Экономикалық ынтымақтастық және даму ұйымымен өзара іс-қимыл жасау жөніндегі кеңестің ережесі
Қазақстан Республикасы Үкіметінің 2010 жылғы 23 желтоқсандағы № 1406 қаулысымен бекітілген Қазақстан Республикасы Үкiметiнiң 2010 жылғы 23 желтоқсандағы № 1406 қаулысымен бекiтiлген Экономикалық ынтымақтастық және даму ұйымымен өзара iс-қимыл жасау жөнiндегi кеңестiң ережесi 1. Жалпы ережелер 1. Экономикалық ынтымақтастық және даму ұйымымен өзара iс-қимыл жасау жөнiндегi кеңес (бұдан әрi - Кеңес) Қазақстан Республикасы Үкiметiнiң жанындағы консультативтiк-кеңесшi орган болып табылады. 2. Кеңес қызметiнiң мақсаты мемлекеттiк органдармен бiрлесiп Экономикалық ынтымақтастық және даму ұйымының (бұдан әрi - ЭЫДҰ) бағдарламалары мен бастамаларын тиiмдi үйлестiрудi және Қазақстан Республикасының осы ұйымға кiру үдерiсiн қамтамасыз ету болып табылады. 3. Кеңес өз қызметiнде Қазақстан Республикасының Конституциясын, заңдарын, Қазақстан Республикасының Президентi мен Үкiметiнiң актiлерiн, өзге де нормативтiк құқықтық актiлердi, сондай-ақ осы Ереженi басшылыққа алады. 2. ЭЫДҰ кеңесiнiң негiзгi мiндеттерi мен құқықтары 4. ЭЫДҰ кеңесiнiң негiзгi мiндеттерi: 1) ЭЫДҰ бастамалары мен бағдарламаларын үйлестiру; 2) Мемлекеттiк органдармен бiрлесiп Қазақстан Республикасының ЭЫДҰ-ға кiру үдерiсiн қамтамасыз ету; 3) ЭЫДҰ стандарттары мен ұсынымдарын енгiзуге жәрдемдесу. Ескерту. 4-тармаққа өзгерiс енгiзiлдi - ҚР Үкiметiнiң 2011.05.06 № 486 Қаулысымен. 5. Кеңес өзiне жүктелген мiндеттердi жүзеге асыру үшiн өз құзыретi шегiнде: 1) ЭЫДҰ шеңберiнде жобаларды iске асыру үшiн мемлекеттiк органдармен өзара iс-қимыл жасауға; 2) Қазақстан Республикасының заңнамада белгiленген тәртiппен мемлекеттiк органдар мен ұйымдардан Кеңестiң құзыретiне кiретiн мәселелер бойынша ақпарат сұрауға және алуға құқылы. 3. Кеңестiң қызметiн ұйымдастыру 6. Кеңестi төраға - Қазақстан Республикасы Премьер-Министрiнiң орынбасары басқарады, ол оның қызметiне басшылық жасайды, отырыстарында төрағалық етедi, оның жұмысын жоспарлайды, оның шешiмдерiнiң iске асырылуын жалпы бақылауды жүзеге асырады. Төраға болмаған уақытта оның функцияларын Кеңес төрағасының орынбасары орындайды. 7. Қазақстан Республикасы Әдiлет министрлiгi Кеңестiң жұмыс органы болып табылады. Ескерту. 7-тармақ жаңа редакцияда - ҚР Үкiметiнiң 2011.05.06 № 486 Қаулысымен. 8. Кеңестiң жұмыс органы: 1) Кеңес отырысының күн тәртiбiн қалыптастырады; 2) Кеңес шешiмдерiнiң орындалуын қамтамасыз етедi және бақылайды; 3) Кеңес мүшелерiнiң және оның қызметiне тартылған мамандардың жұмысын үйлестiредi. 9. Жұмысты ұйымдастыруды, Кеңес отырыстарын өткiзуге дайындықты, тиiстi құжаттарды, материалдарды дайындауды және Кеңестiң отырыстарынан кейiн хаттаманы ресiмдеудi Кеңес хатшысы жүзеге асырады. Хатшы Кеңестiң мүшесi болып табылмайды. 10. Кеңес отырыстарында каралатым мәселелердiң тiзбесi қажеттiлiгiне қарай жасалады. 11. Кеңес отырыстарының материалдары Кеңес мүшелерiне Кеңестiң отырысына дейiн екi жұмыс күнiнен кешiктiрмей жiберiледi. 12. Кеңес отырыстарының нәтижелерi бойынша барлық мүшелерi мiндеттi түрде қол қоятын хаттама жасалады. Кеңестiң шешiмдерi ашық дауыс беру жолымен көпшiлiк дауыс арқылы қабылданады және егер оған Кеңестiң отырысына қатысып отырған мүшелерiнiң жалпы санының көпшiлiгi дауыс берсе, қабылданды деп саналады. Дауыстар тең болған жағдайда төраға дауыс берген шешiм қабылданды деп саналады. 13. Кеңестiң шешiмi ұсынымдық сипатқа ие. 14. Кеңестiң отырыстары тоқсан сайын кемiнде бiр рет өткiзiледi және егер оларға оның мүшелерiнiң жалпы санының жартысынан астамы қатысса, заңды болып саналады. шұғыл шешiм қабылдау қажет болған жағдайда, төрағаның шақыруымен Кеңестiң кезектен тыс отырысы өткiзiлуi мүмкiн. 4. Кеңестiң қызметiн тоқтату 15. Қазақстан Республикасы Үкiметiнiң шешiмi Кеңестiң қызметiн тоқтату үшiн негiз болып табылады. Қазақстан Республикасы Үкiметiнiң 2010 жылғы 23 желтоқсандағы № 1406 қаулысымен құрылды Экономикалық ынтымақтастық және даму ұйымымен өзара iс-қимыл жасау жөнiндегi кеңестiң құрамы Ескерту. Құрам жаңа редакцияда - ҚР Үкiметiнiң 2012.03.27 № 354 Қаулысымен. Орынбаев - Қазақстан Республикасы Премьер- Ербол Тұрмаханұлы Министрiнiң орынбасары, төраға Бекетаев - Қазақстан Республикасы Әдiлет Марат Бақытжанұлы министрлiгiнiң жауапты хатшысы, төрағаның орынбасары Әбдiрахым - Қазақстан Республикасы Әдiлет министрлiгi Нұрлан Ерғалиұлы Мемлекеттiң мүлiктiк құқықтарын қорғау департаментiнiң директоры, хатшы Байменов - Қазақстан Республикасы Мемлекеттiк қызмет Әлихан Мұхамедияұлы iстерi агенттiгiнiң төрағасы (келiсiм бойынша) Нокин - Қазақстан Республикасы Құрылыс және Серiк Кеңесұлы тұрғын үй-коммуналдық шаруашылық iстерi агенттiгiнiң төрағасы Оспанов - Қазақстан Республикасы Табиғи Мұрат Мағауияұлы монополияларды реттеу агенттiгiнiң төрағасы Отаров - Қазақстан Республикасы Жер ресурстарын Қадырхан Махмұтұлы басқару агенттiгiнiң төрағасы Смайылов - Қазақстан Республикасы Статистика Әлихан Асханұлы агенттiгiнiң төрағасы Ақышев - Қазақстан Республикасы Ұлттық Банкi Данияр Талғатұлы төрағасының орынбасары (келiсiм бойынша) Жошыбаев - Қазақстан Республикасы Сыртқы iстер Рәпiл Сейiтханұлы министрлiгiнiң жауапты хатшысы Тыныбеков - Қазақстан Республикасы Iшкi министрiнiң Қайрат Сағатханұлы орынбасары Құрманғалиев - Қазақстан Республикасы Қорғаныс Әсет Қабиұлы министрiнiң орынбасары Рау - Қазақстан Республикасының Индустрия Альберт Павлович және жаңа технологиялар бiрiншi вице-министрi Толымбаев - Қазақстан Республикасының Мұнай Берiк Зиябекұлы және газ вице-министрi Смайылов - Қазақстан Республикасының Төтенше Жанболат Аманкелдiұлы жағдайлар вице-министрi Бектұров - Қазақстан Республикасының Көлiк және Азат Ғаббасұлы коммуникация вице-министрi Ерғожин - Қазақстан Республикасының Қаржы Дәулет Едiлұлы вице-министрi Құрманғалиева - Қазақстан Республикасының Денсаулық Аида Дәденқызы сақтау вице-министрi Ахметов - Қазақстан Республикасының Еңбек және Серiк Әбжәлиұлы халықты әлеуметтiк қорғау вице-министрi Қырықбаев - Қазақстан Республикасының Мәдениет Арман Оразбайұлы және ақпарат вице-министрi Тұрмағамбетов - Қазақстан Республикасының Қоршаған Мәжит Әбдiқалықұлы ортаны қорғау вице-министрi Сарыбеков - Қазақстан Республикасының Бiлiм Махметғали Нұрғалиұлы және ғылым вице-министрi Толыбаев - Қазақстан Республикасының Ауыл Марат Еркiнұлы шаруашылығы вице-министрi Лукин - Қазақстан Республикасы Экономикалық Андрей Иванович қылмысқа және сыбайлас жемқорлыққа қарсы күрес агенттiгi (қаржы полициясы) төрағасының бiрiншi орынбасары (келiсiм бойынша) Әлiмқұлов - Қазақстан Республикасы Бәсекелестiктi Еркеғали Амантайұлы қорғау агенттiгi төрағасының орынбасары (Монополияға қарсы агенттiк) Омаров - Қазақстан Республикасы Спорт және Мұрат Ескелдiұлы дене шынықтыру iстерi агенттiгi төрағасының орынбасары Ертiлесова - "Ұлттық сараптамалық орталық" акционерлiк Жаннат Жұрғалиқызы қоғамы Директорлар кеңесiнiң төрайымы, Қазақстан Республикасы Премьер- Министрiнiң штаттан тыс кеңесшiсi (келiсiм бойынша) Ежов - "Ұлттық сараптамалық орталық" акционерлiк Владислав Николаевич қоғамының Басқарма төрағасы (келiсiм бойынша).
|