Жоба Қазақстан Республикасының Үкiметi мен Кувейт Мемлекетiнiң Үкiметi арасындағы Табысқа салынатын салықтарға қатысты қосарланған салық салуды болдырмау және салық салудан жалтаруға жол бермеу туралы келiсiм
Қазақстан Республикасы Үкiметiнiң 2009 жылғы 11 қыркүйектегi N 1356 қаулысымен мақұлданған

Қазақстан Республикасы
Үкiметiнiң
2009 жылғы 11 қыркүйектегi
N 1356 қаулысымен
мақұлданған

Жоба

Қазақстан Республикасының Үкiметi мен Кувейт Мемлекетiнiң
Үкiметi арасындағы Табысқа салынатын салықтарға қатысты
қосарланған салық салуды болдырмау және салық салудан жалтаруға
жол бермеу туралы келiсiм

Қазақстан Республикасының Үкiметi мен Кувейт Мемлекетiнiң Үкiметi өз араларында Табысқа салынатын салықтарға қатысты қосарланған салық салуды болдырмау және салық салудан жалтаруға жол бермеу туралы келiсiм жасасу жолымен өзара экономикалық қатынастарды дамытуға ниет бiлдiре отырып,
төмендегiлер туралы келiстi:

1 бап
Келiсiм қолданылатын тұлғалар

Осы Келiсiм Уағдаласушы мемлекеттердiң бiрiнiң немесе екеуiнiң де резиденттерi болып табылатын тұлғаларға қолданылады.

2-бап
Келiсiм қолданылатын салықтар

1. Осы Келiсiм оларды алу әдiсiне қарамастан, Уағдаласушы мемлекеттiң немесе оның саяси бөлiмшелерiнiң, орталық немесе жергiлiктi билiк органдарының атынан алынатын табысқа салынатын салықтарға қолданылады.
2. Жылжымалы немесе жылжымайтын мүлiктi иелiктен айырудан алынған табыстарға салынатын салықтарды, кәсiпорындар төлейтiн қызметақының немесе жалақының жалпы сомасынан алынатын салықтарды, сондай-ақ капитал құнының өсiмiне салынатын салықтарды қоса алғанда, табыстың жалпы сомасынан немесе табыстың жеке элементтерiнен алынатын барлық салықтың түрлерi табысқа салынатын салықтар болып есептеледi.
3. Мыналар осы Келiсiм қолданылатын қазiргi салықтар, болып табылады:
а) Қазақстан Республикасы жағдайында:
i) корпорациялық табыс салығы;
ii) жеке табыс салығы;
(бұдан әрi "Қазақстан салықтары" деп аталатын); және
b) Кувейт Мемлекетi жағдайында:
i) корпорациялық табыс салығы;
ii) Кувейт Ғылымды Дамыту Қорына (КҒДҚ) төленетiн, Кувейттiк компаниялардың акцияларын ұстаушылардың таза пайдасынан алынатын салық
iii) Зекет;
iv) қызметшiнi материалдық қамтамасыз ету ұлттық заңнамасына сәйкес алынатын салық
(бұдан әрi "Кувейт салықтары" деп аталатын).
4. Уағдаласушы мемлекеттiң заңнамасына сәйкес Келiсiм күшiне енген күннен кейiн қолданыстағы салықтарға қосымша немесе олардың орнына алынатын кез келген бiрдей немесе мәнi бойынша ұқсас салықтарға да осы Келiсiм қолданылады. Уағдаласушы мемлекеттердiң құзыреттi органдары өздерiнiң тиiстi салық заңнамаларындағы кез келген елеулi өзгерiстер туралы бiр-бiрiн хабардар едi.

3-бап
Жалпы анықтамалар

1. Егер түпмәтiннен өзгеше туындамаса, осы Келiсiмнiң мақсаттары үшiн:
а) "Уағдаласушы мемлекет" және "екiншi Уағдаласушы мемлекет" терминдер түпмәтiнге байланысты Қазақстанды немесе Кувейттi бiлдiредi;
b) "Қазақстан" деген термин Қазақстан Республикасын бiлдiредi және географиялық мағынасында қолданған кезде "Қазақстан" деген термин оның ұлттық заңнамасына және ол қатысушысы болып табылатын халықаралық шарттарға сәйкес Қазақстан Республикасының мемлекеттiк аумағын және Қазақстан өзiнiң егемендiк құқықтары мен заңды құзырын жүзеге асыра алатын аймақтарды қамтиды;
с) "Кувейт" деген термин Кувейт заңнамасының негiзiнде Кувейт өзiнiң егемендiк құқықтарын немесе заңды құзырын жүзеге асыра алатын аймақ ретiнде болған немесе кейiннен солай есептелетiн халықаралық заңнамаға сәйкес аумақтық сулардан тыс кез келген аймақтарды қоса алғанда, Кувейт Мемлекетiнiң аумағын бiлдiредi;
d) "тұлға" деген термин кез келген жеке тұлғаны немесе компанияны және тұлғалардың кез келген басқа бiрлестiгiн қамтиды;
е) "ұлттық тұлға" деген термин мыналарды бiлдiредi:
i) Уағдаласушы мемлекеттiң азаматтығын алған кез келген жеке тұлғаны;
ii) өз мәртебесiн Уағдаласушы мемлекеттiң қолданыстағы заңнамасының негiзiнде алған кез келген заңды тұлға, әрiптестiк немесе қауымдастық
f) "компания" деген термин салық салу мақсаттары үшiн корпорациялық бiрлестiк ретiнде қарастырылатын кез келген корпорациялық құрылымды немесе кез келген экономикалық бiрлiктi бiлдiредi;
g) "Уағдаласушы мемлекеттiң кәсiпорны" және "екiншi Уағдаласушы мемлекеттiң кәсiпорны" деген терминдер тиiсiнше Уағдаласушы мемлекеттiң резидентi басқаратын кәсiпорынды және екiншi Уағдаласушы мемлекеттiң резидентi басқаратын кәсiпорынды бiлдiредi;
h) "халықаралық тасымал" деген термин теңiз немесе әуе кемесi екiншi Уағдаласушы мемлекеттегi пункттер арасында ғана пайдаланылатын жағдайлардан басқа, Уағдаласушы мемлекеттiң кәсiпорны пайдаланатын теңiз немесе әуе кемесiмен кез келген тасымалды бiлдiредi;
i) "салық" деген термин түпмәтiн қазақстандық немесе кувейттiк салықты бiлдiредi;
j) "құзыреттi орган" деген термин мыналарды бiлдiредi:
i) Қазақстан жағдайында: Қаржы министрлiгiн немесе оның уәкiлеттi өкiлiн;
ii) Кувейт жағдайында министрiн немесе Қаржы министрiнiң уәкiлеттi өкiлiн;
k) "кәсiпкерлiк қызмет" деген термин кәсiптiк қызметтердi және тәуелсiз сипаттағы басқа қызметтi орындауды қамтиды;
l) "кәсiпорын" деген термин кез келген кәсiпкерлiк қызмет түрiн жүзеге асыру кезiнде қолданылады.
2. Уағдаласушы мемлекет Келiсiмдi кез келген уақытта қолданған кезде егер түпмәтiннен өзгеше туындамаса, онда айқындалмаған кез келген термин осы Келiсiм қолданылатын салықтарға қатысты осы Уағдаласушы мемлекеттiң заңнамасы бойынша сол кезде ие болған мағынаны иеленетiн болады. Осы Уағдаласушы мемлекеттiң қолданылатын салық заңнамасы бойынша кез келген мағына осы Уағдаласушы мемлекеттiң басқа заңдары бойынша терминге берiлетiн мағынадан басым болады.

4-бап
Резидент

1. Осы Келiсiмнiң мақсаттары үшiн "Уағдаласушы мемлекеттiң резидентi" деген термин мынаны бiлдiредi:
а) Қазақстан жағдайында: осы Мемлекеттiң заңнамасы бойынша оның тұрғылықты жерi, азаматтығы, басқару орны немесе ұқсас сипаттағы кез келген басқа өлшем негiзiнде онда салық салынуға жататын кез келген тұлғаны бiлдiредi. Алайда бұл термин осы мемлекетте орналасқан көздерден алынатын табысқа қатысты ғана осы мемлекетте салық салынуға жататын кез келген тұлғаны қамтымайды.
b) Кувейт жағдайында: Кувейтте тұрғылықты жерi бар және Кувейттiң ұлттық тұлғасы болып табылатын жеке тұлғаны және Кувейтте құрылған компанияны бiлдiредi.
2. 1-тармақтың мақсаттары үшiн Уағдаласушы мемлекеттiң резидентi мынаны қамтиды:
а) осы Уағдаласушы мемлекеттiң Үкiметi және демек, кез келген саяси бөлiмшелер, орталық немесе жергiлiктi билiк органдары;
b) корпорация, Орталық (Ұлттық) банк, қор, билiк органы, мекеме, агенттiк немесе басқа осындай құрылымдар сияқты мемлекеттiк (жария) заң бойынша осы Уағдаласушы мемлекетте құрылған кез келген үкiметтiк институттар;
с) осы Уағдаласушы мемлекеттiң Үкiметi немесе оның кез келген саяси бөлiмшесi, орталық немесе жергiлiктi билiк органдары немесе үшiншi мемлекет осындай органдарымен бiрлесiп, b) тармақшасында анықталған кез келген үкiметтiк институт осы Уағдаласушы мемлекетте құрған кез келген экономикалық бiрлiк.
3. Егер 1-тармақтың ережелерiне сәйкес жеке тұлға Уағдаласушы мемлекеттердiң екеуiнiң де резидентi болып табылса, онда оның мәртебесi мынадай түрде айқындалады:
а) ол өзiнiң иелiгiндегi тұрақты баспанасы орналасқан Уағдаласушы мемлекеттiң ғана резидентi болып есептеледi. Егер оның иелiгiнде Уағдаласушы мемлекеттердiң екеуiнде де тұрақты баспанасы болса, ол неғұрлым тығыз жеке және экономикалық қатынастары (өмiрлiк мүдделер орталығы) бар Уағдаласушы мемлекеттiң ғана резидентi болып саналады;
b) егер оның өмiрлiк мүдделер орталығы бар Уағдаласушы мемлекеттi айқындау мүмкiн болмаса немесе егер Уағдаласушы мемлекеттердiң ешқайсысында өзiнiң иелiгiндегi тұрақты баспанасы болмаса, онда ол өзi әдетте тұрып жатқан Уағдаласушы мемлекеттiң ғана резидентi болып саналады;
с) егер ол әдетте Уағдаласушы мемлекеттердiң екеуiнде де тұратын болса немесе олардың бiреуiнде де тұрмаса, онда ол азаматы болып табылатын Уағдаласушы мемлекеттiң резидентi болып есептеледi;
d) егер оның мәртебесi а)-с) тармақшаларының ережелерiне сәйкес айқындау болмаса, онда Уағдаласушы мемлекеттердiң құзыреттi органдары осы мәселенi өзара келiсiм бойынша шешедi.
4. Егер 1-тармақтың ережелерiне сәйкес жеке тұлғадан өзге тұлға Уағдаласушы мемлекеттердiң екеуiнiң де резидентi болып табылса, ол өзiнiң тиiмдi басқару орны орналасқан мемлекеттiң ғана резидентi болып есептеледi.

5-бап
Тұрақты мекеме

1. Осы Келiсiмнiң мақсаттары үшiн "тұрақты мекеме" деген термин кәсiпорынның кәсiпкерлiк қызметi толық немесе iшiнара жүзеге асырылатын тұрақты қызмет орнын бiлдiредi.
2. "Тұрақты мекеме" деген терминi, атап айтқанда, мыналарды:
а) басқару орнын;
b) бөлiмшенi;
с) кеңсенi;
d) фабриканы;
е) шеберхананы;
f) шахтаны, мұнай немесе газ ұңғымасын, карьердi, кенiштi, құрылысты немесе табиғи ресурстарды өндiруге немесе барлауға қатысты кез келген басқа орынды, сондай-ақ осы жұмыстардың орындалуын қадағалауға байланысты қызметтердi қамтиды.
3. Құрылыс алаңы конструкция немесе монтаждау құрастыру объектiсi немесе Уағдаласушы мемлекетте жүзеге асырылатын осы жұмыстардың орындалуын қадағалауға байланысты қызметтер, егер осындай алаң, объект немесе қызмет 3 (үш) айдан астам кезең iшiнде жұмыс iстеп тұрған болса ғана тұрақты мекеменi құрайды.
4. Уағдаласушы мемлекет кәсiпорнының екiншi Уағдаласушы мемлекетте осындай мақсаттар үшiн кәсiпорын жалдаған қызметшiлер немесе басқа персонал арқылы консультациялық немесе басқару қызметтерiн қоса алғанда, қызметтер көрсетуi, егер осындай сипаттағы (осындай немесе онымен байланысты жоба үшiн) қызмет ел iшiнде кез келген он екi айлық кезең шегiнде 3 айдан артық кезеңге немесе кезеңдерге жалғасатын болса ғана тұрақты мекеменi құрайды.
5. Уағдаласушы мемлекеттiң кәсiпорны, егер негiзгi техникалық немесе ғылыми жабдық немесе машина жабдығы кез келген он екi айлық кезеңде алты айдан артық пайдаланылса немесе осы екiншi Уағдаласушы мемлекетте кәсiпорынмен жасасқан келiсiм-шартқа сәйкес орнатылса екiншi Уағдаласушы мемлекетте тұрақты мекемесi бар деп есептеледi.
6. Осы баптың алдыңғы ережелерiне қарамастан, "тұрақты мекеме" деген термин мыналарды:
а) құрылыстарды тек кәсiпорынға тиесiлi тауарларды немесе бұйымдарды сақтау, көрсету немесе жеткiзу мақсаттары үшiн пайдалануды;
b) кәсiпорынға тиесiлi тауарлар немесе бұйымдар қорын тек сақтау, көрсету немесе жеткiзу мақсаттары үшiн ұстауды;
с) кәсiпорынға тиесiлi тауарлар немесе бұйымдар қорын тек басқа кәсiпорынның өңдеу мақсаттары үшiн ұстауды;
d) тұрақты қызмет орнын тек тауарлар немесе бұйымдар сатып алу мақсаттары үшiн немесе кәсiпорынға арналған ақпарат жинау үшiн ұстауды;
е) тұрақты кәсiпкерлiк қызмет орнын тек кәсiпорын үшiн дайындық немесе көмекшi сипаттағы кез келген басқа қызметтi жүзеге асыру мақсаттары үшiн ұстауды;
f) осындай амал нәтижесiнде туындайтын тұрақты кәсiпкерлiк қызметтiң орнының жиынтық қызметi дайындық немесе көмекшi сипатта болады деген шартпен тұрақты кәсiпкерлiк қызмет орнын а) тармақшасынан бастап е) тармақшасын қоса алғанда санамаланған қызмет түрлерiнiң кез келген амалын жүзеге асыру үшiн ұстауды қамтитын ретiнде қарастырылмайды.
7. 1 және 2-тармақтардың ережелерiне қарамастан, егер оған 8-тармақ қолданылатын тәуелсiз мәртебесi бар агенттен өзге тұлға Уағдаласушы мемлекетте екiншi Уағдаласушы мемлекет кәсiпорнының атынан әрекет етсе, егер ол:
а) алғашқы Уағдаласушы мемлекетте кәсiпорынның атынан, егер тек осындай кәсiпорынның қызметi 6-тармақта айтылған қызмет түрлерiмен шектелмесе, келiсiм-шарттар жасасуға өкiлеттi болса және оны әдетте пайдаланса, олар тұрақты қызмет орны арқылы жүзеге асырылса да, кәсiпкерлiк қызметтiң сол тұрақты орынға осы тармақтың ережелерiне сәйкес тұрақты мекемеге айналдырылмаса;
b) осындай өкiлеттiгi болмаса, бiрақ әдетте алғашқы айтылған мемлекетте одан ол тұрақты негiзде тауарлардың немесе бұйымдардың қорын ұстаса, тауарларды немесе бұйымдарды кәсiпорынның атынан үшiншi тарапқа жеткiзедi;
с) әдетте тапсырыстарды алғашқы айтылған Уағдаласушы мемлекетте кәсiпорынның өзi үшiн немесе осындай кәсiпорын және өздерi бақылайтын немесе оны бақылайтын басқа да кәсiпорындар үшiн ғана немесе сол сияқты сақтайтын;
d) осындай қызметтi орындай отырып, ол кәсiпорын үшiн осы Уағдаласушы мемлекетте кәсiпорынға тиесiлi тауарлар мен бұйымдарды шығарса немесе өңдесе және сатса, онда бұл кәсiпорын осы тұлға кәсiпорын үшiн қолданатын кез келген қызметке қатысты алғашқы айтылған Уағдаласушы мемлекетте тұрақты мекемесi бар ретiнде қаралатын болады.
8. Уағдаласушы мемлекеттiң кәсiпорны кәсiпкерлiк қызметiн осы басқа Уағдаласушы мемлекетте делдал, комиссионер немесе тәуелсiз мәртебесi бар кез келген басқа агент арқылы жүзеге асырғаны үшiн ғана, осындай тұлғалар өздерiнiң әдеттегi қызметi шеңберiнде әрекет жасаған жағдайда, осы басқа Уағдаласушы мемлекетте тұрақты мекемесi бар ретiнде қарастырылмайды. Алайда, егер осындай агенттiң қызметi осы кәсiпорынның және өздерi бақылайтын немесе оның мүддесiн бақылайтын басқа кәсiпорындардың атынан толығымен немесе шамамен толықтай жүзеге асырылатын болса, ол осы тармақтың мағынасында тәуелсiз мәртебесi бар агент ретiнде қаралмайды.
9. Уағдаласушы мемлекеттiң резидентi болып табылатын компанияның екiншi Уағдаласушы мемлекеттiң резидентi болып табылатын компанияны бақылауы немесе оның бақылауында болуы немесе осы екiншi Уағдаласушы мемлекетте кәсiпкерлiк қызметтi жүзеге асыруы (не тұрақты мекеме арқылы не басқаша түрде) фактiсiнiң өзi-ақ осы компаниялардың бiрiн екiншiсiнiң тұрақты мекемесiне айналдырылмайды.

6-бап
Жылжымайтын мүлiктен алынатын табыс

1. Уағдаласушы мемлекет резидентiнiң екiншi Уағдаласушы мемлекетте орналасқан жылжымайтын мүлiктен алатын табысына (ауыл шаруашылығынан немесе орман шаруашылығынан алынатын табысты қоса алғанда) осы екiншi Уағдаласушы мемлекетте салық салынуы мүмкiн.
2. "Жылжымайтын мүлiк" терминi қаралып отырған мүлiк орналасқан Уағдаласушы мемлекеттiң заңнамасы бойынша айқындалатын мағынаға ие. Бұл термин кез келген жағдайда жылжымайтын мүлiкке қатысты қосалқы мүлiктi, ауыл және орман шаруашылығында пайдаланылатын мал мен жабдықты, жер меншiгiне қатысты ортақ құқық ережелерi қолданылатын құқықтарды, жылжымайтын мүлiк узуфруктын және минералдық ресурстарды, көздердi және басқа табиғи ресурстарды игеру немесе игеру құқығы үшiн берiлетiн өтемақы ретiндегi өзгермелi немесе тiркелген төлемдерге құқықтарды қамтиды. Теңiз және әуе кемелерi жылжымайтын мүлiк ретiнде қаралмайды.
3. 1-тармақтың ережелерi жылжымайтын мүлiктi тiкелей пайдаланудан, жалға беруден немесе кез келген басқа нысанда пайдаланудан алынған табысқа қолданылады.
4. 1 және 3-тармақтардың ережелерi кәсiпорынның жылжымайтын мүлкiнен алынатын табысқа қолданылады.

7-бап
Кәсiпкерлiк қызметтен алынатын пайда

1. Егер тек Уағдаласушы мемлекеттiң кәсiпорны екiншi Уағдаласушы мемлекетте сонда орналасқан тұрақты мекеме арқылы кәсiпкерлiк қызметтi жүзеге асырмаса, кәсiпорынның пайдасына тек осы Уағдаласушы мемлекетте ғана салық салынады. Егер кәсiпорын кәсiпкерлiк қызметтi жоғарыда айтылғандай жүзеге асырса, онда кәсiпорынның пайдасына екiншi Уағдаласушы мемлекетте, бiрақ мыналарға:
а) осындай тұрақты мекемеге;
b) осы екiншi мемлекетте тұрақты мекеме арқылы сатылатын тауарлар немесе бұйымдар секiлдi немесе соларға ұқсас тауарларды немесе бұйымдарды сатуға; немесе
с) өзiнiң сипаты жағынан осындай тұрақты мекеме арқылы жүзеге асырылатын кәсiпкерлiк қызметке сәйкес келетiн немесе соған ұқсас осы екiншi мемлекетте жүзеге асырылатын басқа кәсiпкерлiк қызметке жататын бөлiгiнде ғана осы екiншi Уағдаласушы мемлекетте салық салынуы мүмкiн.
2. 3-тармақтың ережелерiн ескере отырып, егер Уағдаласушы мемлекеттiң кәсiпорны екiншi Уағдаласушы мемлекетте сонда орналасқан тұрақты мекеме арқылы кәсiпкерлiк қызметтi жүзеге асырса, онда әрбiр Уағдаласушы мемлекетте осы тұрақты мекемеге, егер ол оқшау және дербес кәсiпорын болып, осындай немесе ұқсас жағдайларда дәл осындай немесе ұқсас қызметпен айналысып әрi өзi тұрақты мекемесi болып табылатын кәсiпорыннан толық тәуелсiз әрекет жасағанда алуы мүмкiн пайда жатқызылады.
3. Тұрақты мекеменiң пайдасын анықтау кезiнде, басқару және жалпы әкiмшiлiк шығыстарды қоса алғанда, олардың тұрақты мекеме орналасқан Уағдаласушы мемлекетте немесе басқа жерде жұмсалғанына қарамастан, тұрақты мекеменiң мақсаттары үшiн жұмсалған шығыстарды шегерiп тастауға жол берiледi. Алайда, егер мұндайлар болса тұрақты мекеме оның кәсiпорынның бас офисiне немесе оның кез келген басқа офистерiне роялти, қаламақы немесе патенттердi немесе басқа құқықтарды пайдаланғаны үшiн ұқсас төлемдер түрiнде немесе ерекше қызметтер көрсеткенi үшiн немесе басқарғаны үшiн комиссиялық төлемдер түрiнде немесе банктердi қоспағанда, тұрақты мекемеге берiлген қарыз сомасы проценттер түрiнде төленетiн сомаларға, (нақты шығыстарды өтеуден өзге) қатысты шегерiмге жол берiлмейдi. Осылайша тұрақты мекеменiң пайдасы роялти, қаламақы және патенттердi немесе басқа құқықтарды пайдаланғаны үшiн басқа төлемдер түрiнде; көрсетiлген ерекше қызметтер үшiн немесе басқарғаны үшiн комиссиялық алымдар түрiнде; немесе банктердi қоспағанда, кәсiпорынның бас офисiне немесе оның кез келген басқа бөлiмшесiне берiлген қарыз сомасына проценттер түрiнде кәсiпорынның бас офисiнен немесе оның кез келген басқа бөлiмшесiнен тұрақты мекеме алған сомаларды (нақты шығыстарды өтеуден өзге) қамтымауы тиiс.
4. Тұрақты мекеменiң кәсiпорын үшiн тауарлар немесе бұйымдар сатып алуының негiзiнде ғана осы тұрақты мекемеге қандай да болмасын пайда есептелмейдi.
5. Егер әдетте Уағдаласушы мемлекетте тұрақты мекемеге қатысты пайда кәсiпорынның жалпы пайдасын оның әртүрлi бөлiктерiне тепе-тең бөлу негiзiнде айқындалып жүрген болса, 2-тармақтағы ешнәрсе Уағдаласушы мемлекетке салық салынатын пайданы әдетте қолданылып жүрген осындай тепе-тең бөлу арқылы айқындауға кедергi келтiрмеуге тиiс; алайда тепе-тең бөлудiң қабылданған әдiсi осы Бапта қамтылған принциптерге сай келетiн нәтиже беруi тиiс.
6. Егер Уағдаласушы мемлекеттiң құзыреттi органы үшiн қол жетiмдi болып табылатын ақпарат тұлғаның тұрақты мекемесiне қатысты пайданы анықтау үшiн жеткiлiксiз болса, осы баптағы ештеңе осы тұрақты мекеменiң пайдасын осы Уағдаласушы мемлекеттiң құзыреттi органының бағалауы арқылы салық төлеу бойынша осы тұрақты мекеменiң салықтық берешегiн анықтауға қатысты осы Уағдаласушы мемлекеттiң қандай да болмасын заңын немесе нормативтiк актiсiн қолдануға тыйым салмайды.
7. Осы баптың алдыңғы тармақтарының мақсаты үшiн тұрақты мекемеге жататын пайда, егер мұндай тәртiптi өзгерту үшiн жеткiлiктi және нақты себептер болмаса жыл сайын бiрдей тәсiлмен айқындалады.
8. Егер пайда осы Келiсiмнiң басқа баптарында жеке айтылатын табыстардың түрлерiн қамтыса, онда бұл баптардың ережелерi осы баптың ережелерiн қозғамайды.
9. Осы Келiсiмде ештеңе Уағдаласушы мемлекетке осы мемлекеттегi тұрақты мекемеге жататын компанияның пайдасына арнайы салық, кез келген салыққа қосымша салық салынатын жылдары осындай қосымша салық салуға ұшырамаған осындай пайда сомасының 5 пайызынан аспайтындай етiлiп есептелген жағдайда осы мемлекеттiң ұлттық тұлғасы болып табылатын компанияның пайдасына есептелетiн салыққа қосымша салық салуға кедергi түрiнде түсiндiрiле алмайды. Осы тармақтың мақсаттары үшiн пайда тұрақты мекеме орналасқан Уағдаласушы мемлекетте өндiрiп алынатын осы тармақта ескерiлген қосымша салықтан басқа одан басқа салықтарды шегергеннен кейiн анықталады.

8-бап
Теңiз және әуе көлiгi

1. Уағдаласушы мемлекеттiң кәсiпорнының теңiз немесе әуе кемелерiн халықаралық тасымалдауда пайдаланудан алатын пайдасына тек осы Уағдаласушы мемлекетте ғана салық салынады.
2. Осы баптың мақсаттары үшiн халықаралық тасымалдарда теңiз немесе әуе кемелерiн пайдаланудан алынатын пайда мыналарды қамтиды:
а) теңiз немесе әуе кемелерiн экипажсыз жалға беруден түсетiн пайда;
b) тауарларды немесе бұйымдарды тасымалдау үшiн пайдаланылатын контейнерлердi тасымалдауға арналған трейлердi, iлеспе жабдықты қоса алғанда, контейнерлердi пайдаланудан, ұстаудан немесе жалға беруден түсетiн пайда; мұнда осындай жалдау немесе осындай пайдалану, ұстау немесе жалға беру жағдайға байланысты халықаралық тасымалдарда теңiз немесе әуе кемесiн пайдалануға қатысты қосалқы болып табылады.
3. 1-тармақтың ережелерi сондай-ақ көлiк құралдарын пайдалану жөнiндегi бiрлескен кәсiпорында немесе халықаралық ұйымда пулға қатысудан алынатын пайдаға қолданылады.

9-бап
Қауымдасқан кәсiпорындар

1. Егер
а) Уағдаласушы мемлекеттiң кәсiпорны екiншi Уағдаласушы мемлекеттiң кәсiпорнын басқаруға, бақылауға немесе оның капиталына тiкелей немесе жанама түрде қатысса, немесе
b) дәл сол тұлғалар Уағдаласушы мемлекеттiң кәсiпорнын және екiншi Уағдаласушы мемлекеттiң кәсiпорнын басқаруға, бақылауға немесе олардың капиталына тiкелей немесе жанама түрде қатысса,
және кез келген жағдайда екi кәсiпорынның арасында олардың коммерциялық немесе қаржылық өзара қатынастарында тәуелсiз екi кәсiпорынның арасында орын алуы мүмкiн жағдайлардан өзгеше жағдайлар жасалса немесе орнықса, онда кәсiпорындардың бiрiне есептелуi мүмкiн, бiрақ осы жағдайлардың орын алуына байланысты оған есептелмеген кез келген пайда осы кәсiпорынның пайдасына қосылуы және оған тиiсiнше салық салынуы мүмкiн.
2. Егер Уағдаласушы мемлекет осы Уағдаласушы мемлекет кәсiпорнын пайдаға қосса әрi тиiсiнше, екiншi Уағдаласушы мемлекет кәсiпорнының осы екiншi Уағдаласушы мемлекетте салық салынатын пайданы және осылай қосылған пайда алғашқы аталған Уағдаласушы мемлекеттiң кәсiпорнына есептелуi мүмкiн пайда болып табылса, егер екi кәсiпорынның арасындағы өзара қатынастар тәуелсiз кәсiпорындардың арасындағы қатынастардай болса, онда осы екiншi Уағдаласушы мемлекет осы пайдадан алынатын салық сомасына тиiстi түзету жасайды. Осындай түзетудi айқындау кезiнде осы Келiсiмнiң басқа да ережелерi ескерiлуi тиiс және Уағдаласушы мемлекеттердiң құзыреттi органдары қажет болған кезде бiр-бiрiмен консультация жүргiзiп отыруға тиiс.

10-бап
Дивидендтер

1. Уағдаласушы мемлекеттiң резидентi болып табылатын компанияның осындай дивиденттердiң iс жүзiндегi иесi болып табылатын екiншi Уағдаласушы мемлекеттiң резидентiне төлейтiн дивидендтерiне осы екiншi мемлекетте салық салынуы мүмкiн.
2. Алайда мұндай дивидендтерге резидентi дивидендтер төлейтiн компания болып табылатын Уағдаласушы мемлекетте осы Уағдаласушы мемлекеттiң заңнамасына сәйкес салық салынуы мүмкiн, бiрақ егер дивидендтердiң iс жүзiндегi иесi екiншi Уағдаласушы мемлекеттiң резидентi болса, онда осындай жолмен алынатын салық:
а) егер iс жүзiндегi иесi екiншi Уағдаласушы мемлекеттiң Үкiметi немесе кез келген үкiметтiк институт немесе 4-баптың 2-тармағында айтылғандай кез келген экономикалық бiрлiк болып табылса, дивидендтердiң жалпы сомасының 0 процентiнен;
b) егер iс жүзiндегi иесi дивидендтердi төлейтiн компания капиталының кемiнде 5 пайызына тiкелей иелiк ететiн компания болса, дивидендтердiң жалпы сомасының 5 процентiнен;
с) егер iс жүзiндегi дивидендтердiң иесi жеке тұлға болып табылса дивидендтердiң жалпы сомасының 5 процентiнен аспауы тиiс.
Осы тармақтың ережелерi дивидендтер төленетiн пайдаға қатысты компанияға салық салуды қарастырмайды.
3. "Дивидендтер" терминiн осы бапта пайдаланған кезде акциялардан, "жуиссанс" акцияларынан немесе "жуиссанс" құқықтарынан, өңдеу кәсiпорындарының акцияларынан, құрылтайшылық акциялардан немесе борыштық талаптар болып табылмайтын басқа құқықтардан алынатын табысты, пайдаға қатысудан алынатын табысты, сондай-ақ пайданы бөлушi компания резидентi болып табылатын Уағдаласушы мемлекеттiң заңнамасына сәйкес акциялардан алынатын табыс секiлдi дәл сондай салықтық реттеуге жататын басқа да корпоративтiк құқықтардан алынатын табысты бiлдiредi.
4. Егер Уағдаласушы мемлекеттiң резидентi болып табылатын, дивидендтердiң iс жүзiндегi иесi дивидендтердi төлейтiн компания резидентi болып отырған екiншi Уағдаласушы мемлекетте орналасқан тұрақты мекеме арқылы онда кәсiпкерлiк қызметтi жүзеге асырса және төленiп жүрген дивидендтерге қатысты холдинг шын мәнiнде осындай тұрақты мекемемен байланысты болса, 1 және 2-тармақтың ережелерi қолданылмайды. Мұндай жағдайда 7-баптың ережелерi қолданылады.
5. Егер Уағдаласушы мемлекеттiң резидентi болып табылатын компания екiншi Уағдаласушы мемлекеттен пайда немесе табыс алатын болса, осы екiншi Уағдаласушы мемлекет, мұндай дивидендтер осы екiншi Уағдаласушы мемлекеттiң резидентiне төленетiн немесе өзiне қатысты дивидендтер төленетiн холдинг осы екiншi Уағдаласушы мемлекетте орналасқан тұрақты мекемемен шын мәнiнде байланысты болатын жағдайды қоспағанда, компания төлейтiн дивидендтердi салықтан босата алады, егер тiптi төленетiн дивидендтер немесе бөлiнбеген пайда осы екiншi Уағдаласушы мемлекетте пайда болған табыстан толығымен немесе iшiнара құралса да, компанияның бөлiнбеген пайдасына салық салынбайды.

11-бап
Проценттер

1. Уағдаласушы мемлекетте пайда болатын және iс жүзiндегi иесi болып табылатын екiншi Уағдаласушы мемлекеттiң резидентiне төленетiн осындай пайыздарға осы екiншi Уағдаласушы мемлекетте салық салынуы мүмкiн.
2. Алайда, мұндай пайыздарға сол сияқты компания пайыздар төлейтiн және осы Уағдаласушы мемлекеттiң заңнамасына сәйкес резидент болып табылатын Уағдаласушы мемлекетте салық салынуы мүмкiн, бiрақ, егер алушы пайыздардың нақты иесi бола тұра, екiншi Уағдаласушы мемлекеттiң резидентi болып табылса, онда осылайша алынатын салық:
а) егер iс жүзiндегi иесi екiншi Уағдаласушы мемлекеттiң Үкiметi немесе кез келген үкiметтiк институт немесе 4-баптың 2-тармағында айтылғандай кез келген экономикалық бiрлiк болып табылса, дивидендтердiң жалпы сомасының 0 процентiнен;
b) барлық қалған жағдайларда проценттердiң жалпы сомасының 10 процентiнен аспауы тиiс.
3. "Проценттер" терминi осы бапта пайдаланылған кезде кепiлмен қамтамасыз етiлген немесе қамтамасыз етiлмеген және борышкерлердiң пайдасына қатысу құқығын беретiн немесе бермейтiн кез келген түрдегi борыштық талаптардан алынатын табысты және атап айтқанда, мемлекеттiк бағалы қағаздардан алынатын табысты (Қазақстан жағдайында), үкiметтiк бағалы қағаздардан алынатын табысты (Кувейт жағдайында) және осы бағалы қағаздар, табыс туындайтын Уағдаласушы мемлекеттiң салық заңнамасына сәйкес қарыз сомасынан түсетiн табыс сияқты осындай салық салуға жататын кiрiстi қоса алғанда, облигациялар және борыштық мiндеттемелер бойынша төленетiн сыйлықтар мен ұтыстарды қоса алғанда, облигациялардан немесе борыштық мiндеттемелерден алынатын табысты бiлдiредi. Уақтылы төленбеген төлемдер үшiн айыппұлдар осы баптың мақсаты үшiн проценттер ретiнде қарастырылмайды.
4. Егер Уағдаласушы мемлекеттiң резидентi болып табылатын проценттердiң iс жүзiндегi иесi проценттер пайда болатын екiншi Уағдаласушы мемлекетте сонда орналасқан тұрақты мекеме арқылы кәсiпкерлiк қызметтi жүзеге асырса және өзiне қатысты пайыздар төленетiн борыштық талабы шын мәнiнде осындай тұрақты мекемеге қатысты болса, 1, 2 және 3-тармақтардың ережелерi қолданылмайды. Мұндай жағдайда 7-баптың ережелерi қолданылады.
5. Егер төлеушi осы Уағдаласушы мемлекеттiң резидентi болып табылса, проценттер Уағдаласушы мемлекетте пайда болады деп есептеледi. Егер, алайда, проценттердi төлеушi тұлға Уағдаласушы мемлекеттiң резидентi болып табыла ма, жоқ па осыған қарамастан, Уағдаласушы мемлекетте проценттер төленетiн берешек пайда болған тұрақты мекемесi болса және осындай проценттердi осындай тұрақты мекеме төлейтiн болса, онда мұндай проценттер осындай тұрақты мекеме орналасқан Уағдаласушы мемлекетте пайда болады деп есептеледi.
6. Егер пайыздар төлеушi мен оның нақты иесi арасындағы немесе сол екеуi мен қандай да болсын басқа бiр тұлғаның арасындағы арнайы қатынастардың себебiнен оның негiзiнде төленетiн борыштық талапқа қатысты пайыздардың сомасы пайыздар төлеушi мен олардың нақты иесi арасында осындай қатынастар болмаған кезде келiсiле алатындай сомадан асып кетсе, осы баптың ережелерi тек соңғы аталған сомаға ғана қолданылады. Мұндай жағдайда төлемнiң басы артық бөлiгiне осы Келiсiмнiң басқа ережелерiн ескере отырып, әрбiр Уағдаласушы мемлекеттiң заңнамасына сәйкес салық салынуға жатады.

12-бап
Роялти

1. Уағдаласушы мемлекетте пайда болатын және екiншi Уағдаласушы мемлекеттiң резидентiне төленетiн роялтиге осы екiншi Уағдаласушы мемлекетте салық салынуы мүмкiн.
2. Алайда, мұндай роялтиге, сондай-ақ ол пайда болатын Уағдаласушы мемлекетте және осы Уағдаласушы мемлекеттiң заңнамасына сәйкес салық салынуы мүмкiн, бiрақ, егер роялтидiң нақты иесi екiншi Уағдаласушы мемлекеттiң резидентi болып табылса, онда осындай тәсiлмен алынатын салық роялтидiң жалпы сомасының 10 проценттер аспауға тиiс.
3. "Роялти" терминi осы бапта пайдаланылған кезде бағдарламалық қамтамасыз етудi, кинематографиялық фильмдердi қоса алғанда, әдебиет, өнер немесе ғылым шығармаларына, кез келген патентке, сауда таңбасына, дизайнға немесе модельге, жоспарға, құпия формулаға немесе процеске, кез келген авторлық құқықты пайдаланғаны үшiн немесе осындай құқықты пайдалануға бергенi үшiн немесе өнеркәсiптiк, коммерциялық немесе ғылыми жабдықтарды пайдаланғаны немесе пайдалану құқығын бергенi үшiн немесе өнеркәсiптiк, коммерциялық немесе ғылыми тәжiрибеге қатысты ақпараттар үшiн сыйақы ретiнде алынған төлемдердiң кез келген түрiн бiлдiредi.
4. Уағдаласушы мемлекеттiң резидентi болып табылатын роялтидiң нақты иесi роялти пайда болған екiншi Уағдаласушы мемлекетте сонда орналасқан тұрақты мекеме арқылы кәсiпкерлiк қызметтi жүзеге асырса және роялти өздерiне қатысты төленетiн құқық немесе мүлiк шын мәнiнде осындай тұрақты мекемемен байланысты болса, осы баптың 1 және 2-тармақтарының ережелерi қолданылмайды. Мұндай жағдайда 7-баптың ережелерi қолданылады.
5. Егер төлеушi осы Уағдаласушы мемлекеттiң резидентi болып табылса, роялти Уағдаласушы мемлекетте пайда болды деп есептеледi. Егер, алайда, роялти төлеушi тұлға Уағдаласушы мемлекеттiң резидентi болып табыла ма, жоқ па, оған қарамастан Уағдаласушы мемлекетте оған байланысты роялти төлеу мiндеттемесi пайда болған тұрақты мекемесi болса және мұндай роялти осы тұрақты мекемеге байланысты болса, онда мұндай роялти тұрақты мекеме орналасқан Уағдаласушы мемлекетте пайда болды деп есептеледi.
6. Егер роялти төлеушi мен оның нақты иесi арасында немесе сол екеуi мен қандай да болсын басқа бiр тұлғаның арасында ерекше қатынастар болу салдары негiзiнде төленетiн пайдалануға, құқыққа немесе ақпаратқа қатысты роялтидiң сомасы мұндай қатынастар болмаған кезде роялти төлеушi мен оның нақты иесi арасында келiсуге болатындай сомадан асып кетсе, онда осы баптың ережелерi тек соңғы айтылған сомаға ғана қолданылады. Мұндай жағдайда төлемнiң басы артық бөлiгiне осы Келiсiмнiң басқа ережелерiн тиiстi түрде ескере отырып, әрбiр Уағдаласушы мемлекеттiң заңнамасына сәйкес салық салынады.

13-бап
Мүлiк құнының өсiмiнен алынатын табыс

1. Уағдаласушы мемлекеттiң резидентi осы Келiсiмнiң 6-бабында анықталған және екiншi Уағдаласушы мемлекетте орналасқан жылжымайтын мүлiктi иелiктен шығарудан алатын табыстарға осы екiншi Уағдаласушы мемлекетте салық салынуы мүмкiн.
2. Уағдаласушы мемлекеттiң кәсiпорны екiншi Уағдаласушы мемлекетте иеленiп отырған тұрақты мекеменiң кәсiпкерлiк мүлкiнiң бiр бөлiгiн құрайтын жылжымалы мүлiктi иелiктен шығарудан алынған табыстарға мұндай тұрақты мекеменi (жеке немесе бүкiл кәсiпорынмен қоса) иелiктен шығарудан алынған табыстарды қоса алғанда, осы екiншi Уағдаласушы мемлекетте салық салынуы мүмкiн.
3. Халықаралық тасымалдарда пайдаланатын теңiз немесе әуе кемелерiн немесе мұндай теңiз немесе әуе кемелерiн пайдалануға байланысты жылжымалы мүлiктi иелiктен шығарудан алынған табыстарға тек осы Уағдаласушы мемлекетте ғана салық салынады.
4. Уағдаласушы мемлекеттiң резидентi екiншi Уағдаласушы мемлекетте орналасқан жылжымайтын мүлiктiң өз құнының 50 процентiнен астамын тiкелей немесе жанама түрде алатын компания акцияларын иелiктен шығарудан алған табыстарға осы екiншi Уағдаласушы мемлекетте салық салынуы мүмкiн. Алайда осы тармақ акцияларды иелiктен шығарудан келетiн пайдаға қолданылмайды:
а) Уағдаласушы мемлекеттердiң арасында келiсiлуi мүмкiн осындай қор биржаларында белгiленетiн; немесе
b) компанияларды қайта ұйымдастыру, қосу жүйесiнде иелiктен шығарылған немесе айырбасталған, шартты "ыдырату" немесе осындай операциялар; немесе
с) ол өзiнiң кәсiпкерлiк қызметiн орындайтын жылжымайтын мүлiктен түсетiн активтiң оның құнынан 50 проценттен астамын алатын компанияда.
5. 1, 2, 3 және 4-тармақтарда айтылғаннан өзге кез келген мүлiктi иелiктен шығарудан алынатын табыстарға мүлiктi иелiктен шығарушы тұлға резидентi болып табылатын Уағдаласушы мемлекетте ғана салық салынады.

14-бап
Тәуелдi жеке қызметтер

1. 15, 17, 18-баптардың ережелерiн ескере отырып, Уағдаласушы мемлекеттiң резидентi жалданып iстеген жұмысына байланысты алған еңбекақыға, жалақыға және басқа да осындай сыйақыға, егер тек жалданып жұмыс iстеу екiншi Уағдаласушы мемлекетте орындалмаса, осы мемлекетте ғана салық салынады. Егер жалданып iстейтiн жұмыс осылайша орындалса, онда осыған байланысты алынған сыйақыға осы екiншi Уағдаласушы мемлекетте салық салынуы мүмкiн.
2. 1-тармақтың ережелерiне қарамастан, екiншi Уағдаласушы мемлекетте орындалатын жалданып жұмыс iстеуге байланысты Уағдаласушы мемлекеттiң резидентi алған сыйақыға, егер барлық төмендегi шарттар орындалса:
а) резидент тиiстi салық жылы басталатын немесе аяқталатын кез келген он екi айлық кезеңде жалпы алғанда 183 күннен аспайтын кезең немесе кезеңдер бойы осы екiншi Уағдаласушы мемлекетте болса;
b) сыйақыны екiншi Уағдаласушы мемлекеттiң резидентi болып табылмайтын жалдаушы төлесе немесе жалдаушының атынан төленсе; және
с) сыйақы төлеу жөнiндегi шығыстарды жалға алушының екiншi Уағдаласушы мемлекеттегi тұрақты мекемесi көтермесе, тек алғашқы айтылған Уағдаласушы мемлекетте салық салынады.
3. Осы баптың алдыңғы ережелерiне қарамастан, халықаралық тасымалдарда Уағдаласушы мемлекеттiң кәсiпорны пайдаланатын теңiз немесе әуе кемесiнiң бортында орындалатын жалданып iстейтiн жұмысқа қатысты алынған сыйақыға Уағдаласушы мемлекетте ғана салық салынуы мүмкiн.
4. Уағдаласушы мемлекеттiң ұлттық әуе агенттiгiнiң бас офисiнде тағайындалған персонал екiншi Уағдаласушы мемлекетте олардың сыйақыларынан өндiрiп алынатын салықтардан осы екiншi Уағдаласушы мемлекетте босатылатын болады.

15-бап
Директорлардың қаламақылары

Екiншi Уағдаласушы мемлекеттiң резидентi болып табылатын компанияның директорлар кеңесiнiң немесе оған ұқсас органның мүшесi ретiнде Уағдаласушы мемлекеттiң резидентi алған директорлардың қаламақыларына және басқа да осыған ұқсас төлемдерге осы алғашқы Уағдаласушы мемлекетте ғана салық салынуы мүмкiн.

16-бап
Артистер мен спортшылар

1. 7 және 14-баптардың ережелерiне қарамастан, Уағдаласушы мемлекеттiң резидентi театр, кино, радио немесе телевидение артисi немесе сазгер ретiнде немесе спортшы ретiнде екiншi Уағдаласушы мемлекетте жүзеге асыратын өзiнiң жеке қызметiнен алған табысына осы екiншi Уағдаласушы мемлекетте салық салынуы мүмкiн.
2. Егер өнер қызметкерi немесе спортшы осы өзiнiң сипатында жүзеге асыратын жеке қызметiнен алынатын табыс артистiң немесе спортшының өзiне емес, басқа тұлғаға есептелсе, онда бұл табысқа 7 және 14-баптардың ережелерiне қарамастан, өнер қызметкерiнiң немесе спортшының қызметi жүзеге асырылатын Уағдаласушы мемлекетте салық салынуы мүмкiн.
3. Уағдаласушы мемлекеттiң резидентi болып табылатын өнер қызметкерiнiң немесе спортшының екiншi Уағдаласушы мемлекетте жүзеге асыратын жеке қызметiнен алынатын табысқа, егер оның осы екiншi Уағдаласушы мемлекетке келуi елеулi түрде кез келген оның саяси бөлiмшелерiн, орталық, жергiлiктi билiк органдарын немесе мемлекеттiк органдарды қоса алғанда, алғашқы айтылған Уағдаласушы мемлекеттiң қоғамдық қорлары немесе коммерциялық емес ұйымдары қолдамаса, 1 және 2-тармақтар қолданылмайды.

17-бап
Зейнетақылар және аннуитеттер

1. 18-баптың 2-тармағының ережелерiне сәйкес бұрын жүзеге асырған жұмысы үшiн Уағдаласушы мемлекеттiң резидентi болып табылатын жеке тұлғаға төленетiн зейнетақылар мен басқа да осыған ұқсас төлемдерге және аннуитеттерге осы Уағдаласушы мемлекетте ғана салық салынады.
2. Осы баптың мақсаттары үшiн:
а) "зейнетақылар және басқа да осындай төлемдер" терминi зейнетке шыққаннан кейiн жалдау бойынша жұмысы үшiн өтеу түрiнде жүзеге асырылатын мерзiмдi төлемдердi немесе бұрын жалдау бойынша жұмысына байланысты алған жарақаты үшiн өтемақы түрiндегi төлемдердi бiлдiредi;
b) "аннуитеттер" терминi осындай төлемдердi ақшалай немесе құндық мәнде баламалы және толық өтеудi жүзеге асыру мiндеттемесiне сәйкес жеке тұлғаға өмiр бойы немесе белгiлi бiр немесе белгiленетiн уақыт кезеңi бойы белгiленген мерзiмде жүйелi түрде төленiп тұратын белгiленген соманы бiлдiредi.

18-бап
Мемлекеттiк қызмет

1. а) Жеке тұлғаға Уағдаласушы мемлекет немесе оның саяси бөлiмшелерi, орталық немесе жергiлiктi билiк органдары осы Уағдаласушы мемлекет немесе оның саяси бөлiмшелерi, орталық немесе жергiлiктi билiк органдары үшiн жүзеге асырған қызметi үшiн төлейтiн еңбекақыға, жалақыға және зейнетақыдан басқа осыған ұқсас сыйақыға осы Уағдаласушы мемлекетте ғана салық салынады;
b) Алайда, мұндай қызметақыға, жалақыға және өзге осыған ұқсас сыйақыға, егер қызмет осы Уағдаласушы мемлекетте жүзеге асырылса және осы мемлекеттiң резидентi болып табылатын жеке тұлға:
i) осы Уағдаласушы мемлекеттiң азаматы болып табылса;
ii) қызметтi жүзеге асыру мақсатында ғана осы Уағдаласушы мемлекеттiң резидентi болмаса, тек екiншi Уағдаласушы мемлекетте ғана салық салынады.
2. а) Уағдаласушы мемлекет немесе оның саяси бөлiмшелерi, орталық немесе жергiлiктi билiк органдары немесе олар құрған қорлар, жеке тұлғаға осы Уағдаласушы мемлекет немесе оның саяси бөлiмшелерi, орталық немесе жергiлiктi билiк органдары үшiн жүзеге асырған қызметтерiне төлейтiн кез келген зейнетақыға осы Уағдаласушы мемлекетте ғана салық салынады.
b) алайда, мұндай зейнетақыға егер жеке тұлға осы Уағдаласушы мемлекеттiң резидентi және азаматы болып табылса, тек екiншi Уағдаласушы мемлекетте ғана салық салынады.
3. 14, 15, 16 және 17-баптардың ережелерi Уағдаласушы мемлекет немесе оның саяси бөлiмшелерi, орталық немесе жергiлiктi билiк органдары жүзеге асыратын кәсiпкерлiк қызметке байланысты қызметке қатысты еңбекақыға, жалақыға және басқа да осыған ұқсас сыйақылар мен зейнетақыларға қолданылады.

19-бап
Оқытушылар және ғылыми қызметкерлер

Уағдаласушы мемлекетке сапарының алдында Уағдаласушы мемлекеттiң резидентi болып табылған немесе болған және алғашқы айтылған Уағдаласушы мемлекеттiң Үкiметiнiң немесе университеттiң, колледждiң, мектептiң, мұражайдың немесе кез келген басқа мәдени мекеменiң шақыруы бойынша осындай алғашқы айтылған Уағдаласушы мемлекетте немесе мәдени алмасудың ресми бағдарламасына сәйкес осы Уағдаласушы мемлекетте бiрiнен кейiн бiрi жүретiн екi жылдан аспайтын уақыт кезеңi iшiнде сабақ беру, лекциялар оқу немесе осындай мекемелерде зерттеулер жүргiзу мақсатында ғана жүрген жеке тұлға осы қызмет үшiн сыйақыға қатысты осы Уағдаласушы мемлекетте салық салудан босатылады.

20-бап
Студенттер

Уағдаласушы мемлекетке келер алдында тiкелей екiншi Уағдаласушы мемлекеттiң резидентi болып табылатын және тек бiлiм алу немесе тағылымдамадан өту мақсатында алғашқы айтылған Уағдаласушы мемлекетте болған студент, тәлiмгер өзiнiң тұруы, бiлiм алуы немесе тағылымдамадан өтуi мақсаты үшiн алатын төлемдерге осы сома көздерi осы Уағдаласушы мемлекеттен тысқары жерде болған жағдайда, осы Уағдаласушы мемлекетте салық салынбайды.

21-бап
Басқа да табыстар

1. Осы Келiсiмнiң алдыңғы баптарында айтылмаған Уағдаласушы мемлекет резидентiнiң табыс түрлерiне оның пайда болу көзiне қарамастан, тек осы Уағдаласушы мемлекетте ғана салық салынады.
2. 6-баптың 2-тармағында айқындалған жылжымайтын мүлiктен алынатын табыстан өзге табыстарға, егер мұндай табыстарды алушы Уағдаласушы мемлекеттiң резидентi бола тура екiншi Уағдаласушы мемлекетте орналасқан тұрақты мекеме арқылы кәсiпкерлiк қызметтi жүзеге асырса және оған сәйкес табыс төлеу жүргiзiлген құқық немесе мүлiк iс жүзiнде осындай тұрақты мекемеге қатысты болса, 1-тармақтың ережелерi қолданылмайды. Мұндай жағдайда 7-баптың ережелерi қолданылады.
3. 1 және 2-тармақтардың ережелерiне қарамастан осы Келiсiмнiң алдыңғы баптарында айтылмаған және екiншi Уағдаласушы мемлекетте туындайтын Уағдаласушы мемлекет резидентiнiң кiрiс түрлерiне сол сияқты осы екiншi Уағдаласушы мемлекетте салық салынуы мүмкiн.

22-бап
Қосарланған салық салуды жою

1. Әрбiр Уағдаласушы мемлекеттiң қолданыстағы заңнамасына сәйкес қосарланған салық салу мынадай ережелер кезiнде жойылады:
а) Қазақстан жағдайында:
Егер Қазақстанның резидентi осы Келiсiмнiң ережелерiне сәйкес Кувейтте салық салынуы мүмкiн табыс алса, Қазақстан осындай резиденттiң табысына салынатын салықтан Кувейтте төленген табыс салығына баламалы соманы шегеруге мүмкiндiк беруi тиiс;
Алайда мұндай шегеру кез келген жағдайда жағдайға қарай Кувейтте салық салынуы мүмкiн кiрiске жататын осындай шегерудi бергенге дейiн есептелген табысқа салынатын салықтың сол бөлiгiнен асуы тиiс.
b) Кувейт жағдайында:
Егер Кувейт резидентi осы Келiсiмнiң ережелерiне сәйкес Қазақстанда салық салынуы мүмкiн табыс алса, Кувейт осындай резиденттiң табысына салынатын салықтан Қазақстанда төленген табыс салығына баламалы соманы шегеруге мүмкiндiк беруi тиiс;
Алайда мұндай шегеру кез келген жағдайда жағдайға қарай Қазақстанда салық салынуы мүмкiн кiрiске жататын осындай шегерудi бергенге дейiн есептелген табысқа салынатын салықтың сол бөлiгiнен асуы тиiс.
2. Осы баптың мақсаттары үшiн 2-баптың 3-тармағының а) тармақшасында ескерiлген Зекет табыс салығы ретiнде қарастырылуға тиiс.
3. Уағдаласушы мемлекетте есеп беру мақсатында екiншi Уағдаласушы мемлекетте төленген салық осы екiншi Уағдаласушы мемлекетте өзгеше төленетiн, бiрақ осы екiншi Уағдаласушы мемлекетте экономикалық өсiмге жәрдемдесуге арналған заңмен немесе шаралармен арнайы ынталандырушы инвестицияларға сәйкес уақытша кейiнге қалдырылған немесе азайтылған салықты қамтуы тиiс.

23-бап
Кемсiтпеу

1. Уағдаласушы мемлекеттiң ұлттық тұлғалары екiншi Уағдаласушы мемлекетте осы екiншi Уағдаласушы мемлекеттiң ұлттық тұлғалары тап сондай жағдайда, атап айтқанда, резиденттiкке қатысты ұшырайтын немесе ұшырауы мүмкiн кез келген салық салуға немесе соларға байланысты мiндеттемелерден өзгеше немесе ауыртпалықты кез келген салық салуға болып немесе соларға байланысты кез келген мiндеттемеге ұшырамайды.
2. Уағдаласушы мемлекеттiң кәсiпорнында екiншi Уағдаласушы мемлекетте бар тұрақты мекемеге салық салу осыған ұқсас жағдайда осындай қызметтi жүзеге асыратын үшiншi елдiң кәсiпорындарына салық салуға қарағанда осы екiншi Уағдаласушы мемлекетте қолайсыздау болмауға тиiс. Осы ереже Уағдаласушы мемлекеттi басқа Уағдаласушы мемлекеттiң резидентiне салық салу мақсаттары үшiн азаматтық мәртебе немесе отбасылық мiндеттер негiзiнде ол өзiнiң тел резиденттерiне беретiн бiр жеке салықтық жеңiлдiктер, шегерiмдер беруге мiндеттейтiндей ретiнде түсiндiрiлмеуге тиiс.
3. Капиталы екiншi Уағдаласушы мемлекеттiң бiр немесе бiрнеше резидентiне толық немесе iшiнара тиесiлi немесе олардың тiкелей немесе жанама түрде бақылауында болатын Уағдаласушы мемлекеттiң кәсiпорындары капиталы кез келген үшiншi мемлекеттiң бiр немесе бiрнеше резиденттерiне толық немесе iшiнара тиесiлi немесе олардың тiкелей немесе жанама түрде бақыланатын басқа ұқсас кәсiпорындары ұшырайтын немесе ұшырауы мүмкiн салық салу мен оған байланысты мiндеттемелерге қарағанда онымен өзгеше немесе анағұрлым ауыртпалықты болып табылатын кез келген салық салу немесе оған байланысты кез келген мiндеттемелерге алғашқы айтылған Уағдаласушы мемлекетте ұшырамауы тиiс.
4. Осы бапта ештеңе кез келген Уағдаласушы мемлекеттi екiншi Уағдаласушы мемлекеттiң резиденттерiне қатысушысы осындай алғашқы айтылған Уағдаласушы мемлекет болып табылатын толық немесе басты түрде салық салуға немесе капиталды орналастыруға байланысты кедендiк одақ, экономикалық одақ, еркiн сауда немесе кез келген өңiрлiк немесе өңiраралық құралу аймағын құруға байланысты кез келген үшiншi мемлекетке немесе оның резиденттерiне берiлуi мүмкiн кез келген режим, преференциялар немесе артықшылықтар түрiндегi пайда ретiнде түсiндiрiлмеуге тиiс.
5. Осы бапта "салық салу" терминi осы Келiсiмнiң мәнi болып табылатын салықтарды бiлдiредi.

24-бап
Өзара келiсу рәсiмi

1. Егер тұлға Уағдаласушы мемлекеттердiң бiрiнiң немесе екеуiнiң де iс-әрекеттерi өзiн осы Келiсiмнiң ережелерiне сәйкес келмейтiн салық салуға әкеп соғып отыр немесе әкеп соғады деп есептесе, ол осы Уағдаласушы мемлекеттердiң iшкi заңнамасында көзделген қорғау құралдарына қарамастан, өзiнiң iсiн өзi резидентi болып табылатын Уағдаласушы мемлекеттiң құзыреттi органының қарауына немесе егер оның iсi 23-баптың 1-тармағының қолданысына түссе, өзi ұлттық тұлғасы болып табылатын Уағдаласушы мемлекеттiң құзыреттi органының қарауына бере алады. Өтiнiш осы Келiсiмнiң ережелерiне сәйкес келмейтiн салық салуға әкеп соқтыратын iс-әрекеттер туралы алғашқы хабарлама берiлген сәттен бастап үш жыл iшiнде берiлуi тиiс.
2. Құзыреттi орган, егер ол өтiнiштi негiздi деп есептесе және егер өзi қанағаттанарлық шешiмге келе алмаса, осы Келiсiмге сәйкес келмейтiн салық салуды болдырмау мақсатында iстi екiншi Уағдаласушы мемлекеттiң құзыреттi органымен өзара келiсiм бойынша шешуге ұмтылады. Кез келген қол жеткiзiлген келiсiм Уағдаласушы мемлекеттердiң iшкi заңнамаларында көзделген уақыттағы кез келген шектеуге байланыссыз орындалатын болады.
3. Уағдаласушы мемлекеттердiң құзыреттi органдары Келiсiмдi түсiндiру немесе қолдану кезiнде туындайтын кез келген қиындықтарды немесе күмәндi өзара келiсiм бойынша шешуге ұмтылады. Олар сол сияқты осы Келiсiмде көзделмеген жағдайларда қосарланған салық салуды жою мақсатында бiр-бiрiмен консультация өткiзе алады.
4. Құзыреттi органдар iшкi соттарға қарауға бергенге дейiн кез келген жағдайды шешудiң ережелерiн өзара келiсу рәсiмiн қабылдау қажеттiлiгiн назарға алуы тиiс.
5. Уағдаласушы мемлекеттердiң құзыреттi органдары алдыңғы тармақтарды түсiнуде келiсiмге қол жеткiзу мақсатында бiр-бiрiмен тiкелей байланысқа түсе алады.

25-бап
Ақпарат алмасу

1. Уағдаласушы мемлекеттердiң құзыреттi органдары осы Келiсiмнiң ережелерiн немесе осы Келiсiмге қайшы келмейтiндей дәрежеде осы Келiсiм қолданылатын салықтарға қатысты Уағдаласушы мемлекеттiң iшкi заңнамаларын орындау үшiн қажет ақпаратпен алмасады. Уағдаласушы мемлекет алған кез келген ақпарат осы Уағдаласушы мемлекеттiң iшкi заңнамасы шеңберiнде алынған ақпарат секiлдi құпия болып есептеледi және тек осы Келiсiм қолданылатын салықтарға қатысты бағалаумен немесе жинаумен немесе мәжбүрлi өндiрiп алумен немесе сот арқылы iздестiрумен немесе апелляцияларды қараумен айналысатын тұлғаларға немесе органдарға ғана (соттар мен әкiмшiлiк органдарды қоса алғанда) хабарланады.
2. Ешқандай жағдайда 1-тармақтың ережелерi Уағдаласушы мемлекетке:
а) осы немесе екiншi Уағдаласушы мемлекеттiң заңнамасы мен әкiмшiлiк практикасына қайшы келетiн әкiмшiлiк шараларын қолдану;
b) осы немесе екiншi Уағдаласушы мемлекеттiң заңнамасы бойынша немесе әдеттегi әкiмшiлiк практикасы барысында алуға болмайтын ақпарат беру;
с) қандай да бiр сауда, кәсiпкерлiк, өнеркәсiптiк, коммерциялық немесе кәсiптiк құпияны немесе сауда процесiн ашуы мүмкiн ақпарат немесе ашылуы мемлекеттiк саясатқа (қоғамдық тәртiпке) қайшы келуi мүмкiн ақпарат беру мiндеттемесiн жүктейтiндей мағынада түсiндiрiлмейдi.
3. Егер ақпарат Уағдаласушы мемлекетке осы бапқа сәйкес талап етiлетiн болса, екiншi Уағдаласушы мемлекет жинақталған ақпаратты тiптi екiншi мемлекет өзiнiң жеке салық мақсаттары үшiн осындай ақпаратқа мұқтаж болмаса да пайдаланады. Алдыңғы сөйлемде қамтылған мiндеттеме 2-тармақтың шектеулерiне бағынады, бiрақ ешқандай жағдайда да осындай шектеу Уағдаласушы мемлекетке осындай ақпаратқа ешқандай iшкi мүддесiнiң болмағандығынан ғана, ақпаратты беруден бас тартуға рұқсат беру ретiнде қарастырылмайтын болады.
4. Ешқандай жағдайда 2-тармақтың ережелерi банкте, басқа қаржы институтында, кандидатта немесе ұйымда немесе сенiмдi тұлғаның ережесiнде әрекет ететiн тұлғада бар ақпарат немесе бұл тұлғадағы жеке мүдделерге жатқызылатындықтан, Уағдаласушы мемлекетке ақпаратты беруден бас тартуға рұқсат беру үшiн қарастырылмайтын болады.

26-бап
Өзге де ережелер

1. Осы Келiсiмнiң ережелерi қазiр немесе кейiннен келiсiлген:
а) осы Уағдаласушы мемлекет өндiрiп алатын салықты анықтаған кезде Уағдаласушы мемлекеттердiң заңнамаларымен;
b) Уағдаласушы мемлекеттердiң арасында немесе бiр Уағдаласушы мемлекет пен екiншi Уағдаласушы мемлекеттiң резиденттерi арасында салық салуға қатысты кез келген басқа арнайы шартпен кез келген жоюға, босатуға, шегеруге, кредитке немесе басқа да жеңiлдiктерге қатысты ешқандай да шектеулер жасамайды.
2. Уағдаласушы мемлекет нормативтiк актiлердi осы Келiсiмнiң ережелерiн орындау мақсатында енгiзе алады.

27-бап
Дипломатиялық өкiлдiктер мен консулдық мекемелердiң
қызметкерлерi

Осы Келiсiмдегi ештеңе де дипломатиялық өкiлдiктер мен консулдық мекемелер қызметкерлерiнiң немесе осындай артықшылықтар халықаралық құқықтың жалпы нормаларымен немесе беретiн немесе арнайы келiсiмдердiң ережелерiне сәйкес берiлген халықаралық ұйымдар қызметшiлерiнiң салық артықшылықтарын қозғамайды.

28-бап
Күшiне енуi

1. Осы Келiсiм ратификациялануға жатады және Уағдаласушы мемлекеттердiң оның күшiне енуi үшiн қажеттi мемлекетiшiлiк рәсiмдердi орындауын көрсететiн соңғы хабарламаны алған күннен бастап күшiне енедi.
2. Келiсiм:
а) Келiсiм күшiне енген жылдан кейiнгi күнтiзбелiк жылдың бiрiншi қаңтарынан бастап немесе бiрiншi қаңтардан кейiн төленген немесе есептелген сомалар бойынша көздерден ұсталатын салықтарға қатысты; және
b) Келiсiм күшiне енген жылдан кейiнгi күнтiзбелiк жылдың бiрiншi қаңтарынан немесе бiрiншi қаңтардан кейiн басталатын салық салынатын кезеңдегi басқа салықтарға қатысты қолданылады.

29-бап
Қолданылуын тоқтату

Осы Келiсiм бес жыл iшiнде қолданыста болады және одан кейiн Уағдаласушы мемлекеттердiң бiрi Келiсiмдi бастапқы немесе кез келген соңғы кезеңде қолданысы өткенге дейiн алты ай қалғанда жазбаша түрде өзiнiң осы Келiсiмнiң қолданысын тоқтату ниетi туралы екiншiсiне хабардар еткенге дейiн ұқсас кезең немесе уақыт кезеңi iшiнде қолданысын жалғастыра бередi. Осындай жағдайда Келiсiм екi Уағдаласушы мемлекетте де мынадай жағдайда:
а) хабарлама беру жылынан кейiнгi жылдың бiрiншi қаңтарынан бастап немесе бiрiншi қаңтарынан кейiн төленетiн немесе есептелетiн сомалар бойынша көздерден ұсталатын салықтарға қатысты; және
b) хабарлама берген жылдан кейiнгi жылдың бiрiншi қаңтарынан бастап немесе бiрiншi қаңтарынан кейiн басталатын салық салынатын кезең үшiн басқа салықтарға қатысты өзiнiң қолданысын тоқтатады.

ОСЫНЫ КУӘЛАНДЫРУ ҮШIН тиiстi дәрежеде өкiлеттiк берiлген екi Уағдаласушы мемлекеттiң өкiлдерi осы Келiсiмге қол қойды.

200___ жылғы "___" ______ күнi қазақ, орыс, араб және ағылшын
тiлдерiнде екi түпнұсқа данада жасалды, барлық мәтiндердiң бiрдей күшi бар. Алшақтық болған жағдайда ағылшын тiлiндегi мәтiн басым болады.

Қазақстан Республикасының Кувейт Мемлекетiнiң
Үкiметi үшiн Үкiметi үшiн