Приказы | |
![]() |
"Аэронавигацияның реттелiп көрсетiлетiн қызметтерiне (тауарларына, жұмыстарына) технологиялық жағынан байланысты қызмет түрлерiнiң тiзбесiн бекiту туралы" Қазақстан Республикасы Көлiк және коммуникация министрiнiң 2006 жылғы 20 маусымдағы № 146 және Қазақстан Республикасы Табиғи монополияларды реттеу агенттiгi төрағасының 2006 жылғы 20 маусымдағы № 161-НҚ бiрлескен бұйрығына өзгерiстер енгiзу туралы «Табиғи монополиялар және реттелетiн нарықтар туралы» Қазақстан Республикасы 1998 жылғы 9 шiлдедегi Заңының 13-бабы 1-тармағының 1)-тармақшасына сәйкес БҰЙЫРАМЫЗ: 1. «Аэронавигацияның реттелiп көрсетiлетiн қызметтерiне (тауарларына, жұмыстарына) технологиялық жағынан байланысты қызмет түрлерiнiң тiзбесiн бекiту туралы» Қазақстан Республикасы Көлiк және коммуникация министрiнiң 2006 жылғы 20 маусымдағы № 146 және Қазақстан Республикасы Табиғи монополияларды реттеу агенттiгi төрағасының 2006 жылғы 20 маусымдағы № 161-НҚ бiрлескен бұйрығына (нормативтiк құқықтық актiлерiн мемлекеттiк тiркеу тiзiлiмiнде № 4282 нөмiрмен тiркелген, «Заң газетiнде» 2006 жылғы 19 шiлдеде № 132 (1112) нөмiрiнде жарияланған) мынадай өзгерiстер енгiзiлсiн: көрсетiлген бұйрықпен бекiтiлген Аэронавигацияның реттелiп көрсетiлетiн қызметтерiмен (тауарларымен, жұмыстарымен) технологиялық байланыстағы қызмет түрлерiнiң тiзбесiне: 1 және 2-тармақтар мынадай редакцияда жазылсын: «1. Халықаралық ұшуды жүзеге асыратын әуе кеңестiгiнде әуе кемелерiне аэронавигациялық қызмет көрсету. 2. Халықаралық ұшуды жүзеге асыратын әуеайлақ маңындағы әуе кемелерiне аэронавигациялық қызмет көрсету.». 2. Қазақстан Республикасы Табиғи монополияларды реттеу агенттiгiнiң Темiр жол көлiгi, азаматтық авиация және порттар саласындағы реттеу департаментi (Г.Қ.Ыбыраева) Қазақстан Республикасының заңнамасында белгiленген тәртiппен осы бұйрықты Қазақстан Республикасы Әдiлет министрлiгiне мемлекеттiк тiркеу үшiн ұсынуды қамтамасыз етсiн. 3. Қазақстан Республикасы Табиғи монополияларды реттеу агенттiгiнiң Әкiмшiлiк жұмысы департаментi (Р.Е.Сүлейменова) осы бұйрықты Қазақстан Республикасы Әдiлет министрлiгiнде мемлекеттiк тiркегеннен кейiн: 1) оны бұқаралық ақпарат құралдарында заңнамада белгiленген тәртiппен жариялауды қамтамасыз етiп, жарияланғаны туралы мәлiметтердi кейiннен Заң департаментiне (М.Ш.Мукушева) табыс етсiн; 2) оны Қазақстан Республикасы Табиғи монополияларды реттеу агенттiгiнiң құрылымдық бөлiмшелерi мен аумақтық органдарының және «Казаэронавигация» Республикалық мемлекеттiк кәсiпорнының назарына жеткiзсiн. 4. Осы бұйрықтың орындалуын бақылау Қазақстан Республикасы Табиғи монополияларды реттеу агенттiгi төрағасының орынбасары Қ.М.Смағұловқа және Қазақстан Республикасының Көлiк және коммуникация вице-министрi А.Ғ.Бектұровқа жүктелсiн. 5. Осы бұйрық алғаш ресми жарияланған күнiнен кейiн он күнтiзбелiк күн өткен соң қолданысқа енгiзiледi. Қазақстан Республикасы Қазақстан Республикасының Табиғи монополияларды реттеу Көлiк және коммуникация агенттiгiнiң төрағасы министрi __________ Н.Алдабергенов __________ Б. Камалиев КЕЛIСIЛГЕН Қазақстан Республикасының Байланыс және ақпарат министрi ____________ А. Жұмағалиев 2011 ж. 8 қараша |