Қазақстан Республикасының Денсаулық сақтау министрiнiң м.а. 2010 жылғы 23 шiлдедегi N 533 Бұйрығы. Қазақстан Республикасы Әдiлет министрлiгiнде 2010 жылғы 24 тамызда Нормативтiк құқықтық кесiмдердi мемлекеттiк тiркеудiң тiзiлiмiне N 6430 болып енгiзiлдi.
"Денсаулық сақтау объектiлерiне қойылатын санитариялық-эпидемиологиялық талаптар" санитариялық ережесiн бекiту туралы

«Халық денсаулығы және денсаулық сақтау жүйесi туралы» Қазақстан Республикасының 2009 жылғы 18 қыркүйектегi Кодексiнiң 7-бабының 1-тармағының 5) тармақшасына, 145-бабының 1), 2), 3), 13), 14), 22), 26), 28) тармақшаларына сәйкес БҰЙЫРАМЫН:
1. Қоса берiлiп отырған «Денсаулық сақтау объектiлерiне қойылатын санитариялық-эпидемиологиялық талаптар» санитариялық ережесi бекiтiлсiн.
2. Қазақстан Республикасы Денсаулық сақтау министрлiгiнiң Мемлекеттiк санитарлық-эпидемиологиялық қадағалау комитетi (К.С. Оспанов) осы бұйрықты заңнамада белгiленген тәртiппен Қазақстан Республикасы Әдiлет министрлiгiнде мемлекеттiк тiркеудi қамтамасыз етсiн.
3. Қазақстан Республикасы Денсаулық сақтау министрлiгiнiң Әкiмшiлiк-құқықтық жұмыс департаментi (Ф.Б. Бисмильдин) осы бұйрық мемлекеттiк тiркелгеннен кейiн оны заңнамада белгiленген тәртiппен ресми жариялауды қамтамасыз етсiн.
4. Мыналардың:
1) «Медициналық қалдықтарды жинауға, зарасыздандыруға, сақтауға, тасымалдауға және көмуге қойылатын санитарлық-эпидемиологиялық талаптар» санитарлық-эпидемиологиялық ережесi мен нормаларын бекiту туралы» Қазақстан Республикасының Денсаулық сақтау министрi мiндетiн атқарушының 2008 жылғы 23 маусымдағы № 362 бұйрығының (Нормативтiк құқықтық актiлердi мемлекеттiк тiркеу тiзiлiмiнде № 5264 болып тiркелген, «Заң» газетi» газетiнде 2008 жылғы 1 тамызда № 116 (1342) жарияланған);
2) «Эпидемиология және гигиена жөнiндегi санитарлық-эпидемиологиялық ереже мен нормаларды бекiту туралы» Қазақстан Республикасының Денсаулық сақтау министрiнiң 2004 жылғы 18 тамыздағы № 629 бұйрығының (Нормативтiк құқықтық актiлердi мемлекеттiк тiркеу тiзiлiмiнде № 3076 болып тiркелген, «Заң газетi» газетiнде 2005 жылғы 20 қазанда, № 130 (754) жарияланған);
3) «Эпидемиология және гигиена жөнiндегi санитарлық-эпидемиологиялық ережелер мен нормаларды бекiту туралы» Қазақстан Республикасының Денсаулық сақтау министрi мiндетiн атқарушының 2004 жылғы 18 тамыздың № 629 бұйрығына толықтырулар енгiзу туралы» Қазақстан Республикасының Денсаулық сақтау министрiнiң 2007 жылғы 26 қаңтардағы № 41 бұйрығының (Қазақстан Республикасының Нормативтiк құқықтық актiлердi мемлекеттiк тiркеу тiзiлiмiнде № 4547 болып тiркелген, «Заң газетi» газетiнде 2007 жылы 7 наурызда № 35(1064) жарияланған);
4) «Эпидемиология және тағам гигиенасы санитарлық-эпидемиологиялық ереже мен нормаларды бекiту туралы» Қазақстан Республикасының Денсаулық сақтау министрi мiндетiн атқарушының 2004 жылғы 18 тамыздағы № 630 бұйрығының (Нормативтiк құқықтық актiлердi мемлекеттiк тiркеу тiзiлiмiнде № 3075 болыптiркелген, Қазақстан Республикасының орталық атқарушы және өзге де мемлекеттiк органдарының Нормативтiк құқықтық актiлер бюллетенiнде 2005 жылы, № 19, 180-құжат жарияланған);
5) «Эпидемиология және тағам гигиенасы санитарлық-эпидемиологиялық ереже мен нормаларды бекiту туралы» Қазақстан Республикасы Денсаулық сақтау министрiнiң мiндетiн атқарушының 2004 жылғы 18 тамыздағы № 630 бұйрығына толықтырулар мен өзгерiстер енгiзу туралы» Қазақстан Республикасының Денсаулық сақтау министрiнiң 2008 жылғы 30 мамырдағы № 314 бұйрығының (Нормативтiк құқықтық актiлердi мемлекеттiк тiркеу тiзiлiмiнде № 5257 болып тiркелген, «Заң газетi» газетiнде 2008 жылы 31 шiлдеде, № 115 (1341) жарияланған);
6) «Ауруханалық, ана мен бала денсаулығын қорғау ұйымдарының құрылымына және оларды пайдалану барысына қойылатын талаптар» санитарлық ережелерi мен нормаларын бекiту туралы» Қазақстан Республикасының Бас мемлекеттiк санитарлық дәрiгерiнiң 2002 жылғы 24 маусымдағы № 23 бұйрығының (Нормативтiк құқықтық актiлердi мемлекеттiк тiркеу тiзiлiмiнде № 1913 болып тiркелген, Қазақстан Республикасының орталық атқарушы және өзге де мемлекеттiк органдарының Нормативтiк құқықтық актiлер бюллетенiнде 2002 жылы, № 33, 770-құжат жарияланған) күшi жойылды деп танылсын.
5. Осы бұйрықтың орындалуын бақылауды өзiме қалдырамын.
6. Осы бұйрық алғаш ресми жарияланған күнiнен кейiн он күнтiзбелiк күн өткен соң қолданысқа енгiзiледi.