| Положения | |
 |
|
|
Қазақстан Республикасы Үкіметінің 2009 жылғы 30 қыркүйектегі N 1482 қаулысымен бекітілген Орталық мемлекеттік органдарға бөлуге арналған тұрғын үйді іріктеу және бөлу жөніндегі комиссия туралы ереже 1. Жалпы ережелер 1. Орталық мемлекеттік органдарға бөлуге арналған тұрғын үйді іріктеу және бөлу жөніндегі комиссия (бұдан әрі - Комиссия) Қазақстан Республикасы Үкіметінің 2009 жылғы 13 қаңтардағы N 6 қаулысымен бекітілген Қазақстан Республикасы Үкіметінің, Қазақстан Республикасы Ўлттық Банкінің және Қазақстан Республикасы Қаржы нарығын және қаржы ұйымдарын реттеу мен бақылау агенттігінің Экономиканы және қаржы жүйесін тұрақтандыру жөніндегі 2009 - 2010 жылдарға арналған бірлескен іс-қимыл жоспарын іске асыру жөніндегі іс-шаралар жоспары (бұдан әрі - Іс-шаралар жоспары) шеңберінде Астана қаласының әкімдігі сатып алған тұрғын үйді іріктеу және бөлу мәселелері бойынша ұсыныстар әзірлеу мақсатында құрылды. 2. Комиссия Қазақстан Республикасы Үкіметінің жанындағы консультативтік-кеңесші орган болып табылады. 3. Комиссия өз қызметінде Қазақстан Республикасының Конституциясын, заңдарын Іс-шаралар жоспарын және өзге де нормативтік құқықтық актілерді, сондай-ақ осы Ережені басшылыққа алады. 2. Комиссияның міндеттері 4. Комиссияның негізгі міндеттері мыналар жөнінде ұсыныстар әзірлеу болып табылады: 1) Іс-шаралар жоспары шеңберінде Астана қаласының әкімдігі сатып алған тұрғын үйді іріктеу; 2) кейіннен оларды мемлекеттік қызметшілерге, оның ішінде астанаға қоныс аударғандарға беру үшін орталық мемлекеттік органдардың арасында осы Ереженің 4-тармағының 1) тармақшасында көрсетілген тұрғын үйді бөлу. 3. Комиссияның құқықтары 5. Комиссия заңнамада белгіленген тәртіппен өз міндеттерін жүзеге асыру үшін: орталық мемлекеттік органдар мен Астана қаласының әкімдігінен және өзге де ұйымдардан Комиссияның міндеттерін іске асыру үшін қажетті материалдарды сұратуға және алуға; Астана қаласының әкімдігі ұсынған материалдарды сол жерге барып зерделеуге, кейіннен мемлекеттік қызметшілерге, оның ішінде астанаға қоныс аударғандарға бөлу үшін орталық мемлекеттік органдарға берілетін пәтерлердің тізбесін жасауға; Комиссияның құзыретіне кіретін мәселелерді шешу үшін мүдделі мемлекеттік органдардың мамандарын, консультанттар тартуға; Комиссияның құзыретіне кіретін мәселелер бойынша Комиссия отырыстарында орталық мемлекеттік органдардың, Астана қаласы әкімдігінің және өзге де ұйымдардың өкілдерін тыңдауға құқығы бар. 4. Комиссияның қызметін ұйымдастыру 6. Комиссия әрбір тұрғын үй (тұрғын ғимарат) бойынша пәтердің жалпы санының пайыздық қатынасы бойынша әрбір мемлекеттік органға бөлінетін пәтер санын айқындайды. Бөлінген пәтерден бас тартуды мемлекеттік орган Комиссия төрағасының атына жазбаша нысанда ресімдейді. Жазбаша бас тарту алынған жағдайда аталған пәтер басқа мемлекеттік органға ұсынылады. 7. Комиссияның төрағасы оның қызметіне басшылық жасайды, оның отырыстарында төрағалық етеді, оның жұмысын жоспарлайды, оның шешімдерінің іске асырылуын жалпы бақылауды жүзеге асырады және оның қызметі үшін жауапты болады. Төраға болмаған уақытта оның функцияларын орынбасары атқарады. 8. Комиссия отырысының күн тәртібі бойынша ұсыныстарды, қажетті құжаттарды, материалдарды дайындауды және отырыстан кейін хаттама ресімдеуді Комиссия хатшысы жүзеге асырады. 9. Комиссияның жұмыс органы Астана қаласының әкімдігі болып табылады, ол Комиссияның отырысына дейін бес күн бұрын Комиссия мүшелеріне барлық қажетті материалдарды ұсынады. 10. Комиссияның отырысы қажетіне қарай, бірақ жарты жылда кемінде бір рет оның мүшелерінің үштен екісі болған кезде өткізіледі. 11. Комиссияның шешімдері ашық дауыс беру арқылы қабылданады және егер оған Комиссия мүшелері санының көпшілік даусы берілсе, қабылданды деп есептеледі. Дауыстар тең болған жағдайда төраға дауыс берген шешім қабылданды деп есептеледі. 12. Комиссия отырыстарын өткізудің нәтижелері бойынша хаттама жасалып, оған оның барлық мүшелері міндетті түрде қол қояды. 6. Комиссияның қызметін тоқтату 13. Комиссияның қызметін тоқтату Қазақстан Республикасының заңнамасына сәйкес жүзеге асырылады. Қазақстан Республикасы Үкіметінің 2009 жылғы 30 қыркүйектегі N 1482 қаулысымен бекітілген Орталық мемлекеттік органдарға бөлуге арналған тұрғын үйді іріктеу және бөлу жөніндегі комиссияның құрамы Әбдірахымов - Қазақстан Республикасының Ғабидолла Рахметоллаұлы Премьер-Министрі Кеңсесінің Басшысы, төраға Бекетаев - Қазақстан Республикасының Әділет Марат Бақытжанұлы вице-министрі, төрағаның орынбасары Ыбыраева - Қазақстан Республикасы Амангүл Құмарбекқызы Премьер-Министрінің Кеңсесі Мемлекеттік қызмет және кадр жұмысы бөлімінің сектор меңгерушісі, хатшы Қуанғанов - Қазақстан Республикасы Білім және ғылым Фархат Шаймұратұлы министрлігінің жауапты хатшысы Шәженова - Қазақстан Республикасы Экономика және Дина Мэлсқызы бюджеттік жоспарлау министрлігінің жауапты хатшысы Шолпанқұлов - Қазақстан Республикасының Қаржы Берік Шолпанқұлұлы вице-министрі Зейнелғабдин - Республикалық бюджеттің атқарылуын Алтай Болтайханұлы бақылау жөніндегі есеп комитетінің мүшесі (келісім бойынша) Көмекбаев - Қазақстан Республикасы Мемлекеттік Әли Амантайұлы қызмет істері агенттігі төрағасының орынбасары (келісім бойынша) Тихонюк - Қазақстан Республикасы Құрылыс және Николай Петрович тұрғын үй-коммуналдық шаруашылық істері агенттігі төрағасының орынбасары Пепенин - Қазақстан Республикасы Премьер-Министрі Анатолий Сергеевич Кеңсесінің Мемлекеттік қызмет және кадр жұмысы бөлімінің меңгерушісі Хорошун - Астана қаласы әкімінің орынбасары Сергей Михайлович Испанов - Қазақстан Республикасы Бас прокуратурасы Ілияс Сапарбекұлы Экономика және қаржы департаментінің бастығы (келісім бойынша) Тұяқпаев - "Астана қаласының Тұрғын үй басқармасы" Бейбітжан Шипатайұлы мемлекеттік мекемесінің шаруашылық жүргізу құқығындағы "Қалалық жылжымайтын мүлік" мемлекеттік коммуналдық кәсіпорнының директоры |
