Қазақстан Республикасы Қаржы министрінің 2008 жылғы 25 желтоқсандағы N 611 Бұйрығы. Қазақстан Республикасының Әділет министрлігінде 2008 жылғы 29 желтоқсанда Нормативтік құқықтық кесімдерді мемлекеттік тіркеудің тізіліміне N 5423 болып енгізілді.
Салық есептілігін жасау ережесін бекіту туралы
"Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 63-бабына сәйкес БЎЙЫРАМЫН :
1. Қоса беріліп отырған Салық есептілігін жасау ережесі бекітілсін.
2. Осы бұйрыққа қосымшаға сәйкес кейбір бұйрықтардың күші жойылды деп танылсын.
3. Қазақстан Республикасы Қаржы министрлігінің Салық комитеті
(Ерғожин Д.Е.) осы бұйрықты Қазақстан Республикасының Әділет
министрлігінде мемлекеттік тіркеуді қамтамасыз етсін.
4. Осы бұйрық ресми жариялануға тиіс және 2009 жылдың 1 қаңтарынан бастап қолданысқа енгізіледі.

Министр Б. Жәмішев

Қазақстан Республикасы
Қаржы министрінің
2008 жылғы 25 желтоқсандағы
N 611 бұйрығына қосымша

Кейбір күші жойылған бұйрықтардың тізбесі

1. "Электрондық мониторингке жататын салық төлеушілермен салық есептілігін толтыру және ұсыну Ережесін бекіту туралы" Қазақстан Республикасы Қаржы министрлігі Салық комитеті Төрағасының 2004 жылғы 9 сәуірдегі N 165 бұйрығы (Нормативтік құқықтық актілер тізілімінде N 2822 болып тіркелген).
2. "Электрондық мониторингке жататын салық төлеушілердің салық есептілігін толтыру және ұсыну ережесін бекіту туралы" Қазақстан Республикасы Қаржы министрлігінің Салық комитеті Төрағасының 2004 жылғы 9 сәуірдегі N 166 бұйрығы (Нормативтік құқықтық актілер тізілімінде N 2823 болып тіркелген).
3. "Қазақстан Республикасы Қаржы министрлігі Салық комитеті
Төрағасының электрондық мониторинг мәселелері бойынша кейбір
бұйрықтарына толықтырулар мен өзгерістер енгізу туралы" Қазақстан
Республикасы Қаржы министрлігі Салық комитеті Төрағасының 2007 жылғы 7 тамызында N 551 бұйрығы (Нормативтік құқықтық актілер тізілімінде N 4917 болып тіркелген, "Юридическая газета" газетінде 2007 жылы 5 қазанда N 153 (1356), 2007 жылы 12 қазанда N 157 (1360) жарияланған).
4. Автомобиль жолдарын пайдаланушылардың аударымдарының Есебін
(641.00-нысаны) жасау ережесін және жұмыспен қамтуға көмектесу, міндетті медициналық сақтандыру, мемлекеттік әлеуметтік сақтандыру қорларына, Зейнетақыларды төлеу жөніндегі мемлекеттік орталығына аударымдардың Есебін (651-нысаны) жасау ережесін қоспағанда, "Салық есептілігі Ережелерін жасауды бекіту туралы" Қазақстан Республикасы Қаржы министрінің 2007 жылы 19 желтоқсанда N 468 бұйрығы (Нормативтік құқықтық актілер тізілімінде N 5068 болып тіркелген, Нормативтік құқықтық актілер бюллетенінде 2008 жылы шілдеде N 7, 322-6 жарияланған).

Қолданушылардың назарына!
Cалық есептілігін (декларация) жасау ережесінің графикалық нысандары Деректер базасында көрсетілмеген, қажет болған жағдайда оларды www.business-portal.kz-дан электронды жеткізілімде алуыңызға болады.