Қазақстан Республикасы Премьер-Министрінің Өкімі 1999 жылғы 4 наурыз N 27-ө
Кейбір акционерлік қоғамдардың мәселелері
Қазақстан Республикасы Президентінің "Акционерлік қоғамдардың жекелеген мәселелері" туралы 1999 жылғы 18 ақпандағы N 8 қаулысын іске асыру, сондай-ақ кейбір акционерлік қоғамдарды басқаруға байланысты бірқатар мәселелерді реттеу мақсатында: 1. Қазақстан Республикасы Қаржы министрлігінің Мемлекеттік мүлік және жекешелендіру департаменті (А.М.Шоқпытов) заңдарда белгіленген тәртіппен: 1) үш күндік мерзім ішінде Қазақстан Республикасының Үкіметіне келісу үшін мемлекеттің 100 проценттік қатысуымен мына: "Қазатомөнеркәсіп" ұлттық акционерлік компаниясы; "Эйр Қазақстан"; "Электр желілерін басқару жөніндегі қазақстандық компания"; "Қазақойл" ұлттық мұнай-газ компаниясы"; "Азық-түлік келісім-шарт корпорациясы; "Қазтеңізкөлікфлот" ұлттық теңіз кеме жүзу компаниясы"; "НСБК-топ" ұлттық инвестициялық қаржы акционерлік компаниясы" акционерлік қоғамдарының директорлар кеңесін сайлау туралы қажетті шешімдер мен басқарма төрағаларының (президенттерінің) кандидатуралары бойынша ұсынымдардың жобасын енгізсін; 2) үш күндік мерзім ішінде Қазақстан Республикасының Үкіметіне келісу үшін "ҚазТрансОйл" акционерлік қоғамына қатысты осындай шешімдердің жобаларын енгізсін; 3) жоғарыда көрсетілген акционерлік қоғамдардың директорлар кеңесін сайлағаннан кейін олардың мынадай рәсімдерді: оларды сайлауды Қазақстан Республикасының "Акционерлік қоғамдар туралы" Заңына сәйкес келтіру мақсатында тиісті акционерлік қоғамдар басқармаларының төрағаларын (президенттерін) сайлауды (қайта сайлауды); тиісті акционерлік қоғамдар басқармаларының төрағаларымен (президенттерімен) келісім-шарттар жасасуды жүргізуін қамтамасыз етсін; 3) мемлекеттің қатысу үлесі бар акционерлік қоғамдардың жарғыларына: жарғыларды Қазақстан Республикасының "Акционерлік қоғамдар туралы" Заңына сәйкес келтіру мақсатында өзгерістер; өз құзыретінің шегінде акционерлік қоғамдар басқармаларының төрағаларымен (президенттерімен) міндетті келісім-шарттар жасасуды көздейтін толықтырулар енгізуді қамтамасыз етсін; 4) акционерлік қоғамдар басқармаларының төрағаларымен (президенттерімен) жасалатын Үлгі келісім-шарттың жобасын Қазақстан Республикасы Үкіметінің келісуіне енгізсін; 5) осы өкімнен туындайтын өзге де шараларды қолдансын. 2. Осы өкімнің орындалуын бақылау Қазақстан Республикасы Премьер- Министрінің Кеңсесіне жүктелсін.
