| Правила | |
 |
|
|
Қазақстан Республикасы Аса маңызды және жедел iске асыруды талап ететiн мiндеттердi iске асыруға бағытталған, Республикалық бюджет комиссиясының оң ұсыныстары бар бюджеттiк инвестицияларды әзiрлеу, қарау және iрiктеу қағидалары 1. Жалпы ережелер 1. Осы Аса маңызды және жедел iске асыруды талап ететiн мiндеттердi iске асыруға бағытталған, Республикалық бюджет комиссиясының оң ұсыныстары бар бюджеттiк инвестицияларды әзiрлеу, қарау және iрiктеу қағидалары (бұдан әрi - Қағидалар) Қазақстан Республикасының 2008 жылғы 4 желтоқсандағы Бюджет кодексiнiң (бұдан әрi - Бюджет кодексi) 151-бабының 8-тармағына сәйкес әзiрленген. Аса маңызды және жедел iске асыруды талап ететiн мiндеттердi iске асыруға бағытталған, РБК-ның оң ұсыныстары бар бюджеттiк инвестицияларды әзiрлеу, қарау және iрiктеу тәртiбi 5. Кейiнге қалдыру шартымен бюджеттiк инвестициялар:1) бюджеттiк инвестициялық жобаларды (бұдан әрi - БИЖ) iске асыру; 2) заңды тұлғалардың жарғылық капиталына мемлекеттiң қатысуы; 3) концессиялық жобаларды қоса қаржыландыру арқылы жүзеге асырылады. 6. Бюджеттiк инвестицияларды аса маңызды және жедел iске асыруды талап ететiн ретiнде анықтау үшiн инвестициялық жобалар және/немесе iс-шаралар жеке және заңды тұлғалардың қауiпсiздiгi мен тыныс-тiршiлiгiне қатер төндiретiн жағдайды болдырмауға, сондай-ақ елдiң әлеуметтiк-экономикалық және саяси тұрақтылығына қатер төндiретiн жағдайды болдырмауға, елдiң озық/жеделдетiлген әлеуметтiк-экономикалық дамуына бағытталуы тиiс және Қазақстан Республикасы Президентiнiң және/немесе Қазақстан Республикасы Премьер-Министрiнiң тапсырмаларына, бағдарламалық құжаттарға сәйкес жүзеге асырылады. 7. Мемлекеттiк жоспарлау жөнiндегi орталық уәкiлеттi орган орталық атқарушы және басқа да мемлекеттiк органдардан алған ақпаратты қарау нәтижесi бойынша бюджеттiк инвестициялардың басым бағыттары және орта мерзiмдi кезеңге әлеуметтiк-экономикалық дамудың болжамды көрсеткiштерi негiзiнде кейiнге қалдыру шартымен бюджеттiк инвестицияларды iрiктеудi жүргiзедi. Кейiнге қалдыру шартымен iрiктелген бюджеттiк инвестициялар үш жылдық мерзiмге арналған басым республикалық бюджеттiк инвестициялар тiзбесiнiң жобасына енгiзiледi және тиiстi жылдың 15 мамырына дейiн бюджеттiк жоспарлау жөнiндегi орталық уәкiлеттi органға хатпен енгiзiледi. Бюджеттiк инвестициялардың үш жылдық мерзiмге арналған басым республикалық бюджеттiк инвестициялар тiзбесiнiң жобасы мемлекеттiк және бюджеттiк жоспарлау жөнiндегi орталық уәкiлеттi органдардың бiрлесiп қарауының қорытындысы бойынша РБК-ның қарауына енгiзiледi. РБК-ның қарау қорытындысы бойынша РБК-ның оң қорытындысы бар, кейiнге қалдыру шартымен бюджеттiк инвестициялар үш жылдық мерзiмге арналған басым республикалық бюджеттiк инвестициялар тiзбесiне енгiзiледi және оны мемлекеттiк жоспарлау жөнiндегi орталық уәкiлеттi орган тиiстi жылдың 15 тамызына дейiнгi мерзiмде Қазақстан Республикасының Үкiметiне енгiзедi. 8. Кейiнге қалдыру шартымен бюджеттiк инвестициялар РБК-ның қарауына: 1) Қазақстан Республикасының Президентi және/немесе Қазақстан Республикасының Премьер-Министрi тапсырмаларының көшiрмелерi; 2) жылдарға бөлiнген жоба құнының негiздемесi бойынша есептемелерi; 3) ББӘ-нiң жобаны iске асырудың орындылығына қорытындысы; 4) қажет болған жағдайда, мемлекеттiк және бюджеттiк жоспарлау жөнiндегi орталық уәкiлеттi органның сұрататын басқа да құжаттары болған жағдайда енгiзiледi. Егер кейiнге қалдыру шартымен бюджеттiк инвестициялар бойынша жоба алды және/немесе жобалық құжаттама болған жағдайда, құжаттаманы да РБК-ның қарауына енгiзгенге дейiн ұсыну қажет. 9. Кейiнге қалдыру шартымен бюджеттiк инвестициялар аса маңызды және жедел iске асыруды талап ететiн мiндеттердi iске асыруға бағытталған, Бюджет кодексiнiң 152 және 156-баптарында белгiленген жоспарлау кезеңдерiнен өтпеген, бiрақ РБК-ның оң ұсыныстары бар объектiлер бөлiнiсiнде жоспарлы кезеңге арналған инвестициялық жобаларды, сондай-ақ облыстар, республикалық маңызы бар қалалар, астана бөлiнiсiнде нысаналы даму трансферттерi мен кредиттердi қоса алғанда, басым республикалық бюджеттiк инвестициялардың тiзбесiне (бұдан әрi - тiзбе) енгiзiледi. 10. Тиiстi жоспарлы кезеңге арналған республикалық бюджет туралы Қазақстан Республикасының Заңы қабылданғаннан кейiн тiзбе Қазақстан Республикасы Үкiметiнiң республикалық бюджет туралы заңды iске асыру туралы қаулысы шеңберiнде бекiтiледi. 11. Кейiнге қалдыру шартымен бюджеттiк инвестицияларды әзiрлеу және қарау Қазақстан Республикасы Үкiметiнiң 2009 жылғы 17 сәуiрдегi № 545 қаулысымен бекiтiлген Бюджеттiк инвестициялық жобаларды қарау, iрiктеу, iске асыруды мониторингiлеу және бағалау ережесiне, Қазақстан Республикасы Экономикалық даму және сауда министрiнiң 2010 жылғы 22 шiлдедегi № 126 бұйрығымен бекiтiлген Қаржы-экономикалық негiздеменiң мазмұнына, оны әзiрлеу тәртiбi мен мерзiмiне, сондай-ақ заңды тұлғалардың жарғылық капиталына мемлекеттiң қатысуы арқылы iске асыру жоспарланған бюджеттiк инвестицияларды iрiктеу тәртiбiнiң талаптарына және Қазақстан Республикасы Үкiметiнiң 2010 жылғы 10 желтоқсандағы № 1343 қаулысымен бекiтiлген Концессиялық жобаларды ұсыну, қарау және iрiктеу, концессионердi таңдау жөнiндегi конкурсты өткiзу, бюджеттен қоса қаржыландыру шартымен концессиялық жобаларға мониторинг жүргiзу және олардың iске асырылуын бағалау және мемлекет кепiлгерлiктерiн беру немесе лимит көлемiн ұлғайту үшiн концессиялық жобаларды iрiктеу қағидаларына сәйкес iске асырылады. |
