| Правила | |
 |
|
|
Судың бастапқы есебінің қағидалары 1. Жалпы ережелер 1. Осы Судың бастапқы есебінің қағидалары (бұдан әрі - Қағидалар) Қазақстан Республикасының 2003 жылғы 9 шілдедегі Су кодексінің 36-бабының 20) тармақшасына сәйкес әзірленді және судың бастапқы есебінің тәртібін анықтайды. 2. Осы Қағидаларда мынадай ұғымдар пайдаланылады: судың бастапқы есебі (бұдан әрі - СБЕ) - су пайдаланушылар жүргізетін жер үсті мен жер асты суларын алу және (немесе) су объектілеріне су ағызу (су шаруашылығы теңгерімінің шығыс және кіріс бөлігінде) көлемдерін өлшеу, өңдеу және тіркеу; бастапқы су пайдаланушы - өз мұқтаждарын қанағаттандыру немесе оны қайталама су пайдаланушыларға жеткізу үшін тікелей су объектілерінен су алуды жүзеге асыратын жеке және заңды тұлғалар; су тарту құрылысы - су объектілерінен су алуға арналған құрылыстар мен құрылғылар кешені; өлшем бірлігін қамтамасыз етудің мемлекеттік жүйесінің тізілімі — объектілердің, жұмысқа қатысушылардың және өлшем бірлігін қамтамасыз ету саласындағы құжаттардың тіркелуін есепке алу құжаты. 2. Суды бастапқы есепке алу тәртібі 3. СБЕ-ні бастапқы су пайдаланушылар жүзеге асырады. 4. Бастапқы су пайдаланушылар СБЕ жүргізу үшін: көмегімен су алу немесе ағызу жүзеге асырылатын суды өлшеу, жинау және ағызу орындарының нөмірін көрсете отырып, су шаруашылығы құрылыстары мен техникалық құрылғылардың, сондай-ақ осындай суларды қосалқы су пайдаланушыларға беруді есепке алу тораптарының орналасу схемасы жасалады; СБЕ журналдарын жүргізеді. 5. Су шығыстарын өлшеу әр су тарту құрылыстарында және сарқынды суларды шығару орындарында жүргізіледі. 6. Ашық арынсыз суағарларда су шығыстарын өлшеу үшін стандартты суағызулар және науалар, сондай-ақ бірыңғай өлшемдерді қамтамасыз етудің мемлекеттік жүйесінің тізіліміне енгізілген өлшеу құралдары мен құрылғылары қолданылады. Стандартты су ағызулар мен науалар орнатылған су шығыстары су шаруашылығы құрылыстардың түріне байланысты мына тәсілдермен: деңгей өлшеуіш мөлшер қаданың және шығыстар кестесінің көрсеткіштері бойынша; дәлдік тексеру су тартуды реттегіш және (немесе) ағызу құрылыстарының кестесі бойынша анықталады. 7. СБЕ нәтижелері осы Қағидаларға 2 және 3-қосымшаларға сәйкес нысан бойынша журналдарда жазылады. 8. Су пайдаланушылар СБЕ жүргізу үшін журналды тігеді, парақтарын нөмірлейді және журналды жүргізу басталған күнін көрсетеді. Су пайдаланушылар журналды қолымен және мөрімен растайды. 9. СБЕ нәтижесінде алынған мәліметтер тоқсан сайын, есепті тоқсаннан кейінгі айдың 10 күніне дейін осы Қағидаларға 1-қосымшаға сәйкес нысан бойынша қағаз немесе электронды (Excel форматында) тасымалдағыштарда бассейндік су шаруашылығы басқармасына ұсынылады. 10. Өлшеу құралдарын және өлшеу құрылғыларын таңдау өлшеу құралдарын орналастыратын үй-жайлардың болу есебімен, судың ең төменгі және ең жоғарғы пайдалану шығыстарымен және олардың ауытқу кестелерімен, шығыс өлшегіштер орнатылатын су құбырларындағы артық қысыммен немесе вакууммен, сорғы агрегаттарының түрлерімен (сорғы станцияларына арналған), сарқынды сұйықтықтың құрамымен, судың ластану деңгейімен және температурасымен анықталады. 11. Су тарту (ағызу) құрылысының өлшеу құралы істен шыққан жағдайда су есебі соңғы көрсеткіштен ақаусыз өлшеу құралы орнатылған күнге дейін соңғы күнтізбелік он күнге орташа тәуліктік шығыстар бойынша жүргізіледі. Судың бастапқы есебінің қағидаларына 1-қосымша 20___ жылғы_________тоқсандағы
* - СТН 2012 жылы 1 қаңтарға дейін көрсетіледі, 2012 жылы 1 қаңтардан БСН (ЖСН) көрсетіледі.
Су пайдалануға жауапты тұлға тексерді:
Су пайдалануға жауапты тұлға тексерді: |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
