Қазақстан Республикасы Білім және ғылым министрінің 2009 жылғы 19 мамырдағы N 224 Бұйрығы. Қазақстан Республикасының Әділет министрлігінде 2009 жылғы 29 мамырда Нормативтік құқықтық кесімдерді мемлекеттік тіркеудің тізіліміне N 5684 болып енгізілді.
"Болашақ" халықаралық стипендиясын іске асыру жөніндегі кейбір шаралар туралы "Шетелде кадрлар даярлау жөнiндегi республикалық комиссия туралы" Қазақстан Республикасы Президентінің 2000 жылғы 12 қазандағы N 470 Жарлығын, "Қазақстан Республикасы Президентінің "Болашақ" халықаралық стипендиясын тағайындау үшін үміткерлерді іріктеу ережесін бекіту туралы" Қазақстан Республикасы Үкіметінің 2008 жылғы 11 маусымдағы N 573 қаулысын іске асыру мақсатында БЎЙЫРАМЫН: 1. Мыналар: 1) Қазақстан Республикасы Президентінің "Болашақ" халықаралық стипендиясын тағайындауға конкурсқа қатысатын үміткерлердің құжаттарын қабылдау және үміткерлерді конкурстық іріктеуден өткізу жөніндегі нұсқаулық (1 қосымша); 2) Үміткерлердің академиялық оқу үшін Қазақстан Республикасы Президентінің "Болашақ" халықаралық стипендиясының конкурсына қатысу үшін сауалнамасының үлгілік нысаны (2 қосымша); 3) Үміткерлердің ғылыми тағылымдамадан өтуі үшін Қазақстан Республикасы Президентінің "Болашақ" халықаралық стипендиясын тағайындау конкурсына қатысуға арналған сауалнамасының үлгілік нысаны (3 қосымша); 4) Ғылыми тағылымдамадан өту үшін Қазақстан Республикасы Президентінің "Болашақ" халықаралық стипендиясына үміткерлерге арналған жіберуші ұйым (Қазақстан Республикасының мемлекеттік ғылыми ұйымының немесе жоғары оқу орнының) ұсынымының үлгілік нысаны (4-қосымша); 5) Ғылыми тағылымдамадан өту үшін Қазақстан Республикасы Президентінің "Болашақ" халықаралық стипендиясына үміткерлерге арналған ғылыми тағылымдамадан өту бағдарламасының жобасына талаптар бекітілсін (5 қосымша). 2. Қазақстан Республикасы Білім және ғылым министрінің кейбір бұйрықтарының күші жойылды деп танылсын (6 қосымша). 3. Дамыту стратегиясы (С. Ырсалиев), жоғары және жоғары оқу орнынан кейінгі білім (С. Өмірбаев) департаменттері үміткерлердің құжаттарын қарастыру кезінде осы бұйрықты басшылыққа алсын. 4. Дамыту стратегиясы департаменті (С. Ырсалиев): 1) осы бұйрықтың белгіленген тәртіппен Қазақстан Республикасы Әділет министрлігінде мемлекеттік тіркелуін қамтамасыз етсін; 2) мемлекеттік тіркеуден өткеннен кейін осы бұйрықты бұқаралық ақпарат құралдарында жарияласын. 5. Осы бұйрықтың орындалуын бақылау вице-министр К.Н. Шәмшидиноваға жүктелсін. 6. Осы бұйрық алғаш ресми жарияланған күнінен бастап он күнтізбелік күн өткеннен кейін қолданысқа енгізіледі.
