Қазақстан Республикасы Денсаулық сақтау министрінің 2010 жылғы 12 наурыздағы № 165 Бұйрығы. Қазақстан Республикасы Әділет министрлігінде 2010 жылғы 29 наурызда Нормативтік құқықтық кесімдерді мемлекеттік тіркеудің тізіліміне N 6142 болып енгізілді
Сот-наркологиялық сараптаманы ұйымдастыру және өндіру Нұсқаулығын бекіту туралы

«Қазақстан Республикасындағы сот-сараптама қызметi туралы» Қазақстан Республикасының 2010 жылғы 20 қаңтардағы № 240-IV Заңына сәйкес БҰЙЫРАМЫН:
1. Қоса берiлiп отырған Сот-наркологиялық сараптаманы ұйымдастыру және өндiру нұсқаулығы бекiтiлсiн.
2. Қазақстан Республикасы Денсаулық сақтау министрлiгiнiң Медициналық көмектi ұйымдастыру департаментi (Қ.С.Нұргазиев) осы бұйрықты Қазақстан Республикасы Әдiлет министрлiгiне мемлекеттiк тiркеуге қамтамасыз етсiн.
3. Қазақстан Республикасы Денсаулық сақтау министрлiгiнiң Әкiмшiлiк-құқықтық жұмыс департаментi (Ф.Б.Бисмильдин) осы бұйрықты мемлекеттiк тiркегеннен кейiн оның ресми жариялануын қамтамасыз етсiн.
4. «Тұлғаны алкоголизммен, наркоманиямен және токсикоманиямен ауырады деп тану ережесiн бекiту туралы» Қазақстан Республикасы Денсаулық сақтау министрiнiң 2009 жылғы 1 желтоқсандағы № 808 бұйрығына (Нормативтiк құқықтық актiлердiң Мемлекеттiк тiркеу тiркелiмiнде № 5952 тiркелген) мына өзгерiстер енгiзiлсiн:
Көрсетiлген бұйрықпен бекiтiлген Тұлғаны алкоголизммен, наркоманиямен және токсикоманиямен ауырады деп тану ережесiнде:
2-тармақтың төртiншi абзацы мынадай редакцияда жазылсын:
«Сот-наркологиялық сарапшылары сот-наркологиялық сараптаманы өндiру кезiнде наркологиялық диагнозды белгiлейдi және тұлғаны алкоголизммен, наркоманиямен және токсикоманиямен ауырады деп таниды.».
5. «Сот-наркологиялық сараптаманы ұйымдастыру және жүргiзу ережесiн бекiту туралы» Қазақстан Республикасы Денсаулық сақтау министрi мiндетiн атқарушының 2004 жылғы 16 тамыздағы № 618 бұйрығының күшi жойылды деп танылсын (Нормативтiк құқықтық актiлердiң Мемлекеттiк тiркеу тiркелiмiнде № 3044 тiркелген, 2005 жылғы 24 тамыздағы № 155 «Юридическая газета» газетiнде жарияланған).
6. Осы бұйрықтың орындалуын бақылау Қазақстан Республикасы Денсаулық сақтау вице-министрi Е.А.Бiртановқа жүктелсiн.
7. Осы бұйрық оны алғашқы ресми жариялаған күнiнен он күн өткен соң қолданысқа енгiзiледi.

Министр Ж. Досқалиев