Қазақстан Республикасы Президентiнiң 2011 жылғы 24 қарашадағы № 181 Жарлығы

"Сарыарқа" арнайы экономикалық аймағын құру туралы

Қазақстан Республикасының Президентi
мен Үкiметi актiлерiнiң жинағында
жариялануға тиiс

«Қазақстан Республикасындағы арнайы экономикалық аймақтар туралы» 2011 жылғы 21 шiлдедегi Қазақстан Республикасы Заңының 7-бабының 8-тармағына сәйкес ҚАУЛЫ ЕТЕМIН:
1. 2036 жылғы 1 желтоқсанға дейiнгi кезеңге «Сарыарқа» арнайы экономикалық аймағы (бұдан әрi - АЭА) құрылсын.
2. Қоса берiлiп отырған:
1) АЭА туралы ереже;
2) АЭА-ның жұмыс iстеуiнiң нысаналы индикаторлары және нысаналы индикаторларға қол жеткiзбеудiң дағдарысты деңгейi бекiтiлсiн.
3. Қазақстан Республикасының Үкiметi:
1) осы Жарлықтан туындайтын тиiстi нормативтiк құқықтық актiлер қабылдауды;
2) осы Жарлықты iске асыру жөнiндегi өзге де шаралар қабылдауды қамтамасыз етсiн.
4. Осы Жарлықтың орындалауын бақылау Қазақстан Республикасы Президентiнiң Әкiмшiлiгiне жүктелсiн.
5. Осы Жарлық қол қойылған күнiнен бастап қолданысқа енгiзiледi.