Правила
|
|
|
Мемлекеттiк әлеуметтiк тапсырыстың өнiм берушiлер тiзiлiмiн жүргiзу қағидалары
Қазақстан Республикасы Үкiметiнiң 2012 жылғы 29 ақпандағы № 270 қаулысымен бекiтiлген Қазақстан РеспубликасыҮкiметiнiң 2012 жылғы 29 ақпандағы№ 270 қаулысыменбекiтiлген Мемлекеттiк әлеуметтiк тапсырыстың өнiм берушiлер тiзiлiмiн жүргiзу қағидалары 1. Жалпы ережелер 1. Осы Мемлекеттiк әлеуметтiк тапсырыстың өнiм берушiлер тiзiлiмiн жүргiзу қағидалары (бұдан әрi - Қағидалар) «Мемлекеттiк әлеуметтiк тапсырыс туралы» Қазақстан Республикасының 2005 жылғы 12 сәуiрдегi Заңының 4-бабының 4) тармақшасына сәйкес әзiрленген және Мемлекеттiк әлеуметтiк тапсырыстың өнiм берушiлер тiзiлiмiн жүргiзу тәртiбiн айқындайды. 2. Мемлекеттiк әлеуметтiк тапсырыстың өнiм берушiлер тiзiлiмiн мемлекеттiк әлеуметтiк тапсырыс саласындағы уәкiлеттi орган (бұдан әрi - уәкiлеттi орган) электрондық түрде мемлекеттiк және орыс тiлдерiнде жүргiзедi және уәкiлеттi органның www.mk.gov.kz. интернет-ресурсына орналастырылады. 2. Мемлекеттiк әлеуметтiк тапсырыстың өнiм берушiлер тiзiлiмiн жүргiзу тәртiбi 3. Мемлекеттiк әлеуметтiк тапсырыстың өнiм берушiлер тiзiлiмi мынадай мәлiметтердi қамтитын тiзбенi бiлдiредi: 1) мемлекеттiк әлеуметтiк тапсырыстың өнiм берушiсiнiң атауы; 2) мемлекеттiк әлеуметтiк тапсырыстың өнiм берушiсiнiң орналасқан орны, байланыс телефондары және электрондық мекенжайы; 3) мемлекеттiк әлеуметтiк тапсырыстың өнiм берушiсiнiң әдiлет органдарында мемлекеттiк тiркелгенi (қайта тiркелгенi) туралы құжаттың нөмiрi және күнi; 4) тапсырыс берушiнiң атауы; 5) көрсетiлетiн қызметтiң атауы; 6) мемлекеттiк әлеуметтiк тапсырысты жүзеге асыруға шарт жасалған күн - шарттың жасалған күнi, айы, жылы; 7) мемлекеттiк әлеуметтiк тапсырысты жүзеге асыру шартының аумақтық қазынашылық бөлiмшелерде тiркелген күнi; 8) мемлекеттiк әлеуметтiк тапсырысты жүзеге асыру шартының орындалу мерзiмi - шарттың орындалатын айы және жылы; 9) ескертпе (ескертпеде осы Қағидалардың 3-тармағының 1), 2), 3)және 8) тармақшаларында көзделген мәлiметтердiң өзгерiстерi көрсетiледi). 4. Мемлекеттiк әлеуметтiк тапсырыс саласындағы мемлекеттiк органдар (бұдан әрi - мемлекеттiк органдар) мемлекеттiк әлеуметтiк тапсырысты жүзеге асыру шарты күшiне енгеннен кейiн он жұмыс күнi iшiнде осы Қағидалардың 3-тармағында көзделген мәлiметтердi уәкiлеттi органға жiбередi. 5. Мемлекеттiк органнан мемлекеттiк әлеуметтiк тапсырыстың өнiм берушiлерi туралы келiп түскен мәлiметтердi уәкiлеттi орган бес жұмыс күнi iшiнде Мемлекеттiк әлеуметтiк тапсырыстың өнiм берушiлер тiзiлiмiне енгiзедi. 6. Мемлекеттiк органдар осы Қағидалардың 3-тармағының 1), 2), 3) және 8) тармақшаларында көзделген мәлiметтердiң өзгергенi туралы ақпаратты өзгерiстер туындаған күннен бастап бес жұмыс күнi iшiнде уәкiлеттi органға жазбаша жiбередi. 7. Мемлекеттiк әлеуметтiк тапсырыстың өнiм берушiлер тiзiлiмiне өзгерiстердi уәкiлеттi орган мемлекеттiк органдардан келiп түскен жазбаша ақпарат негiзiнде бес жұмыс күнi iшiнде жүргiзедi.
|
|
Служба поддержки сайта: |
buh-nauka.com@mail.ru |
buh-nauka.com |
Лента новостей |
Курсы валют |
|
Реклама на сайте |
|
|
|
|