Қазақстан Республикасының аумағында жүк көлiк құралдарын өлшеудiң халықаралық сертификатын пайдалану ҚАҒИДАСЫ
Қазақстан Республикасы Көлiк және коммуникация министрiнiң 2011 жылғы 23 ақпандағы № 87 бұйрығымен бекiтiлген

1. Жалпы ережелер

1. Осы Қазақстан Республикасының аумағында жүк көлiк құралдарын өлшеудiң халықаралық сертификатын пайдалану қағидасы (бұдан әрi - Қағида) «Автомобиль көлiгi туралы» Қазақстан Республикасының Заңына және «Тәуелсiз Мемлекеттер Достастығына қатысушы мемлекеттердiң аумақтарында жүк көлiк құралдарын өлшеудiң халықаралық сертификатын енгiзу туралы келiсiмдi бекiту туралы» Қазақстан Республикасы Үкiметiнiң 2005 жылғы 6 мамырдағы № 436 қаулысына (бұдан әрi - Келiсiм) сәйкес әзiрлендi.
2. Қағида Қазақстан Республикасының аумағында жүк көлiк құралдарын өлшеудiң халықаралық сертификатын пайдалану тәртiбiн айқындайды.
3. Қағидада пайдаланатын негiзгi ұғымдар:
1) жүргiзушi - көлiк құралын басқарушы тұлға;
2) жүк көлiк құралдарын өлшеудiң халықаралық сертификаты (сертификат) - келiсiмге қатысушы болып табылатын мемлекеттердiң құзыреттi органдары беретiн көлiк құралының салмақтық параметрлерi туралы дәйектi деректердi қамтитын құжат;
3) тасымалдаушы (көлiк операторы) - жүк тасымалына жауап беретiн немесе тасымалдау шартына сәйкес осы тасымал үшiн үшiншi тарапты пайдаланатын тұлға.

2. Сертификатты пайдалану тәртiбi

4. Қазақстан Республикасы аумағында осы Қағидаға қосымшаға сәйкес нысан бойынша көлiк құралының жүрiп өту жолында орналасқан Қазақстан Республикасы аумағындағы стационарлық көлiктiк бақылау посттында тасымалдаушының немесе жүргiзушiнiң өтiнiшiне сәйкес сертификат берiледi.
5. Жүк көлiк құралдарын өлшеу стационарлық таразы жабдығымен жүргiзiледi.
Жүк көлiк құралдары өлшенетiн стационарлы көлiктiк бақылау посттарының өлшеу құралдарын тексеру «Өлшем бiрлiгiн қамтамасыз ету туралы» Қазақстан Республикасының Заңына сәйкес жүзеге асырылады.
6. Сертификатты ресiмдеу кезiнде тасымалдаушы немесе жүргiзушi көлiк құралын өлшеуге дейiн сертификаттың 1-3-бағандарын толтырады, көлiктiк бақылау органдарының қызметкерi сертификаттың 4-8-бағандарын толтырады. Көлiк құралын өлшегеннен кейiн, тасымалдаушы немесе жүргiзушi 1-8-бағандарды дұрыс толтырылғанын растайтын сертификаттың 9-бағанын толтырады.
7. Мынадай жағдайларды қоспағанда, сертификаттағы ақпаратты дәйектi ретiнде танылады және көлiк құралдарын қосымша өлшеуге жол берiлмейдi:
1) сертификатта және iлеспе құжаттарда (CMR CARNET TIR) көрсетiлген салмақ және (немесе) габариттiк өлшемдерi сәйкес болмауы;
2) жүктi қоса тиеу, жартылай түсiру немесе басқа көлiк құралына қайта тиеу кезiнде, сондай-ақ жүктi басқа кедендiк тәртiпке беру кезiнде;
3) сертификатта (3-баған) көрсетiлген деректердiң бақылаудағы көлiк құралының нақты деректерiмен сәйкес болмауы;
4) көлiк құралының ерекше салмақ өлшемдерiнiң сертификатта (8-баған) көрсетiлген деректермен сәйкес болмауы.
8. Көлiк құралын бақылаулық өлшеудiң нәтижесi сертификаттың 10-бағанына жазылады.
9. Қазақстан Республикасы Үкiметiнiң 2002 жылғы 19 қаңтардағы № 62 қаулысымен бекiтiлген Қазақстан Республикасының автомобиль жолдарымен жүруге арналған автокөлiк құралдарының рұқсат етiлген өлшемдерiнен асып кеткен жағдайда, тасымалдаушы немесе жүргiзушi салық заңнамасында белгiленген ставкалар бойынша iрi габариттi және (немесе) ауыр салмақты көлiк құралдары жүрiп өткенi үшiн алым төлейдi.
10. Қазақстан Республикасы аумағында сертификатты пайдалану оны берген мемлекетке, сондай-ақ TIR немесе көлiк құралының жүк бөлiгiне рұқсат етiлмеген кiрудi болдырмайтын өзге де рәсiм бойынша халықаралық жүк тасымалын жүзеге асыратын көлiк құралының тiркелуiне байланысты емес.

Қазақстан Республикасының
аумағында жүк көлiк құралдарын
өлшеудiң халықаралық сертификатын
пайдалану қағидасына
қосымша

1 мысалы: жүкқұжат CMR №
2 1975 жылғы TIR Конвенциясына сәйкес
3 2 пар. Қосымшаға қарау
4 МОЗМ ұсынысы бойынша
5 халықаралық келiсiмдерге сәйкес, ұлттық және халықаралық тасымалдар үшiн бекiтiлген максималды рұқсат етiлген габариттер көрсеткiштер, сонымен қатар халықаралық тасымалдауға арналған максималды рұқсат етiлген салмақ
6 суреттiк схема бойынша көлiк құралының код типi, мысалы А2 немесе A S2
7 егер осьтер саны алтыдан көп болса, 2 пар. «Қосымша» параграфта көрсету қажет

Осы сертификатты көрсеткен кезде, ТМД елдерiнiң шекара өтулерiнде автокөлiк құралдары қайта өлшенбейдi.
8Осы графа екi жақтың құзыреттi мекемелерiмен өлшеу станцияларының жұмысына баға беру үшiн, сонымен катар көлiк операторы iс-әрекетi кезiнде қателiк жiберген кезде толтырылады.