Қазақстан Республикасы Бiлiм және ғылым министрiнiң 2008 жылғы 18 наурыздағы N 125 Бұйрығы. Қазақстан Республикасының Әдiлет министрлiгiнде 2008 жылғы 21 сәуiрде Нормативтiк құқықтық кесiмдердi мемлекеттiк тiркеудiң тiзiлiмiне N 5191 болып енгiзiлдi.
Бiлiм алушылардың үлгерiмiн ағымдағы бақылау, аралық және қорытынды мемлекеттiк аттестаттау жүргiзудiң үлгi ережесiн бекiту туралы

Қолданушылардың назарына!!!
Бұйрықтың қолданысқа енгiзiлу тәртiбiн 5-тармақтан қараңыз.
"Бiлiм туралы" Қазақстан Республикасының 2007 жылғы 27 шiлдедегi Заңының 5-бабының 19) тармақшасына сәйкес БҰЙЫРАМЫН:
1. Қоса берiлiп отырған:
1) Бастауыш, негiзгi орта, жалпы орта бiлiмнiң бiлiм беретiн оқу бағдарламаларын iске асыратын бiлiм беру ұйымдарындағы бiлiм алушылардың үлгерiмiне ағымдық бақылаудың, оларды аралық және қорытынды аттестаттау жүргiзудiң үлгi ережесi;
2) техникалық және кәсiптiк, орта оқу орнынан кейiнгi бiлiм беру ұйымдарында бiлiм алушылардың үлгерiмiн ағымдағы бақылау, аралық және қорытынды аттестаттау жүргiзудiң үлгi ережесi;
3) жоғары оқу орындарында бiлiм алушылардың үлгерiмiн ағымдағы бақылау, аралық және қорытынды аттестаттау жүргiзудiң үлгi ережесi бекiтiлсiн.
Ескерту. 1-тармаққа өзгерту енгiзiлдi - Қазақстан Республикасы Бiлiм және ғылым министрiнiң 2009.12.25 № 590, 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрықтарымен.
2. Жоғары және жоғары оқу орнынан кейiнгi бiлiм департаментi (С.М. Өмiрбаев):
1) осы бұйрықты белгiленген тәртiппен Қазақстан Республикасы Әдiлет министрлiгiнде мемлекеттiк тiркеудi қамтамасыз етсiн;
2) мемлекеттiк тiркеуден өткеннен кейiн осы бұйрықты бұқаралық ақпарат құралдарында жарияласын.
3. "Бiлiм беру ұйымдарындағы бiлiм алушылардың үлгерiмiн ағымдағы бақылаудан, аралық және қорытынды мемлекеттiк аттестаттаудан өткiзу ережесiн бекiту туралы" Қазақстан Республикасы Бiлiм және ғылым министрiнiң 2006 жылғы 7 қыркүйектегi N 481 бұйрығының (Қазақстан Республикасының нормативтiк құқықтық актiлердi мемлекеттiк тiркеу тiзiлiмiнде N 4394 болып тiркелген) күшi жойылды деп танылсын.
4. Осы бұйрықтың орындалуын бақылау вице-министр К.Н. Шәмшидиноваға жүктелсiн.
5. Осы бұйрық алғаш ресми жарияланғаннан кейiн он күнтiзбелiк күн өткен соң қолданысқа енгiзiледi.
Министр Ж. Түймебаев
Қазақстан Республикасы
Бiлiм және ғылым министрiнiң
2008 жылғы 18 наурыздағы
N 125 бұйрығымен
бекiтiлген
Бастауыш, негiзгi орта, жалпы орта бiлiмнiң бiлiм беретiн
оқу бағдарламаларын iске асыратын бiлiм беру ұйымдарындағы
бiлiм алушылардың үлгерiмiне ағымдық бақылаудың, оларды
аралық және қорытынды аттестаттау жүргiзудiң үлгi ережесi
Ескерту. Ереженiң атауына өзгерту енгiзiлдi - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
Ескерту. Бүкiл мәтiн бойынша "бiлiм департаментiнiң директоры" деген сөздер "бiлiм басқармасының бастығы" деген сөздермен, «департаменттерi», «департаменттерiнiң», «департаментiмен» деген сөздер «басқармалары», «басқармаларының», «басқармаларымен» деген сөздермен ауыстырылды - ҚР Бiлiм және ғылым министрiнiң 2009.01.20 N 14, 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрықтарымен.
1. Жалпы ережелер
1. Бастауыш, негiзгi орта, жалпы орта бiлiмнiң бiлiм беретiн оқу бағдарламаларын iске асыратын бiлiм беру ұйымдарындағы бiлiм алушылардың үлгерiмiне ағымдағы бақылауды, оларды аралық және қорытынды аттестаттаудан өткiзу үлгi ережесi (бұдан әрi - Ереже) "Бiлiм туралы" Қазақстан Республикасы Заңының 5-бабы 19) тармақшасына сәйкес әзiрлендi және меншiк нысаны мен ведомстволық бағыныстылығына қарамастан бiлiм алушылардың үлгерiмiне ағымдағы бақылаудың, оларды аралық және қорытынды аттестаттаудың тәртiбiн анықтайды.
Ескерту. 1-тармаққа өзгерту енгiзiлдi - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
2. Осы ережеде мынадай анықтамалар қолданылады:
1) бiлiм алушылардың үлгерiмiн ағымдағы бақылау - бұл мұғалiмнiң жалпы бiлiм беретiн бағдарламаға сәйкес ағымдағы сабақ барысында өткiзетiн бiлiм алушылардың бiлiмдерiн жүйелi тексеру;
2) бiлiм алушыларды аралық аттестаттау - оқушының бiр оқу пәнiн оқып аяқтағаннан кейiнгi бөлiгiнiң немесе барлық көлемiнiң мазмұнын меңгеру сапасын бағалау мақсатында жүргiзiлетiн рәсiм;
3) бiлiм алушыларды қорытынды аттестаттау - олардың бiлiм беру деңгейiнiң мемлекеттiк жалпыға мiндеттi стандартында көзделген оқу пәндерiнiң көлемiн меңгеру дәрежесiн анықтау мақсатында өткiзiлетiн рәсiм;
4) экстерн - денсаулығына байланысты жалпы бiлiм беру ұйымдарында оқуға мүмкiндiгi жоқ және шетелде уақытша тұратын, сондай-ақ жалпы орта бiлiм беру ұйымдарында оқуын уақытылы аяқтамаған тұлғалар.
Ескерту. 2-тармаққа өзгерту енгiзiлдi - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
2. Бiлiм алушылардың үлгерiмiне ағымдағы бақылауды,
аралық аттестаттауды өткiзудiң тәртiбi
3. Бастауыш сыныптарда бiлiм алушылар тоқсандық (жарты жылдық) бағаларының негiзiнде аттестатталады.
1-сынып оқушылары психологиялық-медициналық - педагогтiк консультацияның ұсынымдары және ата-аналарының келiсiмi (немесе өзге де заңды өкiлдердiң) бойынша қалдырылған оқушыларды қоспағанда қайта оқу жылына қалдырылмайды.
Бiрiншi сыныптың бiрiншi жарты жылдығында оқу материалдарын меңгеру деңгейiне баға қойылмайды.
4. 5-8 (9), 10 (11)-сыныптардан келесi сыныпқа емтихан бағаларын есепке ала отырып, барлық оқу пәндерi бойынша жылдық және қорытынды бағалары "3", "4", "5" болған бiлiм алушылар көшiрiледi.
5. Бастауыш және негiзгi орта, жалпы орта бiлiм беру ұйымдарындағы мемлекеттiк аралық бақылау (бұдан әрi - МАБ) бiлiм беру қызметiнiң сапасын бағалау және бiлiм алушылардың бастауыш және негiзгi орта бiлiмнiң жалпы бiлiм беретiн оқу бағдарламаларын меңгерген деңгейлерiн анықтау мақсатында жүзеге асырылады.
6. 2-8 (9), 10 (11)-сыныптардағы бiлiм алушылардың оқу үлгерiмiне ағымдағы бақылауды әрбiр тақырып пен тарау бойынша жалпы бiлiм беретiн оқу бағдарламалық материалдарды меңгергендiгiн тексеру мақсатында барлық оқу пәндерiнiң мұғалiмдерi өткiзедi.
7. 5-8 (9), 10 (11)-сыныптардағы бiлiм алушыларды аралық аттестаттау оқу жылы аяқталғаннан кейiн 31 мамырға дейiн өткiзiледi. Жалпы орта бiлiм берудiң мемлекеттiк жалпыға мiндеттi стандарты негiзiнде әзiрленген оқу жоспарлары мен оқу бағдарламаларына сәйкес бiлiм беру ұйымдары оқу пәндерiнiң тiзбесiн (2-ден артық емес), қажеттiлiгiн, нысандары мен мерзiмдерiн белгiлейдi.
8. 1-2 пәннен қанағаттанарлықсыз бағалары бар 5-8 (9), 10 (11)-cыныптардың бiлiм алушылары аралық аттестаттауға жiберiледi. Үш немесе одан да көп пәндерден қанағаттанарлықсыз бағалары бар бiлiм алушылар бiлiм беру ұйымдарының педагогикалық кеңесiнiң шешiмi бойынша қайта оқу жылына қалдырылады және бiлiм беру ұйымының бұйрығымен ресiмделедi.
9. Кемiнде екi пәннен қанағаттанарлықсыз бағалары бар 2-4-сыныптардың бiлiм алушылары үшiн педагогикалық кеңестiң шешiмi бойынша ауызша, жазбаша немесе тест тапсырмалары нысандарындағы бақылау жұмыстары ұйымдастырылады "3", "4", "5" бағалар алған бiлiм алушылар келесi сыныпқа көшiрiледi.
10. 1-2 пәннен қанағаттанарлықсыз бағалары бар 5-8 (9), 10 (11)-сыныптардың бiлiм алушылары осы пәндер бойынша қайта аттестаттауға жатады. Жазғы каникул уақытында осы бiлiм алушыларға пәндер бойынша тиiстi оқу тапсырмалары берiледi.
Қайта аттестаттау оқу жылы аяқталғаннан кейiн 3 аптадан соң жүргiзiледi. Қайта аттестаттаудан қанағаттанарлықсыз қорытынды баға алған жағдайда бiлiм алушылар қайта оқу жылына қалдырылады немесе ата-аналарының келiсiмi (және өзге де заңды өкiлдердiң) және медициналық - педагогтiк консультацияның ұсынымдары бойынша теңестiрiп оқытатын сыныптарға ауыстырылады.
3. Бiлiм алушыларды қорытынды аттестаттаудан өткiзу тәртiбi
11. Жалпы орта бiлiм беру ұйымдарының бiлiм алушыларын қорытынды аттестаттау:
- ұлттық бiрыңғай тестiлеу (бұдан әрi - ҰБТ);
- жалпы бiлiм беретiн пәндер бойынша қорытынды емтихандар нысанында өткiзiледi.
12. Орта бiлiмнен кейiнгi немесе жоғары оқу орындарына қабылдау Орта бiлiмнен кейiнгi немесе жоғары бiлiм беру ұйымдарына оқуға түсуге тiлек бiлдiрген бiлiм алушылар, жалпы орта бiлiм туралы "Алтын белгi" аттестатын, жалпы орта бiлiм туралы үздiк аттестатын алуға үмiткерлер, үстiмiздегi жылғы жалпы бiлiм беретiн пәндерден республикалық олимпиадалар мен оқушылардың ғылыми жобалар жарысының жүлдегерлерi үшiн қорытынды аттестаттау мiндеттi түрде ҰБТ нысанында өтедi.
ҰБТ-ға қатысуға тiлек бiлдiрмеген бiтiрушiлер орта мектеп курсы үшiн қорытынды аттестаттауды қорытынды емтихан нысанында өткiзедi.
Өзбек, ұйғыр және тәжiк тiлдерiнде оқытатын жалпы бiлiм беретiн мектептердiң бiтiрушiлерi өз қалауы бойынша ҰБТ-ны мемлекеттiк немесе орыс тiлдерiнде тапсыруы мүмкiн.
Ескерту. 12-тармаққа өзгерту енгiзiлдi - ҚР Бiлiм және ғылым министрiнiң 2009.01.20 N 14 Бұйрығымен.
13. Жалпы бiлiм беретiн пәндер бойынша ағымдағы жылғы халықаралық ғылыми жобалар жарысы мен олимпиадалардың қатысушылары, жалпы орта бiлiм беретiн ұйымдардың халықаралық оқушылар алмасу желiсi бойынша шетелдерде бiлiм алған оқушылары, республикалық музыкалық мектеп-интернаттардың және жалпы бiлiм беретiн мектептерде ұйғыр, өзбек және тәжiк тiлдерiнде оқытатын мектептердiң бiтiрушiлерi ҰБТ-ға қатысуға тiлек бiлдiрмеген, денсаулығына байланысты ҰБТ-ға қатыспаған бiлiм алушылар қорытынды аттестаттаудан бiлiм беру ұйымдарында пәндер бойынша қорытынды емтихан нысанында өтедi.
Ескерту. 13-тармаққа өзгерту енгiзiлдi - ҚР Бiлiм және ғылым министрiнiң 2009.01.20 N 14, 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрықтарымен.
14. Бiлiм беру ұйымдарындағы бiлiм алушыларды қорытынды аттестаттауды құрамы бiлiм беру ұйымдарының басшыларымен бекiтiлетiн қорытынды емтихандарды өткiзу жөнiндегi комиссия (бұдан әрi - Комиссия) өткiзедi.
Бiлiм беру ұйымдарының басшысы қалыптастыратын және басқаратын Комиссия құрамына бiлiм беру ұйымдары басшыларының орынбасарлары, пән мұғалiмдерi, әдiстемелiк бiрлестiк жетекшiлерi кiредi.
Комиссия мүшелерiнiң саны бес адамнан кем болмауы керек.
Комиссия емтихандардың басталуынан бiр ай бұрын құрылады.
15. Ұйғыр, өзбек және тәжiк тiлдерiнде оқытатын жалпы орта бiлiм беретiн ұйымдардың жалпы орта бiлiм туралы "Алтын белгi" аттестатын, жалпы орта бiлiм туралы үздiк аттестатын алуға үмiткер және ҰБТ-ға қатыспаған бiлiм алушылары пәндер бойынша қорытынды аттестаттауды облыстық, Астана және Алматы қалаларының бiлiм басқармалары ұйымдастырған тәуелсiз комиссияға тапсырады.
Бiлiм берудi басқару органдарының басшысы қалыптастыратын және басқаратын тәуелсiз комиссия пән мұғалiмдерi, жоғары оқу орындарының оқытушылары, құқық қорғау органдары мен кәсiподақ ұйымдарының өкiлдерiнен тұрады.
Ескерту. 15-тармаққа өзгерту енгiзiлдi - ҚР Бiлiм және ғылым министрiнiң 2009.01.20 N 14 Бұйрығымен.
16. 9 (10), 11 (12)-сыныптарының бiлiм алушылары қорытынды аттестаттаудан өткiзiлетiн оқу пәндерiнiң тiзбесiн және қорытынды емтихандарды өткiзу мерзiмiн Қазақстан Республикасы Бiлiм және ғылым министрлiгi (бұдан әрi - Министрлiк) белгiлейдi.
17. Қорытынды аттестаттауға Қазақстан Республикасы жалпы орта бiлiм берудiң мемлекеттiк жалпыға мiндеттi стандарттарының талаптарына сәйкес жалпы бiлiм беретiн оқу бағдарламаларын меңгерген 9 (10) және 11 (12)-сыныптарының бiлiм алушылары жiберiледi.
18. Жалпы бiлiм беретiн мектептердегi 5-11 (12)-сыныптар бiлiм алушыларының пәндер бойынша қорытынды бағасы тоқсандық, жылдық және емтихан бағаларының негiзiнде қойылады.
5-11 (12)-сыныптардағы тоқсандық, жарты жылдық, жылдық және қорытынды бағаларды қайта қарауға рұқсат етiлмейдi.
Негiзгi мектептi бiтiргендiгi туралы куәлiкке енгiзуге жататын барлық пәндерден жылдық және қорытынды бағалары «5» болған 9 (10)-сынып бiтiрушiлерiне негiзгi орта бiлiм туралы үздiк куәлiк берiледi.
10 (11) және 11 (12)-сыныптардағы оқу кезеңiнде барлық пәндерден жылдық, қорытынды және қорытынды аттестаттаудағы бағалары «5» болған 11 (12)-сынып бiтiрушiлерiне жалпы орта бiлiм туралы үздiк аттестат берiледi.
Жалпы орта бiлiм туралы «Алтын белгi» аттестатын алуға үмiткер ҰБТ-да бiр балл жетпеуiне байланысты жалпы орта бiлiм туралы «Алтын белгi» аттестатын растамаған жағдайда, оған жалпы орта бiлiм туралы үздiк аттестат берiледi.
Ескерту. 18-тармаққа өзгерту енгiзiлдi - ҚР Бiлiм және ғылым министрiнiң 2009.07.09 N 369 Бұйрығымен.
19. 1-2 пәннен жылдық қанағаттанарлықсыз баға алған 9 (10)-сыныптардың бiлiм алушыларына педагогикалық кеңестiң шешiмi бойынша қорытынды аттестаттау өткенге дейiн қосымша бақылау жұмыстарын (жазбаша және тест тапсырмалары нысанында) орындауға рұқсат етiледi.
20. Бiлiм алушылардың денсаулық жағдайларына байланысты еңбек және дене тәрбиесi сабақтарынан босату оларды келесi сыныпқа көшiру мен қорытынды аттестаттауға жiберiлуiне әсер етпейдi.
21. Қорытынды аттестаттаудың нәтижесi бойынша:
- бiр немесе екi пәннен қанағаттанарлықсыз баға алған 9 (10) және 11 (12)-сыныптарының бiлiм алушыларына бiлiм беру ұйымдарында тиiстi оқу пәндерi бойынша емтихан нысанында қайта қорытынды аттестаттауға рұқсат етiледi;
- үш немесе одан да көп пәндерден қанағаттанарлықсыз бағалары бар 9 (10)-сыныптың бiлiм алушылары қайта оқу жылына қалдырылады;
- үш немесе одан да көп пәндерден қанағаттанарлықсыз бағалары бар 11 (12)-сыныптың бiлiм алушыларына олардың жалпы орта бiлiмнiң жоғарғы деңгейiнiң толық курсын өткендiгi туралы белгiленген үлгiдегi анықтама берiледi.
22. 9 (10) және 11 (12)-сыныптарының бiлiм алушыларын қайта қорытынды аттестаттаудан өткiзу үшiн бiлiм беру ұйымдарында тиiстi пәндер бойынша емтихан комиссиясы құрылады.
23. Жазғы тапсырмалар мен қайта тапсырылатын емтихандардың материалдары (жазбаша, ауызша, тестiлеу нысанында) бiлiм беру ұйымында әзiрленедi.
Жазғы тапсырмаларды қанағаттанарлық орындаған және емтихандарды қайта тапсырған бiлiм алушылар бiлiм беру ұйымының педагогикалық кеңесiнiң шешiмi негiзiнде бiлiм беру ұйымының бұйрығымен келесi сыныпқа көшiрiледi.
24. Барлық пәндерден үлгеретiн бiлiм алушылар мемлекеттiк аттестаттаудан облыстық, Астана және Алматы қалаларының бiлiм басқармаларының бұйрықтарымен, республикалық бiлiм беру ұйымдарының бiлiм алушылары Министрлiктiң бұйрығымен мынадай жағдайларда босатылады:
1) денсаулық жағдайына байланысты;
2) I және II топтағы мүгедектер, бала кезiнен мүгедек, мүгедек-балалар;
3) Қазақстан Республикасының командасы атынан халықаралық олимпиадаларға (жарыстарға) қатысатын кандидаттардың жазғы жиынына қатысушылар.
25. Бiлiм алушыларды қорытынды аттестаттаудан босату туралы бұйрық мынадай құжаттар негiзiнде шығарылады:
1) мектеп дәрiгерiнiң (ауылдық жерде - аудандық педиатрдың) ұсынысы бойынша жасалған бiлiм алушының тұрғылықты жерiндегi емхананың медициналық-әлеуметтiк сараптамасының (бұдан әрi - МӘС) қорытындысы;
2) педагогикалық кеңес шешiмiнiң көшiрмесi және мектептiң қолдау хаты;
3) үлгерiм табелдерi.
2) және 3) тармақшаларда көрсетiлген құжаттар бiлiм беру ұйымы басшысының қолымен және бiлiм беру ұйымының мөрiмен расталады.
26. Қорытынды аттестаттау кезеңiнде ауырып қалған 9 (10)-сыныптың бiлiм алушылары өтiп кеткен емтихандарын тапсыруға мүмкiндiк берiледi.
27. Мiндеттi емтихан жұмыстарының тақырыптары мен мәтiндерiн облыстық, Астана және Алматы қалаларының бiлiм басқармалары дайындайды.
28. Оқу курсын аяқтаған және Қазақстан Республикасының Қарулы Күштерi қатарына шақырылуына байланысты қорытынды емтихандарын тапсырмаған кешкi (кезектi) оқу орындарының бiлiм алушылары әскери қызметiн аяқтағаннан кейiн бiр кезең iшiнде жалпы орта бiлiм курсы бойынша емтихандар тапсырады.
29. Комиссия мүшелерiнiң көпшiлiк дауыстарының шешiмiмен оның төрағасы келiспеген жағдайда мәселенi аудандық (қалалық) бiлiм беру бөлiмдерi шешедi.
30. Бiлiм алушы жазбаша жұмысына қойылған бағалармен келiспеген жағдайда, емтихан бағасы жарияланғаннан кейiн келесi күнгi 13 сағат iшiнде республикалық бiлiм беру ұйымдарының оқушыларына арналған Министрлiктiң, аудандық (қалалық) бөлiмдерi, облыстық (қалалық) бiлiм басқармалары жанынан құрылған апелляциялық комиссияға шағымдануына құқығы бар.
31. 9 (10), 11 (12)-сыныптарының бiлiм алушыларын мерзiмiнен бұрын қорытынды аттестаттауға оқушылар шетелге оқуға кеткенде немесе тұрғылықты орнын шетелге ауыстырған жағдайда жiберiледi және пәндер бойынша оқу жылының аяқталуына дейiн 2 ай бұрын қорытынды емтихан нысанында өткiзiледi.
32. Даму мүмкiндiгi шектеулi балаларға арналған арнаулы түзеу мекемелерiнде қорытынды емтихандарын өткiзу қажеттiлiгi туралы мәселенi медициналық диагнозына сәйкес жергiлiктi бiлiм беру органдары шешедi.
4. ҰБТ-ны өткiзу тәртiбi
33. ҰБТ тiзбесi Министрдiң бұйрығымен бекiтiлген тестiлеу өткiзiлетiн пункттердiң (бұдан әрi - ҰБТ ӨП) базасында өткiзiледi.
34. ҰБТ-ны өткiзу үшiн әрбiр ҰБТ ӨП-те мемлекеттiк комиссия (бұдан әрi - МК) құрылады. МК өз қызметiнде " Бiлiм туралы " Қазақстан Республикасының Заңын, " Мемлекеттiк құпиялар туралы " Қазақстан Республикасының Заңын, " Сыбайлас жемқорлыққа қарсы күрес туралы " Қазақстан Республикасының Заңын, осы Ереженi және басқа да бiлiм саласындағы нормативтiк құқықтық актiлердi басшылыққа алады.
Ескерту. 34-тармаққа өзгерту енгiзiлдi - ҚР Бiлiм және ғылым министрiнiң 2009.01.20 N 14 Бұйрығымен.
35. МК-нiң құрамына мәслихат пен әкiмдiк өкiлдерi, жоғары оқу орындарының ректорлары, облыстық (республикалық маңызы бар қалалар) бiлiм басқармасының бастығы (бұдан әрi - бiлiм басқармасының бастығы), аудандық (қалалық) бiлiм бөлiмдерiнiң меңгерушiлерi, балалардың құқықтарын қорғау жөнiндегi облыстық департаменттiң қызметкерлерi, құқық қорғау органдарының, қоғамдық, оның iшiнде жастар және студенттiк ұйымдардың, бұқаралық ақпарат құралдарының өкiлдерi, сондай-ақ бiлiм беру ұйымдарының, бiлiм басқармаларының бiлiктi қызметкерлерi арасынан тағайындалған хатшы кiредi. МК мүшелерiнiң саны тақ болуы: 5 адамнан кем емес және 11 адамнан аспауы қажет.
Ескерту. 35-тармаққа өзгерту енгiзiлдi - ҚР Бiлiм және ғылым министрiнiң 2009.01.20 N 14 Бұйрығымен.
36. Бiлiм беру ұйымдарында:
облыстардың, астана, республикалық маңызы бар қалалардың базасындағы ҰБТӨП-терде мемлекеттiк комиссияның төрағасы болып жоғары оқу орындарының немесе облыстардың, астана, республикалық маңызы бар қалалардың бiлiм басқармасының басшылары тағайындалады;
аудан орталықтарында орналасқан ҰБТӨП-терде мемлекеттiк комиссияның төрағасы болып аудан (қала) әкiмдерiнiң орынбасарлары немесе аудандық (қалалық) бiлiм бөлiмдерiнiң меңгерушiлерi тағайындалады.
МК-нiң төрағасы болып оның базасында ҰБТ ӨП құрылған бiлiм беру ұйымының басшысы (ректор, бiлiм басқармасының бастығы, аудандық (қалалық) бiлiм бөлiмiнiң меңгерушiлерi) немесе әкiмдiк өкiлi тағайындалады.
МК құрамы жоғары оқу орындарының және бiлiм басқармаларының ұсынысы бойынша Министрдiң бұйрығымен ҰБТ-ны өткiзу кезеңiне бекiтiледi.
Ескерту. 36-тармаққа өзгерту енгiзiлдi - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
37. МК:
1) алынып тасталды
2) ҰБТ аяқталғаннан кейiн дұрыс жауап кодтарын iледi және тестiлеудiң нәтижесiн хабарлайды;
3) МК-ның шешiмi отырысқа қатысып отырған МК мүшелерi жалпы санының көпшiлiк даусымен қабылданады және төраға мен хатшы қол қоятын отырыс хаттамасымен толтырылады. Дауыстар тең болған жағдайда, МК төрағасының дауысы шешушi дауыс болып табылады.
4) ҰБТ-ы мәселелерi бойынша жұртшылық арасында ұйымдастырушылық және ақпараттық-түсiндiру жұмыстарын жүргiзедi;
5) ҰБТ-ны өткiзу кезеңiнде қоғамдық тәртiптi сақтауды, сондай-ақ мектеп бiтiрушiлердi тестiлеуге жiберу кезiнде металл iздегiштi және тестiлеу кезiнде ұялы байланыс телефондарының сигналдарын басатын құрылғыларды пайдалануды ұйымдастырады.
Ескерту. 37-тармаққа өзгерту енгiзiлдi - ҚР Бiлiм және ғылым министрiнiң 2009.01.20 N 14, 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрықтарымен.
38. ҰБТ бес пән бойынша: қазақ немесе орыс тiлi (оқыту тiлi), математика, Қазақстан тарихы, орыс тiлiнде оқытатын мектептерде қазақ тiлi және қазақ тiлiнде оқытатын мектептерде орыс тiлi және таңдаған мамандыққа байланысты таңдау бойынша пәндердiң бiреуi Қабылдаудың үлгi ережесiне сәйкес өткiзiледi.
Шығармашылық немесе арнайы дайындықты қажет ететiн мамандықтарды таңдаған бiтiрушiлер үшiн төртiншi пәндi таңдау ерiктi. Орта бiлiмнен кейiнгi немесе жоғары оқу орындарына қабылдау кезiнде мұндай бiтiрушiлерге арнайы немесе шығармашылық емтихандар белгiленедi, олар өздерi таңдаған орта бiлiмнен кейiнгi немесе жоғары бiлiм беру ұйымдарының қабылдау комиссияларымен өткiзiледi.
39. ҰБТ-ға қатысуға өтiнiштердi қабылдау мерзiмi 10 наурыздан 25 сәуiрге дейiн. Өтiнiш бланкiлерiн толтыру мектеп бiтiрушi өзi бiлiм алатын жалпы орта бiлiм беру ұйымында жүргiзiледi.
40. Тестiлеу ҰБТ ӨП-те 1 маусымнан 10 маусымға дейiн жүргiзiледi.
41. ҰБТ Ұлттық тестiлеу орталығы жалпы бiлiм беретiн пәндердiң бағдарламасы негiзiнде әзiрлеген тест тапсырмаларының көмегiмен өткiзiледi, олардың мазмұны көрсетiлген бағдарламаның шеңберiнен шықпауы керек.
Ескерту. 41-тармаққа өзгерту енгiзiлдi - ҚР Бiлiм және ғылым министрiнiң 2009.01.20 N 14 Бұйрығымен.
42. ҰБТ-ны өткiзу кезiнде пайдаланылатын тест мазмұнының және дұрыс жауаптар кодын айқындайтын мәлiметтер мемлекеттiк құпия болып табылады.
43. Әрбiр пән бойынша тест тапсырмасының саны - 25.
44. ҰБТ-ға 3,5 (үш жарым) астрономиялық сағат (210 минут) бөлiнедi. ҰБТ-ны қайта тапсыру:
1) қанағаттанарлықсыз деген баға алған жағдайда;
2) оң бағаны арттыру мақсатында рұқсат берiлмейдi.
Ескерту. 44-тармаққа өзгерту енгiзiлдi - ҚР Бiлiм және ғылым министрiнiң 2009.01.20 N 14 Бұйрығымен.
45. ҰБТ-ның нәтижелерi 125 балдық жүйе бойынша және жалпы орта бiлiм туралы аттестат алу үшiн бес балдық жүйе бойынша бағамен бағаланады. Балдарды бағаға ауыстыруды Министрлiк белгiлеген 1-қосымшадағы шкалаға сәйкес МК жүргiзедi.
46. <*>
Ескерту. 46-тармақ алынып тасталды - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
47. Бiтiрушiге бiр орыннан екiншi орынға ауысып отыруға, емтихан материалдарын басқа бiтiрушiмен ауыстыруға, көшiрiп жазуға, шпаргалкаларды, оқулықтарды және басқа да әдiстемелiк әдебиеттердi, байланыс құралдарын аудиторияға кiргiзуге және пайдалануға рұқсат етiлмейдi.
Ескерту. 47-тармаққа өзгерту енгiзiлдi - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
48. Бiтiрушi осы Ереженiң 47-тармағын бұзған жағдайда Министрлiк өкiлi осы Ереженiң 2-қосымшасына сәйкес нысанда ҰБТ-да қолдануға тыйым салынған заттарды алып қою және үстiнен түсу туралы актiсiн жасайды, оның тест нәтижелерiн жою және мектеп бiтiрушiнi аудиториядан шығару туралы шешiм қабылдайды.
Ескерту. 48-тармақ жаңа редакцияда - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
49. Тест тапсырмаларын бағалау кезiнде бiрыңғай талаптарды сақтау және даулы мәселелердi шешудi қамтамасыз ету, ҰБТ-ға қатысушылардың құқығын қорғау мақсатында тестiлеу өткiзу кезеңiнде апелляцияны қарау жөнiндегi республикалық комиссия (бұдан әрi - республикалық апелляциялық комиссия) және әрбiр ҰБТ ӨП-де апелляциялық комиссия құрылады.
50. Республикалық апелляциялық комиссияның төрағасы және құрамы Министрдiң бұйрығымен бекiтiледi.
51. Республикалық апелляциялық комиссия апелляциялық комиссияның бiтiрушiге балдар қосу туралы ұсыныстардың негiздемесiн қарайды және соңғы шешiм қабылдайды.
52. Республикалық комиссия өз функцияларын орындау мақсатында апелляциялық комиссиялардан қажеттi құжаттар мен мәлiметтердi, оның iшiнде бiтiрушiнiң жауап парағының көшiрмесiн, ҰБТ технологиясының сақталуы туралы мәлiметтер сұрауға және алуға құқылы.
Ескерту. 52-тармаққа өзгерту енгiзiлдi - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
53. Республикалық апелляциялық комиссияның шешiмi комиссия мүшелерiнiң жалпы санының көпшiлiк даусымен қабылданады. Дауыстар тең болған жағдайда, комиссия төрағасының дауысы шешушi болып табылады. Республикалық апелляциялық комиссияның жұмысы төрағаның және комиссияның барлық мүшелерiнiң қолдары қойылған хаттамалармен ресiмделедi.
54. Апелляциялық комиссияның төрағасы Министрдiң бұйрығымен, ал оның құрамы - облыстар, Алматы және Астана қалалық бiлiм басқармаларымен бекiтiледi. Апелляциялық комиссияның құрамына МК мүшелерi кiрмеуi керек.
55. Апелляциялық комиссия тестiлеуге қатысушылардан өтiнiштер қабылдайды және қарайды, бiтiрушiге балдар қосу туралы республикалық апелляциялық комиссияға ұсыныс енгiзедi және оған апелляцияның қорытындылары туралы оны хабардар етедi.
56. Апелляцияға берiлетiн өтiнiштi тестiлеуге қатысушының өзi апелляциялық комиссия төрағасының атына бередi. Тест тапсырмаларының мазмұны және техникалық себептер бойынша өтiнiштер тестiлеу нәтижесi жарияланғаннан кейiн келесi күнгi сағат 13.00-ге дейiн қабылданады және апелляциялық комиссия бiр күн бойы қарастырады. Өтiнiш берушiнiң өзiмен бiрге оның жеке басын куәландыратын құжаты, ҰБТ-ға жiберу рұқсаттамасы болуы керек.
Ескерту. 56-тармақ жаңа редакцияда, өзгерту енгiзiлдi - ҚР Бiлiм және ғылым министрiнiң 2009.01.20 N 14, 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрықтарымен.
57. Апелляциялық комиссияның жұмысын апелляциялық комиссияның төрағасы басқарады.
Ескерту. 57-тармаққа өзгерту енгiзiлдi - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
58. Апелляциялық комиссияның шешiмi комиссияның тiзiмдiк құрамының көпшiлiк даусымен қабылданады. Дауыстар тең болған жағдайда комиссия төрағасының дауысы шешушi дауыс болуға құқығы бар. Комиссияның жұмысы төрағаның және комиссияның барлық мүшелерiнiң қолдары қойылған хаттамалармен ресiмделедi.
59. Республикалық апелляциялық комиссияның және апелляциялық комиссиялар отырыстарының хаттамалары жыл бойы ҰТО-да сақталады.
Ескерту. 59-тармаққа өзгерту енгiзiлдi - ҚР Бiлiм және ғылым министрiнiң 2009.01.20 N 14 Бұйрығымен.
60. <*>
Ескерту. 60-тармақ алынып тасталды - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
61. ҰБТ-ны тапсырған бiтiрушiлерге:
ҰБТ-ның нәтижесi туралы сертификат (бұдан әрi - сертификат);
жалпы орта бiлiм туралы аттестат (бұдан әрi - аттестат) берiледi.
Ескерту. 61-тармаққа өзгерту енгiзiлдi - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
62. Сертификатты МК толтырады және ҰБТ-ны тапсырған күннен кейiн үш күн iшiнде ҰБТ ӨП-те берiледi.
Сертификатқа ҰБТ шеңберiнде әр пәннен жинаған балл қойылады.
Сертификат МК төрағасының, Министрлiк өкiлiнiң қолымен расталады және базасында ҰБТ ӨП ұйымдастырылған жоғары оқу орындарының немесе жергiлiктi бiлiм берудi басқару ұйымдарының мөрi басылады.
63. Аттестат ҰБТ-ны тапсырған кезде бiтiрушiлер бiлiм алған бiлiм беру ұйымдарымен берiледi. Аттестатқа ҰБТ шеңберiнде МК шешiмiне сәйкес жалпы бiлiм беру пәндерi бойынша ҰБТ-да алған бағасы қойылады.
64. <*>
Ескерту. 64-тармақ алынып тасталды - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
5. Қорытынды емтихандарды өткiзу тәртiбi
65. Емтихандар мұғалiмдер мен бiлiм алушылар емтихандардың басталуынан 10 күн бұрын танысатын бiлiм беру ұйымының басшысы бекiткен кесте бойынша өткiзiледi.
Кестеде:
әрбiр сыныпта бiр күнде бiр емтиханнан артық болмауы;
әрбiр оқу пәнi бойынша емтихандар аралығындағы үзiлiс екi күннен кем болмауы;
егер пән бойынша екi емтихан қойылса, бiрiншi жазбаша одан соң ауызша емтиханның өткiзiлуi қарастырылады.
66. Бiлiм беру ұйымының негiзгi сатысындағы 9 (10)-сыныпта диктантқа - 2 (2,5) астрономиялық сағат, шығармаға - 4 (4,5) астрономиялық сағат, мазмұндамаға - 3 (3,5) астрономиялық сағат, математикаға (жазбаша) - 3 (3,5) астрономиялық сағат (математика пәнi тереңдетiлiп оқытылатын сыныптарда - 4 сағат) бөлiнедi.
11 (12)-сыныпта шығармаға - 6 (6,5) астрономиялық сағат, мазмұндамаға - 4 (4,5) астрономиялық сағат, диктантқа - 2 (2,5) астрономиялық сағат, математикаға (жазбаша) - 4 (4,5) астрономиялық сағат (математика пәнi тереңдетiлiп оқытылатын сыныптарда - 5 сағат) бөлiнедi.
67. Жазбаша емтихандарды өткiзу үшiн неғұрлым үлкен сынып бөлмелерiн дайындау қажет: 11 (12)-сыныптағы бiлiм алушылар бiр-бiрден, ал 9 (10)-сыныптағы бiлiм алушылар бiр-бiрден немесе екiден үстелге немесе партаға отырғызылады.
Жазбаша жұмыстарды орындау және ауызша жауапқа дайындалу үшiн бiлiм алушыларға мектептiң мөртабаны басылған қағаз берiледi. Жұмыстарын орындаған бiлiм алушылар оны жоба жазумен (черновикпен) бiрге емтихан комиссиясына тапсырады.
Жұмыстарын емтиханға арналып бөлiнген уақыт iшiнде аяқтай алмаған бiлiм алушылар сол аяқтамаған қалпында тапсырады.
68. Жазбаша емтихан өтiп жатқан кезеңде (диктанттан басқа) бiлiм алушының 5 минутқа сынып бөлмесiнен шығуына рұқсат берiледi. Ондай жағдайда ол жұмысын емтихан комиссиясына тапсырады, емтихандық жұмысына бiлiм алушының шығып келген уақыты жазылады.
69. Жазбаша емтихан аяқталғаннан кейiн емтихан жұмыстарын комиссия мүшелерi бiлiм беру ұйымының ғимаратында тексередi.
Тексерiлмеген жұмыстар бiлiм беру ұйымының басшысына сақталуға тапсырылады. Тексеру кезiнде қателердiң асты сызылады.
Жалпы орта бiлiм курсы бойынша шығармадағы, мазмұндамадағы, диктанттағы қателер саны жеке көрсетiледi.
Шығармаға, мазмұндамаға және математика пәнi бойынша жазбаша жұмыстарға "2" (қанағаттанарлықсыз) және "5" (үздiк) бағалары қойылған қысқаша пiкiр жазылады.
Тiл мен әдебиет бойынша қайта жазбаша аттестаттау нысанын бiлiм беру ұйымының емтихан комиссиясы белгiлейдi.
9 (10) және 11 (12)-сыныптарындағы шығарма екi бағамен, негiзгi және жалпы орта бiлiм беру курсындағы математика пәнi бойынша жазбаша емтихан жұмысы - бiр бағамен бағаланады.
70. Негiзгi жалпы бiлiм туралы үздiк куәлiктi алуға үмiткер 9 (10)-сынып, сондай-ақ өзбек, ұйғыр және тәжiк тiлдерiнде оқытатын мектептiң жалпы орта бiлiм туралы "Алтын белгi" аттестатын алуға үмiткер бiлiм алушыларының, ҰБТ-ға қатыспайтын республикалық музыкалық мектеп-интернаттары жалпы орта бiлiм туралы үздiк аттестатқа үмiткер 11 (12)-сынып бiлiм алушыларының жазбаша емтихан жұмыстарын оқу орнының емтихан комиссияcының мүшелерi емтихан тапсырғаннан кейiнгi бiр күн iшiнде, үмiткерлер көп болған жағдайда екi күн iшiнде тексередi.
71. Жалпы бiлiм беретiн мектептердiң барлық сыныптарындағы жазбаша емтихан жұмыстары жергiлiктi уақытпен таңертеңгi сағат 9-да басталады. Ерекше жағдайларда (бiлiм беру ұйымында бiлiм алушылардың саны көп болғанда осы ереженiң талаптары мен тәртiбiн сақтау үшiн) емтихандарды бiрнеше мерзiмде немесе келесi күнi (ауызша емтиханды өткiзу бойынша) екiншi нұсқа бойынша өткiзуге болады.
Шығарма тақырыптары, диктант және мазмұндама мәтiндерi салынған пакеттер бiлiм алушылар мен емтихандық комиссия мүшелерiнiң қатысуымен емтиханның басталуына 15 минут қалғанда ашылады.
Математикадан материалдар салынған пакеттер 9-11 сыныптарда емтихан комиссиясы мүшелерiнiң ғана қатысуымен ұсынылған есептер шартының дұрыстығын тексеру үшiн емтихан басталуынан 1 сағат бұрын ашылады.
72. Ауызша емтиханды өткiзу үшiн 25-тен астам бiлiм алушысы бар сынып екi топқа бөлiнедi және олар емтиханды бiрiнен соң бiрi сол күнi тапсырады.
73. Жауап дайындау үшiн оқушыға 20 минуттан кем емес уақыт берiледi. Егер бiлiм алушы билет бойынша сұрақтарға жауап бермесе, емтихандық комиссия оған екiншi билет алуға рұқсат етедi (бұл жағдайда бағасы 1 балға төмендейдi).
74. Әрбiр пән бойынша ауызша немесе жазбаша емтихан өткiзiлгеннен кейiн емтихандық комиссия бiлiм алушыға емтихан бағасы мен қорытынды бағаларын қояды, осы ереженiң 3-қосымшасына сәйкес Жалпы орта бiлiм берудiң негiзгi орта, жоғары орта деңгейiндегi емтихан және қорытынды бағалардың хаттамасына (бұдан әрi - Хаттама) енгiзедi.
Хаттамаға осы пәннiң емтихандық комиссиясының мүшелерi қол қояды.
Ескерту. 74-тармаққа өзгерту енгiзiлдi - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
75. Емтихан комиссиясы қорытынды бағаларды шығарарда төмендегiлердi басшылыққа алуы керек:
1) пән бойынша қорытынды баға жылдық және емтихан бағаларының негiзiнде ағымдағы оқу жылының тоқсандық (жарты жылдық) бағаларын ескере отырып анықталады;
2) емтихан бағасы қанағаттанарлықсыз болған жағдайда оң қорытынды баға қойылмайды;
3) қорытынды баға емтихан бағасынан жоғары болмайды.
76. Егер бiр пәннен ауызша және жазбаша емтихандар өткiзiлсе, екi емтиханды тапсырғаннан кейiн бiр ғана қорытынды баға қойылып, жазбаша мен ауызша емтихандардың тиiстi хаттамасына жазылады. Жазбаша жұмысы "үздiк" бағаланып, ауызша емтиханнан алған баға "4"-тен төмен болмай, тоқсандық және жылдық бағасы "5" болған жағдайда емтихандық және қорытынды бағаға "бес" қойылады.
77. Оқу сабақтары ұйымдастырылған емдеу мекемесiнде емделiп жатқан бiлiм алушыларға қорытынды бағаны қою кезiнде, осы емдеу мекемесiнiң жанындағы жалпы бiлiм беретiн мектепте (сыныпта немесе топта) алған тоқсандық (жарты жылдық) және жылдық бағалары ескерiлiп қойылады.
78. Бiлiм алушылардың ауызша емтиханда алған бағалары осы сыныптағы немесе топтағы емтихан аяқталғаннан кейiн хабарланады. Бiлiм алушыларға жазбаша өтiнiшi негiзiнде оған Жұмыстарды көрсетудi ұйымдастыру бiлiм алушының осы бiлiм беру ұйымының емтихан комиссиясының төрағасының қатысуымен өз жазба жұмыстарының тексеру нәтижелерiмен танысуға мүмкiндiк берiледi.
79. Кезектi емтиханнан "2" алған 9 (10) және 11 (12)-сыныптардың бiлiм алушылары келесi емтиханға жiберiледi.
9-сыныптағы қайта тапсыратын мiндеттi қорытынды емтихандарының мерзiмiн облыстық, Астана және Алматы қалалары бiлiм басқармаларының келiсiмi бойынша осы жылғы 25 маусымнан кешiктiрмей аудандық, қалалық бiлiм бөлiмдерi белгiлейдi.
6. Бiлiм алушыларды қорытынды аттестаттау жөнiндегi республикалық комиссия жұмысының тәртiбi
80. Жалпы орта бiлiм туралы "Алтын белгi" аттестатын алуға үмiткер ұйғыр, өзбек және тәжiк тiлдерiнде оқытатын мектеп бiлiм алушыларының, ҰБТ-ға қатыспайтын республикалық музыкалық мектеп-интернаттар бiлiм алушыларының, негiзгi орта бiлiм туралы үздiк куәлiктi алуға үмiткер республикалық мектеп-интернаттардың 9-сынып бiлiм алушыларының жазбаша емтихан жұмыстарын қарау үшiн, Министрдiң бұйрығымен Оқушыларды қорытынды аттестаттау жөнiндегi республикалық комиссия (бұдан әрi - ҚАРК) құрылады.
Бiлiм беру саласындағы уәкiлеттi орган қалыптастыратын және басқаратын комиссия құрамына пән мұғалiмдерi, бағынысты ұйымдардың өкiлдерi қосылады. Комиссия мүшелерiнiң саны он бес адамнан кем болмауы керек.
81. Республикалық комиссия үмiткерлердiң жазбаша жұмыстарын тексеру жөнiндегi ұйғыр, өзбек және тәжiк тiлдерiнде оқытатын бiлiм беру ұйымдарының, ҰБТ-ға қатыспаған республикалық музыкалық мектеп-интернаттарының емтихан комиссияларының қазақ тiлi мен әдебиетiнен, орыс тiлi мен әдебиетiнен, математика пәндерiнен үмiткерлерге қойған бағаларын растау үшiн және марапаттауға ұсынылған оқушылардың осы ереженiң және Қазақстан Республикасы Үкiметiнiң 2007 жылғы 21 желтоқсандағы N 1253 қаулысымен бекiтiлген "Алтын белгi" белгiсi туралы ереженiң талаптарына сәйкестiгi жөнiнде облыстық, Астана және Алматы қалалық бiлiм басқармаларының, республикалық бiлiм беру ұйымдарының актiлерiн қарау жөнiндегi комиссия құрылады.
82. Жалпы орта бiлiмнiң бiлiм беру бағдарламаларын iске асыратын Қазақстан Республикасының бiлiм беру ұйымдары типiне, түрiне, меншiк нысанына және ведомстволық бағыныстылығына қарамастан ағымдағы жылғы 1 мамырға дейiн Министрлiкке жалпы орта бiлiм туралы "Алтын белгi" аттестатын алуға кандидаттар туралы (тегi, аты, әкесiнiң аты, оқу орнының аты және нөмiрi, облыс, қаласы) бейiнi мен оқу тiлi көрсетiлген мәлiметтер бередi.
Республикалық бiлiм беру ұйымдары негiзгi орта бiлiмi туралы үздiк куәлiк және жалпы орта бiлiм туралы үздiк аттестаттан үмiткер бiлiм алушылардың қосымша жеке тiзiмiн ұсынады.
83. Облыстық, Астана және Алматы қалалары бiлiм басқармаларының және республикалық бiлiм беру ұйымдарының жалпы орта бiлiм туралы "Алтын белгi" аттестатын алуға үмiткерлер бойынша (үмiткерлердiң құжаттарын тексеру актiлерi) ұсыныстары Министрлiкке ағымдағы жылғы 25 мамырдан кешiктiрiлмей жеткiзiлуi керек.
84. Ағымдағы жылғы 15 маусымнан кешiктiрiлмей жұмыс қорытындысын шығару және "Алтын белгi" белгiсiмен марапатталған бiлiм алушылардың тiзiмiн бекiту туралы шешiм қабылдау жөнiндегi ҚАРК-нiң соңғы отырысы өткiзiледi.
85. "Алтын белгi" жалпы орта бiлiм туралы аттестатын алуға бiлiм алушылардың кандидатураларын бекiту туралы ҚАРК-нiң шешiмi Министрдiң бұйрығымен бекiтiледi.
86. Барлық емтихандар аяқталғаннан кейiн және Министрдiң бұйрығын алғаннан кейiн бiлiм беру ұйымының педагогикалық кеңесi емтихан комиссиясының барлық мүшелерiнiң қатысуымен оқушылардың қорытынды аттестаттауы нәтижелерiн талқылайды және оқу-тәрбие жұмысының сапасын арттыру жөнiндегi нақты шараларды қабылдайды.
7. Жалпы орта бiлiм берудiң бiлiм беретiн оқу бағдарламаларын iске асыратын бiлiм беру ұйымдарында экстерндердi аттестаттау
Ескерту. 7-бөлiммен толықтырылды - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
87. Жалпы орта бiлiм берудiң бiлiм беретiн оқу бағдарламаларын iске асыратын бiлiм беру ұйымдарында экстернат нысанында оқыту (бұдан әрi – экстернат нысанында оқыту) оқушылардың негiзгi орта және жалпы орта бiлiмнiң жалпы бiлiм беретiн оқу бағдарламаларын өз бетiнше меңгеруiн, сондай-ақ шетелде уақытша тұратын Қазақстан Республикасы азаматтарының балалары үшiн қашықтан оқытуды қарастырады.
88. Экстернат нысанында оқыту кезiнде аттестаттауды және қорытынды аттестаттауды жүргiзу осы Ережеге сәйкес жүзеге асырылады.
89. Экстернге қорытынды аттестаттауға рұқсат беру туралы шешiм бiлiм беру ұйымының педагогикалық кеңесiнде қабылданады.
90. Аттестаттаудан өту үшiн өтiнiштi, ол басталғанға дейiн 3 айдан кешiктiрмей беруге болады. Тұлғаны экстернат нысанында аттестаттауға жiберу туралы бiлiм беру ұйымының бұйрығы оқу жылының аяғында шығарылады.
91. Экстерндер орта мектеп курсы үшiн жалпы орта бiлiмi туралы аттестатта көрсетiлген пәндер тiзбесi бойынша аттестатталады.
Дене тәрбиесi, еңбекке баулу, алғашқы әскери дайындық бойынша аттестаттау өткiзiлмейдi, ал бiлiмi туралы құжатта «оқылған жоқ» деген жазу жазылады.
92. Экстерндердi аттестаттау нәтижесi хаттамаға «экстернат» деген белгiмен түсiрiледi.
93. Оқушылардың халықаралық алмасу желiсiнде шетелде оқуға баратын және сол жақта бiлiм беру мекемелерiн аяқтайтын 11(12) сыныпты бiтiрушiлер, мiндеттi түрде Қазақстан Республикасының бiлiм беру ұйымдарында 11 (12)-сынып үшiн қорытынды емтиханнан өту қажет. Шетелде оқыған пәндерден алған бағаларын есепке ала отырып, алдыңғы сыныптарда алған жылдық және қорытынды бағалары негiзiнде және қорытынды аттестаттаудан өткеннен кейiн оларға жалпы орта бiлiм туралы аттестат берiледi.
Бастауыш, негiзгi орта,
жалпы орта бiлiмнiң бiлiм
беретiн оқу бағдарламаларын
iске асыратын бiлiм беру
ұйымдарындағы бiлiм алушылардың
үлгерiмiне ағымдық бақылаудың,
оларды аралық және қорытынды
аттестаттаудың үлгi ережесiне
1-қосымша
Ескерту: 1-қосымша жаңа редакцияда - Қазақстан Республикасы Бiлiм және ғылым министрiнiң 2008.06.18 N 260 (қолданысқа енгiзiлу тәртiбiн 4-тармақтан қараңыз), өзгерту енгiзiлдi - 2009.12.25 № 590Бұйрықтарымен.
ҰБТ сертификатының балдарын жалпы орта бiлiм туралы
аттестаттың бағаларына ауыстыру шкаласы

Бастауыш, негiзгi орта,
жалпы орта бiлiмнiң бiлiм
беретiн оқу бағдарламаларын
iске асыратын бiлiм беру
ұйымдарындағы бiлiм
алушылардың үлгерiмiне
ағымдық бақылаудың, оларды
аралық және қорытынды
аттестаттау жүргiзудiң үлгi
ережесiне 2-қосымша
Ескерту. 2-қосымша жаңа редакцияда - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
Нысан
Аудиторияда тәртiп сақтау ережесiн бұзған мектеп бiтiрушiнi аудиториядан шығару және тыйым салынған заттың тәркiленуi туралы
АКТ
___________________________________________________________
(ҰБТӨП атауы)
«___»_________________201_____ж. _______сағ. ________мин.
Министрлiк өкiлi __________________________________________
(аты-жөнi)
Аудитория кезекшiсi _______________________________________
(аты-жөнi)
Тестiлеу уақытында мектеп бiтiрушiден: Аты-жөнi______________________________________, ТЖК_____________, аудитория №______, орын №______, нұсқа №______ Бастауыш, негiзгi орта, жалпы орта бiлiмнiң бiлiм беретiн оқу бағдарламаларын iске асыратын бiлiм беру ұйымдарындағы бiлiм алушылардың үлгерiмiне ағымдық бақылаудың, оларды аралық және қорытынды аттестаттаудың үлгi ережесiнiң 47-тармағының және Ұлттық бiрыңғай тестiлеудi ұйымдастыру және өткiзу нұсқаулығының 125-тармағының бұзылғандығын дәлелдейтiн төмендегi заттар табылды: ___________________________________________
_____________________________________________________________________
(ұялы телефонның маркасы, саны және мәлiметтерi бар шпаргалка және т.б.)
Осы фактiнi есепке алып қаулы етiлдi:
- Емтихан материалдарын алу;
- Бiтiрушiнi: Аты-жөнi________________, ТЖК___________№_____ аудиториядан шығару және емтихан материалдарын жою.
Осы дәлелдi ескере отырып, бiтiрушiден табылған заттар мен оның емтихан материалдары алынды және өзi аудиториядан шығарылды.
__________________________________________________________________
__________________________________________________________________
(осы актiнi құрған тұлғалардың аты-жөнi және қолдары)
актпен таныстым:
__________________________________________________________________
(мектеп бiтiрушiнiң аты-жөнi және қолы)
актпен таныстым:
__________________________________________________________________
(ҰБТӨП жетекшiсiнiң аты-жөнi және қолы)
Мерзiмi: ___________
М.О.
(ҰБТӨП мөрi)
Бастауыш, негiзгi орта,
жалпы орта бiлiмнiң бiлiм
беретiн оқу бағдарламаларын
iске асыратын бiлiм беру
ұйымдарындағы бiлiм
алушылардың үлгерiмiне
ағымдық бақылаудың, оларды
аралық және қорытынды
аттестаттау жүргiзудiң үлгi
ережесiне 3-қосымша
Ескерту. 3-қосымша жаңа редакцияда - Қазақстан Республикасы Бiлiм және ғылым министрiнiң 2011.02.10 № 44 (ресми жарияланғаннан кейiн он күнтiзбелiк күн өткен соң қолданысқа енгiзiледi) Бұйрығымен.
Нысан
ЕМТИХАН ҚҰЖАТТАМАСЫ
Жалпы орта бiлiм берудiң негiзгi орта, жоғарғы орта деңгейiндегi емтихан және қорытынды бағалардың
ХАТТАМАСЫ
Қазақстан Республикасы _____________________ облысының ______________ қаласының (селосының) ___________ ауданының _________ №______ мектебi ____ сыныбы _____________________ пәнiнен ___________________
Емтихан комиссиясы төрағасының Т.А.Ә. _______________________________
Емтихан алушының Т.А.Ә. _____________________________________________
Ассистенттердiң Т.А.Ә. ______________________________________________
Бiлiм басқармасы жiберген емтиханға арналған материалдары бар пакет ______ сағ _______мин. ашылды.
Онда емтихан жүргiзу үшiн қажеттi мынадай материалдар бар (пакет iшiндегi материалдар хаттамаға қоса тiгiледi).
Емтиханға ________________________________________ оқушы қатысты.
_____________________________________________________________________
(келмей қалған оқушының тегi және аты)
_____________________________________________________________________
Емтихан______________сағат_____________минутта басталды.
Емтихан______________сағат_____________минутта аяқталды.
5-8-сынып оқушыларының көшiру емтихандарында осы хаттаманы қолданады.

Комиссия мүшелерiнiң жеке оқушылардың жауаптарын бағалау туралы ерекше пiкiрлерi ___________________________________________________
____________________________________________________________________
____________________________________________________________________
Емтихан өткiзу күнi 201 ___ж. «_____»__________________
Бағаларды хаттамаға жазу күнi 201__ ж. «___»___________
Емтихан комиссиясының төрағасы
Емтихан алушы мұғалiм
Ассистенттер

Қазақстан Республикасы
Бiлiм және ғылым министрiнiң
2008 жылғы 18 наурыздағы
N 125 бұйрығымен
бекiтiлген

Техникалық және кәсiптiк, орта бiлiмнен кейiнгi бiлiм беру ұйымдарындағы бiлiм алушылардың үлгерiмiне ағымдағы бақылауды, аралық және қорытынды аттестаттауды өткiзу ережесi
1. Негiзгi ережелер
1. Осы техникалық және кәсiптiк, орта бiлiмнен кейiнгi бiлiм беру ұйымдарындағы бiлiм алушылардың үлгерiмiне ағымдағы бақылауды, аралық және қорытынды аттестаттауды өткiзу ережесi (бұдан әрi - Ереже) "Бiлiм туралы" Қазақстан Республикасы Заңының 5-бабының 19-тармағына сәйкес әзiрленген және меншiк нысаны мен ведомстволық бағыныстылығына қарамастан техникалық және кәсiптiк, орта бiлiмнен кейiнгi бiлiм беру ұйымдарындағы бiлiм алушылардың үлгерiмiне ағымдағы бақылауды, аралық және қорытынды аттестаттауды өткiзудiң тәртiбiн айқындайды.
2. Осы Ережеде мынадай анықтаулар пайдаланылған:
1) Бiлiм алушылардың үлгерiмiне ағымдағы бақылау - бұл оқытушының пәндi оқыту бағдарламасына сәйкес ағымдағы сабақ барысында өткiзген бiлiм алушылардың бiлiмiн жүйелi тексеруi.
2) Бiлiм алушыларды аралық аттестаттау - бiлiм алушының бiр оқу пәнiн оны зерделеп бiтiргеннен кейiн бiр бөлiгiнiң немесе бүкiл көлемiнiң мазмұнын меңгеруiнiң сапасын бағалау мақсатында жүргiзiлетiн рәсiм.
3) Бiлiм алушыларды қорытынды аттестаттау - олардың техникалық және кәсiптiк, орта бiлiмнен кейiнгi бiлiм берудiң мемлекеттiк жалпыға мiндеттi стандартын меңгеруiнiң дәрежесiн айқындау мақсатында жүргiзiлетiн рәсiм.
2. Бiлiм алушыларды ағымдағы бақылаудан және аралық аттестаттаудан өткiзу
3. Ағымдағы бақылау пәндер бойынша практикалық және семинарлық сабақтар жоқ болған жағдайда оқытушының оқу бағдарламасында көзделген мiндеттi бақылау жұмыстарын (жазбаша тапсырмалар, рефераттар) тексеруi арқылы жүзеге асырылады. Бақылау жұмысы бiрнеше нұсқа бойынша (4 нұсқадан кем емес) немесе жеке тапсырмалар бойынша өткiзiледi.
4. Оқу жоспарына сәйкес оқыту дәрiстiк курспен шектелетiн пәндер бойынша мiндеттi бақылау жұмыстары болмаған жағдайда, үлгерiмдi ағымдағы бақылау жүзеге асырылмайды. Мұндай пәндердiң тiзбесiн бiлiм беру ұйымдарының пәндiк (циклдiк) комиссиясы анықтайды.
5. Бiлiм алушыларды аралық аттестаттаудан өткiзудiң пәндер тiзбесi мен нысанын мемлекеттiк жалпыға мiндеттi стандарттарға сәйкес техникалық және кәсiптiк, орта бiлiмнен кейiнгi бiлiм беру ұйымдары белгiлейдi және оқу жылының басында оқу-тәрбие процесiнiң кестесiне енгiзiледi.
6. Техникалық және кәсiптiк, орта бiлiмнен кейiнгi бiлiм беру ұйымдарындағы бiлiм алушыларды аралық аттестаттау мемлекеттiк жалпыға мiндеттi бiлiм беру стандарттарының негiзiнде әзiрленген оқу жұмыс жоспарлары мен бағдарламаларына сәйкес жүзеге асырылады, курстық жобаларды (жұмыстарды) қорғау, сынақтар және емтихандар нысанында, сондай-ақ сынақтар және курстық жобаларды (жұмыстарды) қорғау емтихандар басталғанға дейiн өткiзiледi. Курстық жобалар (жұмыстар) аталған пән бойынша курстық жобаны (жұмысты) орындау үшiн жеткiлiктi бiлiмдi меңгерудi қамтамасыз ететiн пәннiң теориялық бөлiмi немесе тарауы аяқталғаннан кейiн орындалады.
7. Егер ағымдағы семестрдiң оқу жоспарында аралық аттестаттау аталған пән бойынша емтихан немесе қорытынды сынақ түрiнде қарастырылмаса, сынақтар келесi семестрге ауысқан пәндер бойынша өткiзiледi.
Сараланған бағамен өткiзiлетiн сынақтар ("үздiк", "жақсы", "қанағаттанарлық" және "қанағаттанарлықсыз") курстық жобалар (жұмыс), кәсiптiк тәжiрибе бойынша, сондай-ақ тiзбесi оқу жұмыс жоспарына сәйкес айқындалатын арнайы пәндер бойынша жүргiзiледi.
8. Бiлiм алушыларды аралық аттестаттау материалдары әрбiр оқу пәнiнiң оқу жұмыс жоспарлары мен бағдарламаларының негiзiнде жасалады.
9. Бiлiм алушыларды аралық аттестаттауға даярлау кезеңiнде консультацияға бөлiнген жалпы бюджет уақыты есебiнен консультация өткiзiледi.
10. Бiлiм алушыларды емтихан нысанында аралық аттестаттаудан өткiзу үшiн:
- емтихан билеттерi (емтихандық бақылау тапсырмалары), тест тапсырмалары;
- емтихан кезiнде пайдалануға рұқсат берiлген көрнекi құралдар, анықтама сипатындағы материалдар, нормативтiк құжаттар мен техника үлгiлерi;
- оқу және технологогиялық карталар;
- спорт залдары, жабдықтар, мүкәммалдар;
- емтихан ведомосы дайын болуы қажет.
11. Аралық аттестаттауды (емтихандар мен сынақтарды қабылдау) сол пәннен семестр бойы (жарты жылдық) сабақ берген оқытушы немесе бiлiм беру ұйымы басшысының тапсырмасы бойынша осы пәннiң бейiнiне сәйкес келетiн бiлiктiлiгi бар оқытушы жүзеге асырады.
12. Аралық аттестаттауға барлық практикалық, зертханалық, есеп айырысу-кестелiк және курстық жұмыстарды (жобаларды), сынақтарды толық орындаған және әрбiр пән бойынша типтiк оқу бағдарламаларына сәйкес ағымдағы бiлiм есебiнiң қорытындысы бойынша қанағаттанарлықсыз баға алмаған бiлiм алушылар жiберiледi.
Емтиханға 1-2 пәннен қанағаттанарлықсыз бағасы бар бiлiм алушы бiлiм беру ұйымы басшысының рұқсатымен, ал екеуден көп қанағаттанарлықсыз бағасы болса, педагогикалық кеңестiң (бұдан әрi - педагогикалық кеңес) шешiмiмен жiберiледi.
13. Аралық аттестаттауды өткiзу кезiнде емтихан билеттерi бойынша тапсырмаларды орындау үшiн:
әрбiр бiлiм алушыға ауызша емтиханға 25 минуттан көп емес;
жазбаша емтиханды өткiзуге:
1) әдебиет (шығарма) бойынша 4 академиялық сағат;
2) математика және арнайы пәндер бойынша 3 академиялық сағат;
3) мемлекеттiк тiл және орыс тiлi (мазмұндама) бойынша 2 академиялық сағат;
4) мемлекеттiк тiл және орыс тiлi бойынша (диктант) 1 академиялық сағат.
Жазбаша емтихан (тест тапсырмалары) жұмыстары бiлiм беру ұйымының мөртабаны қойылған қағаздарда орындалады.
14. Тыңдауға, оқу жұмысын қарауға, спорт көрiнiстерiне байланысты арнайы пәндер бойынша емтихандарды тиiстi әдiстемелiк пәндiк және циклдық, кафедралық комиссиялардың оқытушылары қабылдайды. Оларды өткiзуге бiр оқушыға бiр академиялық сағаттан аспайтын нақты уақыт қарастырылады.
15. Аралық аттестаттауды (емтихандар мен сынақтарды) өткiзу кезiнде техникалық және кәсiптiк, орта бiлiмнен кейiнгi бiлiм беру ұйымы басшысының рұқсатынсыз (оқу iсi, әдiстемелiк жұмыстар жөнiндегi басшының орынбасарынан, бөлiм меңгерушiсi мен пәндiк-циклдiк комиссияның төрағасынан (төрайымынан) басқа) бөгде адамдардың қатысуына болмайды.
16. Сырқаттануына байланысты немесе басқа да дәлелдi себептермен аралық аттестаттаудан өтпеген бiлiм алушыларға техникалық және кәсiптiк, орта бiлiмнен кейiнгi бiлiм бiлiм беретiн оқу орнының басшысы оны тапсыруға жеке мерзiм белгiлейдi.
17. Емтихан тапсыру, сонымен бiрге курстық жобаларды қорғау кезiндегi бiлiм алушылардың бiлiмiн бағалау цифрлық бес балдық жүйе бойынша жүзеге асырылады: (5 - "өте жақсы", 4 - "жақсы", 3 - "қанағаттанарлық", 2 - "қанағаттанарлықсыз").
18. "Қанағаттанарлықсыз" (сынақтан өткен жоқ) деген баға алған жағдайда емтиханды қайта тапсыру бiр пәнге 1 реттен артық рұқсат етiлмейдi.
Емтиханды (сынақты) қайта тапсыруға пәндi жүргiзетiн оқытушыға белгiленген мерзiмде бөлiм меңгерушiсi жазбаша түрде рұқсат берген жағдайда жiберiледi (немесе ол оқытушы болмаған жағдайда, осы пәннiң бейiнiне сәйкес бiлiктiлiгi бар басқа оқытушыға тапсыруға болады).
19. Аралық аттестаттау қорытындылары бойынша үшеуден артық қанағаттанарлықсыз деген баға алған бiлiм алушылар педагогикалық кеңестiң шешiмi бойынша, техникалық және кәсiптiк, орта бiлiмнен кейiнгi бiлiм беру ұйымы басшысының бұйрығымен оған белгiленген үлгiде анықтама берiлiп, бiлiм беру ұйымынан шығарылады.
20. Белгiленген курстағы оқу жоспарының талаптарын толықтай орындаған, аралық аттестаттаудың барлық сынақтары мен емтихандарын табысты тапсырған бiлiм алушылар келесi курсқа техникалық және кәсiптiк, орта бiлiмнен кейiнгi бiлiм беру ұйымы басшысының бұйрығымен көшiрiледi.
21. Аралық аттестаттауға шығарылмайтын пәндер бойынша қорытынды бағаларды курстың соңында үлгерiмдi ағымдағы бақылау бағаларының негiзiнде оқытушылар қояды.
22. Ағымдағы семестрдiң пәндерi бойынша зертханалық, практикалық, есептiк-графикалық және курстық жұмыстарды (жобалар), сынақтарды "өте жақсы" деген бағаға тапсырған үздiк бiлiм алушыларға ағымдағы оқу сабақтарынан қол үзбей, мерзiмiнен бұрын аралық аттестаттаудың емтихандарын тапсыруға техникалық және кәсiптiк, орта бiлiмнен кейiнгi бiлiм беру ұйымы басшысының бұйрығымен рұқсат берiледi.
3. Бiлiм алушыларға қорытынды аттестаттауды өткiзу
23. Техникалық және кәсiптiк, орта бiлiмнен кейiнгi бiлiм беру ұйымдарындағы бiлiм алушыларды қорытынды аттестаттау:
1) бiлiм беру ұйымдарында бiлiм алушыларды қорытынды мемлекеттiк аттестаттауды;
2) кәсiби даярлығының деңгейiн бағалауды және бiлiктiлiктi берудi қамтиды.
24. Техникалық және кәсiптiк, орта бiлiмнен кейiнгi бiлiм беру ұйымдарында қорытынды аттестаттауды ұйымдастыру және өткiзу үшiн бiлiм беру ұйымдары басшысының бұйрығымен арнайы пәндер мен өндiрiстiк оқыту жөнiндегi аттестаттау комиссиясы (бұдан әрi - комиссия) құрылады.
Комиссия төрағасы (төрайымы) тиiстi өндiрiс саласының жоғары бiлiктi мамандарының арасынан бiлiм беру саласындағы жергiлiктi атқарушы органдардың және құрылтайшының келiсiмiмен (3 мәртеден көп емес), ал республикалық бағынысты бiлiм беру ұйымдарында бiлiм беру саласындағы уәкiлеттi органның келiсiмiмен тағайындалады.
Комиссия төрағасының (төрайымының) орынбасары техникалық және кәсiптiк, орта бiлiмнен кейiнгi бiлiм беру ұйымдарының басшылары, комиссия мүшелерi - кәсiпорындардың жоғары бiлiктi мамандары, бөлiмшелердiң өндiрiстiк шеберлерi, арнайы пәндер оқытушылары, өндiрiстiк оқыту шеберлерi, еңбектi қорғау мен техника қауiпсiздiгiн сақтау (электр қауiпсiздiгiн сақтау) жөнiндегi органдарының өкiлдерi арасынан тағайындалады.
25. Комиссия қорытынды аттестаттауды өткiзу кезеңiнде қорытынды аттестаттауды өткiзуге бiр ай қалғанда құрылады.
26. Комиссия:
техникалық және кәсiптiк, орта бiлiмнен кейiнгi бiлiм берудiң мемлекеттiк жалпыға мiндеттi стандарттарында белгiленген бiлiм алушылардың теориялық және практикалық даярлық деңгейiнiң сәйкестiгiн;
бiлiм алушылардың кәсiптерi (мамандықтары) бойынша оқу бағдарламалары мен бiлiктiлiк сипаттамасының талаптарына сәйкестiгiн, өндiрiстiк оқыту, жалпы кәсiптiк және арнайы пәндерден нақты бiлiм деңгейiн, iскерлiк және тәжiрибелiк жұмыс дағдысын анықтайды.
27. Комиссия отырыстарының ұзақтығы күнiне 6 сағаттан аспауы қажет.
28. Техникалық және кәсiптiк, орта бiлiмнен кейiнгi бiлiм беру ұйымдарындағы бiлiм алушыларды қорытынды аттестаттау оқу процесiнiң кестесiнде көрсетiлген мерзiмде және техникалық және кәсiптiк, орта бiлiмнен кейiнгi бiлiмнiң мемлекеттiк жалпыға мiндеттi стандарттарымен белгiленген оқу жұмыс жоспарларының нысандары бойынша өткiзiледi.
29. Комиссияға мынадай материалдар мен құжаттар ұсынылады:
мамандықтар (кәсiптер) бойынша бiлiм берудiң мемлекеттiк жалпыға мiндеттi стандарты;
кәсiптiк лицей, колледж басшыларының бiлiм алушыларды қорытынды аттестаттауға жiберу туралы бұйрығы;
бiлiм алушылардың қорытынды бағаларының жиынтық ведомосы;
оқу бағдарламаларына сәйкес қорытынды емтиханға енгiзiлген емтихан билеттерiнiң жиынтығы мен мәселелер тiзбесi;
бiлiм алушылардың денсаулық жағдайына байланысты қорытынды аттестаттау мерзiмiн жылжытуды растауға құқық беретiн құжаттар.
30. Техникалық және кәсiптiк, орта бiлiмнен кейiнгi бiлiм беру ұйымдарындағы бiлiм алушыларды қорытынды аттестаттау арнайы пәндер бойынша қорытынды емтихан тапсыру және/немесе диплом жобасын (жұмысын) қорғау нысанында өткiзiледi.
Арнайы пәндер бойынша қорытынды емтихандар: оқу бағдарламаларына сәйкес бiрнеше арнайы пәндерден сұрақтар енгiзiлетiн ауызша, жазбаша, кешендi емтихан нысанында өткiзiледi.
Диплом жобасын (жұмысын) қорғау қорытынды аттестаттау жүргiзу жөнiндегi комиссияның ашық отырысында кемiнде 2/3 мүшелерiнiң қатысуымен өткiзiледi.
Бiр диплом жобасын (жұмысын) қорғау ұзақтығы бiр бiлiм алушыға 30 минуттан аспауы керек. Диплом жобасын қорғау үшiн бiлiм алушы 10 минуттан аспайтын баяндама жасайды. Диплом жобасын (жұмысын) қорғаудың нәтижесi өткiзiлген күнi жарияланады.
Қорытынды ауызша емтиханның ұзақтығы бiр бiлiм алушыға 15 минуттан аспауы керек.
31. Диплом жобасын қорғау немесе қорытынды емтихан тапсыру кезiнде "қанағаттанарлықсыз" деген баға алған тұлғаға тек оның алдыңғы қорытынды аттестаттауда қанағаттанарлықсыз баға алған нысаны бойынша қорытынды аттестаттаудың келесi кезеңiне қайта тапсыруға рұқсат етiледi. Қорытынды емтиханды қайта тапсыру "қанағаттанарлықсыз" деген баға алған пән бойынша ғана жүргiзiледi.
Комиссия бiлiм алушыға комиссия белгiлеген бұрынғы жұмысын қайта қорғауға немесе жаңа тақырып әзiрлеуге ұсынады.
32. Диплом жобасын қайта қорғаудан немесе қорытынды емтихан тапсыру кезiнде "қанағаттанарлықсыз" деген баға алған бiлiм алушыға мамандығы (кәсiбi) бойынша оқу курсын толық аяқтағандығы туралы белгiленген үлгiдегi анықтама берiледi.
33. Тиiстi құжаттармен дәлелденген, себептi жағдайлармен дипломдық жобаны (жұмысты) қорғауға және қорытынды емтиханды тапсыруға келмеген бiлiм алушылар белгiленген мерзiмде техникалық және кәсiптiк, орта бiлiмнен кейiнгi бiлiм беру ұйымдары басшысының бұйрығы бойынша қорытынды аттестаттаудан өтуге жiберiледi.
34. Комиссияның отырысы төрағаның, комиссия мүшелерiнiң және хатшының қолы қойылған тиiстi хаттамамен ресiмделедi. Техникалық және кәсiптiк, орта бiлiмнен кейiнгi бiлiм беру ұйымдарында бiлiм алушылардың қорытынды аттестаттау емтиханын және (немесе) дипломдық жобаларды қорғау туралы қорытынды аттестаттаудан өткiзу жөнiндегi комиссия отырыстары хаттамаларының үзiндiлерi "Республикалық техникалық және кәсiптiк бiлiмдi дамыту ғылыми-әдiстемелiк және бiлiктiлiктi беру орталығы" республикалық мемлекеттiк кәсiпорнының филиалдарына жiберiледi.
35. Қазақстан Республикасы Бiлiм және ғылым министрiнiң 2007 жылғы 30 қарашадағы N 595 бұйрығымен бекiтiлген, Қазақстан Республикасы Әдiлет министрлiгiнде 2007 жылдың 13 желтоқсанында N 5035 тiркелген Бiлiм алушылардың кәсiби даярлығының деңгейiн бағалау және оларға бiлiктiлiк беру бiлiм беру саласындағы уәкiлеттi органмен бекiтiлетiн Техникалық және қызмет көрсету еңбек кәсiптерi (мамандықтар) бойынша кәсiптiк даярлық деңгейiн растау және бiлiктiлiктi беру Ережесiне сәйкес жүзеге асырылады.
36. Емтиханды оқу жоспарының 75 пайыздан кем емес барлық пәндерiнен "өте жақсы" деген бағамен, ал қалған пәндердi - "жақсы" деген бағамен тапсырған, және дипломдық жобаны (жұмысты) "өте жақсы" деген бағамен қорғаған бiлiм алушыға үздiк диплом берiледi.
37. Бiлiктiлiгiн көрсете отырып диплом беру туралы техникалық және кәсiптiк, орта бiлiмнен кейiнгi бiлiм беру ұйымдарындағы бiлiм алушыларды қорытынды аттестаттау жөнiндегi комиссияның шешiмi арнайы пәндер бойынша қорытынды емтихандар және (немесе) дипломдық жобаларды қорғау нәтижелерi, сондай-ақ кәсiби даярлығының деңгейiн бағалаудың және бiлiктiлiктi берудiң негiзiнде қабылданады.
Қорытынды аттестаттау жөнiндегi комиссияның шешiмi бiлiм беру ұйымдарының мұрағатында сақталады.
38. Комиссияның төрағасы екi апталық мерзiмде аттестаттау аяқталысымен аттестаттау қорытындысы туралы есеп дайындайды.
39. Қорытынды аттестаттауды өткiзу жөнiндегi комиссия төрағасының есебiнде: бiлiм алушылардың аталған кәсiбi (мамандығы) бойынша даярлық деңгейi; бiлiм алушылардың емтиханда анықталған бiлiмiне сипаттама; пәндердiң жекелеген сұрақтары бойынша бiлiм алушылардың дайындығында кездесетiн кемшiлiктер; техникалық және кәсiптiк, орта бiлiмнен кейiнгi бiлiм беру кәсiптерi (мамандықтары) бойынша бiлiктi кадрлардың даярлығын одан әрi жетiлдiру бойынша ұсынымдар көрсетiледi.
40. Комиссия төрағасы немесе оның орынбасары педагогикалық кеңеске комиссия жұмысының қорытындылары туралы баяндайды.
Қазақстан Республикасы
Бiлiм және ғылым министрiнiң
2008 жылғы 18 наурыздағы
N 125 бұйрығымен
бекiтiлген
Жоғары оқу орындарындағы бiлiм алушылардың үлгерiмiне ағымдық бақылау, аралық және қорытынды аттестаттау өткiзудiң Типтiк ережесi
Ескерту. Бүкiл мәтiн бойынша "немесе ғылыми ұйымдардың", "немесе ғылыми ұйымда", "немесе ғылыми ұйымның", "(ғылыми ұйымның)", "немесе ғылыми ұйымның ғылыми кеңесi", "немесе ғылыми ұйымдар", "(ғылыми ұйымнан)", "немесе ғылыми ұйым", "немесе ғылыми ұйымы", "мен ғылыми ұйымдар", "немесе ғылыми ұйымынан", "немесе ғылыми ұйымдағы", "ғылыми ұйым директорының орынбасары немесе", "немесе ғылыми ұйым директорының орынбасары" деген сөздер алынып тасталсын - ҚР Бiлiм және ғылым министрiнiң 2010.11.01 N 506 (қолданысқа енгiзiлу тәртiбiн 4-т. қараңыз) Бұйрығымен.
1. Жалпы ережелер
1. Осы Жоғары оқу орындарында студенттердiң үлгерiмiн ағымдық бақылау, аралық және қорытынды аттестаттау өткiзудiң Типтiк ережесi (бұдан әрi – Ереже) «Бiлiм туралы» Қазақстан Республикасының Заңының 5-бабының 19-тармақшасына сәйкес әзiрленген және меншiк нысаны мен ведомстволық бағыныстылығына қарамастан жоғары оқу орындарында студенттердiң үлгерiмiне ағымдағы бақылау, аралық және қорытынды аттестаттауды өткiзу тәртiбiн анықтайды.
2. Үлгерiмдi ағымдағы бақылау, аралық және қорытынды аттестаттау бiлiм алушылардың мемлекеттiк кәсiптiк оқу бағдарламаларын және жалпыға мiндеттi стандартын игеру дәрежесiн анықтау мақсатында өткiзiледi.
3. Осы Ережеде мынадай анықтамалар пайдаланылады:
1) оқу жетiстiктерiн бағалаудың балдың рейтингтiк әрiптiк жүйесi - халықаралық практикада қабылданған әрiптiк жүйеге сәйкес келетiн және бiлiм алушылардың рейтiнгiн белгiлеуге мүмкiндiгiн беретiн балл түрiндегi бiлiм деңгейiн бағалау жүйесi;
2) бiлiм алушыларды қорытынды аттестаттау – студентердiң бiлiм деңгейiне сәйкес мемлекеттiк жалпыға мiндеттi бiлiм беру стандартында көзделген пәннiң оқу бағдарламасының сапасын бағалау және оқытудың теоретикалық курсын бiтiргеннен практикадан өткеннен кейiн өткiзiлетiн рәсiм.
3) бiлiм алушыларды аралық аттестаттау - бiлiм алушылардың бiр оқу пәнiн оны зерделеп бiтiргеннен кейiнгi бiр бөлiгiнiң немесе бүкiл көлемiнiң мазмұнын меңгеру сапасын бағалау мақсатында жүргiзiлетiн рәсiм;
4) бiлiм алушылардың үлгерiмiне ағымдық бақылау – академиялық кезең iшiнде, кестеге сәйкес оқытушылар өткiзетiн аудиториялық және аудиториялардан тыс сабақтарда студенттердiң бiлiмiн кәсiптiк оқу бағдарламасына сәйкес жүйелi түрде тексеру;
5) транскрипт (Transcript) – бiлiмдi бағалаудың балдық-рейтингтiк әрiптiк жүйесi бойынша кредиттерi мен бағалары көрсетiлген тиiстi кезеңде өтiлген пәндердiң тiзбесi бар белгiленген нысандағы құжат;
6) пререквизиттер (Рrereguisite) - оқылатын пәндi игеру үшiн қажеттi бiлiм, икемдiлiктер мен дағдыларды қамтитын пәндер тiзбесi;
7) Офис регистратор – бiлiм алушылардың барлық оқу жетiстiктерiн тiркеумен шұғылданатын және бiлiм сапасын бақылаудың барлық түрлерiн ұйымдастыруды және оның академиялық рейтингiсiн есептеудi қамтамасыз ететiн тұлға;
8) межелiк бақылау – бiр оқу пәнiнiң iрi бөлiмiн (модулiн) аяқтағанда бiлiм алушылардың оқу жетiстiктерiн бақылау;
9) оқу үлгерiмiнiң орташа бал – Таңдаған бағдарлама бойынша оқушының бiр оқу жылындағы қол жеткiзген оқу үлгерiмiнiң орташа бал (Grade Point Average - GРА) – аралық аттестацияның пәндерi бойынша балдық бағаның кредиттiк және сандық эвивалеттiк қатынасы ретiнде қабылданады;
10) емтихан сессиясы - ЖОО-да студенттердi аралық аттестаттау кезеңi.
2. Жоғары оқу орындарында бiлiм алушылардың үлгерiмiне ағымдық бақылауды және аралық аттестаттауды өткiзу тәртiбi
4. Студенттердiң оқу жетiстiктерiн тексеру жоғары оқу орны (бұдан әрi – ЖОО) өзi дербес анықтайтын бақылау мен аттестаттаудың әр түрлi нысандары арқылы жүзеге асырылады.
5. Студенттердiң (бiлiм алушылардың) оқудағы жетiстiктерi әрiптiк балдық-рейтингтiк жүйе бойынша жоғары оқу орындарында бiлiмдi бақылау және бағалау бойынша мемлекеттiк жалпыға бiлiм беру стандарттарына сәйкес бағаланады, оны дәстүрлi бағалау шкаласына аудару осы Ереженiң 1-қосымшаға сәйкес жүргiзiледi.
6. Студенттер үлгерiмiне ағымдық бақылау оқу пәнiнiң әр тақырыбы бойынша өткiзiлiп, аудиториялық және аудиториядан тыс сабақтардағы бақылауды қамтиды. Ағымдық бақылау бағасы (жiберiлу рейтингiнiң бағасы) аудиториялық сабақтардағы ағымдық бақылау мен межелiк бақылау (аудиториялардан тыс сабақтар) бағаларынан жинақталады.
7. Үлгерiмiне ағымдық бақылау кезiнде студенттердiң оқу жетiстiктерi, әрбiр орындаған тапсырмалары (күнделiктi сабақтардағы жауап, үй тапсырмаларын тапсыру, студенттiң өзiндiк жұмыс (бұдан әрi - СӨЖ), межелiк бақылау) 100 балдық шкала бойынша бағаланып, үлгерiмнiң ағымдық бақылаудың соңғы қорытындысы академиялық кезеңде алынған барлық бағалардың орта арифметикалық бағамы ескерiле отырып есептеледi.
Осындай әдiс аралық және қорытынды аттестаттау кезеңiнде бiлiм алушылардың оқу жетiстiктерiн бағалау кезiнде қолданылады.
8. Кешкi бөлiмде оқитын студенттер үлгерiмiне ағымдық бақылау осы Ереженiң 6-тармақшасына ұқсас жүргiзiледi.
9. Сырттай бөлiмде оқитын студенттер үлгерiмiне ағымдық бақылау оқу-емтихан сессиялары басталғанға дейiн де, сол кезеңде де жүзеге асырылады, ол академиялық күнтiзбеге сәйкес жүргiзiледi.
Бұл ретте сырттай бөлiмде оқитын студент оқу-емтихан сессиялары басталғанға дейiн барлық түрдегi бақылау және есептеу-графикалық жұмыстарды, курстық жұмыстарды (жобаларды), сондай-ақ үй тапсырмаларының жекелеген түрлерiн, СӨЖ, пәндердi оқыту бағдарламасына сәйкес межелiк бақылауды тапсырады.
10. Күндiзгi, кешкi және сырттай бөлiмдерде оқитын студенттер бiртұтас кәсiптiк оқу бағдарламасы бойынша пәндердi бiрдей көлемде оқиды. Пәндердi оқытудың тақырыптық жоспарларында өзгешелiктер болады, ол оқудың түрлi нысандары үшiн оқытушылардың студенттермен байланысты жұмыстарының түрлi көлемiнде көрiнiс табады. Бұл ретте сырттай оқитын студенттерге оқу материалдарының 80 пайызға дейiнгi көлемiн өз бетiнше игеруiне рұқсат етiледi.
11. Межелiк бақылау бiр академиялық кезең аралығында, бiр оқу пәнi шеңберiнде кемiнде екi рет өткiзiледi. Көлемi бiр кредиттi құрайтын оқу пәндерi ерекшелiк ретiнде алынады, олар бойынша межелiк бақылау санын ЖОО дербес айқындайды.
12. ЖОО-да студенттердi аралық аттестаттау оқу жұмыс жоспарына, академиялық күнтiзбеге және мемлекеттiк жалпыға мiндеттi жоғары бiлiм беру стандарттары негiзiнде әзiрленген кәсiптiк оқу бағдарламасына сәйкес жүзеге асырылады.
13. Студенттердi аралық аттестаттау емтихан тапсыру және сараланған сынақ түрiнде өткiзiледi.
14. Студенттердiң аралық аттестаттауын ұйымдастыру мен өткiзу офис регистраторға жүктеледi.
15. Аралық аттестаттау нәтижесi бойынша офис регистратор студенттердiң академиялық рейтингiлерiн құрастырады.
16. Емтихандар кестеге сәйкес тапсырылады және пәннiң барлық кәсiптiк оқу бағдарламасы бойынша студенттердiң оқу жетiстiктерiн тексеру түрi болып табылады және академиялық кезеңдегi оқу жетiстiктерiн бағалауды көздейдi.
17. Сараланған сынақтар студенттердiң зертханалық және есептеу-графикалық тапсырмаларды, курстық жұмыстарды (жобаларды) ойдағыдай орындағандығын, сондай-ақ олардың бекiтiлген кәсiби оқу бағдарламасына сәйкес кәсiби практикадан өткендiгiн тексеру нысаны болып табылады.
Сараланған сынақтар балдық-рейтингтiк бағалау жүйесiне сәйкес қойылады және сол жұмыстарға тиiсiнше кредиттер саны берiлген жағдайда көшiру балына есептеуде ескерiледi.
18. Емтихан сессиялары қысқы және жазғы болып бөлiнедi.
ЖОО-да қабылданған академиялық кезеңге (триместр, тоқсан) байланысты аралық емтихан сессиялар да болуы мүмкiн.
Оқу жылының аяғына қарай емтихан сессиясының қорытындысы негiзiнде ЖОО басшысының бұйрығымен студенттердiң келесi курсқа көшiрiлуi жүзеге асады.
19. Емтихан сессияларының кезеңдiлiгi мен ұзақтылығы оқудың күндiзгi нысаны үшiн мамандықтың оқу жұмыс жоспары және ЖОО-ның ғылыми кеңесiнде бекiтiлген академиялық күнтiзбе бойынша анықталады.
Оқудың сырттай нысаны бойынша емтихан сессиясы және олардың кезеңдерi мен саны ЖОО-ның кеңесiнде бекiтiледi.
20. Офис регистратор оқудың барлық нысандары үшiн емтихандар кестесiн тиiстi факультеттiң деканатымен бiрлесе отырып жасайды, оқу iсi жөнiндегi проректор бекiтедi және ол студенттер мен оқытушыларға емтихан басталмастан екi апта бұрын жеткiзiлуi тиiс.
21. Емтиханды өткiзу үшiн бiлiктiлiктерi сол пәннiң бейiнiне сәйкес келетiн және, әдеттегiдей сол академиялық топта (толқында) оқыту сабақтарын өткiзбеген алдыңғы қатарлы профессорлар мен доценттер арасынан емтихан қабылдаушылар тағайындалады.
22. Офис регистраторының жазбаша рұқсатынсыз емтихан өткiзу рәсiмiне қатыспайтын тұлғалар жiберiлмейдi.
23. Факультет деканының (институт директорының) емтихан сессиясына жiберу туралы өкiмiнде студенттiң аты-жөнi, курсы, мамандығы және академиялық тобы көрсетiледi.
24. Емтихандық сессияға жiберуi екi кезеңнен тұрады.
1) бiрiншi кезеңде факультет деканының (институт директоры) жалпы шешiмiмен оқу ақысын толық төлеген, пререквизиттер бойынша академиялық қарызы жоқ, академиялық демалыста немесе ұзақ мерзiмдi емделуде жоқ студенттердiң сессияға жiберiлуi жүзеге асырылады;
2) екiншi кезеңде тиiстi пән бойынша үлгерiмнiң ағымдағы және межелiк бақылау қорытындысымен анықталатын рейтинг бағасы негiзiнде емтиханға автоматты түрде жiберiлу жүзеге асырылады. Аталған рұқсат беру әрбiр студенттiң тегiнiң қарама-қарсы тұсына қойылған тиiстi белгiсiмен емтихан ведомосы бойынша жүзеге асырылады.
25. Аталған пән бойынша рұқсатнама рейтингiсiнде оң бағасы жоқ студенттер қорытынды бақылауға (емтиханға) жiберiлмейдi.
Курстық жұмыстарын (жобаларын) тапсырмаған студенттер тиiстi пән бойынша емтиханға жiберiлмейдi.
26. Факультет деканы (институт директоры) кейбiр жағдайларда (денсаулығына, отбасы жағдайына, қызметтiк себептерге байланысты) студентке емтиханды жеке кесте бойынша тапсыруға рұқсат бере алады. Факультет деканына (институт ректорына) аурулығы, сәбидiң дүниеге келуi, жақын туыстарының қайтыс болуы, қызметтiк немесе оқу iссапарында болуына байланысты жағдайларды растайтын анықтамалар тапсырылған жағдайда емтиханды жеке кесте бойынша тапсыруға рұқсат берiледi.
27. Сырттай бөлiм студенттерiнiң пән бойынша емтиханға жiберiлуi күндiзгi бөлiм студенттерiнiң емтиханға жiберiлу тәртiбi секiлдi жүзеге асырылады.
28. Емтихандар ауызша, жазбаша, тест немесе аралас түрде өткiзiледi. Ауызша түрде бiр күнде екi немесе одан көп емтихан тапсыруға рұқсат етiлмейдi. Тест нысаны кезiнде екi немесе одан да көп пәндердiң бейiндiк және жақындық принципiн сақтай отырып, емтихан кешендi түрде өтуi де мүмкiн.
29. Әрбiр оқу пәнi бойынша емтиханды өткiзудiң нысандары мен тәртiбi ЖОО-ның (факультет) Ғылыми кеңесiмен академиялық кезең басталғаннан бастап бiр ай мерзiмнен кешiктiрiлмей белгiленедi.
30. Емтиханға келген студенттiң (бiлiм алушылардың) қолында сынақ кiтапшасы болуы тиiс.
31. Емтихан кезiнде студенттер пәннiң оқу бағдарламасын және емтихан қабылдаушының рұқсатымен анықтамалық әдебиеттi пайдалана алады.
32. Қорытынды бақылау өткiзу үшiн офис регистратор тарапынан емтихан қабылдаушыға студенттердiң академиялық кезеңде жинаған балдары мен жiберiлу рейтингi көрсетiлген бағалары қойылған емтихан ведомосын бередi.
33. Оқу пәнi бойынша аралық аттестаттау өткiзу кезiнде емтиханда алған бағасы мен академиялық кезең iшiндегi үлгерiмнiң ағымдық бақылаудағы бағалануының орташа балы есептеледi.
34. Емтиханда студенттiң үлгерiмi бiлiмдi бағалаудың балдық-рейтингтiк әрiптiк жүйесi бойынша бағаланады.
Оңды баға (А-, А «өте жақсы», В-, В, В+ «жақсы», Д-, Д+, С-, С, С+ «қанағаттанарлық») оқу пәнi бойынша емтихан ведомосы мен студенттiң сынақ кiтапшасына алынған кредиттер саны көрсетiлiп жазылады. «Қанағаттанарлықсыз» F бағасы тек емтихан ведомостына ғана жазылады.
35. Әр пән бойынша емтихан аяқталған соң студентке оның оқу жетiстiктерiнiң бағасы болып табылатын қорытынды баға қойылады.
36. Пәннiң қорытынды бағасының құрамына жiберу рейтингiнiң бағасы мен қорытынды бақылау бағалары кiредi.
Ағымдық үлгерiм бақылауының бағасы (жiберiлу рейтингi) пән бойынша қорытынды бағаның кемiнде 60 %-ын құрайды және емтихан бағасы пән бойынша қорытынды бағасының кемiнде 30 %-ын құрайды.
37. Оң қорытынды баға тиiстi пән бойынша белгiленген кредит санымен игерiлген кредиттердi толықтыруға негiз болып, студенттiң транскрипiне жазылады.
38. Студент қорытынды бақылаудан (емтиханнан) «қанағаттанарлық-сыз» деген баға алған жағдайда пән бойынша қорытынды баға есептелмейдi.
39. Қорытынды бақылауда қанағаттанарлық бағаны көтеру мақсатында қайта тапсыруға рұқсат етiлмейдi.
Қорытынды аттестаттаудың оң бағасын қайта тапсыру осы Ереженiң 43-тармағымен белгiленедi.
40. Емтихан ведомосы офис регистраторға тапсырылады, ол бүкiл оқу кезеңiнде барлық бiлiм алушылардың кредиттер санын есептеумен және жинақтаумен айналысады.
Ары қарай емтихан ведомосын офис регистратор тиiстi факультет деканатына (институт директоратына) жiбередi. Деканатта әрбiр оқу пәнiнiң емтихан ведомосы негiзiнде аралық аттестаттау бойынша жинақ ведомосы толтырылады.
41. Оқудың барлық нысандарына бiрдей пәндердiң оқу бағдарламасында бекiтiлген жұмыс және жеке оқу жоспарына сәйкес студенттер барлық емтихандарын тапсырады.
42. Студенттер пәндердiң қосымша оқу түрлерi бойынша емтихан тапсыра алады, олардың тапсыру нәтижелерi емтихан ведомосына, сынақ кiтапшасына және транскриптке жазылады (әскери дайындықтан басқасы).
43. «Қанағаттанарлықсыз» бағасын оң бағаға қайта тапсыру үшiн студент келесi академиялық кезеңдерiнiң бiрiнде немесе жазғы семестрде сол пән бойынша оқу жұмыс жоспарында қарастырылған барлық сабақ түрлерiне қайта қатысып, рұқсат алады және қорытынды бақылау тапсырады.
Мұндай жағдайда студент белгiленген тәртiп бойынша оқу пәнiне жазылу рәсiмiнен қайта өтедi.
44. Егер студент оқу бағдарламасын толық көлемде орындай отырып, емтиханға келмесе, емтихан ведомосындағы оның фамилиясының тұсына «келген жоқ» деген жазу жазылады. Студенттiң дәлелдi себептерi болған жағдайда факультет деканының өкiмiмен оған емтихан тапсырудың жеке кестесi бекiтiледi. Емтиханға келмеуiнiң дәлелдi себептерi болмаған жағдайда «қанағаттанарлықсыз» деген бағаға теңестiрiлiп, қайта тапсырылуы осы Ереженiң 43-тармағы бойынша жүзеге асырылады.
45. Қорытынды бақылаудың бағасымен келiспейтiн студент (докторант, магистрант) емтихан өткiзiлген күннен кейiнгi күннен кешiктiрмей апелляцияға бередi.
46. ЖОО басшысының бұйрығымен емтихан сессиясы кезеңiне (аралық аттестаттау) апелляцияланатын пәндерге мамандығы сәйкес келетiн оқытушылардан апелляциялық комиссия құрылады.
47. Апелляция нәтижелерi хаттамамен ресiмделедi және оның негiзiнде қосымша емтихан ведомосы толтырылады.
48. Офис регистратор емтихан сессияларының қорытындысы бойынша жаздық семестр нәтижелерiн есепке ала отырып, студенттiң оқу жетiстiктерi деңгейiнiң ортасалмақ бағасы болатын өту балын есептейдi.
49. Оқу жылы аяқталғаннан кейiн емтихандық сессиялардың қорытындысының негiзiнде студенттердi курстан курсқа көшiру жүзеге асырылады.
50. Курстан курсқа көшiру үшiн өту балының төменгi деңгейiнiң көлемiн ЖОО-ның өзi белгiлейдi.
51. Ең төменгi өту балын алған студенттер (докторант, магистрант) факультет деканының (институт директоры, жоғары оқу орнынан кейiнгi бөлiмiнiң) ұсынысы негiзiнде ЖОО басшысының бұйрығымен келесi курсқа көшiрiледi.
52. Ең төменгi өту балын ала алмаған студент (докторант, магистрант) оқу курсын қайта оқуға қалдырылады.
53. Курс бағдарламасын толығымен өтiп, белгiленген өту балының ең төменгi деңгейiне жете алмаған студентке өзiнiң орташа үлгерiм балын (GPA) жоғарылатуы үшiн жазғы семестрде белгiлi бiр пәндердi (мемлекеттiк емтихан тапсырылатын «Қазақстан тарихы» пәнiнен басқа) белгiленген тәртiп бойынша, ақылы түрде қайта оқуына және сол пәндерден қайта емтихан тапсыруына мүмкiндiк берiледi.
54. Қайта тапсырылған емтиханнан қанағаттанарлық нәтиже көрсетiлген жағдайда қорытынды баға қайта есептелiп, емтихандық ведомость пен сынақ кiтапшасына және транскриптке толтырылады.
Орташа үлгерiм балын есептеуде әр пән бойынша соңғы бағалар есепке алынады.
55. Транскрипке студенттiң қайта тапсырылған емтихандардың оң нәтижелерi мен қоса барлық қорытынды бағалары жазылады.
56. Оқу курсына қайта қалдырылған студент (докторант, магистрант) бұрын қабылданған жеке оқу жоспары немесе жаңа жеке оқу жоспары бойынша бiлiм ала алады.
57. Өту балының жетiп, келесi курсқа ауыстырылған академиялық берешегi бар студент (докторант, магистрант) сол пәндi ақылы негiзде қайта оқып, академиялық қарыздарын жоюы тиiс.
58. Қазақстан Республикасы Қорғаныс министрлiгiнiң, Қазақстан Республикасы Iшкi iстер министрлiгiнiң, Қазақстан Республикасы Әдiлет министрлiгiнiң Қылмыстық-атқарушы жүйесi комитетiнiң, Қазақстан Республикасы Экономикалық және сыбайлас жемқорлыққа қарсы күрес жөнiндегi агенттiктiң, Қазақстан Республикасы Төтенше жағдайлар жөнiндегi министрлiктiң ведомстволық бағынысты жоғары оқу орындарының бiлiм алушылары үшiн осы Ереженiң 51, 52 және 56-тармақтарының нормалары тиiстi мемлекеттiк органдармен келiсiледi.
59. Академиялық қарызы бар пәндер келесi семестрде өтiлетiн пәндер үшiн пререквизит алды болмауы тиiс.
60. Емтихандар сессиясының қорытындысы бойынша (қысқы және жазғы) және оқу үрдiсiн жақсарту бойынша ұсыныстар емтихандық сессия (аралық аттестаттау) аяқталғаннан кейiн кафедра, деканат (директорат) мәжiлiстерiнде, ЖОО Кеңесiнде талқылануға ұсынылады.
61. Жоғарғы оқу орны емтихандық сессиялардың (қысқы және жазғы) қорытындысы бойынша бiлiм саласындағы өкiлеттi органға осы Ереженiң 2-қосымшаға сәйкес нысанда электронды және қағаз түрiнде емтихандық сессия қорытындысын бередi.
62. ЖОО-дан шығарылған тұлғаға бiлiмi аяқталмағандығы туралы Анықтама берiледi.
63. Емтихан сессиясын ойдағыдай аяқтаған сырттай оқу бөлiмi студенттерiне келесi емтихан сессиясына шақыру-анықтамасы берiледi.
Шақыру-анықтамаларын беру мен сырттай оқу бөлiмi студенттерiнiң емтихан сессиясына қатысуы ЖОО-да қатаң есепке алынады.
64. «Қазақстан тарихы» пәнi бойынша мемлекеттiк емтихан академиялық күнтiзбеге сәйкес аралық аттестаттау кезеңiнде өткiзiледi.
65. Барлық бакалавр мамандығындағы ЖОО студенттерi «Қазақстан тарихы» пәнi бойынша оны оқып аяқтағаннан кейiн сол академиялық кезеңде мемлекеттiк емтихан тапсырады.
66. Қысқартылған оқу бағдарламасы бойынша техникалық және кәсiптiк (орта кәсiптiк) бiлiм базасында жеделдете оқыту мерзiмiнде бiлiм алатын студенттер «Қазақстан тарихы» пәнiн оқуға және осы пән бойынша мемлекеттiк емтихан тапсыруға мiндеттi.
67. Қысқартылған оқу бағдарламасы бойынша жоғары кәсiптiк бiлiм базасында жеделдете оқыту мерзiмiнде бiлiм алатын студенттер «Қазақстан тарихы» пәнiн оқымайды және мемлекеттiк емтихан тапсырмайды.
68. Мемлекеттiк емтиханға дайындықты факультет деканатымен (институт директоратымен) және оқу бөлiмiмен (оқу-әдiстемелiк басқармасымен) бiрлесе отырып, «Қазақстан тарихы» пәнiн оқытатын кафедра (бұдан әрi – кафедра) өткiзедi.
69. «Қазақстан тарихы» пәнi бойынша мемлекеттiк емтиханды өткiзу үшiн кафедра оқудың барлық нысаны мен мамандықтары үшiн бiрыңғай оқу жұмыс бағдарламасын, оқу жұмыс жоспарын аталған пән бойынша типтiк оқу бағдарламасы негiзiнде әзiрлейдi.
70. «Қазақстан тарихы» пәнi бойынша мемлекеттiк емтихан тапсыру оқу жұмыс бағдарламасына сәйкес ауызша, жазбаша және тест түрiнде жүзеге асырылады.
71. Мемлекеттiк емтиханды өткiзу түрi ЖОО-ның Ғылыми кеңесiнiң шешiмiмен анықталады.
72. «Қазақстан тарихы» пәнi бойынша мемлекеттiк емтиханды қабылдау үшiн құрамында декан факультет (директор институт) төрағасы мен мүшелерi бар Мемлекеттiк емтихан коммисиясы (бұдан әрi – МЕК) күнтiзбелiк жылға құрылады.
73. МЕК төрағасының кандидатурасы ағымдағы оқу жылының 1-қарашасынан кешiктiрiлмей бiлiм беру саласындағы уәкiлеттi органға жiберiледi.
74. «Қазақстан тарихы» пәнi бойынша МЕК төрағасы ағымдағы оқу жылының 1-желтоқсанынан кешiктiрiлмей Қазақстан Республикасы Бiлiм және ғылым министрiнiң бұйрығымен бекiтiледi.
75. МЕК құрамы жоғары бiлiктi оқытушылардан ЖОО басшысының бұйрығымен бекiтiледi.
76. МЕК отырыстарының кестесiн офис регистратор құрады және оны ЖОО басшысы мемлекеттiк емтиханның басталуына дейiн екi аптадан кешiктiрмей бекiтедi.
77. МЕК отырысының ұзақтығы күнiне 6 академиялық сағаттан аспауы тиiс.
78. МЕК отырыстары әр студент бойынша жеке хаттамамен осы Ереженiң 3-қосымшасына сәйкес және оған коммисия төрағасы мен отырысқа қатысқан мүшелер қол қояды.
79. МЕК отырысының хаттамасын аталған пән бойынша сабақ беретiн кафедраның оқу-көмекшi қызметкерлерiнiң өкiлi арасынан тағайындалған хатшы жүргiзедi.
80. МЕК отырысының хаттамалары мемлекеттiк емтихан басталмастан бұрын А4 форматында брошюраланып, нөмiрленiп, бумаланады және оқу бөлiмiнiң (оқу-әдiстемелiк басқарманың) мөрiмен бекiтiледi.
81. Егер студент МЕК отырысына келмесе, хаттамасында оның фамилиясының тұсына «келген жоқ» деген жазу жазылады.
82. Апелляция қанағаттанарлық болған жағдайда МЕК-сы мәжiлiсiнiң хаттамасы қайтадан ресiмделедi. Мұндай жағдайда бiрiншi хаттамадағы қорытынды «Баға ________ № __________ хаттамамен кайта қаралды ____ бет» деген жазумен өзгертiледi және оған қатысқан МЕК-сы мүшелерiнiң бәрi қол қояды.
83. Мемлекеттiк емтихан нәтижелерi студенттердiң бiлiмiн балдық-рейтингтiк әрiптiк бағалау жүйесi бойынша бағаланады
84. «Қазақстан тарихы» пәнiнен тапсырылған мемлекеттiк емтихан нәтежелерi бойынша бiлiм алушыларға жiберiлу рейтингi бағасы мен мемлекеттiк емтихан бағасы ескерiле отырып, қорытынды баға қойылады. Бұл ретте жiберiлу рейтингiсiнiң бағасы пән бойынша бiлiмнiң қорытынды бағасының 60 %-ын құрайды және мемлекеттiк емтихан бағасы кемiнде 30%-ын құрайды.
85. Студент «Қазақстан тарихы» пәнi бойынша мемлекеттiк емтиханнан «қанағаттанарлықсыз» баға алған жағдайда, ол келесi академиялық кезеңде немесе жазғы семестрде осы пәнге жазылуы оның барлық оқу сабақтарына қайта қатысуы, ағымдық бақылау талаптарын орындауы, мемлекеттiк емтиханға жолдама алуы және оны қайта тапсыруы тиiс.
86. «Қазақстан тарихы» пәнi бойынша мемлекеттiк емтиханнан алған оң бағаны көтеру үшiн қайта тапсыруға рұқсат етiлмейдi.
87. Студент мемлекеттiк емтихан қорытындысымен келiспесе, емтихан өткiзiлген күннен кейiнгi күннен кешiктiрмей мемлекеттiк емтихан комиссиясына (МЕК) апелляция беруiне болады.
88. Апелляция өткiзу үшiн ЖОО басшысының бұйрығымен аталған пән бойынша тәжiрибелi оқытушылардан Қазақстан тарихы бойынша апелляциялық комиссия құрылады.
89. «Қазақстан тарихы» пәнi бойынша мемлекеттiк емтиханнан тапсырудың нәтижелерi оны тапсыру қаралған сол емтихандық сессияның қорытындысын шығару кезiнде есепке алынады.
90. МЕК-ның жұмысы аяқталғаннан соң Комиссия төрағасы есеп жазады, ол ЖОО ғылыми кеңесiнiң мәжiлiсiнде талқыланып, бекiтiлгеннен кейiн органға тапсырады.
Қазақстан тарихы бойынша Мемлекеттiк емтихан төрағасының есептерi қысқы емтихан тапсыру бойынша 1 наурыздан, ал жазғы емтихан тапсыру бойынша 1 тамыздан кешiктiрiлмей тапсырылуы тиiс.
3. Жоғары оқу орындарының студенттерiн қорытынды аттестаттауды өткiзу тәртiбi
91. ЖОО-да студентердi қорытынды аттестаттау жоғары бiлiм беру мемлекеттiк жалпыға бiлiм беру стандарттарымен белгiлеген нысандарда өткiзiледi, академиялық күнтiзбемен және мамандықтардың жұмыс оқу жоспарымен қарастырылған ұзақтығы мен мерзiмiнде өткiзiледi.
92. Студентттер оқу жоспары мен барлық оқу нысандарына арналған бiрыңғай оқу бағдарламаларына қатаң түрде сәйкес барлық мемлекеттiк емтихандарды тапсырулары және дипломдық жұмыстарды (жобаларды) қорғайды.
93. Алынып тасталды - ҚР Бiлiм және ғылым министрiнiң 2010.11.01 N 506 (қолданысқа енгiзiлу тәртiбiн 4-т. қараңыз) Бұйрығымен.
94. Алынып тасталды - ҚР Бiлiм және ғылым министрiнiң 2010.11.01 N 506 (қолданысқа енгiзiлу тәртiбiн 4-т. қараңыз) Бұйрығымен.
95. Студентке мынадай жағдайда дипломдық жұмыстың (жобаның) орнына екi мемлекеттiк емтихан тапсыруға рұқсат етiледi:
1) денсаулық жағдайы туралы медициналық анықтаманың негiзiнде стационарда ұзақ емделуде (бiр айдан артық);
2) бала тууы туралы куәлiгiнiң негiзiнде 3 жасқа дейiнгi балалары бар;
3) ата-аналарының денсаулық жағдайы туралы медициналық анықтамасының негiзiнде ауру ата-анасын күтушi;
4) мүгедек туралы медициналық анықтаманың негiзiнде мүмкiндiгi шектеулi мүгедек.
Осы ретте, бiлiм алушы жоғары оқу орны басшысының атына өтiнiш жазады және тиiстi құжаттарды ұсынады. Басқа жағдайда дипломдық жұмысты қосымша мемлекеттiк емтихандар тапсыруға ауыстыруға рұқсат етiлмейдi.
Бұл жағдайда мемлекеттiк емтиханның тiзбесi бiтiрушi кафедра ұсынысы бойынша факультет кеңесiнiң шешiмiмен бекiтiледi.
Ескерту: 95-тармақ жаңа редакцияда - ҚР Бiлiм және ғылым министрiнiң 2010.11.01 N 506 (қолданысқа енгiзiлу тәртiбiн 4-т. қараңыз) Бұйрығымен.
96. Екi мемлекеттiк емтихан пәндерiнiң тiзбесi бiтiрушiлердi шығаратын кафедраның қолдау хатының негiзiнде факультет (институт) кеңесiнiң шешiмiмен бекiтiледi.
97. Қорытынды аттестаттауға жұмыс және жеке оқу жоспары мен жұмыс оқу бағдарламасына сәйкес бiлiм алу процесiн толық аяқтаған студенттер жiберiледi.
98. Бiлiм алу процесi аяқталуының негiзгi өлшемi болып студенттердiң жоғары бiлiм мамандықтарына арналған МЖМБС талаптарына сәйкес келетiн оқытудың теориялық курсы мен кәсiби практикалардың қажеттi көлемiн меңгеруi саналады.
99. Бiтiрушi курстың студентi жұмыс және жеке оқу жоспары талаптарын және оқу жұмыс бағдарламасын орындамаса жазғы семестрден өткiзiлместен оқу курсына қайта оқуға қалдырылады.
100. ЖОО басшысы бiлiм алу саласындағы уәкiлеттi органға мемлекеттiк үлгiдегi бiлiм туралы құжаттарға (диплом және қосымша) ағымдағы жылғы 1-қазанға дейiн күтiлетiн бiтiрушiлер саны бойынша өтiнiм ұсынады.
101. Студенттердi қорытынды аттестаттау үшiн барлық оқу нысандары үшiн әр мамандық бойынша мемлекеттiк аттестаттау комиссия (бұдан әрi – МАК) құрылады.
102. Студенттердi қорытынды мемлекеттiк аттестаттауға жiберу студенттердiң тiзiмi бойынша қорытынды аттестаттауға дейiн 2 аптадан кешiктiрмей факультет деканының (институт директорының) өкiмiмен ресiмделiп, МАК-қа ұсынылады.
103. Студенттердi қорытынды аттестаттау басталғанға дейiн МАК-қа факультет деканының (институт директорының) студенттiң жеке оқу жоспарын орындағаны туралы, оның барлық пәндер бойынша алған бағалары, олардың көлемi, тапсырған курстық жұмыстары (жобалары), кәсiби практикалардың түрлерi мен GPA оқыту кезеңiндегi орта салмақ баға өлшемдерi көрсетiлген анықтамасы ұсынылады.
104. ЖОО жетекшiсi ағымдағы оқу жылының 1 қарашасына дейiн бiлiм беру саласындағы уәкiлеттi органға бiтiретiн мамандықтар бейiнiне сәйкес келетiн осы жоғары оқу орындарында жұмыс iстемейтiн, ғылыми және академиялық дәрежелерi бар профессорлар, доценттер мен оқытушылар арасынан, орта мектептiң тәжiрибелi мұғалiмдерiнен, өндiрiстегi жоғары бiлiктi мамандардан МАК төрағаларының кандидатураларын ұсынады.
105. МАК жұмысына қатысушы мамандар бейiнi ғылыми немесе академиялық дәрежелерiнiң немесе базалы бiлiмiнiң (диплом бойынша) сәйкестiлiгiмен анықталады.
Ұсынысқа ғылыми немесе академиялық дәрежелер туралы немесе базалық бiлiмi туралы тиiстi құжаттардың көшiрмелерi қоса берiлуi тиiс.
106. МАК төрағасы ағымдағы оқу жылының 20-желтоқсанына дейiн уәкiлеттi орган бұйрығымен бiр күнтiзбелiк жылға бекiтiледi.
107. МАК құрамына оның мүшелерi құқығымен: факультет деканы (институт директоры) немесе бiтiртушi кафедраның меңгерушiсi кiредi.
МАК-тың басқа мүшелерi бiтiрушi мамандардың тиiстi бейiнiне сәйкес келетiн профессорлардан, доценттерден, жоғары бiлiктi мамандардан құрылады.
108. МЕК сандық құрамын мамандық бойынша бiтiрiп шығатын студенттердiң контингентiне сәйкес жоғары оқу орны өз бетiнше белгiлейдi және ЖОО басшысының бұйрығымен жыл сайын 31-желтоқсанан кешiктiрмей бекiтiп және күнтiзбелiк жыл бойына әрекет етедi.
109. МАК-тың құзырына төмендегiлер кiредi:
1) жоғары бiлiм мамандықтары үшiн МЖМБС белгiлеген талаптарға сай бiтiрушi мамандардың теориялық және практикалық даярлығы сәйкестiгiнiң деңгейiн тексеру;
2) тиiстi мамандықтары бойынша «бакалавр» академиялық дәрежесiн тағайындау;
3) бiтiрушiге мамандығы бойынша тиiстi бiлiктiлiк беру;
4) жоғары бiлiм туралы диплом беруге шешiм қабылдау;
5) мамандар даярлау сапасын одан әрi жақсартуға бағытталған ұсыныстар әзiрлеу.
110. МАК жұмысының кестесiн офис регистратор құрады, жұмыс кестесiн ЖОО басшысы бекiтедi және мемлекеттiк аттестациялау комиссиясының жұмысы басталуына дейiн екi аптадан кешiктiрмей барлығының назарына жеткiзiледi.
111. МАК отырысының ұзақтығы күнiне 6 академиялық сағаттан аспауы тиiс. Осыған байланысты, күнiне мемлекеттiк емтиханды тапсыруға 12-15 адам, ал дипломдық жұмысты қорғауға 7-10 адам жiберiледi.
112. Диплом жұмысы (жобасы) қорғалуына дейiн бес күннен кешiктiрiлмей МАК-қа мынадай құжаттар ұсынылады:
1) диплом жұмысы (жобасы) ғылыми жетекшiсiнiң «қорғауға жiберiледi» немесе «қорғауға жiберiлмейдi» деген дәлелденген қорытындысы бар пiкiрi;
2) диплом жұмысын (жобасын) қорғауға берiлген жан-жақты мiнездемесi («өте жақсы», «жақсы», «қанағаттанарлық» немесе «қанағаттанарлықсыз») және бағалар көрсетiлген дәлелденген қорытындысы және тиiстi мамандығы бойынша бакалавр академиялық дәрежесiн және/немесе бiлiктiлiгiн беру туралы рецензия.
113. Дипломдық жұмыстарды (жобаларды) плагиаттық мәнiне қатысты тексеру тиiстi деканаттармен жүргiзiледi.
114. МАК-қа сондай-ақ орындалған дипломдық жұмыстың (жобаның) ғылыми және практикалық құндылықтарын сипаттайтын басқа да материалдар, ресми емес пiкiрлер, диплом жұмысының (жобаның) бейiнi бойынша практикалық қызметтi жүзеге асыратын ұйымның жазбаша қорытындысы, ғылыми зерттеу нәтижелерiн енгiзу анықтамалары немесе актiлерi, макеттер, минералдар жинағы, гербарий және тағы сол сияқты басқа да материалдар ұсынылуы мүмкiн.
115. Ғылыми жетекшiсiнiң оң пiкiрi және қорғауға ұсынылатын жұмыс бейiнiне сай келетiн маман тарапынан бiр рецензиясы болғанда студент диплом жұмысын (жобасын) қорғауға шыға алады. Рецензияда бағалары балдық-рейтингтiк әрiптiк жүйесi бойынша бағаланады.
Егер ғылыми жетекшi «қорғауға жiберiлмейдi» жағымсыз қорытынды берген жағдайда, бiлiм алушы дипломдық жұмысты (жобаны) қорғай алмайды.
Бiлiм алушы, рецензенттiң оңды қорытындысындағы сияқты, жағымсыз қорытындысы жағдайында да дипломдық жұмысты (жобаны) қорғай алады.
116. Дипломдық жұмысты (жобаны) рецензиялау бiлiктiлiгi қорғалатын жұмыс бейiнiне сәйкес келетiн басқа ұйымдардың мамандары тарапынан жүзеге асырылады.
117. Дипломдық жұмыстың (жобаның) ғылыми жетекшiсi ЖОО басшысының бұйрығымен тақырыптың атауы көрсетiле отырып, әр студентке дербес бекiтiледi.
Дипломдық жұмыстардың (жобалардың) рецензенттерi ЖОО басшысының бұйрығымен жұмыс орны, лауазымы және бiлiмi мамандығы бойынша ғылыми немесе академиялық дәрежесi, жоғары бiлiм туралы дипломы бойынша базалық бiлiмi көрсетiлген бiтiрушi кафедра меңгерушiсiнiң ұсынысы бойынша жалпы тiзiммен бекiтiледi.
118. Мемлекеттiк емтихандар (бейiндi пәндер немесе мамандықтар бойынша) мынадай: ауызша, жазбаша, олардың кәсiптiк оқу бағдарламаларының көлемi бойынша тестiлеу (кешендi тестiлеу) нысандарында өткiзiледi.
119. Мамандық бойынша мемлекеттiк емтихан аталған кешендi емтиханға енгiзiлген пәндердiң оқу бағдарламалары негiзiнде ЖОО-ның әзiрлеген бағдарламалары бойынша өткiзiледi.
Мамандық бойынша мемлекеттiк емтихан бағдарламасы ЖОО (факультеттiң) Ғылыми кеңесiнiң шешiмiмен бекiтiледi.
120. Бейiндiк пәндер бойынша мемлекеттiк емтихандар үлгiлiк оқу бағдарламалары мен жоғары бiлiм берудiң мемлекеттiк жалпыға мiндеттi стандартына сәйкес әзiрленген оқу жұмыс бағдарламалары бойынша өткiзiледi.
121. ЖОО өздiгiнен мемлекеттiк емтиханның бағдарламасын, тест тапсырмаларын және олардың (ашық, жабық, бiрiктiрiлген тест) түрлерiн, тестiлеудi өткiзу технологиясын әзiрлейдi және бекiтедi.
122. Диплом жұмысын қорғау МАК-тың ашық отырысында оның мүшелерiнiң жартысынан көбi қатысқан жағдайда қорғалады.
123. Бiр дипломдық жұмысты (жобаны) қорғау ұзақтығы ереже бойынша бiр студентке 50 минуттан аспауы керек. Бiлiм алушыға МАК алдында дипломдық жұмысты қорғау үшiн 15 минут уақыт берiледi.
124. Мемлекеттiк емтихан мен диплом жұмысын (жобасын) қорғаудың нәтижелерi бойынша студенттердiң бiлiмiн бағалаудың балдық-рейтингтiк жүйесi бойынша баға қойылады. Бұл жағдайда бiлiм алушының теориялық, ғылыми және практикалық дайындықтары, сондай-ақ ғылыми жетекшiсi мен рецензенттiң пiкiрлерi назарға алынады.
125. Мемлекеттiк емтихан тапсыру және диплом жұмысын (жобасын) қорғаудың нәтижелерi олар өткiзiлген күнi МАК отырысының хаттамасына қол қойылған соң жарияланады.
126. МАК-тың барлық отырыстары хаттамамен ресiмделедi.
127. МАК отырысының хаттамалары осы Ереженiң 4-6-қосымшаларға сәйкес МАК жұмысы басталғанға дейiн А4 форматында жеке кiтапшада нөмiрленiп, бумаланады және оқу бөлiмiнiң (оқу-әдiстемелiк басқарманың) мөрiмен бекiтiледi.
128. МАК отырысының хаттамалары әр бiлiм алушыға жеке толтырылады. Мемлекеттiк емтихан тест түрiнде өткiзiлген жағдайда хаттама толтыруға емтихан ведомосы негiз болады.
129. Хаттаманы бiтiртушi кафедра оқытушылары арасынан комиссия құрамына бекiтiлген МАК хатшысы толтырады
130. Хаттамаға мемлекеттiк емтихандарда және диплом жұмысын (жобасын) қорғауда анықталған бiлiмдердiң бағалары енгiзiледi, сондай-ақ берiлген сұрақтар мен МАК мүшелерiнiң пiкiрлерi жазылады. Егер МАК-тың бiр мүшесiнiң пiкiрi комиссияның қалған мүшелерiнiң пiкiрлерiмен сәйкес келмеген жағдайда, ол өз пiкiрiн хаттамаға жазуға және өзi қол қоюға құқығы бар.
Хаттамада «бакалавр» академиялық дәрежесiн және немесе бiлiктiлiк беру сондай-ақ студентке қандай диплом (үздiк немесе үздiк емес) берiлетiнi көрсетiледi.
131. Диплом жұмысын (жобасын) қорғау бағалары туралы, сондай-ақ, академиялық дәреже тағайындау және бiлiктiлiк беру немесе және мемлекеттiк үлгiдегi (үздiк емес, үздiк) диплом беру туралы шешiм МАК мүшелерiнiң отырысына қатысушылардың көпшiлiк дауысымен жабық отырыста ашық дауыс беру арқылы қабылданады. Дауыстар саны тең болған жағдайда МАК төрағасының дауысы шешушi болып табылады.
132. Хаттамаға МАК-тың төрағасы мен отырысқа қатысушы мүшелерi қол қояды.
133. Қазақстан Республикасы «Мұрағат және мұрағат ұлттық қоры туралы» заңына сәйкес МАК-тың хаттамалары ЖОО-ның мұрағатында сақталады.
134. Қорытынды аттестаттауға бекiтiлген кестеге сәйкес дәлелдi себеппен келмеген студент МАК төрағасының атына өтiнiш жазады, дәлелдi себептi растайтын құжатты ұсынады және оның рұқсатымен емтихан тапсыруына немесе дипломдық жұмысты (жобаны) осы МАК-тың басқа отырысы болған күнi қорғауына болады.
135. Студент қорытынды аттестаттаудың нәтижелерiмен келiспесе, аттестаттау өткiзiлгеннен кейiнгi жұмыс күннен кешiктiрмей апелляция беруiне болады.
136. Апелляция өткiзу үшiн ЖОО басшысының бұйрығымен бiлiктiлiгi аталған мамандықтың бейiнiне сәйкес келетiн тәжiрибелi оқытушылардан апелляциялық комиссия құрылады.
137. Апелляция қанағаттанарлық болған жағдайда МЕК-сы мәжiлiсiнiң хаттамасы қайтадан ресiмделедi. Мұндай жағдайда бiрiншi хаттамадағы қорытынды «Баға ___________ № _________ хаттамамен қайта қаралды _______ бет» деген жазумен өзгертiледi және оған МЕК-сы мүшелерiнiң бәрi қол қояды.
138. Денсаулық жағдайы туралы МАК-ға ұсынылған құжаттар қанағаттанарлықсыз баға алғаннан кейiн қарастырылмайды.
139. Бағаны жоғарылату мақсатында мемлекеттiк емтиханды қайта тапсыруға және дипломдық жұмысты (жобаны) қайта қорғауға рұқсат берiлмейдi.
140. «Қанағаттанарлықсыз» деген баға алған тұлғаларға мемлекеттiк емтихандарды қайта тапсыруға және/немесе диплом жұмысын (жобасын) қайта қорғауға, қорытынды аттестаттаудың осы кезеңiнде рұқсат берiлмейдi.
141. Диплом жұмысын (жобасын) қорғау «қанағаттанарлықсыз» деп есептелген жағдайда, МАК сол жұмысты комиссия анықтаған пысықтаулармен қайтадан қорғауға ұсынуға немесе жаңа тақырыпты әзiрлеуге мүмкiндiк бередi. МАК-ның бұл шешiмi мәжiлiс хаттамасына жазылады.
142. Қорытынды аттестаттаудан өтпеген тұлғалар бiр жыл өткеннен кейiн, қорытынды аттестаттау басталғанға дейiн екi аптадан кешiкпей, ЖОО басшысының атына қайта қорытынды аттестаттауға жiберуге рұқсат беру туралы өтiнiш жазады.
143. Қорытынды аттестаттауға қайта жiберу бiлiм беру ұйымы басшысының бұйрығымен ресiмделедi.
144. Қайта қорытынды аттестаттау алдыңғы қорытынды аттестаттаудан қанағаттанарлықсыз баға алған нысандар бойынша ғана өткiзiледi.
145. Осы емтихандарды тапсырмаған тұлғалар үшiн мемлекеттiк емтихандар қатарына енетiн пәндер тiзбесi бiлiм алушы теориялық курсты аяқтаған жылы қолданыста болған оқу жоспарымен белгiленедi.
146. Қорытынды аттестаттау кезiнде қанағаттанарлықсыз баға алған студенттер бiлiмi аяқталмағандығы туралы анықтама берiле отырып, ЖОО басшысының бұйрығымен ЖОО-дан шығарылады.
147. Қорытынды аттестаттаудан өткен және ЖОО-ның кәсiптiк оқу бағдарламасын меңгергендiгiн дәлелдеген студентке МАК шешiмiмен «бакалавр» академиялық дәрежесi және/немесе сәйкес келетiн мамандығы бойынша бiлiктiлiк тағайындалып, мемлекеттiк үлгiдегi диплом қосымшасымен берiледi.
148. Дипломға қосымша студенттiң оқу жоспарын орындағаны туралы анықтама негiзiнде, мемлекеттiк жалпыға мiндеттi жоғары бiлiм стандарттарымен қарастырылған көлемде оның барлық пәндер бойынша алған бағаларына сәйкес тапсырылған курстық жұмыстар (жобалар), практика мен қорытынды аттестаттау нәтижелерiнiң түрлерi негiзiнде толтырылады.
Диплом қосымшасына әр оқу пәнi бойынша көлемi кредит және академиялық сағат түрiнде көрсетiлген балдық-рейтингтiк әрiптiк бiлiм бағалау жүйесi бойынша соңғы бағалар жазылады.
149. Емтихандар мен сараланған сынақтарды А, А - «өте жақсы», В-, В, В+ - «жақсы» деген бағаға тапсырған және оқытудың барлық кезеңiнде үлгерiмiнiң орта балы 3,5-ке тең мемлекеттiк емтихан мен диплом жұмысын (жобасын) «өте жақсы» деген бағаға тапсырған бiлiм алушыға үздiк диплом (әскери даярлығы бойынша бағасын ескермегенде) берiледi.
150. Оқу кезеңiнде емтихандарды қайта немесе қайталап тапсыру жағдайы болған студент осы Ереженiң 149-тармағында көрсетiлген талаптарды орындағанына қарамастан үздiк диплом алу құқығынан айырылады.
151. МАК-тың жұмысы аяқталғаннан кейiн оның төрағасы есеп жасайды және екi апта мерзiм iшiнде ЖОО-ның басшысына тапсырады. МАК төрағасының есебi ЖОО ғылыми кеңесiнiң немесе (факультет кеңесiнiң) отырысында талқыланады және бекiтiледi.
152. Студенттердi қорытынды аттестаттау аяқталғаннан кейiн ЖОО бiр ай мерзiм iшiнде бiлiм беру саласындағы уәкiлеттi органға осы Ереженiң 7-қосымшада келтiрiлген мемлекеттiк емтихан мен дипломдық жұмыс қорғау нәтижелерiн ұсынады.
153. МАК төрағасының есебiне кесте мен түсiндiрме жазба кiредi.
Кестеде осы Ереженiң 7-қосымшада келтiрiлген көрсеткiштер белгiленедi.
МАК төрағасы есебiнiң түсiндiрме жазбасында төмендегiлер көрсетiледi:
1) ЖОО-да осы мамандық бойынша мамандар даярлаудың деңгейi;
2) диплом жұмысының (жобаның) орындалу сапасы;
3) диплом жұмысын (жобасы) тақырыптарының қазiргi заманғы ғылымның, техниканың, мәдениеттiң жай-күйiне және өндiрiстiң талабына сәйкестiгi;
4) бiлiм алушыларды мемлекеттiк емтихандарда анықталған бiлiмдерiнiң сипаты, жекелеген пәндер бойынша мамандар даярлаудың кемшiлiктерi;
5) мамандар бойынша даярлау сапасына кадрлар талдау;
6) ЖОО-да мамандар даярлауды одан әрi жетiлдiру жөнiнде нақты ұсынымдар.
154. МАК төрағасының есебiне жоғары бiлiм бағдарламасын оқып бiтiрген, бiлiм ұйымының басшысы қол қойып, берiлген дипломның нөмiрi, тегi, аты, әкесiнiң аты көрсетiлген ЖОО-ны бiтiрушiлердiң тiзiмi жалғанады.
4. Жоғары оқу орнынан кейiнгi бiлiм алушыларды үлгерiмiн ағымдық бақылауды, аралық аттестаттауды және қорытынды аттестаттауды жүргiзу тәртiбi
155. Жоғары оқу орнынан кейiнгi бiлiм алушылардың магистратура мен докторантура оқудағы жетiстiктерiн тексеру ЖОО немесе ғылыми ұйымдардың өздерi белгiлейтiн бақылаудың түрлерi мен аттестаттаулар арқылы жүргiзiледi.
156. Магистратура мен докторантурада бiлiм алушылардың үлгерiмiн ағымдық бақылау ЖОО студенттерi сияқты тәртiппен жүргiзiледi.
157. Магистратура мен докторантурада бiлiм алушыларды ағымдық аттестаттау оқу жұмыс жоспарына, академиялық күнтiзбе мен кәсiптiк оқу бағдарламаларына сай емтихан тапсыру және сараланған сынақтар түрлерi бойынша жүргiзiледi.
158. Аралық аттестаттаудың мерзiмдiлiгi мен ұзақтығы ЖОО бекiткен академиялық күнтiзбе мен мамандықтың оқу жұмыс жоспарына сәйкес белгiленедi.
159. Емтихандар бекiтiлген кестеге қатысты аралық аттестаттау кезiнде тапсырылады.
160. Емтихандардың кестесiн құру жоғары оқу орнынан кейiнгi бiлiм беру бөлiмдерi деканатпен бiрге офис регистраторына жүктеледi.
161. Емтихан кестесiн ғылыми ұйым директорының оқу iсi жөнiндегi проректоры немесе орынбасары бекiтедi және емтихан басталғанға дейiнгi екi аптадан кешiктiрiлмей бiлiм алушылар мен оқытушылардың назарына жеткiзiледi.
162. Емтиханға жiберу нақты пән бойынша жiберiлу рейтинг бағасы анықталатын үлгерiмнiң ағымдық бақылау бағасының негiзiнде жүзеге асады.
163. Жiберiлу рейтингiнен оң баға ала алмаған бiлiм алушылар қорытынды бақылауға (емтиханға) жiберiлмейдi.
Курстық жұмыс (жоба) тапсырмаған бiлiм алушылар сол пән бойынша емтиханға жiберiлмейдi.
164. Факультет деканы (жоғары оқу орнынан кейiн бiлiм алу бөлiмiнiң бастығы) кей жағдайда (сырқатына, отбасы жағдайына немесе басқа да обьективтi себептерге байланысты) бiлiм алушыға жеке кестесi бойынша емтихан тапсыруға рұқсат ете алады.
Факультет деканына (ЖОО-дан кейiнгi бiлiм бөлiмiнiң бастығы) аурулығы, сәбидiң дүниеге келуi, жақын туыстарының қайтыс болуы, қызметтiк немесе оқу iссапарында болуына байланысты жағдайларды растайтын анықтамалар тапсырылған жағдайда жеке кесте бойынша емтихан тапсыруға рұқсат берiледi.
165. Осы мақсатта емтихандық сессия (аралық аттестаттау) кезеңiне ғылыми ұйымның немесе жоғары оқу орны басшысының бұйрығымен аппеляцияланатын пән бейiнiне сай бiлiктiлiгi бар оқытушылардан тұратын аппеляциялық комиссия құрылады.
166. Емтихандар ауызша, жазбаша, тест немесе аралас түрде өткiзiледi.
Емтихан тест түрiнде тапсырылғанда пәндердiң жақындылығына байланысты екi және одан да көп пәндерден кешендi емтихан белгiленуi мүмкiн.
167. ЖОО (факультет) емтиханды өткiзу тәртiбi мен түрiн әр оқу пәнi бойынша академиялық кезеңнiң басталуынан бiр ай бұрын белгiлейдi.
168. Оқу пәнi бойынша аралық аттестаттау өткiзу кезiнде академиялық кезеңдегi емтиханнан алған бағасы мен ағымдық бақылаудан (жiберiлу рейтинг бағасы) алған орташа баллы ескерiледi.
169. Әр пән бойынша емтихан аяқталғаннан кейiн бiлiм алушыларға қорытынды баға ЖОО студенттерiне қойылатын тәртiп бойынша қойылады.
170. Емтихандық ведомость барлық оқу кезеңi бойынша бiлiм алушылар жинаған кредиттер санын есептеумен айналысатын офис регистраторға тапсырылады.
Әрi қарай офис регистратор емтихандық ведомосты сәйкес келетiн факультет деканатына (институт директораты) тапсырады. Деканатта әр пәннiң емтихандық ведомосы негiзге ала отырып, аралық аттестаттау бойынша қорытынды ведомосы толтырылады.
171. Бiлiм алушылар барлық емтихандар жұмыс жоспарына, жеке оқу жоспарына және оқу бағдарламаларына сәйкес тапсырулары қажет.
172. Бiлiм алушылар қосымша оқу түрлерiнiң пәндерi бойынша да емтихан тапсыра алады, нәтижелерi емтихан ведомосына және бiлiм алушының жеке ведомосына жазылады.
173. «Қанағаттанарлықсыз» бағаны оң бағаға қайта тапсыру үшiн бiлiм алушы пән бойынша оқу жұмыс жоспарында көрсетiлген барлық оқу сабақ түрлерiне қайта қатысып, емтиханға жiберiлу рұқсатын алып, қорытынды бақылау тапсыруы тиiс.
174. Қорытынды бақылаудан алынған қанағаттанарлық бағаны жоғарылату үшiн емтиханды қайта тапсыруға рұқсат етiлмейдi.
Қорытынды бақылаудың оң бағаны қайта тапсыру тәртiбi осы Ереженiң 173-тармағына сәйкес анықталады.
175. Қорытынды бақылаудың нәтижесiмен келiспеген бiлiм алушы емтиханнан кейiн (келесi күнi) аппеляцияға беруге құқығы бар.
176. Пән бағдарламасын толық орындаған бiлiм алушы емтиханға келмеген жағдайда емтихандық ведомосттағы фамилиясының тұсына «келген жоқ» белгiсi қойылады.
Дәлелдi себептерге байланысты келмеген жағдайда факультет деканының өкiмiмен емтихан тапсырудың жеке кестесi белгiленедi. Дәлелдi себептерi болмаған жағдайда «қанағаттанарлықсыз» бағасы қойылып, осы Ереженiң 173-тармағына сәйкес емтиханды қайта тапсырады.
177. Транскриптке студенттiң барлық қорытынды бағаларымен қоса қайта тапсырылған емтихан нәтижелерi де жазылады.
178. Оқу жылы аяқталғаннан кейiн емтихандық сессиялардың қорытындысының негiзiнде жоғары оқу орны басшысының бұйрығымен жоғары оқу орнынан кейiнгi бiлiм алушыларды курстан курсқа көшiру жүзеге асырылады. Осы мақсатқа сәйкес көшiру балы белгiленедi.
179. Емтихан қорытындылары және емтихан сессиясы (аралық аттестация) аяқталғаннан кейiн оқу процесiн жақсарту жөнiндегi ұсыныстары кафедра, деканат (директорат) және жоғары оқу орны отырыстарының талқылауына шығарылады.
180. Жоғары оқу орнынан немесе ғылыми ұйымнан шығарылған тұлғаға бiлiмi аяқталмағандығы туралы Анықтама берiледi.
181. Қазақстан Республикасы Қорғаныс министрлiгiнiң, Қазақстан Республикасы Iшкi iстер министрлiгiнiң, Қазақстан Республикасы Әдiлет министрлiгiнiң Қылмыстық-атқарушы жүйесi комитетiнiң, Қазақстан Республикасы Экономикалық және сыбайлас жемқорлыққа қарсы күрес жөнiндегi агенттiктiң, Қазақстан Республикасы Төтенше жағдайлар жөнiндегi министрлiктiң ведомстволық бағынысты жоғары оқу орындарының бiлiм алушылары үшiн осы Ереженiң 51, 52 және 56-тармақтарының нормалары тиiстi мемлекеттiк органдармен келiсiледi.
5. Жоғары оқу орнынан кейiнгi бiлiм алушылардың қорытынды аттестаттауын өткiзу тәртiбi
182. Жоғары оқу орнында немесе ғылыми ұйымда бiлiм алушыларды қорытынды аттестаттау академиялық күнтiзбесi мен мамандықтардың жұмыстық оқу жоспарында қарастырылған мерзiмде кешендi емтихан тапсыру және магистiрлiк (докторлық) диссертация қорғау түрiнде өткiзiледi.
183. Қорытынды аттестацияға оқу жоспары мен оқу бағдарламалары талаптарына сай оқу үрдiсiн аяқтаған магистранттар мен докторанттар жiберiледi.
184. Бiтiрушi курстың бiлiм алушылар жұмыс және жеке оқу жоспары талаптарын және оқу жұмыс бағдарламасын орындамаса жазғы семестрден өткiзiлместен оқу курсын қайта оқуға қалдырылады.
185. Магистранттар мен докторанттардан кешендi емтихан алу және магистрлiк диссертацияларды талқылау үшiн ЖОО немесе ғылыми ұйым Мемлекеттiк аттестациялық комиссия (МАК) құрады.
186. Бiлiм және ғылым ұйымының басшылары 1 қарашаға дейiн бiлiм беру саласындағы уәкiлеттi органға, МАК төрағасының кандидатурасын ұсынады:
магистратура мамандықтары бойынша – бiтiрушi мамандықтар бейiнiне сәйкес бейiн бойынша және аталған ұйымда қызмет жасамайтын ғылыми дәрежесi бар доктор немесе ғылым кандидаты немесе PhD докторы академиялық дәрежесi бар тұлға;
докторантура мамандықтары бойынша – даярланып шығарылатын мамандардың бейiнiне сәйкес келетiн ғылым докторы немесе кандидаты ғылыми дәрежесi, немесе бейiн бойынша PhD докторы академиялық дәрежесi және аталған ұйымда жұмыс iстемейтiндер.
187. МАК-тың құрамына оның мүшелерi құқығында:
Магистратура мамандықтары бойынша – ғылым доктор және кандидаты ғылыми дәрежесi бар және бейiнi бойынша PhD докторы академиялық дәрежесi бар адамдар және шығарылатын мамандар бейiнiне сәйкес магистр (МАК-тың құрамына бейiндi магистратура үшiн шығарылатын мамандар бейiнiне сәйкес жоғары бiлiктi мамандар енгiзiлуi мүмкiн) ғылым докторы және кандидаты енедi;
докторантура мамандықтары бойынша – шығарылатын бейiнiне сәйкес бейiнi бойынша PhD докторы академиялық дәрежесi бар.
188. МАК-тың сандық құрамын бiлiм және ғылым ұйымы дербес айқындап, жоғары оқу орны басшысының бұйрығымен бекiтiлiп 31-шi желтоқсаннан кешiктiрмей 1 күнтiзбелiк жыл бойы қолданыста болады.
189. Магистранттар мен докторанттарды қорытынды аттестаттауға жiберу ЖОО немесе ғылыми ұйым бұйрығымен тiзiм бойынша бекiтiлiп, қорытынды аттестация басталуынан 2 апта бұрын МАК-қа тапсырылады.
190. Мамандық бойынша кешендiк емтиханға магистратура мен докторантураның кәсiптiк оқу бағдарламасының мiндеттi базалық және бейiндiк компоненттерi кiредi.
191. Кешендi емтихан келесi нысандардың бiреуi бойынша өткiзiледi: ауызша емтихан, жазбаша жұмыс, пәндердiң оқу бағдарламасы бойынша бекiтiлген пәндерден тест.
192. Кешендi емтиханның бағдарламасы өткiзiлу нысанына және тапсырма мазмұны жоғары оқу орынмен немесе ғылыми ұйыммен осы кешендi емтиханға енген пәннiң оқу бағдарламасына сай жасалады.
193. Магистр немесе докторлық бағдарламаларды iске асыратын жоғары оқу орындары және ғылыми ұйымдар тесттiк тапсырманы, олардың түрлерiн (ашық, жабық, аралас) және тестiлеудiң өткiзiлу технологиясын өздерi әзiрлейдi.
194. Кешендi емтихан:
магистрлiк диссертацияны қорғауға дейiн бiр ай бұрын;
докторантуралық диссертацияны қорғауға дейiн үш ай бұрын қабылданады.
195. Кешендi емтихан нәтижелерi магистратура мен докторантурада әрбiр бiлiм алушы бойынша осы Ереженiң 8-қосымшаға сай белгiленген нысандағы хаттамамен рәсiмделедi.
МАК отырысының хаттамасын шығарушы кафедраның оқу-көмекшi қызметкерлерiнiң өкiлi арасынан тағайындалған МАК-тың құрамында бекiтiлген хатшы жүргiзедi.
196. Кешендi емтихан тест түрiнде өткен жағдайда жеке хаттама рәсiмдеуге емтихандық ведомость негiз болады.
197. Алынған бағаны жоғарылату мақсатында кешендi емтиханды қайта тапсыруға рұқсат етiлмейдi.
198. Кешендi емтиханның нәтижесiмен келiспеген бiлiм алушы емтихан өткiзiлгеннен кейiн келесi жұмыс күнiнен кешiктiрмей апелляцияға беруге болады.
199. Апелляция өткiзу үшiн ЖОО басшысының бұйрығымен бiлiктiлiгi аталған мамандықтың бейiнiне сәйкес келетiн тәжiрибелi оқытушылардан апелляциялық комиссия құрылады.
200. Апелляция қанағаттанарлық болған жағдайда МАК мәжiлiсi хаттамамен ресiмделедi. Мұндай жағдайда бiрiншi хаттамадағы қорытынды «Баға __________ № _______ хаттамамен қайта қаралды _____ бет» деген жазумен өзгертiледi және оған қатысқан МАК-сы мүшелерiнiң бәрi қол қояды.
201. Кешендi емтиханда қанағаттанарлықсыз баға алған магистрант немесе докторант бiлiм бiлiм немесе ғылыми ұйым басшысының бұйрығымен оқудан шығарылып, тұлғаға бiлiмi аяқталмағандығы туралы Анықтама берiледi.
202. «Қанағаттанарлықсыз» баға алған тұлғаларға магистратурада және докторантурада қорытынды аттестация кезiнде кешендi емтиханды қайта тапсыруға рұқсат етiлмейдi.
203. Кешендi емтихан тапсырған магистрант немесе докторант диссертациялық жұмысты қорғауға жiберiледi. Диссертация қорғауға жiберу ЖОО немесе ғылыми ұйым басшысының бұйрығымен ресiмделедi.
204. Диссертациялық жұмыстарды тексеру авторға және пайдаланған көздерiне сiлтеме жасамай жоғары оқу орнынан кейiнгi бiлiмнiң магистратурасы және докторантурасының мемлекеттiк жалпыға мiндеттi бiлiм стандарттарына сәйкес жүзеге асырылады.
205. Осы Ереженiң 200-тармағына сәйкес тексеруден кейiн диссертациялық жұмыс сараптамадан өтедi. Диссертациялық кеңес осы мақсатқа сәйкес әрбiр диссертациялық жұмыс бойынша сараптамалық комиссия құрады.
206. Диссертациялық жұмыстарды қорғау диссертациялық кеңестердiң отырыстарында жүзеге асырылады.
Диссертациялық кеңестер әрбiр PhD магистратура немесе докторантура мамандықтары бойынша құрылады.
207. Жоғары оқу орнының жетекшiсi бiлiм және ғылым саласындағы уәкiлеттi органға 1 желтоқсаннан кешiктiрмей Магистрлық диссертацияларды қорғау жөнiндегi диссертациялық кеңестiң төрағасының кандидатурасын ұсынады.
208. Магистрлық диссертацияларды қорғау жөнiндегi диссертациялық кеңестiң төрағасы 20 қаңтардан кешiктiрiлмей бiлiм және ғылым саласындағы уәкiлеттi органның бұйрығымен бекiтiледi.
209. Төрағаның орынбасары, ғалым хатшысы және мүшелерi көрсетiлген Магистрлық диссертацияларды қорғау жөнiндегi диссертациялық кеңестiң құрамы жоғары оқу орны немесе ғылыми ұйым жетекшiсiнiң бұйрығымен бекiтiледi және күнтiзбе бойынша жыл бойы жұмыс iстейдi.
210. Магистрлық диссертацияларды қорғау жөнiндегi диссертациялық кеңестiң құрамына ғылым докторы немесе кандидаты ғылыми дәрежесi, PhD докторы академиялық дәрежесi бар тұлғалар немесе тиiстi мамандықтар бойынша магистрлар кiредi. Осыған сәйкес, кеңестiң кем дегенде үш мүшесiнiң шифры қорғалатын диссертациясының бейiнiне сәйкес келетiн ғылым докторы немесе кандидаты ғылыми дәрежесi болуы керек.
211. Магистрлық диссертацияларды қорғау жөнiндегi диссертациялық кеңестiң сандық құрамы бес адамнан кем болмауы қажет.
212. Магистрлiк диссертацияның қорғалуы төмендегi жағдайда жүзеге асады:
ғылыми жетекшiнiң оң пiкiрi;
диссертация тақырыбында кемiнде 1 мақала ғылыми баспада жарық көруi халықаралық немесе республикалық ғылыми конференцияларда сөйлеген сөзi;
шығарушы кафедраның қорғауға жiберiлгенi туралы шешiмi (кафедра отырысы хаттамасының көшiрмесi);
сараптама кеңесiнiң диссертацияны ашық түрде қорғалуына берiлген ұсынысының жазбаша қорытындысы;
қорғалатын жұмыс бейiнiне сай келетiн маманның бiр рецензиясы. Мұнда диссертацияның жан-жақты сипаттамасы, бағасы («өте жақсы», «жақсы», «қанағаттанарлық» немесе «қанағаттанарлықсыз») көрсетiлген аргументтi қорытындысы және сол мамандық бойынша «магистр» академиялық дәрежесiн тағайындау мүмкiндiгi көрсетiледi.
Ғылыми жетекшi немесе сараптама комиссия тарапынан «қорғауға жiберiлмейдi» немесе «қорғауға ұсынуға болмайды» деген қанағаттанарлықсыз қорытынды берiлген жағдайда, магистрант магистрлiк диссертациясын қорғау мүмкiншiлiгiнен айырылады.
213. Сараптама комиссияның құрамы зерттеуге алынған обьект немесе пән саласы бойынша бiлiмi бар кемiнде екi маманнан құралады.
Сараптама комиссиясының құрамы ЖОО немесе ғылыми ұйым басшысының бұйрығымен диссертацияның қорғалуына бiр ай бұрын бекiтiледi.
Ғылыми жетекшiлер мен консультанттар эксперт кеңесiнiң құрамына кiре алмайды.
214. Магистрлiк диссертацияның қорғалу нәтижесi әрбiр магистрант үшiн жеке осы Ереженiң 9-қосымшасына сәйкес бекiтiлген түрдегi хаттамамен толтырылады.
215. Қорытынды аттестаттаудан өткен, магистратураның тиiстi кәсiптiк оқу бағдарламаларын меңгергендiгiн растаған және магистрлық диссертацияларды қорғау жөнiндегi диссертациялық кеңестiң шешiмiмен магистрлық диссертацияны елдiң көзiнше қорғаған бiлiм алушыға тиiстi мамандық бойынша «магистр» академиялық дәрежесi берiледi және қосымшасымен бiрге мемлекеттiк үлгiдегi диплом берiледi. Диссертациялық кеңестiң шешiмi осы Ереженiң 10-қосымшасына сәйкес хаттамамен ресiмделедi.
216. Магистранттардың қорытынды аттестаттауы аяқталғаннан кейiн МАК және магистрлық диссертацияларды қорғау жөнiндегi диссертациялық кеңестiң төрағалары магистранттардың қорытынды аттестаттауының нәтижесi туралы бiрыңғай есеп жасайды және екi апталық мерзiмде жоғары оқу орнының басшысына ұсынады.
217. Магистранттардың қорытынды аттестаттауының нәтижесi туралы бiрыңғай есепке кестелер мен түсiндiрме жазба енедi. Кестеге осы Ереженiң 7-қосымшада келтiрiлген көрсеткiштер жазылады.
Түсiндiрме жазбада:
1) аталған мамандық бойынша жоғары оқу орнындағы магистрлардың дайындық деңгейлерi;
2) кешендi емтиханда анықталған бiлiм алушының бiлiмiне мiнездеме;
3) аталған мамандық бойынша магистрларды даярлау сапасын талдау;
4) магистрларды даярлаудағы кемшiлiктер;
5) магистрлiк диссертациялардың ғылымның, техниканың, мәдениеттiң қазiргi жай-күйiне және өндiрiстiң сұранысына сәйкестiгi;
6) магистрлiк диссертацияларды орындаудың сапасы;
7) магистрлiк диссертацияларды қорғаудың деңгейi сараптамалық комиссияның қорытындысына, ғылыми жетекшiсiнiң пiкiрiне, ресми оппоненттiң рецензиясына сәйкестiгi;
8) магистрларды даярлауды одан әрi жетiлдiру жөнiндегi нақты ұсынымдамалар жөнiнде мәлiметтер болады.
218. Магистранттарды қорытынды аттестаттауының нәтижесi туралы есепке МАК және магистрлық диссертацияларды қорғау жөнiндегi диссертациялық кеңестiң төрағалары қол қояды, жоғары оқу орнының ғылыми кеңесiнiң отырысында талқыланады және бекiтiледi.
219. Жоғары оқу орны магистратурада бiлiм алушылардың қорытынды аттестаттауы аяқталғаннан кейiн магистранттарды қорытынды аттестаттауының нәтижесi туралы есептi бiлiм саласындағы уәкiлеттi органға ұсынады.
220. МАК төрағасының есебiне бiлiм беру жетекшiсi қол қойған дипломның нөмiрi, мамандығы, тегi, аты, әкесiнiң аты көрсетiлiп жазылған магистратура бағдарламасын аяқтаған бiтiрушiлердiң тiзiмi тiркеледi.
221. PhD немесе бейiн бойынша докторлық диссертацияларды қорғау жөнiндегi диссертациялық кеңестер докторантураның әрбiр мамандығы бойынша құрылады.
222. Жоғары оқу орнының басшысы диссертациялық кеңестiң төрағасының, төраға орынбасарының, ғалым хатшысы мен мүшелерiн көрсете отырып, докторлық диссертацияларды қорғау жөнiндегi диссертациялық кеңестiң құрамын Бiлiм және ғылым саласындағы бақылау комитетiне (бұдан әрi – Комитет) жiбередi.
223. PhD немесе бейiн бойынша докторлық диссертацияларды қорғау жөнiндегi диссертациялық кеңестiң құрамына шифры (коды), мамандығы аталған мамандықтың бейiнiне сәйкес келетiн ғылым докторы немесе кандидаты ғылыми дәрежесi бар тұлғалар кiредi. Осыған сәйкес, кеңестiң кем дегенде үш мүшесiнiң шифры қорғалатын докторлық диссертациясының бейiнiне сәйкес келетiн ғылым докторы ғылыми дәрежесi болуы керек.
224. Докторлық диссертацияларды қорғау жөнiндегi диссертациялық кеңестiң сандық құрамы бес адамнан кем болмауы қажет.
225. Диссертациялық кеңестiң құрамы бiлiм және ғылым саласындағы уәкiлеттi органның бұйрығымен бекiтiледi және үш жыл бойына жұмыс iстейдi.
226. Докторлық диссертацияларды қорғау ғылыми кеңесшiлердiң дұрыс пiкiрлерi болған жағдайда жүзеге асырылады;
Бiлiм және ғылым саласындағы бақылау комитетi ұсынған ғылыми басылымдарда диссертация тақырыбы бойынша кемiнде 10 (он) жарияланым, оның iшiнде кемiнде 3 (үшеуi) алыс шетелдердегi ғылыми басылымдарда, оның iшiнде 1 (бiреуi) цитата ретiнде жиi алынатын (Scopus, Thomson ISI және басқалар) халықаралық деректер базасына енген шетелдiк басылымдарда жариялануы керек;
шығарушы кафедраның қорғауға ұсынымдамалары туралы шешiмi (кафедра отырысы хаттамасының көшiрмесi);
диссертацияны елдiң көзiнше қорғауға ұсынымдамалар туралы сараптамалық комиссияның жазбаша қорытындысы;
қорғалатын жұмыстың бейiнiне сәйкес келетiн бiлiктiлiгi бар (ғылыми немесе академиялық дәреже), диссертацияға жан-жақты сипаттама берiлген және нақты бағалары көрсетiлген аргументтелген қорытындысы («өте жақсы», «жақсы», «қанағаттанарлық», «қанағаттанарлықсыз») және философия докторы немесе тиiстi мамандықтың бейiнi бойынша жоғары академиялық дәрежесiн беру мүмкiндiгi баяндалған екi ресми оппоненттiң екi рецензиясы;
227. Ғылыми консультанттар докторлық диссертацияға жеке пiкiрлер жазады.
228. Егер ғылыми консультант және/немесе сараптамалық комиссия «қорғауға жiберiлмейдi» немесе «қорғауға ұсынылмайды» деген терiс қорытынды берген жағдайда докторант докторлық диссертациясын қорғай алмайды.
229. Сараптамалық комиссияның құрамына пәнi және ұсынылған зерттеу объектiсi саласындағы бiлiмдi меңгерген кемiнде үш маман кiредi. Сараптамалық комиссияның құрамы жоғары оқу орны немесе ғылыми ұйым басшысының бұйрығымен диссертацияны қорғағанға дейiн екi ай бұрын бекiтiледi.
230. Докторлық диссертацияларды қорғау жөнiндегi диссертациялық кеңес отырысының кестесi күнтiзбелiк жылға жасалады және жоғары оқу орны немесе ғылыми ұйым басшысының бұйрығымен бекiтiледi. Осыған сәйкес, бiр күнге үшеуден артық емес докторлық диссертацияны қорғау жұмыстары қойылады.
231. Докторлық диссертацияны қорғау нәтижесi стенограммамен ресiмделедi.
Докторлық диссертацияны қорғау нәтижесi бойынша диссертациялық кеңес екi шешiмнiң бiреуiн қабылдайды:
1) оң шешiмдi қабылдау кезiнде – Комитетке докторантқа философия докторы немесе тиiстi мамандықтың бейiнi бойынша жоғары академиялық дәреже беру туралы қолдау бiлдiредi;
2) терiс шешiм қабылдау кезiнде – докторантқа философия докторы немесе тиiстi мамандықтың бейiнi бойынша жоғары академиялық дәрежесiн беруден бас тарту.
232. Докторлық диссертацияны қорғау жөнiнде оң шешiм қабылданған жағдайда кеңестiң ғалым хатшысы докторлық диссертацияны қорғау туралы докторанттың жеке iсiн қалыптастырады.
233. Докторлық диссертацияны қорғау туралы докторанттың жеке iсiнде мынадай материалдар болуы тиiс:
1) докторлық диссертация;
2) ғылыми консультанттардың пiкiрлерi;
3) диссертация тақырыбы бойынша жарияланымдардың бедерi;
4) қорғауға жiберiлген ұсынымдамасы туралы шығарушы кафедраның шешiмi (кафедра отырысы хаттамасының көшiрмесi);
5) диссертацияны елдiң көзiнше қорғауға ұсынымдама туралы сараптамалық комиссияның қорытындысы;
6) екi ресми оппоненттiң рецензиялары;
7) докторлық диссертацияны қорғаудың стенограммасы;
8) докторлық диссертацияны қорғау бойынша құпия дауыс берудiң нәтижесi туралы есеп комиссиясының хаттамасы;
9) жоғары бiлiмi туралы дипломның көшiрмесi;
10) кешендi емтиханды тапсыру туралы МАК отырысы хаттамасының көшiрмесi;
11) докторантураның кәсiптiк оқу бағдарламасын меңгеру жөнiндегi транскриптiң көшiрмесi.
234. Докторлық диссертацияны қорғағаннан кейiн бiр ай мерзiм iшiнде докторлық диссертацияны қорғау туралы докторанттың жеке iсi бiлiм және ғылым саласындағы уәкiлеттi органға ұсынылады.
235. Докторанттардың қорытынды аттестаттауы аяқталғаннан кейiн МАК және магистрлық диссертацияларды қорғау жөнiндегi диссертациялық кеңестiң төрағалары магистранттардың қорытынды аттестаттауының нәтижесi туралы бiрыңғай есеп жасайды және екi апталық мерзiмде жоғары оқу орнының басшысына ұсынады.
236. Докторанттардың қорытынды аттестаттауының нәтижесi туралы бiрыңғай есепке кестелер мен түсiндiрме жазба енедi.
Кестеге осы Ереженiң 11-қосымшасында келтiрiлген көрсеткiштер жазылады.
Түсiндiрме жазбада:
1) аталған мамандық бойынша жоғары оқу орнындағы магистрлардың дайындық деңгейлерi;
2) кешендi емтиханда анықталған бiлiм алушының бiлiмiне мiнездеме;
3) аталған мамандық бойынша магистрларды даярлау сапасын талдау;
4) магистрларды даярлаудағы кемшiлiктер;
5) магистрлiк диссертациялардың ғылымның, техниканың, мәдениеттiң қазiргi жай-күйiне және өндiрiстiң сұранысына сәйкестiгi;
6) магистрлiк диссертацияларды орындаудың сапасы;
7) магистрлiк диссертацияларды қорғаудың деңгейi сараптамалық комиссияның қорытындысына, ғылыми жетекшiсiнiң пiкiрiне, ресми оппоненттiң рецензиясына сәйкестiгi;
8) магистрларды даярлауды одан әрi жетiлдiру жөнiндегi нақты ұсынымдамалар жөнiнде мәлiметтер болуы қажет.
237. Докторанттарды қорытынды аттестаттауының нәтижесi туралы есепке МАК және докторлық диссертацияларды қорғау жөнiндегi диссертациялық кеңестiң төрағалары қол қояды.
238. Докторанттарды қорытынды аттестаттауының нәтижесi туралы есеп жоғары оқу орнының ғылыми кеңесiнiң отырысында талқыланады және бекiтiледi.
239. Жоғары оқу орны докторантурада бiлiм алушылардың қорытынды аттестаттауы аяқталғаннан кейiн докторанттарды қорытынды аттестаттауының нәтижесi туралы есептi бiлiм саласындағы уәкiлеттi органға ұсынады.
240. Докторанттарды қорытынды аттестаттаудың нәтижесi туралы есепке докторлық диссертацияны қорғау жөнiндегi диссертациялық кеңес қабылдаған шешiмi көрсетiлген докторлық диссертацияны қорғаған докторанттардың тiзiмi тiркеледi. Тiзiмге жоғары оқу орнының басшысы қол қояды.

Бiлiм алушылардың үлгерiмiн
ағымдық бақылау, аралық және қорытынды
мемлекеттiк аттестаттау жүргiзудiң
үлгi ережесiне 1-қосымша
Дәстүрлi шкалаға ауыстырылған бiлiм алушылардың оқу жетiстiктерi бағаларының балдық-рейтингтiк әрiптiк жүйесi

Бiлiм алушылардың үлгерiмiн
ағымдық бақылау, аралық және
қорытынды мемлекеттiк аттестаттау
жүргiзудiң үлгi ережесiне
2-қосымша
20___20___ оқу жылының _________________ емтихандық сессия
(қысқы, жазғы)
қорытындысы

_____________________________________________________________
(ЖОО атауы)
Күндiзгi (немесе сырттай) оқу түрi

Бiлiм алушылардың үлгерiмiн
ағымдық бақылау, аралық және
қорытынды мемлекеттiк аттестаттау
жүргiзудiң үлгi ережесiне
3-қосымша
«Қазақстан тарихы» пәнi бойынша Мемлекеттiк емтихан комиссиясы отырысының №___ХАТТАМАСЫ
(әрбiр студентке толтырылады)
20__ж. «___»______________сағ. ____ минуттан ___сағ. ____минутке дейiн
Қатысқандар: Мемлекеттiк емтихан комиссиясының төрағасы ____________
_____________________________________________________________________
(аты-жөнi, тегi, ғылыми деңгейi, ғылыми атағы
_____________________________________________________________________
ұйым атауы, атқаратын қызметi)
Комиссия мүшелерi: __________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________________________________ «Қазақстан тарихы» пәнi бойынша мемлекеттiк емтихан тапсыру туралы
1. Емтихан тапсырушы студент ________________________________________
(аты-жөнi, тегi, мамандығы)
_____________________________________________________________________
2. Сұрақтар: (тестiлеу қорытындылары)
1 ___________________________________________________________________
_____________________________________________________________________
_____________________________________________________________________
2 ___________________________________________________________________
_____________________________________________________________________
_____________________________________________________________________
3 ___________________________________________________________________
_____________________________________________________________________
_____________________________________________________________________
3. Студент __________________________________________________________
(аты-жөнi, тегi)
Рұқсат беру рейтингi ________________________________________________
(жiберiлу рейтингi балдық-рейтингтiк жүйеде: әрiптiк
_____________________________________________________________________
баға, сандық эквивалент, пайыздық құрамы және дәстүрлiк баға)
4. Студент __________________________________________________________
(аты-жөнi, тегi)
«Қазақстан тарихы» пәнi бойынша мемлекеттiк емтиханды _______________ бағасымен тапсырды __________________________________________________
(баға әрiптiк балдық-рейтингтiк жүйе бойынша көрсетiледi)
5. Мемлекеттiк емтихан комиссиясының ерекше пiкiрлерi _______________
_____________________________________________________________________
_____________________________________________________________________ _____________________________________________________________________
_____________________________________________________________________
Төраға ________________________ (қолы)
Комиссия мүшелерi ____________________(қолдары)
мүшелерi ________________________(қолдары)
мүшелерi ________________________(қолдары)
мүшелерi ________________________(қолдары)
Хатшы ________________________(қолы)
Бiлiм алушылардың үлгерiмiн
ағымдық бақылау, аралық және қорытынды
мемлекеттiк аттестаттау
жүргiзудiң үлгi ережесiне
4-қосымша
Мемлекеттiк аттестаттау комиссиясы отырысының
(әр бiлiм алушыға толтырылады)
№ ____ХАТТАМАСЫ
20__ж. «___»______________сағ.____ минуттан ____сағ.____минутке дейiн
Қатысқандар: Мемлекеттiк аттестаттау комиссиясының төрағасы ________ ________________________________________________________________________________________________________________________________________________________________________________________________________________________________________________________________________ мамандық немесе пән бойынша мемлекеттiк емтиханды тапсыру туралы_____________________________________________________________________
_____________________________________________________________________
_____________________________________________________________________
_____________________________________________________________________
Емтихан тапсырушы студент ___________________________________________ _____________________________________________________________________
Сұрақтар: (пән блоктары бойынша тестiлеу нәтижелерi)
1._____________________________________________________________________________________________________________________________________________________________________________________________________________2._____________________________________________________________________________________________________________________________________________________________________________________________________________3._____________________________________________________________________________________________________________________________________________________________________________________________________________1. Студент мемлекеттiк емтиханды __________________________ бағасымен тапсырғанын растау __________________________________________________ _____________________________________________________________________
(жiберу рейтингi балдық-рейтингтiк жүйе бойынша)
2.___________________________________________________________________
_____________________________________________________________________
__________________________________________________ екенiн ескеру
3. Мемлекеттiк аттестаттау комиссиясы мүшелерiнiң ерекше пiкiрлерi
_____________________________________________________________________
_____________________________________________________________________
_____________________________________________________________________
_____________________________________________________________________
Төраға ________________________ (қолы)
Комиссия мүшелерi ________________________(қолдары)
мүшелерi ________________________(қолдары)
мүшелерi ________________________(қолдары)
мүшелерi ________________________(қолдары)
Хатшы ________________________(қолы)
Бiлiм алушылардың үлгерiмiн
ағымдық бақылау, аралық және қорытынды
мемлекеттiк аттестаттау
жүргiзудiң үлгi ережесiне
5-қосымша
Мемлекеттiк аттестаттау комиссиясы отырысының
№ ____ХАТТАМАСЫ
20__ж. «___»_____________сағ. ___ минуттан ____сағ. ___минутке дейiн
Студент _____________________________________________________________
(аты-жөнi, тегi)
_____________________________________________________________________
_____________________________________________________________________
_____________________________________________________________________
_________________________________________________________ тақырыбында жазылған дипломдық жұмысының қаралуы бойынша ________________________
_____________________________________________________________________
_____________________________________________________________________
_____________________________________________________________________
_____________________________________________________________________
Қатысқандар:
Төраға ______________________________________________________________
(аты-жөнi, тегi)
Мүшелер _____________________________________________________________
(аты-жөнi, тегi)
_____________________________________________________________________ (аты-жөнi, тегi)
_____________________________________________________________________
(аты-жөнi, тегi)
_____________________________________________________________________
(аты-жөнi, тегi)
Дипломдық жоба (жұмыс) __________________________________кеңесiмен
_____________________________________________________________________
(аты-жөнi, тегi)
_____________________________________________________________________
___________________________________________ басшылығымен орындалды
Мемлекеттiк атестаттау комиссиясында келесi мәлiметтер қаралды:
1. Дипломдық жұмыс (жоба) бойынша есептiк-түсiндiрме хат немесе дипломдық жұмыстың (жобаның) _______________бетте жазылған мәтiнi;
2. Дипломдық жұмысқа (жобаға) арналған_______________ беттегi сызбалар, таблицалар.
3. Дипломдық жобаның (жұмыстың) ғылыми жетекшiсiнiң пiкiрi.
4. Дипломдық жобаға (жұмысқа) пiкiр.
Орындалған жұмысты хабарлағаннан кейiн студентке ___________ мин. iшiнде келесi сұрақтар қойылды:
1.________________________________________________________________
(сұрақ қоюшының аты-жөнi және қойылған сұрағы)
__________________________________________________________________
2.________________________________________________________________
(сұрақ қоюшының аты-жөнi және қойылған сұрағы)
__________________________________________________________________
3.________________________________________________________________
(сұрақ қоюшының аты-жөнi және қойылған сұрағы)
__________________________________________________________________
4.________________________________________________________________
(сұрақ қоюшының аты-жөнi және қойылған сұрағы)
__________________________________________________________________
5.________________________________________________________________
(сұрақ қоюшының аты-жөнi және қойылған сұрағы)
__________________________________________________________________
Студенттiң пiкiр мен қойылған сұрақтарға жауабының жалпы сипаттамасы _____________________________________________________________________
_____________________________________________________________________
_____________________________________________________________________
Дипломдық жұмысты (жобаны) қорғау барысында студент _______________
_______________________________________________________________
_______________________________________________________________
_______________________________________________________________
______________________________________________________ көрсеттi.
Студент дипломдық жұмысты (жобаны) орындап, __________________
бағамен қорғады деп есептеу.
Комиссия мүшелерiнiң ерекше пiкiрлерi _______________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
Төраға ________________________ (қолы)
Комиссия мүшелерi ________________________(қолдары)
мүшелерi ________________________(қолдары)
мүшелерi ________________________(қолдары)
мүшелерi ________________________(қолдары)
Хатшы ________________________(қолы)
Бiлiм алушылардың үлгерiмiн
ағымдық бақылау, аралық және қорытынды
мемлекеттiк аттестаттау жүргiзудiң
үлгi ережесiне 6-қосымша
Мемлекеттiк аттестаттау комиссиясы отырысының
№ ____ХАТТАМАСЫ
20__ж. «___»__________сағ. _____ минуттан ____сағ. ___минутке дейiн
барлық мемлекеттiк емтихандарды тапсырған, дипломдық жұмысты (жобаны) қорғаған студентке бiлiктiлiгi мен (немесе) «Бакалавр» академиялық дәрежесiн беру туралы.
Қатысқандар:
Төраға ___________________________________________________________
(аты-жөнi, тегi)
Мүшелер __________________________________________________________
(аты-жөнi, тегi)
__________________________________________________________________
(аты-жөнi, тегi)
__________________________________________________________________
(аты-жөнi, тегi)
__________________________________________________________________
(аты-жөнi, тегi)
Студент __________________________________________________________
(аты-жөнi, тегi, мамандығы)
__________________________________________________________________
__________________________________________________________________
Мемлекеттiк емтихандарды тапсырды және дипломдық жұмысты (жобаны) келесi бағамен қорғады:______________________________________________
_____________________________________________________________________
_____________________________________________________________________
_____________________________________________________________________
(пән атауы, дипломдық жобаның (жұмыстың) түрi, баға, тапсыру күнi)
_____________________________________________________________________
_____________________________________________________________________
_____________________________________________________________________
_____________________________________________________________________
Мамандық бойынша оқу жоспарындағы барлық мемлекеттiк емтихандар мен бiтiру жұмысын қорғады.
_____________________________________________________________________
_____________________________________________________________________
_________________________________________________________ бiлiктiлiгi мен (немесе) «бакалавр» академиялық дәрежесiн тағайындау
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_______________________________________ екенiн ескеру керек.
Комиссия мүшелерiнiң ерекше пiкiрлерi _______________________________
_____________________________________________________________________
_____________________________________________________________________
_____________________________________________________________________
Диплом беру (ерекше, ерекше емес).
Төраға ________________________ (қолы)
Комиссия мүшелерi _____________________(қолдары)
мүшелерi ________________________(қолдары)
мүшелерi ________________________(қолдары)
мүшелерi ________________________(қолдары)
Хатшы ________________________(қолы)
Бiлiм алушылардың үлгерiмiн
ағымдық бақылау, аралық және қорытынды
мемлекеттiк аттестаттау жүргiзудiң
үлгi ережесiне 7-қосымша
түрi
1-кесте
________жылдың мемлекеттiк емтихан мен дипломдық жұмыс қорғау нәтижелерi
оқу түрi _________________________________________________
мамандық _________________________________________________
ЖОО атауы ________________________________________________

2-кесте
______жылдағы түлектердiң қорытынды аттестаттаудың жалпы нәтижелерi
оқу түрi _______________________________________________
мамандық _______________________________________________
ЖОО атауы ______________________________________________

3-кесте
Күндiзгi және сырттай оқыту түрлерi бойынша мамандар даярлаудың сапалық көрсеткiшiнiң салыстырмалы талдауы

4-кесте
Бiтiрушiлердiң салыстырмалы талдауы

Бiлiм алушылардың үлгерiмiн
ағымдық бақылау, аралық және қорытынды
мемлекеттiк аттестаттау жүргiзудiң
үлгi ережесiне 8-қосымша
түрi
Мемлекеттiк аттестаттау комиссиясының отырысы (әр бiлiм алушыға толтырылады)
№ ____ХАТТАМА
20__ж. «___»_________сағ. ___ минуттан ____сағ. ____минутке дейiнҚатысқандар:
Мемлекеттiк аттестаттау комиссиясының төрағасы ___________________
__________________________________________________________________
(аты-жөнi, тегi)
Комиссия мүшелерi: _______________________________________________
(аты-жөнi, тегi)
__________________________________________________________________
(аты-жөнi, тегi)
__________________________________________________________________
(аты-жөнi, тегi)
__________________________________________________________________
(аты-жөнi, тегi)
________________________________________________ магистратура/
докторантура мамандығы бойынша мемлекеттiк кешендi емтиханды тапсыру туралы ______________________________________________________________
_____________________________________________________________________
_____________________________________________________________________
_____________________________________________________________________
Кешендi емтихан тапсырушы ___________________________________________
(аты-жөнi, тегi, мамандығы)
_____________________________________________________________________
_____________________________________________________________________
_____________________________________________________________________
Сұрақтар: (пән бойынша тест нәтижелерi)
1. __________________________________________________________________
_____________________________________________________________________
____________________________________________________________________
2. __________________________________________________________________
_____________________________________________________________________
_____________________________________________________________________
3. __________________________________________________________________
_____________________________________________________________________
_____________________________________________________________________
1. Бiлiм алушы ______________________________________________________ мемлекеттiк кешендi емтиханды _____________________________ бағасымен (жiберу рейтингi балдық-рейтингтiк жүйе бойынша) тапсырғанын растау
2. Бiлiм алушы ______________________________________________________
_______________________________________________________ екенiн ескеру
3. Мемлекеттiк аттестаттау комиссия мүшелерiнiң ерекше пiкiрлерi ____
_____________________________________________________________________
_____________________________________________________________________
_____________________________________________________________________
_____________________________________________________________________
Төраға ________________________ (қолы)
Комиссия мүшелерi ________________________(қолдары)
мүшелерi ________________________(қолдары)
мүшелерi ________________________(қолдары)
мүшелерi ________________________(қолдары)
Хатшы ________________________(қолы)
Бiлiм алушылардың үлгерiмiн
ағымдық бақылау, аралық және қорытынды
мемлекеттiк аттестаттау жүргiзудiң
үлгi ережесiне 9-қосымша
Мемлекеттiк аттестаттау комиссия отырысының
№_____ХАТТАМАСЫ
20___ж. «__»__________ сағ.____ минуттан ___сағ.___ минутке дейiн
_________________________________________________________________
__________________________________________ тақырыбында жазылған
(аты-жөнi, мамандығы)
магистранттың магистрлiк диссертациясын талқылау бойынша
Қатысқандар:
Төраға _________________________________________________________
(аты-жөнi)
Мүшелер:________________________________________________________
(аты-жөнi)
________________________________________________________________
(аты-жөнi)
________________________________________________________________
(аты-жөнi)
________________________________________________________________
(аты-жөнi)
________________________________________________________________
(аты-жөнi)
Магистрлiк диссертация _________________________________________
(аты-жөнi, ғылыми немесе академиялық дәрежесi)
___________________________________________________________________
___________________________________________________________________
___________________ ғылыми жетекшiлiгiмен
___________________________________________________________________
___________________________________________________________________
___________________________________________________________________
(аты-жөнi, ғылыми немесе академиялық дәрежесi)
___________________________________________________________________
______________________________________ консультациясымен орындалды.
Мемлекеттiк аттестаттау комиссиясына төмендегiдей материалдар ұсынылды:
1) ____________________ бет көлемiндегi магистрлiк диссертация;
2) ____________________ бет дипломдық жұмыстың сызбалары, кестелерi;
3) магистерлiк диссертация ғылыми жетекшiсiнiң пiкiрi _____________
___________________________________________________________________
(«қорғауға жiберiледi» белгiсiн қою)
4) Сараптау кеңесiнiң қорытындысы _________________________________
___________________________________________________________________
(диссертацияны ашық қорғауға ұсынылады немесе ұсынылмайды)
5) ___________________________________ бағасы қойылған магистерлiк
(рецензенттiң бағасы көрсетiледi)
диссертацияның рецензиясы.
6) бейресми пiкiрлер ______________________________________________
Магистрлiк диссертацияның орындалғандығы туралы хабарламадан кейiн ____ минут iшiнде магистрантқа төмендегiдей сұрақтар қойылды:
1._________________________________________________________________
(комиссия мүшесiнiң аты-жөнi және қойылған сұрағы)___________________________________________________________________
2._________________________________________________________________
(комиссия мүшесiнiң аты-жөнi және қойылған сұрағы)
___________________________________________________________________
3._________________________________________________________________
(комиссия мүшесiнiң аты-жөнi және қойылған сұрағы)
___________________________________________________________________
4._________________________________________________________________
(комиссия мүшесiнiң аты-жөнi және қойылған сұрағы)
___________________________________________________________________
5._________________________________________________________________
(комиссия мүшесiнiң аты-жөнi және қойылған сұрағы)
___________________________________________________________________
Магистранттың қойылған сұрақтарға берген жауаптарының жалпы сипаттамасы _______________________________________________________
___________________________________________________________________
___________________________________________________________________
Магистрлiк диссертацияны қорғау барысында магистрант ______________
___________________________________________________________ көрсеттi.
(жалпы теориялық және арнайы дайындығының бiлiм деңгейi қандай)
Магистрант магистрлiк диссертациясын ______________________________
(бiлiмдi бағалаудың балдық-рейтигтiк
_________________________________________________ бағасымен орындады.
әрiптiк қорғағандығын растау жүйесi бойынша бағасы)
Комиссия мүшелерiнiң ерекше пiкiрлерi _____________________________
___________________________________________________________________
___________________________________________________________________
___________________________________________________________________
___________________________________________________________________
___________________________________________________________________
Төраға ________________________ (қолы)
Комиссия мүшелерi ________________________(қолдары)
мүшелерi ________________________(қолдары)
мүшелерi ________________________(қолдары)
мүшелерi ________________________(қолдары)
Хатшы ________________________(қолы)
Бiлiм алушылардың үлгерiмiн
ағымдық бақылау, аралық және қорытынды
мемлекеттiк аттестаттау жүргiзудiң
үлгi ережесiне 10-қосымша
Мемлекеттiк аттестаттау комиссия отырысының
№____ХАТТАМАСЫ
20_____ж. «___»______________ сағ.___ минуттан ___сағ.___минутке дейiн
Кешендi емтихандарды тапсырып, магистрлiк диссертация қорғаған магистрантқа «магистр» академиялық дәреже тағайындау туралы
Қатысқандар:
Төраға ___________________________________________________________
Мүшелер:__________________________________________________________
(аты-жөнi)
__________________________________________________________________
(аты-жөнi)
__________________________________________________________________
(аты-жөнi)
__________________________________________________________________
(аты-жөнi)
Магистрант _______________________________________________________
(аты-жөнi, мамандығы)
__________________________________________________________________
(кешендi емтихан, магистрлiк диссертация, баллды-рейтингтiк әрiптiк
__________________________________________________________________
бiлiм бағалау жүйесi бойынша, тапсыру мерзiмi)
_________________________________________________ бағада кешендi емтихан тапсырып, магистрлiк диссертация қорғады7
Магистрант кешендi емтихан тапсырды және магистрлiк диссертация қорғады деп есептеу.
Магистрант ________________________________________________________
(аты-жөнi)
_______________________________________________ мамандығы бойынша
(мамандық атауы мен коды)
_________________________________________________________________________________ «магистр» академиялық дәреже тағайындалсын.
Комиссия мүшелерiнiң ерекше пiкiрлерi _______________________________
_____________________________________________________________________
_____________________________________________________________________
_____________________________________________________________________
_____________________________________________________________________
_________________________________________________________
Жоғары оқу орнынан кейiнгi бiлiм туралы диплом берiлсiн
Төраға ________________________ (қолы)
Комиссия мүшелерi _____________________(қолдары)
мүшелерi ________________________(қолдары)
мүшелерi ________________________(қолдары)
мүшелерi ________________________(қолдары)
Хатшы ________________________(қолы)
_______________________________
iӘр оқу түрiне бөлек толтырылады.
Бiлiм алушылардың үлгерiмiн
ағымдық бақылау, аралық және
қорытынды мемлекеттiк аттестаттау
жүргiзудiң үлгi ережесiне
11-қосымша
№ 1 Кесте
Кешендi емтиханның тапсыру қорытындысы __________________ жыл
ЖОО атауы ____________________________________
мамандығы ____________________________________

№ 2 Кесте
Диссертацианың қорғаудың _____________________ қорытындысы
(магистерлық/докторлық)
__________________ жылға
ЖОО атауы ___________________________
мамандығы ___________________________

№ 3 Кесте
Бiтiрушiлердiң қорытынды аттестацияларының бағалары
________ жылға
ЖОО атауы __________________________________________
мамандығы __________________________________________

№ 4 Кесте
Салыстырмалы анализ шығарылымы