| Приказы | |
 |
|
|
«Қазақстан Республикасындағы мемлекеттiк бақылау және қадағалау туралы» Қазақстан Республикасы 2011 жылғы 6 қаңтардағы Заңының 13-бабы 3-тармағына сәйкес БҰЙЫРАМЫЗ: Қазақстан Республикасының Қазақстан Республикасының Қазақстан Республикасы Жеке кәсiпкерлiк саласындағы тарихи-мәдени мұра объектiлерiн қорғау және пайдалануға арналған тәуекелдер дәрежесiн бағалау критерийлерi 1. Тарихи-мәдени мұра объектiлерiн қорғау және пайдалануға арналған тәуекелдер дәрежесiн бағалау критерийлерi (бұдан әрi - критерийлер) «Қазақстан Республикасындағы мемлекеттiк бақылау және қадағалау туралы» Қазақстан Республикасының 2011 жылғы 6 қаңтардағы Заңының 13-бабын және «Тарихи-мәдени мұра объектiлерiн қорғау және пайдалану туралы» Қазақстан Республикасының Заңын орындау мақсатында халықаралық және республикалық маңызы бар тарих және мәдениет ескерткiштерiн (бұдан әрi - тарих және мәдениет ескерткiштерi) пайдалануды және күтiп ұстау тәртiбiне тексеру жүргiзу үшiн әзiрлендi.2. Осы критерийлерде мынандай ұғымдар қолданылады: 1) тәуекел - салдарының ауырлық дәрежесi ескерiле отырып, тарих және мәдениет ескерткiштерiне жеке және заңды тұлғалардың зиян келтiру ықтималдығы; 2) тарих және мәдениет ескерткiштерi - тарих және мәдениет ескерткiштерiнiң мемлекеттiк тiзiмiне енгiзiлген, халықтың өткен тарихымен, қоғам мен мемлекеттiң дамуымен байланысты, адам жасаған немесе адам мен табиғаттың бiрлескен туындысы болып табылатын жекелеген кесендер, ғимараттар, құрылыстар мен ансамбльдер, тарихи-мәдени ландшафттар және басқа да көрiктi жерлер. 3) Бақылау субъектiлерi - жеке кәсiпкерлiк саласындағы тарих және мәдениет ескерткiштерiн пайдаланушы жеке және заңды тұлғалар. 3. Тәуекел дәрежесiне байланысты бақылау субъектiлерi жоғары, орташа немесе төменгi тәуекел топтарына жатқызылады. 4. Бастапқыда барлық бақылау субъектiлерi төменгi тәуекел дәрежесiндегi топқа жатқызылады. 5. Бұдан әрi критерийлер бойынша жинаған баллдарды есепке ала отырып, тексеруден өткен бақылау субъектiлерi тексерулер нәтижелерi бойынша тиiстi тәуекел топтарына қайта бөлiнедi: 1) тәуекел дәрежесiнiң төменгi тобына тексеру нәтижесi бойынша 1-ден 4-ке дейiн балл жинаған бақылау субъектiлерi жатады; 2) тәуекел дәрежесiнiң орташа тобына тексеру нәтижесi бойынша 5-тен 20-ға дейiн балл жинаған бақылау субъектiлерi жатады; 3) тәуекел дәрежесiнiң жоғарғы тобына тексеру нәтижесi бойынша 20 және одан да жоғары балл жинаған бақылау субъектiлерi жатады. 6. Тәуекел деңгейлерiн бағалау критерийлерi мыналар болып табылады: тарих және мәдениет ескерткiшiнде қорғау тақтасының болмауы - 1 балл; мемлекеттiк органның тарих және мәдениет ескерткiштерiн пайдалануға беру туралы шешiмiнiң болмауы - 1 балл; тарих және мәдениет ескерткiштерiне қорғау мiндеттемесiнiң болмауы - 1 балл; тарих және мәдениет ескерткiштерiнiң паспортының болмауы - 1 балл; тарих және мәдениет объектiлерiнiң қорғау аймақтарының, құрылыс салуды реттеу және қорғалатын табиғи ландшафт аймақтарының болмауы - 5 балл; тарих және мәдениет ескерткiшiнiң айналасындағы қорғау аймағы қорғау белгiлерiмен немесе олардың шекара сызықтары бойынша жыртылған жермен немесе қоршаулармен, не бұталар отырғызу арқылы белгiлердiң болмауы - 5 балл; тарих және мәдениет ескерткiштерде ғылыми-қалпына келтiру жұмыстарын жүргiзудi уәкiлеттi мемлекеттiк органмен келiсуiнiң болмауы - 5 балл; тарихи-мәдени мұра объектiсiнiң қорғау аймақтарында ескерткiштiң сақталуына, оның тарихи-мәдени қабылдануына терiс әсерiн тигiзетiн жұмыстар жүргiзiлмеуi - 5 балл; тарих және мәдениет ескерткiшiнiң құрылыс салуды реттеу аумағындағы құрылыс сипатын реттеу шараларының қабылданбауы (құрылыс салудың ауқымдылығы, қабаты, тығыздығы және функционалдық қызметi) - 20 балл; тарих және мәдениет ескерткiштерiнiң сақталуына қауiп төндiретiн жобалау, iздестiру, құрылыс, мелиорация, жол жөндеу, өндiрiстiк, сондай-ақ, басқа да жұмыс түрлерiн жүргiзуге жол бермеу шараларының қабылданбауы - 20 балл; тарих және мәдениет ескерткiшiнiң тарихи, сәулеттiк-көркемдiк келбетiн жоюға болатын өзгеруден, бұрмалаудан, тағылық актiлерiнен, зақым келуден, өңiн айналдырудан, орынсыз өзгерiстер енгiзуден, тарихи түпмәтiннен үзiп тастаудан, зақымдаудан, жалған дәрiптеуден, бұрмалаудан, ескеркiштiң өзiн немесе оның бөлшектерiн Қазақстан Республикасынан тыс жерлерге әкетуден қорғау қамтамасыз етiлмеуi - 20 балл; Жеке және заңды тұлғалардың тарих және мәдениет ескерткiшiнде тиiстi лицензиясыз ғылыми-қалпына келтiру жұмыстарын жүргiзу - 20 балл. 7. Жиналған баллдардың неғұрлым көп сомасы төмендегi тәуекел тобының iшiндегi бақылау субъектiлерiн басымды iрiктеудiң негiзi болып табылады. |
