Қазақстан Республикасы Қаржы министрінің 2010 жылғы 15 ақпандағы N 56 Бұйрығы. Қазақстан Республикасы Әділет министрлігінде 2010 жылғы 5 наурызда Нормативтік құқықтық кесімдерді мемлекеттік тіркеудің тізіліміне N 6107 болып енгізілді
Қаржы мониторингi субъектiлерiнің клиентті тиісінше тексеруі үшін қажетті құжаттар тізбесін бекіту туралы Қолданушылардың назарына!
Бұйрықтың қолданысқа енгізілу тәртібін 4-тармақтан қараңыз.

«Заңсыз жолмен алынған кiрiстердi заңдастыруға (жылыстатуға) және терроризмдi қаржыландыруға қарсы iс-қимыл туралы» Қазақстан Республикасының 2009 жылғы 28 тамыздағы Заңының 10-бабының 1-тармағына cәйкес БЎЙЫРАМЫН:
1. Қоса беріліп отырған Қаржы мониторингi субъектiлерiнің клиентті тиісінше тексеруі үшін қажетті құжаттар тізбесі бекітілсін.
2. Қазақстан Республикасы Қаржы министрлігінің Қаржы мониторингі комитеті (М.С. Өтебаев) белгіленген тәртіппен осы бұйрықтың Қазақстан Республикасы Јділет министрлігінде мемлекеттік тіркелуін және оның кейіннен ресми бұқаралық ақпарат құралдарында жариялануын қамтамасыз етсін.
3. Осы бұйрықтың орындалуын бақылау Қазақстан Республикасының Қаржы вице-министрі Р.Е. Дәленовке жүктелсін.
4. Осы бұйрық 2010 жылғы 9 наурыздан бастап қолданысқа енгізіледі және ресми жариялануға тиіс.

Министр Б. Жәмішев

«КЕЛІСІЛДІ» «КЕЛІСІЛДІ»
Қазақстан Республикасы Қазақстан Республикасы
Јділет министрі Индустрия және сауда
Р. Түсіпбеков Министрі
________________ Ј. Исекешев
2010 ж. 2010 жылғы 2 наурыз

«КЕЛІСІЛДІ» «КЕЛІСІЛДІ»
Қазақстан Республикасы Қазақстан Республикасы
Қаржы нарығын және Туризм және спорт
қаржы ұйымдарын реттеу министрінің м.а.
мен қадағалау агенттігінің Қ. Өскенбаев
төрайымы Е. Бахмутова 2010 жылғы 23 ақпан 2010 жылғы 1 наурыз

«КЕЛІСІЛДІ» «КЕЛІСІЛДІ»
Қазақстан Республикасы Қазақстан Республикасы
Ўлттық Банкінің төрағасы Јділет министрінің м.а.
Г. Марченко Д. Құсдәулетов
2010 жылғы 2 наурыз 2010 жылғы 5 наурыз

Қазақстан Республикасы
Қаржы министрінің
2010 жылғы 15 ақпандағы
№ 56 бұйрығымен бекітілген

Қаржы мониторингi субъектiлерiнің клиентті тиісінше тексеруі үшін қажетті құжаттар тізбесі

Қаржы мониторингi субъектiлерiнің клиентті тиісінше тексеруі үшін қажетті құжаттар тізбесі:
1) Қазақстан Республикасының резидент жеке тұлғалары үшiн:
жеке басын куәландыратын құжат;
салық төлеушінің куәлігі, сәйкестендіру нөмірі бар құжат.
2) Қазақстан Республикасының бейрезидент жеке тұлғалары үшін:
жеке басын куәландыратын құжат;
салық төлеушінің куәлігі, сәйкестендіру нөмірі бар құжат (клиентке «Салық және бюджетке төленетін басқа да міндетті төлемдер туралы» Қазақстан Республикасының Кодексіне және «Сәйкестендiру нөмiрлерiнiң ұлттық тiзiлiмдерi туралы» Қазақстан Республикасының Заңына сәйкес салық төлеушінің тіркеу нөмірі, жеке сәйкестендіру нөмірі берілмеген жағдайды қоспағанда);
егер Қазақстан Республикасы ратификациялаған халықаралық шарттармен басқасы көзделмесе, Қазақстан Республикасының аумағына бейрезидент жеке тұлғаның келіп кетуі және болуына құқық беретін Қазақстан Республикасының уәкілетті органдарында тіркелгенін куәландыратын құжат;
3) Қазақстан Республикасының жеке кәсiпкерлiк қызметтi жүзеге асыратын резидент жеке тұлғалары үшiн:
жеке басын куәландыратын құжат;
мемлекеттік тiркеуден өту фактiсiн растайтын уәкілетті орган берген құжат;
салық төлеушiнің куәлігі, сәйкестендіру нөмірі бар құжат.
4) Қазақстан Республикасының резидент және бейрезидент заңды тұлғалары және олардың оқшауланған бөлiмшелерi (филиалдары мен өкiлдiктерi) үшін:
ақшамен және (немесе) басқа мүлікпен операциялар жасауға заңды тұлғаның құжаттарына қол қоюға уәкілетті лауазымды тұлғаның (тұлғалардың) жеке басын куәландыратын құжат (тары);
салық төлеушінің куәлігі, сәйкестендіру нөмірі бар құжат (клиентке «Салық және бюджетке төленетін басқа да міндетті төлемдер туралы» Қазақстан Республикасының Кодексіне және «Сәйкестендiру нөмiрлерiнiң ұлттық тiзiлiмдерi туралы» Қазақстан Республикасының Заңына сәйкес салық төлеушінің тіркеу нөмірі, жеке бизнес-сәйкестендіру нөмірі берілмеген жағдайды қоспағанда);
мемлекеттік тiркеуден өту фактiсiн растайтын уәкілетті орган берген құжат;
статистикалық карточка;
құрылтай құжаттары;
заңды тұлға құрылтайшыларының жеке басын куәландыратын құжаттары (акционерлік қоғамдардың құжаттарын, сондай-ақ шаруашылық серiктестiгі қатысушыларының тiзiлiмiн жүргiзуді бағалы қағаздар ұстаушылар тiзiлiмi жүйесiн жүргiзу жөнiндегi қызметтi жүзеге асыруға лицензиясы бар бағалы қағаздар нарығының кәсiби қатысушысы жүзеге асыратын шаруашылық серiктестерi құрылтайшыларының құжаттарын қоспағанда);
тұлғалардың ақшамен және (немесе) басқа мүлікпен операциялар жасауға арналған заңды тұлғаның құжаттарына қол қоюға құқығын растайтын құжаттар;
қоғамдық және дiни бiрлестiктердiң филиалдары және өкiлдiктерi үшiн - қоғамдық немесе дiни бiрлестiктiң жарғысында және оның филиалы немесе өкiлдiгi туралы ережеде көзделген тәртiппен сайланған (тағайындалған) қоғамдық немесе дiни бiрлестiктiң филиалы немесе өкiлдiгi басшысының өкiлеттiктерін растайтын құжаттар;
заңды тұлғалардың филиалдары мен өзге нысандағы өкiлдiктері үшiн - филиалдың және өкiлдiктiң басшысына Қазақстан Республикасының резидент заңды тұлғасы берген сенiмхаты;
заңды тұлғаның тұрғылықты жерiнiң мекен-жайын куәландыратын құжат;
мемлекеттік лицензия (егер клиенттің қызметі «Лицензиялау туралы» Қазақстан Республикасының заңына сәйкес лицензияланатын жағдайда).
Тиісінше тексеру үшін қаржы мониторингі субъектілері клиенттен құжаттардың түпнұсқасын немесе нотариалдық куәландырылған көшірмесін немесе апостиль қойдырылған немесе Қазақстан Республикасы ратификациялаған халықаралық шарттарда белгіленген заңдастырылған тәртіппен құжаттардың көшірмелерін сұратуы тиіс.
Ескертпе: Осы Тізбеде қолданылатын резидент және бейрезидент ұғымдары «Салық және бюджетке төленетін басқа да міндетті төлемдер туралы» Қазақстан Республикасының Кодексінде көрсетілген мағыналар пайдаланылады.