Қазақстан Республикасы аумағына тауарларды уақытша әкелгенде қосылған құн салығын төлеуден босатудың тәртiбi
Қазақстан Республикасы Қаржы министрiнiң 2010 жылғы 16 шiлдедегi № 351 бұйрығымен бекiтiлген Қазақстан Республикасы аумағына тауарларды уақытша әкелгенде қосылған құн салығын төлеуден босатудың тәртiбi 1. Осы Тәртiп «Салық және бюджетке төленетiн басқа да мiндеттi төлемдер туралы» Қазақстан Республикасы Кодексiнiң (Салық кодексi) 276-15-бабы 3-тармағына сәйкес әзiрленген және тауарларды, оның iшiнде көлiк құралдарын кеден одағына мүше мемлекеттердiң аумағынан Қазақстан Республикасының аумағына уақытша әкелгенде қосылған құн салығын (бұдан әрi - ҚҚС) төлеуден босатудың тәртiбiн айқындайды. 2. Осы Тәртiптiң мақсатында: 1) кеден одағына мүше мемлекеттердiң аумағынан Қазақстан Республикасының аумағына уақытша әкелу (бұдан әрi – уақытша әкелу) - Қазақстан Республикасының аумағынан кейiннен қасиеттерi мен сипаттарын өзгертпей әкету туралы мiндеттемемен тауарларды, оның iшiнде көлiк құралдарын әкелу; 2) Мiндеттеме – уақытша әкелiнген тауарларды, оның iшiнде көлiк құралдарын Қазақстан Республикасының аумағынан кейiннен әкету туралы мiндеттеме; 3) Есеп – мiндеттеменi орындау туралы есеп. 3. Тауарларды, оның iшiнде көлiк құралдарын Қазақстан Республикасының аумағына уақытша әкелгенде ҚҚС төлеуден босату бiр уақытта мынадай шарттарды сақтаған жағдайда берiледi: 1) тауарлар, оның iшiнде көлiк құралдары Салық кодексiнiң 276-15-бабының 3-тармағына сәйкес Қазақстан Республикасы Үкiметiмен бекiтiлген, кеден одағында ҚҚС төлеуден босатумен Қазақстан Республикасының аумағына уақытша әкелетiн тауарлар тiзбесiне енгiзiлген; 2) мiндеттеме табыс етiлсе; 3) Уақытша әкелiнген тауарлардың болу орны мiндеттемеде көрсетiлген болу орнына сәйкес келуi; 4) табиғи тозуы немесе табиғи шығын болу себебiнен өзгерулердi қоспағанда, уақытша әкелiнген тауарлар тасудың (тасымалдаудың), сақтаудың немесе қолданудың (пайдаланудың) қалыпты жағдайы кезiнде жай-күйi өзгерiссiз қалады. Ұсақ жөндеу операцияларын, техникалық қызмет көрсету және басқа да операцияларды қоса алғанда, тауарларды қалыпты жағдайда ұстауды, олардың сақталуын қамтамасыз ету үшiн қажеттi операциялар жасауға болады. 4. Кеден одағына мүше мемлекеттiң салық төлеушiсiмен (төлеушiмен) тауарларды уақытша әкелуге негiз болатын келiсiм (шарт) жасасқан Қазақстан Республикасының салық төлеушiсi, салық органына табыс еткен Мiндеттемеге, басшы мен бас бухгалтердiң (болған жағдайда) қолдарымен және салық төлеушiнiң мөрiмен куәландырылған (болған жағдайда) мынадай құжаттардың көшiрмелерi қоса берiледi: 1) Кеден одағына мүше мемлекеттiң салық төлеушiсiмен (төлеушiмен) Қазақстан Республикасы салық төлеушiсi арасындағы тауарларды уақытша әкелуге негiз болған келiсiм (шарт) немесе басқадай құжат; 2) кеден одағына мүше мемлекеттiң аумағынан Қазақстан Республикасының аумағына уақытша әкелiнген тауарлардың ауысуын растайтын iлеспе жүкқұжаттар. 5. Салық төлеушi салық органына өткiзген Мiндеттеменiң негiзiнде салық органымен Қазақстан Республикасының салық заңнамасына сәйкес әкелу күнiне төлеу мерзiмi бойынша бюджеттiк сыныптамасы бойынша салық төлеушiнiң тиiстi дербес шотына ҚҚС есептеудi жүргiзiледi. Бұл ретте тауарларды уақытша әкелу мерзiмiне ҚҚС бойынша төлеу мерзiмi кейiнге шегерiледi және өсiмпұл есептелмейдi. Ескерту. 5-тармаққа өзгерту енгiзiлдi - Қазақстан Республикасының Қаржы министрiнiң 2011 жылғы 25 ақпандағы № 102 (қолданысқа енгiзiлу тәртiбiн 3-тармақтан қараңыз) бұйрығымен. 6. Уақытша әкелiнген тауарларды Мiндеттемеде көрсетiлген мерзiмнен бұрын әкеткенде және салық органына Есептi табыс еткен кезде, салық төлеушiнiң дербес шотында бұрын есептелген ҚҚС сомасына түзету жүргiзiледi. 7. Тауарларды уақытша әкелгенде ҚҚС төлеуден босату Мiндеттемеде көрсетiлген мерзiмге берiледi. 8. Әкелу уақытында ҚҚС төленбеген Қазақстан Республикасының аумағына уақытша әкелген тауарларды әкетпеген жағдайда, тауарларды әкелу салық салу мақсатында салық салынатын импорт деп танылады және Қазақстан Республикасының аумағына тауарларды әкелген күннен бастап Салық кодексiнiң 268-бабының 1-тармағына белгiленген ставка бойынша қосылған құн салығымен салық салуға жатады. Бұл ретте Қазақстан Республикасының аумағына уақытша әкелген тауарларды әкетпеу болып мыналар саналады: 1) Қазақстан Республикасының аумағына уақытша әкелген тауарларды Мiндеттемеде белгiленген мерзiмде әкетпеу; 2) Мiндеттеменiң және (немесе) Қазақстан Республикасының салық заңнамасында белгiленген мерзiмдерде Есептi табыс етпеу; 3) мұндай тауарларды кейiннен өткiзу және (немесе) басқа тұлғаға беру; 4) салық зерттеуiнiң нәтижесi бойынша Мiндеттемеде көрсетiлген орында уақытша әкелiнген тауарлардың болмау фактiсiн анықтау; 5) тауарларды осы Тәртiптiң 3-тармағы 4) тармақшасында көзделген шарттарды бұзу арқылы әкету. Бұл ретте салық қызметi органы Салық кодексiнiң 276-8-бабының нормаларына сәйкес салық салынатын импорттың көлемiн түзетедi. Ескерту. 8-тармаққа өзгерту енгiзiлдi - Қазақстан Республикасының Қаржы министрiнiң 2011 жылғы 25 ақпандағы № 102 (қолданысқа енгiзiлу тәртiбiн 3-тармақтан қараңыз) бұйрығымен. 9. Жеке және заңды тұлғалар тауарларды, оның iшiнде көлiк құралдарын өткiзу және (немесе) басқа тұлғаға беру, сондай-ақ кiрiс алуға бағытталған қызметтi жүзеге асыру (көрме, жәрмеңкелердi қоспағанда) мақсатында емес кедендiк одаққа мүше басқа мемлекеттiң аумағынан Қазақстан Республикасы аумағына әкелгенде, осы Тәртiптiң 3-тармағы 1-3) тармақшаларында көзделген.
|