Оңалтушы және конкурстық басқарушыны, сырттай байқау әкiмшiсiн тағайындау және шеттету қағидасы
Қазақстан Республикасы Қаржы министрiнiң 2011 жылғы 15 желтоқсандағы № 637 бұйрығымен бекiтiлген

Қазақстан Республикасы
Қаржы министрiнiң
2011 жылғы 15 желтоқсандағы
№ 637 бұйрығымен
бекiтiлген
Оңалтушы және конкурстық басқарушыны, сырттай байқау
әкiмшiсiн тағайындау және шеттету қағидасы
Осы Оңалтушы және конкурстық басқарушыны, сырттай байқау әкiмшiсiн тағайындау және шеттету қағидасы (бұдан әрi - Қағида) «Банкроттық туралы» Қазақстан Республикасының 1997 жылғы 21 қаңтардағы Заңына (бұдан әрi - Заң) сәйкес әзiрлендi және Қазақстан Республикасы Қаржы министрлiгiнiң Дәрменсiз борышкерлермен жұмыс комитетi аумақтық бөлiмшелерiнiң (бұдан әрi – Комитеттiң аумақтық бөлiмшелерi) оңалтушы және конкурстық басқарушыны, сырттай байқау әкiмшiсiн тағайындау және шеттету тәртiбiн белгiлейдi және оңалту, конкурстық iс жүргiзу және сырттай байқау рәсiмдерiне (банктердiң, сақтандыру (қайта сақтандыру) ұйымдары мен жинақтаушы зейнетақы қорларының банкроттығын қоспағанда) қолданылады.
Осы Қағида мемлекеттiк сатып алу туралы заңнамаға сәйкес мемлекеттiк сатып алу өткiзу қорытындылары бойынша конкурстық басқарушыларды тағайындаған жағдайларға қолданылмайды.
1. Жалпы ережелер
1. Оңалтушы және конкурстық басқарушылар, сырттай байқау әкiмшiлерi Қазақстан Республикасы Қаржы министрлiгiнiң Дәрменсiз борышкерлермен жұмыс комитетiнде (бұдан әрi - Комитет) Оңалтушы және (немесе) конкурстық басқарушылардың және (немесе) сырттай байқау әкiмшiлерiнiң қызметiн жүзеге асыру мақсатында тiркелген тұлғалардың арасынан тағайындалады. Тiркелген тұлғалар туралы мәлiметтер Бiрыңғай тiзiлiмге қалыптастырылады, ол Қазақстан Республикасы Қаржы министрлiгiнiң www.minfin.kz интернет-ресурсында (бұдан әрi – ҚР ҚМ интернет-ресурсы) орналастырылады.
2. Комитеттiң аумақтық бөлiмшелерi Бiрыңғай тiзiлiмде көрсетiлген қызметтi жүзеге асыру орны бойынша аумақтық қағидатты сақтай отырып, Бiрыңғай тiзiлiмiнде тiркелген тұлғалардың арасынан тиiсiнше осы Қағиданың 1-3-қосымшаларына сәйкес нысандар бойынша оңалтушы басқарушыларын тағайындау тiзiлiмiн, конкурстық басқарушыларды тағайындау тiзiлiмiн, сырттай байқау әкiмшiлiктерiн тағайындау тiзiлiмiн (бұдан әрi - Тiзiлiм), жасайды және жеке жүргiзедi.
3. Тиiстi Тiзiлiмге оңалтушы және конкурстық басқарушыларды, сырттай байқау әкiмшiсiн тiркеу және тiркеуден алып тастау туралы әрбiр жазбаны енгiзген жағдайдан кейiн, сондай-ақ әрбiр тағайындау және шеттету, босату жағдайлары кезiнде өзгерiстер мен толықтырулар енгiзiледi.
Тiркелген күннен кейiнгi күнi тiркелген тұлға туралы мәлiметтер тиiстi Тiзiлiмнiң соңына енгiзiледi.
4. Комитеттiң аумақтық бөлiмшелерi Мемлекеттiк және мемлекеттiк емес ұйымдарда құжаттама жасаудың және құжаттаманы басқарудың үлгiлiк ережелерiнiң тiзбесiн, сақтау мерзiмдерiн көрсете отырып Қазақстан Республикасы Мәдениет және ақпарат министрiнiң мiндетiн атқарушының 2009 жылғы 25 қыркүйектегi № 128 бұйрығына, Нормативтiк құқықтық актiлердi мемлекеттiк тiркеу тiзiлiмiнде № 5834 тiркелген (бұдан әрi – Құжаттама жасау ережесi) сәйкес Тiзiлiмге енгiзiлетiн мәлiметтердiң толықтығына, дұрыстығына және уақтылығына, сондай-ақ оның сақталуына және Тiзiлiмнiң мұрағатын жүргiзуге жауапты қызметкердi тағайындайтын бұйрық шығарады.
5. Оңалтушы және конкурстық басқарушыны, сырттай байқау әкiмшiсiн тағайындау Комитеттiң аумақтық бөлiмшесiнiң тiркеу есепке алу нысанында көрсетiлген Құжаттама жасау ережесiне сәйкес сот актiлерiнiң есепке тiркелу кезектiлiгiне сәйкес жүзеге асырылады.
2. Оңалтушы және конкурстық басқарушыны, сырттай байқау
әкiмшiсiн тағайындау тәртiбi
6. Оңалтушы және конкурстық басқарушы, сырттай байқау әкiмшiсi ретiнде тағайындауды Комитеттiң аумақтық бөлiмшесi тиiстi Тiзiлiмге сәйкес кезектiлiк тәртiбiмен жүзеге асырады.
7. Оңалтушы және конкурстық басқарушы, сырттай байқау әкiмшiсi ретiнде тағайындалған күнi, ол туралы мәлiметтер Тiзiлiмнiң соңына көшiрiледi.
8. Оңалтушы және конкурстық басқарушы, сырттай байқау әкiмшiсi қызметiн жүзеге асыру мақсатында тiркелген адамды Заңның 9-бабының 11-тармағында көзделген негiздемелер бойынша тағайындау мүмкiн болмайтын жағдайда, Комитеттiң аумақтық бөлiмшесi оны тағайындауды жүргiзбейдi, Тiзiлiмге тиiстi өзгерiстер енгiзiлмейдi.
9. Борышкерге қатысты оңалту рәсiмiн қолдану, борышкердi банкрот деп тану, сырттай рәсiмiне енгiзу туралы соттың актiсi күшiне енгеннен кейiн бес күнтiзбелiк мерзiм iшiнде, оңалтушы, конкурстық басқарушыларды және сырттай байқау әкiмшiсiн тағайындау бойынша тиiсiнше осы Қағиданың 4 - 6-қосымшаларына сәйкес нысан бойынша Комитеттiң аумақтық бөлiмшесiнiң бұйрығымен жүргiзiледi, оған Комитеттiң аумақтық бөлiмшесiнiң басшысы не оның орнын басатын тұлға қол қояды және мөртаңбамен расталады.
Оңалтушы және конкурстық басқарушыны, сырттай байқау әкiмшiсiн тағайындау туралы бұйрық шығарылған күнi ҚР ҚМ интернет-ресурсында орналастырылады.
ҚР ҚМ интернет-ресурсында оңалтушы және конкурстық басқарушы, сырттай байқау әкiмшiсi ретiнде тұлғаны тағайындау туралы бұйрық орналастырылған сәттен бастап, тұлға өзiнiң өкiлеттiгiн орындауға кiрiскен болып есептеледi.
Бұйрық екi данада шығарылады, оның бiреуi шығарылған күнi оңалтушы және (немесе) конкурстық басқарушы және (немесе) сырттай байқау әкiмшiсi қызметiн жүзеге асыру мақсатында тiркелуге өтiнiште көрсетiлген пошталық мекенжай бойынша хабарландыруы бар тапсырыс хатпен жiберiледi, не өтiнiш берушiнiң келiсiмiмен электрондық поштаның (E-mail) мекенжайына жiберiледi не бұйрықтың екiншi данасына алғаны туралы қол қоюымен қолма-қол тапсырылады.
Бұйрықтың екiншi данасы Комитеттiң аумақтық бөлiмшесiнде сақталады.
3. Сырттай байқау әкiмшiсiн, оңалтушы және конкурстық
басқарушыларды шеттету тәртiбi
10. Комитеттiң аумақтық бөлiмшелерi оңалтушы және конкурстық басқарушыларды, сырттай байқау әкiмшiсiн жүктеген өкiлеттiктерiн орындаудан мынадай:
1) кредитордың немесе борышкердiң мүдделерiне залал келтiрген олардың Заңда белгiленген талаптарды бұзушылықтары тексеру нәтижелерi бойынша анықталған;
2) өз өкiлеттiктерiн орындау: қайтыс болуы; бiр айдан астам еңбекке уақытша жарамсыздығы; сот тәртiбiмен әрекетке қабiлетсiз немесе әрекетке қабiлетi шектеулi, хабарсыз кеткен деп танылуы не қаза болған деп жариялануы; оларға қатысты соттың айыптау үкiмiнiң заңды күшiне енуi салдарынан мүмкiн болмаған;
3) тiркелу кезiнде олардың дәйексiз мәлiметтердi ұсыну фактiсi анықталған;
4) өзi тағайындалғаннан кейiн күнтiзбелiк отыз күн iшiнде кредиторлар комитетiмен келiсiм жасамаған не кредиторлар комитетiмен жасалған келiсiм бұзылған жағдайларда дәрменсiз борышкердiң мүлкi мен iстерiн басқарудан шеттетуге тиiс.
11. Осы Қағиданың 10-тармағының 1-тармақшасында көзделген негiздер бойынша оңалтуды және (немесе) конкурсты басқарушыларды, сырттай байқау әкiмшiсiн дәрменсiз борышкердiң мүлкi мен iстерiн басқарудан бiр жыл iшiнде бiрнеше рет шеттету және (немесе) осы Ережесiнiң 2) және 3) тармақшаларында көзделген негiздердiң бiрi бойынша шеттету оларды барлық борышкерлерге қатысты көзделген өкiлеттiктердi орындаудан бiр мезгiлде шеттетуге әкеп соғады.
12. Оңалтушы және конкурстық басқарушылар, сырттай байқау әкiмшiсi Комитеттiң аумақтық бөлiмшесiнiң бұйрығымен жүктелген өкiлеттiктерiн орындаудан шеттетiледi (босатылады).
13. Оңалтушы және конкурстық басқарушылар, сырттай байқау әкiмшiсi жүктелген өкiлеттiктерiн орындаудан шеттетiлген немесе босатылған жағдайда, олар туралы мәлiметтер тиiстi Тiзiлiмнiң соңына енгiзiледi.
Оңалтушы, конкурстық басқарушыларды және сырттай байқау әкiмшiлерiн шеттету туралы бұйрық қабылданған күнi ҚР ҚМ интернет-ресурсында орналастырылады.
14. Оңалтушы және конкурстық басқарушылар, сырттай байқау әкiмшiсi жүктелген өкiлеттiктерiн орындаудан шеттетiлген немесе босатылған күннен бастап үш жұмыс күнiнен кешiктiрмей (бар болған кезде) борышкердiң құрылтайшы, қаржы және оның мүлкiне құқық белгiлейтiн құжаттарын, қоса алғанда барлық құжаттарын, барлық мүлiктерiн (активтерiн), сондай-ақ борышкердiң мөртаңбасын қайта тағайындалған оңалтушы және конкурстық басқарушыларға, сырттай байқау әкiмшiсiне немесе борышкердiң басшысына борышкерге қатысты оңалту рәсiмiн қолдану, банкрот деп тану, сырттай байқауды енгiзу туралы сот актiлерi жойылған кезде беруге мiндеттi.
15. Тиiстi қызметтi жүзеге асыратын оңалтушы және конкурстық басқарушылар, сырттай байқау әкiмшiлерi туралы мәлiметтер осы Қағиданы қолданысқа енгiзгенге дейiн қандай тәртiпте болса, солай тиiстi Тiзiлiмге көшiрiледi.
Оңалту, конкурстық iс жүргiзу және сырттай байқау рәсiмiнде жұмыспен қамтылмаған тұлғалар туралы мәлiметтер тиiстi Тiзiлiмнiң соңына көшiрiледi.
Осы Қағида күшiне енгенге дейiн өз iс-әрекетiн тоқтатқан тұлғалар туралы мәлiметтер тоқтату мерзiмi бiткеннен кейiн сәйкесiнше Тiзiлiмне қосылады.
Оңалтушы және конкурстық басқарушыны,
сырттай байқау әкiмшiсiн тағайындау
және шеттету қағидасына
1-қосымша
Нысан
________________ оңалтушы басқарушыны тағайындау тiзiлiмi
(күнi)

Тiзiлiмдi жасаған лауазымды адамның аты-жөнi
Оңалтушы және конкурстық басқарушыны,
сырттай байқау әкiмшiсiн тағайындау
және шеттету қағидасына
2-қосымша
Нысан
_________________ конкурстық басқарушыларды тағайындау тiзiлiмi
(күнi)

Тiзiлiмдi жасаған лауазымды адамның аты-жөнi
Оңалтушы және конкурстық басқарушыны,
сырттай байқау әкiмшiсiн тағайындау
және шеттету қағидасына
3-қосымша
Нысан
__________________ сырттай байқау әкiмшiсiн тағайындау тiзiлiмi
(күнi)

Тiзiлiмдi жасаған лауазымды адамның аты-жөнi
Оңалтушы және конкурстық басқарушыны,
сырттай байқау әкiмшiсiн тағайындау
және шеттету қағидасына
4-қосымша
Нысан
Оңалтуды басқарушыны тағайындау туралы
БҰЙРЫҚ
«Банкроттық туралы» Қазақстан Республикасының 1997 жылғы 21 қаңтардағы Заңына сәйкес және _______________________ қатысты оңалту рәсiмiн қолдану туралы (борышкердiң атауы)
_______________ облысы (қаласы) ______ сотының 201 __ жылғы «___» __________ ұйғарымының негiзiнде,
БҰЙЫРАМЫН:
1.________________________________________ оңалтушы басқарушысы болып
(борышкердiң атауы/аты-жөнi, БСН (ЖСН)
______________________________________________________ тағайындалсын.
(тегi, аты-жөнi толық)
2. _________________________ Қазақстан Республикасы банкроттық туралы
(тегi, аты-жөн толық)
заңнамасының талаптарына сәйкес оңалтушы басқарушының мiндеттерiн атқару.
3. Оңалту басқарушысы ________________________ Қазақстан Республикасы банкроттық туралы заңнамасы талаптарының орындалуын қамтамасыз етсiн.
4. Осы бұйрықтың орындалуын бақылау _________________________________
(лауазымды тұлғаның аты-жөнi, лауазымы)
жүктелсiн.
Қазақстан Республикасы Қаржы министрлiгi
Дәрменсiз борышкерлермен жұмыс комитетi
аумақтық бөлiмшесiнiң басшысы __________________ _____________
(аты-жөнi) (қолы)
Оңалтушы және конкурстық басқарушыны,
сырттай байқау әкiмшiсiн тағайындау
және шеттету қағидасына
5-қосымша
Нысан
Конкурстық басқарушыны тағайындау туралы
БҰЙРЫҚ
«Банкроттық туралы» Қазақстан Республикасының 1997 жылғы 21 қаңтардағы Заңына сәйкес және ______________________ банкрот деп тану туралы _____________________________________________________________
(борышкердiң атауы)
облысы (қаласы) сотының 201 __ жылғы «___» ______ _______ шешiмiнiң негiзiнде,
БҰЙЫРАМЫН:
1.______________________________________ конкурстық басқарушысы болып (борышкердiң атауы/аты-жөнi, БСН (ЖСН)
______________________________________________________ тағайындалсын.
(тегi, аты-жөнi толық)
2. _________________________ Қазақстан Республикасы банкроттық туралы
(тегi, аты-жөнi толық)
заңнамасының талаптарына сәйкес конкурстық басқарушының мiндеттерiн атқару.
3. Конкурстық басқарушы ______________________ Қазақстан Республикасы
(тегi, аты-жөнi толық)
банкроттық туралы заңнамасы талаптарының орындалуын қамтамасыз етсiн.
4. Осы бұйрықтың орындалуын бақылау _________________________________
(лауазымды тұлғаның аты-жөнi, лауазымы)
жүктелсiн.
Қазақстан Республикасы Қаржы министрлiгi
Дәрменсiз борышкерлермен жұмыс комитетi
аумақтық бөлiмшесiнiң басшысы __________________ _____________
(аты-жөнi) (қолы)
Оңалтушы және конкурстық басқарушыны,
сырттай байқау әкiмшiсiн тағайындау және
шеттету қағидасына
6-қосымша
Нысан
Сырттай байқау әкiмшiсiн тағайындау туралы
БҰЙРЫҚ
«Банкроттық туралы» Қазақстан Республикасының 1997 жылғы 21 қаңтардағы Заңына сәйкес және _______________________ қатысты сырттай байқау рәсiмiн енгiзу туралы ________________облысы (қаласы) _______ сотының 201 __ жылғы «___» __________________________________________
(банкроттың атауы)
шешiмiнiң негiзiнде,
БҰЙЫРАМЫН
1._____________________________________ сырттай байқау әкiмшiсi болып
(борышкердiң атауы/аты-жөнi, БСН (ЖСН)
______________________________________________________ тағайындалсын.
(тегi, аты-жөнi толық)
2. _________________________ Қазақстан Республикасы банкроттық туралы
(тегi, аты-жөнi толық)
заңнамасының талаптарына сәйкес сырттай байқау әкiмшiсiнiң мiндеттерiн атқару.
3. Сырттай байқау әкiмшiсi_____________________Қазақстан Республикасы
(тегi, аты-жөнi толық)
банкроттық туралы заңнамасы талаптарының орындалуын қамтамасыз етсiн.
4. Осы бұйрықтың орындалуын бақылау _________________________________
(лауазымды тұлғаның аты-жөнi, лауазымы)
жүктелсiн.