Қазақстан Республикасының 2007 жылғы 26 наурыздағы N 241 Заңы
Қазақстан Республикасының кейбір заңнамалық актілеріне мүлікті жария етуге байланысты рақымшылық жасау мәселелері бойынша өзгерістер мен толықтырулар енгізу туралы 1-бап. Қазақстан Республикасының мына заңнамалық актілеріне өзгерістер мен толықтырулар енгізілсін: 1. "Мүлікті жария етуге байланысты рақымшылық жасау туралы" 2006 жылғы 5 шілдедегі Қазақстан Республикасының Заңына (Қазақстан Республикасы Парламентінің Жаршысы, 2006 ж., N 12, 78-құжат; N 19-20, 119-құжат): 1) кіріспеде "мен әкімшілік құқық бұзушылықтар" деген сөздер "әкімшілік құқық бұзушылықтар мен тәртіптік теріс қылықтар" деген сөздермен ауыстырылсын; 2) 4-бапта: 1-тармақтағы "сәуірде" деген сөз "тамызда" деген сөзбен ауыстырылсын; 2-тармақтағы "шілдеге" деген сөз "қарашаға" деген сөзбен ауыстырылсын; 3) 7-баптың 7-тармағының екінші бөлігінде және 11-баптың 5-тармағының екінші бөлігінде: "13 және 14" деген сөздер "13, 14 және 14-1" деген сөздермен ауыстырылсын; "және әкімшілік құқық бұзушылықтарды" деген сөздер "әкімшілік құқық бұзушылықтарды және тәртіптік теріс қылықтарды" деген сөздермен ауыстырылсын; 4) 14-бап "357-2" деген цифрлардан кейін ", 532" деген цифрлармен толықтырылсын; 5) мынадай мазмұндағы 14-1-баппен толықтырылсын: "14-1-бап. Мемлекеттік лауазым атқаратын, мүлкін жария еткен адамдарды тәртіптік жауаптылықтан босату Мемлекеттік лауазым атқаратын, мүлкін жария еткен адамдар "Сыбайлас жемқорлыққа қарсы күрес туралы" Қазақстан Республикасы Заңының 9-бабының 5-тармағында аталған әрекеттерді жасағаны үшін тәртіптік жауаптылықтан босатылады."; 6) 16-баптағы "және 2007 жылғы 1 шілдеде өзінің қолданылуын тоқтатады" деген сөздер алып тасталсын. 2. "Қазақстан Республикасының кейбір заңнамалық актілеріне мүлікті жария етуге байланысты рақымшылық жасау мәселелері бойынша толықтырулар енгізу туралы" 2006 жылғы 5 шілдедегі Қазақстан Республикасының Заңына (Қазақстан Республикасы Парламентінің Жаршысы, 2006 ж., N 12, 79-құжат; N 19-20, 119-құжат): 2-баптағы "және 2007 жылғы 1 шілдеде өзінің қолданылуын тоқтатады" деген сөздер алып тасталсын. 2-бап. Осы Заң ресми жарияланған күнінен бастап қолданысқа енгізіледі. Қазақстан Республикасының Президенті
|