Қазақстан Республикасы Президентінің 2011 жылғы 18 ақпандағы № 1159 Жарлығы
Қазақстан Республикасы прокуратура органдарының рәмізі туралы
Қазақстан Республикасы Президенті
мен Үкіметі актілерінің жинағында
жариялануға тиіс

«Прокуратура туралы» Қазақстан Республикасының 1995 жылғы 21 желтоқсандағы Заңының 9-бабына сәйкес ҚАУЛЫ ЕТЕМІН:
1. Қазакстан Республикасы прокуратура органдарының рәмізі болып Қазақстан Республикасы прокуратура органдарының эмблемасы белгіленсін.
2. Қоса беріліп отырған Қазақстан Республикасы прокуратура органдарының эмблемасының сипаттамасы бекітілсін.
3. Қазақстан Республикасы прокуратура органдарының эмблемасын дайындау Қазақстан Республикасының мемлекеттік рәміздерін дайындайтын кәсіпорындармен, Қазақстан Республикасы Бас прокуратурасына тиісті қаржы жылына арналған республикалық бюджетте көзделген қаражат есебінен және шегінде жүзеге асырылады деп белгіленсін.
4. Осы Жарлық қол қойылған күнінен бастап қолданысқа енгізіледі.

Қазақстан Республикасының
Президенті Н. Назарбаев

Қазақстан Республикасы
Президентінің
2011 жылғы 18 ақпандағы
№ 1159 Жарлығымен
БЕКІТІЛГЕН

Қазақстан Республикасы прокуратура органдары эмблемасының
СИПАТТАМАСЫ

Қазақстан Республикасы прокуратура органдарының эмблемасы ортасына көк түсті дөңгелек қалқан орналастырылған өрнектелген сегіз бұрышты көк түсті жұлдызды білдіреді. Қалқанға көлбеуінен ұштары төмен қаратылып бір-бірімен айқасқан қылыштар орналастырылған. Қалқанның ортасында Қазақстан Республикасының Мемлекеттік Елтаңбасы бейнеленген. Қалқан ұлттық өрнектермен көмкерілген. Қалқанның жиегінде «Қазақстан прокуратурасы» деген алтын түсті жазу жазылған, сөздердің арасында екі жағынан орналыстырылған 3 нүкте бейнеленген.
Қазақстан Республикасының Мемлекеттік Елтаңбасы, қылыштар, ұлттық өрнек элементтері, нүктелер, жұлдыздың ұштары - алтын түсті.
Қазақстан Республикасы прокуратура органдарының эмблемасы бірыңғай түсте бейнеленуі мүмкін.
Қазақстан Республикасы прокуратура органдарының эмблемасының бейнесі қоса беріліп отыр.

Қазақстан Республикасы
Президентінің
2011 жылғы 18 ақпандағы
№ 1159 Жарлығымен
бекітілген

Қазақстан Республикасы
прокуратура органдары
эмблемасының сипаттамасына
ҚОСЫМША

Қазақстан Республикасы прокуратура органдары эмблемасының
бейнесі