Қазақстан Республикасы Білім және ғылым министрінің м.а. 2011 жылғы 10 қаңтардағы № 5 бұйрығы. Қазақстан Республикасының Әділет министрлігінде 2011 жылы 18 қаңтарда № 6747 тіркелді
2011 жылы Қазақстан Республикасының орта білім беру ұйымдарында мемлекеттік аралық бақылауды өткізу туралы

«Бiлiм туралы» Қазақстан Республикасының Заңына және Қазақстан Республикасы Бiлiм және ғылым министрi мiндетiн атқарушының 2007 жылғы 20 қарашадағы № 561 бұйрығымен бекiтiлген Қазақстан Республикасының бiлiм беру ұйымдарында мемлекеттiк аралық бақылауды өткiзу ережесiне (Нормативтiк құқықтық актiлердi мемлекеттiк тiркеу тiзiлiмiнде № 5033 тiркелген, «Заң газетi» газетiнде 2008 жылы 11 қаңтарда № 4 (1230) жарияланған) сәйкес, бiлiм беру қызметтерiн көрсету сапасын бағалау және орта бiлiм беретiн ұйымдар бiлiм алушыларының бастауыш және негiзгi орта бiлiм берудiң жалпы бiлiм беретiн оқу бағдарламаларын меңгеру деңгейiн анықтау мақсатындаБҰЙЫРАМЫН:
1. Қоса берiлiп отырған Қазақстан Республикасының орта бiлiм беру ұйымдарында мемлекеттiк аралық бақылауды өткiзу кестесi (бұдан әрi - кесте) бекiтiлсiн.
2. Бiлiм және ғылым саласындағы бақылау комитетi (бұдан әрi - Комитет) (М.Қ. Байжұманов):
1) Қазақстан Республикасының орта бiлiм беру ұйымдарында мемлекеттiк аралық бақылауды (бұдан әрi - МАБ) 2011 жылғы 20 ақпан мен 20 наурыз аралығында кестеге сәйкес өткiзсiн;
2) осы бұйрықтың белгiленген тәртiппен Қазақстан Республикасы Әдiлет министрлiгiнде мемлекеттiк тiркелуiн қамтамасыз етсiн;
3) мемлекеттiк тiркеуден өткеннен кейiн осы бұйрықты бұқаралық ақпарат құралдарында жарияласын.
3. Ұлттық тестiлеу орталығы (Қ.С. Әбдиев):
1) осы бұйрықта белгiленген мерзiмде МАБ рәсiмiн ұйымдастыру-технологиялық алып жүрудi қамтамасыз етсiн;
2) МАБ басталғанға дейiн екi күн бұрын облыстардың, Астана және Алматы қалаларының бiлiм басқармаларына МАБ-тың материалдарын жеткiзудi ұйымдастырсын;
3) МАБ нәтижелерiн өңдеудi 2011 жылғы 15 сәуiрге дейiн аяқтасын және Комитет пен Бiлiм сапасын бағалаудың ұлттық орталығына ұсынсын.
4. Бiлiм сапасын бағалаудың ұлттық орталығы (Т.М. Әмреева) орта бiлiм беру ұйымдарындағы МАБ қорытындысының талдауын Комитетке 2011 жылғы 15 мамырға дейiн ұсынсын.
5. Облыстардың, Астана және Алматы қалаларының бiлiм басқармалары:
1) орта бiлiм беру ұйымдарында МАБ-ты сапалы өткiзудi қамтамасыз етсiн;
2) МАБ-ты өткiзу кезеңдерiнде облыстардың, Астана және Алматы қалаларының бiлiм басқармаларының базаларында МАБ-ты үйлестiру және өткiзу штабының жұмысын ұйымдастырсын;
3) әрбiр орта бiлiм беру ұйымында 2011 жылғы 20 қаңтарға дейiн МАБ-ты өткiзу жөнiндегi мемлекеттiк комиссиялардың құрамдарын бекiтсiн.
6. Осы бұйрықтың орындалуын бақылау Бiлiм және ғылым вине-министрi С. Ырсалиевке жүктелсiн.
7. Осы бұйрық алғаш рет ресми жариялаған күннен бастап он күнтiзбелiк күн өткен соң қолданысқа енгiзiледi.

Министрдiң
мiндетiн атқарушы Б. Әбдiрәсiлов

Қазақстан Республикасы
Бiлiм және ғылым Министрiнiң
2010 жылғы 10 қаңтардағы
№ 5 бұйрығымен бекiтiлген

Қазақстан Республикасының орта бiлiм беру ұйымдарында мемлекеттiк аралық бақылауды өткiзу кестесi