Правила | |
Халыққа қызмет көрсету орталықтары арқылы көрсетiлуге жататын мемлекеттiк қызметтердi iрiктеу қағидалары Қазақстан Республикасы Үкiметiнiң 2011 жылғы 8 желтоқсандағы № 1503 қаулысымен бекiтiлген Қазақстан Республикасы Үкiметiнiң 2011 жылғы 8 желтоқсандағы № 1503 қаулысымен бекiтiлген Халыққа қызмет көрсету орталықтары арқылы көрсетiлуге жататын мемлекеттiк қызметтердi iрiктеу қағидалары 1. Жалпы ережелер 1. Осы Халыққа қызмет көрсету орталықтары арқылы көрсетiлуге жататын мемлекеттiк қызметтердi iрiктеу қағидалары (бұдан әрi - Қағидалар) «Әкiмшiлiк рәсiмдер туралы» Қазақстан Республикасының 2000 жылғы 27 қарашадағы Заңының 15-1-бабы 3-1-тармағына сәйкес әзiрлендi және халыққа қызмет көрсету орталықтары (бұдан әрi - ХҚО) арқылы көрсету үшiн мемлекеттiк қызметтердi iрiктеу тәртiбiн айқындайды. 2. ХҚО арқылы көрсетiлетiн мемлекеттiк қызметтердiң санын ұлғайту мемлекеттiк қызметтердiң сапасын және оған қол жетiмдiлiктi арттыру мақсатында жүзеге асырылады. 3. Осы Қағидаларда мынадай терминдер мен анықтамалар қолданылады: 1) әлеуметтiк маңызы бар қызмет - жеке және (немесе) заңды тұлғалардың әлеуметтiк-экономикалық құқықтарын қамтамасыз етуге бағытталған мемлекеттiк қызмет; 2) ақпараттандыру саласындағы уәкiлеттi орган - ақпараттандыру және «электрондық үкiмет» саласындағы басшылықты жүзеге асыратын мемлекеттiк орган; 3) ведомствоаралық комиссия - ХҚО арқылы көрсетiлуге жататын мемлекеттiк қызметтердi iрiктеу жөнiндегi ақпараттандыру саласындағы уәкiлеттi орган жанындағы ведомствоаралық комиссия, оның ережелерi мен құрамы мемлекеттiк органдар мен қоғамдық ұйымдар ұсынған ұсыныстар мен кандидатуралардың негiзiнде ақпараттандыру саласындағы уәкiлеттi органның бұйрығымен бекiтiледi; 4) мемлекеттiк қызметтердiң тiзiлiмi - Қазақстан Республикасының Үкiметi бекiтетiн Жеке және заңды тұлғаларға көрсетiлетiн мемлекеттiк қызметтердiң тiзiлiмi. 2. Мемлекеттiк қызметтердi iрiктеу тәртiбi 4. ХҚО арқылы көрсетiлуге жататын мемлекеттiк қызметтердi iрiктеу мынадай бiр және (немесе) бiрнеше өлшемдердiң негiзiнде жүзеге асырылады: 1) әлеуметтiк маңызы бар қызметтер; 2) ақпараттық сипаттағы қызметтер (анықтамалар және өзге де ақпараттық құжаттар беру); 3) құжаттың телнұсқасын берумен байланысты қызмет; 4) лицензияларды және өзге де рұқсат ету құжаттарын берумен байланысты қызметтер. 5. Мемлекеттiк органдар жыл сайын 1 ақпаннан кешiктiрмей ақпараттандыру саласындағы уәкiлеттi органға осы Қағидалардың 4-тармағында көрсетiлген өлшемдер бойынша ХҚО арқылы көрсетiлетiн мемлекеттiк қызметтердiң санын арттыру жөнiнде ұсыныстар бередi. 6. Ақпараттандыру саласындағы уәкiлеттi орган жыл сайын 20 ақпаннан кешiктiрмей мемлекеттiк қызметтердi талдау негiзiнде ведомствоаралық комиссияда қарау үшiн осы Қағидалардың 4-тармағында көрсетiлген өлшемдер бойынша ХҚО арқылы көрсетiлуге жататын мемлекеттiк қызметтердiң тiзбесiн (бұдан әрi - тiзбе) қалыптастырады. 7. Ақпараттандыру саласындағы уәкiлеттi орган жыл сайын 20 наурыздан кешiктiрмей тiзбенi ведомствоаралық комиссияның қарауына енгiзедi. 8. Ведомствоаралық комиссия тiзбенi қарау қорытындысы бойынша ХҚО арқылы мемлекеттiк қызмет көрсетудiң орындылығы туралы оң немесе терiс қорытынды шығарады. 9. Ақпараттандыру саласындағы уәкiлеттi орган ведомствоаралық комиссия оң қорытынды шығарғаннан кейiн 10 мамырдан кешiктiрмей жоғарыда аталған тiзбенi мемлекеттiк қызметтердiң тiзiлiмiн қалыптастыру және жүргiзу жөнiндегi уәкiлеттi органның атына (бұдан әрi — уәкiлеттi орган) жiбередi. Уәкiлеттi орган жыл сайын, 1 шiлдеден кешiктiрмей ақпараттандыру саласындағы уәкiлеттi орган ұсынған тiзбе негiзiнде мемлекеттiк қызметтердiң тiзiлiмiне өзгерiстер мен толықтырулар енгiзудi көздейтiн Қазақстан Республикасының Үкiметi қаулысының жобасын әзiрлейдi және Қазақстан Республикасының Үкiметiне заңнамада белгiленген тәртiппен енгiзедi. 10. Ақпараттандыру саласындағы уәкiлеттi орган және мемлекеттiк органдар мемлекеттiк қызметтердiң тiзiлiмiне өзгерiстер мен толықтырулар енгiзiлгеннен кейiн алты ай мерзiм iшiнде ХҚО-да мемлекеттiк қызметтер көрсетудi ұйымдастыру бойынша одан әрi мемлекеттiк қызметтердiң стандарттарына және өзге де нормативтiк құқықтық актiлерге өзгерiстер енгiзе отырып шаралар қабылдайды. |