Правила | |
Қазақстан Республикасының шегiнен тыс тұрақты тұрғылықты жерге кетуге арналған құжаттарды ресiмдеу қағидалары Қазақстан Республикасы Үкiметiнiң 2012 жылғы 28 наурыздағы № 361 қаулысымен бекiтiлген
Қазақстан Республикасы Қазақстан Республикасының шегiнен тыс тұрақты тұрғылықты 2. Қазақстан Республикасының азаматтары Қазақстан Республикасының шегiнен тыс жерлерге кете алады және Қазақстан Республикасына кедергiсiз қайта оралады. Кету және қайта оралу Қазақстан Республикасы азаматының паспорты бойынша жүзеге асырылады. 3. Қазақстан Республикасының азаматтарына Қазақстан Республикасының заңдарында көзделген негiздер бойынша Қазақстан Республикасынан кетуiне рұқсат беруден уақытша бас тартылуы мүмкiн. Қазақстан Республикасы азаматтарының шетелге кетуi мемлекеттiк құпияларға рұқсатты ресiмдеу кезiнде еңбек шартында (келiсiмшартта) көзделген мерзiмге уақытша шектелуi мүмкiн. 4. Мемлекеттiк құпияларға рұқсаты болуына байланысты өзiнiң Қазақстан Республикасынан тыс жерлерге кетуiн шектеу мүмкiндiгi бойынша өзiне мiндеттемелер алған және шетелге кетуге ниет бiлдiрген Қазақстан Республикасының азаматтары (бұдан әрi – құпия тасығыштар), көрсетiлген мiндеттемелерге өздерi қол қойған мемлекеттiк органдардың немесе басқа ұйымдардың (бұдан әрi – ұйымдар) басшыларынан шығуға алдын ала рұқсат алуға мiндеттi. Ұйымдар қайта ұйымдастырылған жағдайда, құпия тасығыштардың Қазақстан Республикасынан тыс жерлерге кету мүмкiндiгi туралы шешiмдi олардың құқықтық мұрагерлерi болып табылатын ұйымдардың басшылары қабылдайды. Құпия тасығыштардың кетуiне рұқсат беру туралы шешiмдi құпия тасығыштар алған мiндеттемелердi және олардың мемлекеттiк құпияларды құрайтын мәлiметтермен нақты хабарланғанын ескере отырып, ұйымдардың басшылары дербес қабылдайды. Бұл ретте ол адамның мемлекеттiк құпияларды құрайтын мәлiметтермен нақты хабарланғаны туралы қорытынды ұлттық қауiпсiздiк органдарына жiберiледi. Ұйымдар жойылған (тартылған) кезде кету мүмкiндiгi туралы шешiмдi құпия тасығыштардың тұрғылықты жерi бойынша аумақтық ұлттық қауiпсiздiк органдарының басшылары қабылдайды. Қазақстан Республикасынан тыс жерге кетуге рұқсат немесе дәлелдi бас тарту азаматтардың өтiнiштерiн қарау үшiн заңнамада белгiленген мерзiмде берiледi. Қазақстан Республикасынан тыс жерге рұқсатсыз кеткен жағдайда құпия тасығыш Қазақстан Республикасының заңнамасында көзделген тәртiптiк немесе өзге де жауапкершiлiкке тартылады. 5. Қазақстан Республикасынан тұрақты тұрғылықты жерге кетудi халықтың көшi-қоны мәселелерi жөнiндегi уәкiлеттi органның аумақтық бөлiмшелерi (бұдан әрi – уәкiлеттi орган) кетуге арналған құжаттарды ресiмдегеннен кейiн жүзеге асырады. 6. Қазақстан Республикасының шегiнен тыс тұрақты тұрғылықты жерге кету туралы өтiнiштi он сегiз жасқа толған адамдар, ал некеде тұрған адамдар он алты жастан бере алады. Балалардың және сот әрекетке қабiлетсiз деп таныған азаматтардың құжаттарын олардың заңды өкiлдерi (ата-аналары, қамқоршылары, қорғаншылары) бередi. 7. Қазақстан Республикасының шегiнен тыс тұрақты тұрғылықты жерге кету үшiн Қазақстан Республикасы азаматтарының өздерi немесе олардың заңды өкiлдерi тұрғылықты жерi бойынша уәкiлеттi органға мынадай құжаттарды ұсынады: 1) өтiнiш-сауалнама; 2) Қазақстан Республикасы азаматының жеке куәлiгi мен паспорты, он алты жасқа толмаған балалардың туу туралы куәлiгi; 3) кететiн адамдардан алименттер алуға заң бойынша құқығы бар Қазақстан Республикасында тұратын адамдардың (ата-аналары, ортақ некеден кәмелет жасқа толмаған балалары бар болса, бұрынғы жұбайлар және басқалар) кетуге қарсы еместiгi туралы нотариалды куәландырылған өтiнiшi. Өтiнiш берушi қандай да болсын себеппен мұндай өтiнiштердi ала алмаған жағдайда, мәселе сот тәртiбiмен шешiледi; 4) әскери есептен шығарылғаны және әскери билеттi тапсырғаны туралы анықтама; 5) ата-анасымен не өзге де заңды өкiлдерiмен кету туралы шешiм қабылданған кезде он жасқа толған баланың пiкiрiн есепке алуы туралы қорғаншылық және қамқоршылық органдарының қорытындысы; 6) он сегiз жасқа толмаған Қазақстан Республикасының азаматтары ата-анасының бiрiмен (қамқоршысымен, қорғаншысымен) бiрге тұрақты тұруға кету кезiнде Қазақстан Республикасының аумағында тұратын екiншi ата-анасының нотариалды түрде расталған келiсiмi. Ата-анасының бiрiнiң келiсiмi болмаған кезде, кәмелетке толмағанның кетуi сот тәртiбiмен шешiледi. Азаматтардан басқа құжаттарды сұратуға жол берiлмейдi. 8. Өтiнiш берушiнiң тұрақты тұрғылықты жерi бойынша уәкiлеттi орган Қазақстан Республикасының шегiнен тыс тұрақты тұрғылықты жерге кету туралы өтiнiш бiлдiрген азаматтарда Қазақстан Республикасынан тыс кетуiне бас тарту негiздерiнiң жоқ екендiгiне тексеру жүргiзедi. Қазақстан Республикасының шегiнен тыс тұрақты тұрғылықты жерге кету туралы өтiнiш бiлдiрген азаматтарға қатысты уәкiлеттi органының сұрау салуын мүдделi мемлекеттiк органдар мемлекеттiк органдарға сұрау салу түскен сәттен бастап күнтiзбелiк он күн iшiнде қарайды. 9. Қазақстан Республикасының шегiнен тыс тұрақты тұрғылықты жерге кетуге арналған құжаттарды ресiмдеу туралы шешiм осы Қағидалардың 8-тармағында санамаланған барлық құжаттар берiлген күнiнен бастап күнтiзбелiк отыз күннен кешiктiрiлмей қабылданады. Қазақстан Республикасының шегiнен тыс тұрақты тұрғылықты жерге кететiн Қазақстан Республикасының азаматтарына олардың жасына қарамастан, Қазақстан Республикасы азаматының паспорты ресiмделедi. Олардың жеке куәлiгi Қазақстан Республикасының шегiнен тыс тұрақты тұрғылықты жерге кетуге арналған құжаттарды ресiмдеген уәкiлеттi органға тапсырылады. 10. Қазақстан Республикасынан тыс жерге уақытша жұмыстармен кеткен және сол жерде тұрақты тұрғылықты тұруға ниет бiлдiрген Қазақстан Республикасының азаматтары Қазақстан Республикасының шет елдегi мекемелерiне өтiнiш бiлдiредi. Өтiнiшке мынадай құжаттар қоса берiледi: 1. өтiнiш-сауалнама; 2. келген елдiң құзыреттi органдары берген тұрақты тұрғылықты тұруға рұқсат; 3. мөлшерi 4мм х 5мм 2 фотосурет; 4. Қазақстан Республикасының азаматы паспортының көшiрмесi; 5. жеке куәлiгi; 6. он сегiз жасқа толмаған Қазақстан Республикасының азаматтары ата-анасының бiрiмен (қамқоршысымен, қорғаншысымен) бiрге тұрақты тұруға қалған кезде Қазақстан Республикасының аумағында тұратын екiншi ата-анасының нотариалды түрде расталған келiсiмi. Ата-анасының бiрiнiң келiсiмi болмаған кезде, кәмелет жасқа толмағанның кетуi сот тәртiбiмен шешiледi. Қазақстан Республикасы азаматының жеке куәлiгi болмаған, жоғалған немесе қолданылу мерзiмi өткен жағдайда өтiнiш берушi түсiнiктеме бередi. Қазақстан Республикасының шет елдердегi мекемелерi құжаттар қоса берiлген өтiнiштi Қазақстан Республикасының шегiнен тыс тұрақты тұрғылықты жерге кетуге арналған құжаттарды ресiмдеу үшiн өтiнiш берушiнiң Қазақстан Республикасындағы соңғы тiркелген жерi бойынша уәкiлеттi органға жiбередi. Уәкiлеттi орган келiп түскен құжаттарды қарайды және өтiнiш берген сәтте Қазақстан Республикасының аумағында өтiнiш берушiнiң тұрақты тiркеуiнiң болуына қарамастан, Қазақстан Республикасының шегiнен тыс тұрақты тұрғылықты жерге кетуге рұқсатты ресiмдеу туралы шешiм қабылдайды. |