Облыстық бюджеттерге 2009 - 2011 жылдарға арналған «Нұрлы көш» бағдарламасы шеңберінде тұрғын үй салуға және (немесе) сатып алуға 2011 жылға кредит беру қағидасы
Қазақстан Республикасы Үкіметінің 2011 жылғы 4 наурыздағы № 229 қаулысымен бекітілген

Қазақстан Республикасы
Үкiметiнiң
2011 жылғы 4 наурыздағы
№ 229 қаулысымен
бекiтiлген

Облыстық бюджеттерге 2009 - 2011 жылдарға арналған «Нұрлы көш» бағдарламасы шеңберiнде тұрғын үй салуға және (немесе) сатып алуға 2011 жылға кредит беру қағидасы

1. Жалпы ережелер

1. Осы Облыстық бюджеттерге 2009 - 2011 жылдарға арналған «Нұрлы көш» бағдарламасы шеңберiнде тұрғын үй салуға және (немесе) сатып алуға 2011 жылға кредит беру қағидасы (бұдан әрi - Қағида) «2011 - 2013 жылдарға арналған республикалық бюджет туралы» Қазақстан Республикасының 2010 жылғы 29 қарашадағы Заңына, «2009 - 2011 жылдарға арналған «Нұрлы көш» бағдарламасын бекiту туралы» Қазақстан Республикасы Үкiметiнiң 2008 жылғы 2 желтоқсандағы № 1126 қаулысына сәйкес әзiрлендi және облыстық бюджеттерге 2009 - 2011 жылдарға арналған «Нұрлы көш» бағдарламасы шеңберiнде тұрғын үй салуға және (немесе) сатып алуға 2011 жылға кредит беру тәртiбiн белгiлейдi.

2. Облыстық бюджеттерге 2009 - 2011 жылдарға арналған «Нұрлы көш» бағдарламасы шеңберiнде тұрғын үй салуға және (немесе) сатып алуға 2011 жылға кредит беру тәртiбi

2. Облыстардың жергiлiктi атқарушы органдары (бұдан әрi - қарыз алушылар) тиiстi мәслихаттар 2011 жылға арналған облыстық бюджеттерде тиiстi түсiмдердi көздейтiн шешiмдер қабылдағаннан кейiн күнтiзбелiк он күн iшiнде Қазақстан Республикасы Қаржы министрлiгiне (бұдан әрi - кредитор) мәслихаттардың көрсетiлген шешiмдерiн ұсынады.
3. Кредитор Қазақстан Республикасының бюджет заңнамасына сәйкес Қағиданың 2-тармағы орындалғаннан кейiн «2011 - 2013 жылдарға арналған республикалық бюджет туралы» Қазақстан Республикасының Заңын iске асыру туралы» Қазақстан Республикасы Үкiметiнiң 2010 жылғы 13 желтоқсандағы № 1350 қаулысына сәйкес қарыз алушыларға кредиттiк шарттар жасасу арқылы жалпы сомасы 7 329 423 000 (жетi миллиард үш жүз жиырма тоғыз миллион төрт жүз жиырма үш мың) теңгеге бюджеттiк кредиттер (бұдан әрi - кредиттер) бередi.
4. Қарыз алушыларға кредиттер беру үшiн мынадай негiзгi шарттар белгiленедi:
1) қарыз алушыларға кредиттер 2009 - 2011 жылдарға арналған «Нұрлы көш» бағдарламасын iске асыру шеңберiнде тұрғын үй салуға және (немесе) сатып алуға 5 (бес) жыл 6 (алты) ай мерзiмге сыйақының нөлдiк ставкасы бойынша теңгемен берiледi;
2) кредиттердi игеру кезеңi кредитордың шотынан кредиттер аударылған сәттен бастап есептеледi.
Ескерту. 4-тармаққа өзгерiс енгiзiлдi - Қазақстан Республикасы Үкiметiнiң 2011 жылғы 29 наурыздағы № 284 Қаулысымен.
5. Кредиттердi беру, өтеу және оларға қызмет көрсету жөнiндегi қосымша талаптар кредиттiк шартта белгiленедi.