды жою кезеңiн қоса алғанда, жұмыстар басталған күннен жұмыстар толық аяқталғанға дейiнгi кезеңге Тапсырыс берушiнiң атына сақтандырумен жабуды қамтамасыз етедi.
Сақтандыру объектiлерi және сомасы __________________________
__________________________________________________________________
(жабдықтар берудi сақтандыру, адамдарды және т.б. сақтандыру)
21. Мердiгер сақтандыру полистерi мен сертификаттарын Тапсырыс берушiге жұмыстар басталатын Күнге дейiн ұсынуы тиiс.
22. Егер Мердiгер талап етiлетiн сертификаттарды ұсынбаса, Тапсырыс берушi Мердiгердiң қамтамасыз етуi тиiс сақтандыруды жүргiзуi және осы шығыстарды Шарттың құнынан ұстауы мүмкiн.
23. Мердiгер Тапсырыс берушiнiң келiсiмiнсiз сақтандыру шарттарын ешқандай өзгерте алмайды.
24. Екi тарап та сақтандыру полистерiнiң барлық шарттарын сақтауға тиiс.
25. Тараптардың әрқайсысы олардың бiрлескен iс-қимылдары немесе кемшiлiктерiнiң нәтижелерi болып табылған шығындар бойынша шығындар, шығыстар және талап-арыздар, адамдардың денсаулығына залал келтiргенi және өлiмi үшiн жауап бередi және оларды басқа тарапқа өтейдi.
26. Мердiгер Объектiдегi жұмыстар өндiрiсiнiң қауiпсiздiк техникасы үшiн толығымен жауап бередi.
27. Тапсырыс берушi Мердiгердiң объектiнiң құрылысын салуға бөлiнген Учаскенiң барлығын пайдалануға рұқсат етедi. Егер құрылысқа берiлген Учаскенiң бiр бөлiгi Учаске берiлетiн күнге берiлмеген болса және осы себеппен жұмыстарды орындау кiдiртiлсе, онда бұл жағдайда Тапсырыс берушi жұмыстарды аяқтау мерзiмiн осы Учаскенi берудi кiдiрткен мерзiмге ұзартуы тиiс.
28. Тапсырыс берушi немесе оның уәкiлеттi тұлғасы, сондай-ақ жобалау-сметалық құжаттаманың әзiрлеушiлерi Учаскеге немесе Шарт бойынша жұмыстар орындалып жатқан немесе орындалатын кез келген басқа орынға әрқашан рұқсаты болады.
29. Тапсырыс берушi мен Мердiгер Шарт бойынша немесе соған байланысты олардың арасында туындайтын барлық келiспеушiлiктердi немесе дауларды тiкелей келiссөздер үдерiсiнде шешуге барлық күш-жiгерлерiн салуға тиiс.
30. Егер осындай ресми емес келiссөздер басталғанынан 21 (жиырма бiр) күн iшiнде Шарт бойынша дауды Тапсырыс берушi мен Өнiм берушi бейбiт жолмен шеше алмайтын болса, Тараптардың кез келгенi бұл мәселенi Қазақстан Республикасының заңнамасына сәйкес шешудi талап етуi мүмкiн.
31. Егер мердiгер Шарттық құжаттардың талаптарын бұзып орындалған жұмыстарды түзету жөнiндегi өз мiндеттемелерiн орындамаса, сондай-ақ егер Мердiгер жобалау-смета құжаттамасына сәйкес жұмысты соңына дейiн орындауға қабiлетсiз болып шықса, Тапсырыс берушi жазбаша нұсқамамен Мердiгерге жұмыстарды тұтастай немесе тоқтап қалу себептерiн жойғанға дейiн жұмыстардың бiр бөлiгiн тоқтату туралы өкiм бере алады.
32. Егер Мердiгер жұмысты түзете алмаса немесе түзеткiсi келмесе (оны жобалау-сметалық құжаттамаға сәйкестендiру) және тапсырыс берушiден бұл туралы жазбаша ескерту алғаннан кейiн жетi күн iшiнде жазбаша немесе әрекеттерiмен жауап бермесе тапсырыс берушi көрсетiлген жетi күн мерзiм өткеннен кейiн өзiнiң талабын қайталауға құқылы. Егер Мердiгер келесi жетi күн мерзiмi iшiнде көрсетiлген Ақауларды түзетуге жағдайы болмаса, Тапсырыс берушi өзiнiң басқадай әсер ету әдiстерiн қолдану құқығынан бас тартпастан, осы жұмысты өз күшiмен орындай алады. Мұндай жағдайларда негiзiнде Мердiгерге төленуi тиiс болған сомадан Тапсырыс берушiнiң қосымша қызметтер үшiн мәжбүрлi шығындары өтемiн қоса алғанда, көрсетiлген Ақауларды түзету құны шегерiлетiн өзгерiстер туралы тиiстi бұйрық шығарылады. Егер Мердiгерге төлеуге тиiстi сома көрсетiлген шығыстарды жабу үшiн жеткiлiксiз болса, Мердiгер Тапсырыс берушiге айырманы өз қаражатынан төлеуге мiндеттi.
33. Мердiгер_____________________ мерзiм iшiнде Тапсырыс берушiге Объектiнiң құрылысын салу бойынша жұмыстарды орындау тәртiбi мен мерзiмi, сондай-ақ Тапсырыс берушi тарапынан оның конкурстық өтiнiмiне сәйкес төлемдердi жүргiзу кестесi мазмұндалған жұмыстардың өндiрiс кестесiн бекiтуге ұсынады.
34. Егер форс-мажорлық жағдайлар орын алса немесе ол ұсынған ауытқулар жұмыстарды орындау үшiн қосымша мерзiмдер талап етсе, сондай-ақ егер, жұмыстарды орындау үдерiсiнде қосымша еңбек шығындарын талап ететiн жасырын Ақаулар анықталған жағдайларда Тапсырыс берушi жұмыстарды орындау мерзiмiн ұзартады. Бұл ретте Мердiгер азаматтық заңнамада көрсетiлген рәсiмге сәйкес Тапсырыс берушiнi жазбаша хабардар етуi тиiс.
35. Мердiгер бiлiмiн және қолда бар барлық мүмкiндiктерiн пайдалана отырып, жұмысты бақылап және бағыттап отыруға мiндеттi. Мердiгер құралдар, әдiстер, техника, дәйектiлiк және жұмыстардың орындалу сапасын, сондай-ақ Шарт бойынша барлық жұмыстарды үйлестiру үшiн толығымен жауапты және бақылауды жүзеге асырады.
36. Мердiгер өз қызметкерлерiнiң, Қосалқы мердiгердiң (лердiң), Қосалқы мердiгердiң (лердiң) қызметкерлерiмен сенiм бiлдiрiлген адамдарының, сондай-ақ Мердiгермен шарт негiзiнде Шарт шеңберiндегi жұмыстардың бiр бөлiгiн орындайтын басқа да адамдардың iс-әрекеттерi мен кемшiлiктерi үшiн Тапсырыс берушi алдында жауапты болады.
37. Тапсырыс берушi жұмысты немесе конструкцияны тексеру үшiн сынақ жүргiзе алады. Егер тексеруден кейiн тексерiлген жұмыс немесе конструкция ақаулы болып шықса, Мердiгер жұмыстардың Ақауын түзетедi және (немесе) конструкцияны алмастырады.
38. Тапсырыс берушi табылған кез келген Ақаулар туралы Ақауларды түзету мерзiмiн көрсете отырып, Мердiгердi жазбаша түрде хабардар етедi.
39. Мердiгер Ақаулар туралы хабарламаны алып, Ақауды Тапсырыс берушi көрсеткен уақыт кезеңi iшiнде жоюға мiндеттi.
40. Ақы төлеу нысаны________________________________________
(аудару, қолма-қол есептеу және т.б.)