Қазақстан Республикасы Еңбек және халықты әлеуметтiк қорғау министрiнiң 2011 жылғы 27 желтоқсандағы № 459-ө Бұйрығы. Қазақстан Республикасы Әдiлет министрлiгiнде 2011 жылы 28 желтоқсанда № 7358 тiркелдi
2012 жылғы 1 тоқсанға арналған кедейлiк шегiн анықтау туралыҚолданушылардың назарына!
Бұйрықтың қолданысқа енгiзiлу тәртiбiн 5-тармақтан қараңыз.
Қазақстан Республикасы Үкiметiнiң 2000 жылғы 8 сәуiрдегi № 537 қаулысымен бекiтiлген Кедейлiк шегiн анықтау ережесiнiң 4-тармағына сәйкес атаулы әлеуметтiк көмектiң мөлшерiн анықтау үшiн Қазақстан Республикасының күнкөрiсi темен азаматтарына әлеуметтiк көмек көрсету өлшемдерiн белгiлеу мақсатында БҰЙЫРАМЫН:
1. Қазақстан Республикасы бойынша 2012 жылғы 1 тоқсанға арналған кедейлiк шегi Қазақстан Республикасының Статистика агенттiгi өткен тоқсанға есептеген ең төменгi күнкөрiс деңгейiнiң 40 пайызы мөлшерiнде анықталсын.
2. Қазақстан Республикасы Еңбек және халықты әлеуметтiк қорғау министрiнiң «2011 жылдың 4 тоқсанына арналған кедейлiк шегiн анықтау туралы» 2011 жылғы 29 қыркүйектегi № 346-ө бұйрығының (Нормативтiк-құқықтық актiлердi тiркеудiң мемлекеттiк тiзiлiмiнде № 7208 тiркелген және «Егемен Қазақстан» 2011 жылғы 19 қазандағы № 503-504, 2011 жылғы 19 қазандағы «Казахстанская правда» № 333 газеттерiнде жарияланған) күшi жойылған деп танылсын.
3. Әлеуметтiк көмек департаментi (Ш.С.Жақытова) осы бұйрықтың:
1) заңнамада белгiленген тәртiппен Қазақстан Республикасы Әдiлет министрлiгiнде мемлекеттiк тiркелуiн және ресми жариялануын;
2) облыстық, Астана және Алматы қалаларының жұмыспен қамтуды үйлестiру және әлеуметтiк бағдарламалар басқармасына жеткiзудi қамтамасыз етсiн.
4. Осы бұйрықтың орындалуын бақылау Қазақстан Республикасы Еңбек және халықты әлеуметтiк қорғау вице-министрi С.Ә.Ахметовке жүктелсiн.
5. Осы бұйрық алғашқы ресми жарияланған күнiнен бастап күшiне енедi және 2012 жылғы 1 қаңтардан бастап туындаған қатынастарға қолданылады.
Министр Г. Әбдiқалықова