Жекелеген қаржы ұйымдарының қаржылық есептілік тізбесі,нысандары және ұсыну мерзімдері туралы нұсқаулық
Қазақстан Республикасының Ўлттық Банкі Басқармасының 2009 жылғы 25 мамырдағы N 49 қаулысымен бекітілген

Қазақстан Республикасының
Ўлттық Банкі Басқармасының
2009 жылғы 25 мамырдағы
N 49 қаулысымен бекітілген

Жекелеген қаржы ұйымдарының қаржылық есептілік тізбесі, нысандары және ұсыну мерзімдері туралы нұсқаулық

1-тарау. Жалпы ережелер

1. Осы Нұсқаулық "Қазақстан Республикасының Ўлттық Банкі туралы" 1995 жылғы 30 наурыздағы, "Бухгалтерлік есеп және қаржылық есептілік туралы" 2007 жылғы 28 ақпандағы Қазақстан Республикасының Заңдарына, сондай-ақ Қазақстан Республикасының басқа да нормативтік құқықтық актілеріне сәйкес әзірленді және бағалы қағаздар нарығында брокерлік және дилерлік қызметті жүзеге асыратын ұйымдардың, бағалы қағаздар нарығында бағалы қағаздарды ұстаушылар тізілімінің жүйесін жүргізу жөніндегі қызметті жүзеге асыратын ұйымдардың, инвестициялық портфельді басқарушылардың, зейнетақы активтерін инвестициялық басқаруды жүзеге асыратын ұйымдардың, бағалы қағаздар нарығында трансфер-агенттік қызметті жүзеге асыратын ұйымдардың, банк операцияларының жекелеген түрлерін жүзеге асыратын ұйымдардың (бұдан әрі – жекелеген қаржы ұйымдары) қаржы нарығын және қаржы ұйымдарын реттеу мен қадағалауды жүзеге асыратын мемлекеттік органға (бұдан әрі – уәкілетті орган) қаржылық есептілік тізбесін, нысандарын және ұсыну мерзімдерін белгілейді.

2-тарау. Қаржылық есептілікті ұсыну

2. Жылдық қаржылық есептілікті жекелеген қаржы ұйымдары халықаралық қаржылық есептілік стандарттарына сәйкес өздері дербес әзірлеген нысандар бойынша жасайды және оған мыналар кіреді:
1) бухгалтерлік баланс;
2) пайдалар мен зияндар туралы есеп;
3) ақша қаражатының қозғалысы туралы есеп;
4) капиталдағы өзгерістер туралы есеп;
5) түсіндірме жазба.
3. Еншілес ұйымдары жоқ жекелеген қаржы ұйымдары уәкілетті органға аудиторлық ұйым растаған жылдық қаржылық есептілікті жыл сайын есепті жылдан кейінгі жылғы 1 сәуірге дейінгі мерзімде ұсынады.
Еншілес ұйымдары бар жекелеген қаржы ұйымдары уәкілетті органға шоғырландырылмаған және шоғырландырылған жылдық қаржылық есептілікті жыл сайын есепті жылдан кейінгі жылғы 30 сәуірге дейінгі мерзімде ұсынады.
Жекелеген қаржы ұйымдары шоғырландырылмаған және шоғырландырылған жылдық қаржылық есептілікті ұсынған кезде аудиторлық ұйымның растауы тек шоғырландырылған жылдық қаржылық есептілік үшін талап етіледі.
4. Жекелеген қаржы ұйымдарының уәкілетті органға ай сайынғы және тоқсан сайынғы негізде ұсынылуға тиісті қаржылық есептілігіне мыналар кіреді:
1) бухгалтерлік баланс – N 1 нысан (осы Нұсқаулыққа 1-қосымша);
2) пайда және зиян туралы есеп – N 2 нысан (осы Нұсқаулыққа 2-қосымша).
Пайда және зиян туралы есепті – N 2 нысанды Ўлттық почта операторы осы Нұсқаулыққа 3-қосымшада белгіленген нысан бойынша ұсынады.
5. Жекелеген қаржы ұйымдары (зейнетақы активтерін инвестициялық басқаруды жүзеге асыратын ұйымдарды, бағалы қағаздар нарығында трансфер-агенттік қызметті жүзеге асыратын ұйымдарды, банк операцияларының жекелеген түрлерін жүзеге асыратын ұйымдарды қоспағанда) уәкілетті органға тоқсан сайын, есепті тоқсаннан кейінгі айдың бесінші жұмыс күні Астана уақытымен сағат 18-ден кешіктірмей N 1 нысан және N 2 нысан бойынша тоқсан сайынғы қаржылық есептілікті ұсынады.
Зейнетақы активтерін инвестициялық басқаруды жүзеге асыратын ұйымдар уәкілетті органға ай сайын, есепті айдан кейінгі айдың бесінші жұмыс күні Астана уақытымен сағат 18-ден кешіктірмей N 1 нысан және N 2 нысан бойынша ай сайынғы қаржылық есептілікті ұсынады.
Бағалы қағаздар нарығында трансфер-агенттік қызметті жүзеге асыратын ұйымдар уәкілетті органға осы Нұсқаулықтың 2 және 3-тармақтарының талаптарына сәйкес тек жылдық қаржылық есептілікті ұсынады.
Банк операцияларының жекелеген түрлерін жүзеге асыратын ұйымдар (Ўлттық почта операторын қоспағанда) уәкілетті органға тоқсан сайын, есепті тоқсаннан кейінгі айдың он сегізінен кешіктірмей N 1 нысан және N 2 нысан бойынша тоқсан сайынғы қаржылық есептілікті ұсынады.
Ўлттық почта операторы уәкілетті органға ай сайын, есепті айдан кейінгі айдың жиырма бесінен кешіктірмей N 1 нысан және N 2 нысан бойынша ай сайынғы қаржылық есептілікті ұсынады.
6. Қаржылық есептіліктегі деректер Қазақстан Республикасының ұлттық валютасы – Қазақстан теңгесімен көрсетіледі.
7. Қаржылық есептілікті жасау кезінде пайдаланылатын өлшем бірлігі мың Қазақстан теңгесімен белгіленеді. Бес жүз Қазақстан теңгесінен кем сома қаржылық есептілікте нөлге дейін дөңгелектенеді, ал бес жүз Қазақстан теңгесіне тең және жоғары сома мың Қазақстан теңгесіне дейін дөңгелектенеді.
8. Жекелеген қаржы ұйымдары қағазға басып шығарылып ұсынылатын жылдық қаржылық есептілікті қоспағанда, уәкілетті органға қаржылық есептілікті берілетін деректердің конфиденциалдылығын және түзетілмеуін қамтамасыз ететін криптографиялық қорғаныш құралдарымен ақпаратты кепілді жеткізудің тасымалдау жүйесін пайдалана отырып электрондық тасымалдауышта ұсынады.
9. Ай сайын және тоқсан сайын жасалатын, қағазға басып шығарылған қаржылық есептілікке бірінші басшы немесе оның орнындағы тұлға және бас бухгалтер қол қояды, мөрмен куәландырылады және жекелеген қаржы ұйымында сақталады. Уәкілетті органның талап етуі бойынша жекелеген қаржы ұйымы жазбаша сұратуды алған күннен бастап екі жұмыс күнінен кешіктірмей қағазға басып шығарылған, түзетулері және өшірілгені жоқ қаржылық есептілікті ұсынады.
10. Электрондық тасымалдауышта ұсынылған қаржылық есептілік қағазға басып шығарылған қаржылық есептілікке сәйкес келуі тиіс. Электрондық тасымалдауышта ұсынылған деректердің қағазға басып шығарылған нұсқадағы деректермен бірдейлігін жекелеген қаржы ұйымының бірінші басшысы немесе оның орнындағы тұлға қамтамасыз етеді.
11. Жекелеген қаржы ұйымы электрондық түрде ұсынған қаржылық есептілікте толық емес ақпарат немесе қателер табылған жағдайда, уәкілетті орган бұл туралы жекелеген қаржы ұйымына хабарлайды. Жекелеген қаржы ұйымы хабарламаны алған күннен бастап бір жұмыс күнінен кешіктірмей ескертулер ескеріле отырып пысықталған электрондық тасымалдауыштағы қаржылық есептілікті ұсынады.
12. Қаржылық есептілікті уақтылы ұсынбау, ұсынбау немесе қаржылық есептілікте шынайы емес мәліметтер ұсыну Қазақстан Республикасының заңнамалық актілерінде белгіленген жауаптылыққа әкеп соғады.

3-тарау. Қорытынды ережелер

13. Осы Нұсқаулықта реттелмеген мәселелер Қазақстан Республикасының қолданылып жүрген заңнамасында белгіленген тәртіпте шешіледі.

Жекелеген қаржы ұйымдарының
қаржылық есептілік тізбесі,
нысандары және ұсыну мерзімдері
туралы нұсқаулыққа 1-қосымша

N 1 нысан

________________________________________________________________
(ұйымның толық атауы)
20___ жылғы "___" ____________ жағдай бойынша
бухгалтерлік балансы

(мың Қазақстан теңгесімен)

2-бағанда түсіндірме жазбада көрсетілген баптар бойынша ескертпелердің нөмірлері көрсетіледі.
"Азшылық үлесі" бабы шоғырландырылған қаржылық есептілікті жасаған кезде толтырылады.

Бірінші басшы ________________________ күні ________
Бас бухгалтер ________________________ күні ________
Орындаушы ________________________ күні ________
Телефон ________________________
Мөрдің орны

Жекелеген қаржы ұйымдарының
қаржылық есептілік тізбесі,
нысандары және ұсыну мерзімдері
туралы нұсқаулыққа 2-қосымша

N 2 нысан

________________________________________________________________
(ұйымның толық атауы)
20___ жылғы "___" ____________ жағдай бойынша
пайда мен зиян туралы есебі

(мың Қазақстан теңгесімен)

2-бағанда түсіндірме жазбада көрсетілген баптар бойынша ескертпелердің нөмірлері көрсетіледі.
"Азшылық үлесі" бабы шоғырландырылған қаржылық есептілікті жасаған кезде толтырылады.

Бірінші басшы ___________________________ күні ________
Бас бухгалтер ___________________________ күні ________
Орындаушы ___________________________ күні ________
Телефон ___________________________
Мөрдің орны

Жекелеген қаржы ұйымдарының
қаржылық есептілік тізбесі,
нысандары және ұсыну мерзімдері
туралы нұсқаулыққа 3-қосымша

N 2 нысан

________________________________________________________________
(Ўлттық почта операторының толық атауы)
20___ жылғы "___" ____________ жағдай бойынша
пайда мен зиян туралы есебі

(мың Қазақстан теңгесімен)

2-бағанда түсіндірме жазбада көрсетілген баптар бойынша ескертпелердің нөмірлері көрсетіледі.
"Азшылық үлесі" бабы шоғырландырылған қаржылық есептілікті жасаған кезде толтырылады.

Бірінші басшы ___________________________ күні ________
Бас бухгалтер ___________________________ күні ________
Орындаушы ___________________________ күні ________
Телефон ___________________________
Мөрдің орны